«ءۇش ءتۇرلى كۇشكە» باتىل سوققى بەرىپ، شينجياڭنىڭ قوعام ورنىقتىلىعىن قورعايىق
□اۆتونوميالى رايوندىق پارتكومنىڭ بۇرىنعى ورىنباسار شۋجيى قيۇم باۋدۇن
2017.05.27 13:30 كەلۋ قاينارى : شينجياڭ گازەتى
جۇڭگو كوممۋنيستىك پارتياسى بۇكىل ەلىمىزدەگى ءار ۇلت حالقىن ىنتىماقتاستىرىپ، ولارعا جەتەكشىلىك ەتىپ، ۇلى جۇڭحۋا حالىق رەسپۋبليكاسىن قۇردى جانە دامىتتى. جاڭا جۇڭگو قۇرىلعاننان بەرى، پارتيا ورتالىق كوميتەتى شينجياڭدا جاساپ جاتقان ءار ۇلت حالقىنا قالتقىسىز قامقورلىق جاسادى، ۇيعۇر باۋىرلاستاردى قامتىعان شينجياڭداعى ءار ۇلت حالقى ءۇشىن ايانباي تەر توكتى. اسىرەسە، پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە وسكەلەڭ ءمان بەرىپ، شينجياڭ حالقىنا ەرەكشە قامقورلىق جاسادى، ەرەكشە مەيىر باعىشتادى، ورتالىقتىڭ شينجياڭ قىزمەتى جونىندەگى اڭگىمە ءماجىلىسىن ارناۋلى اشىپ، شينجياڭ قىزمەتىن اقىلداستى جانە ورنالاستىردى، قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەتىپ تۇراقتاندىردى، باعىتتامالىلىعى بار ەرەكشە سۇيەمەلدەۋ ساياساتىن بەلگىلەدى، بۇكىل ەلدىڭ كۇشىن جۇمىلدىرىپ، بەرەكەلى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇردى. وتانىمىز گۇلدەنىپ - كوركەيىپ، قۇدىرەتتەنبەسە، شينجياڭداعى ءار ۇلت حالقىنىڭ باقىتتى دا الاڭسىز تۇرمىسى بولمايتىنىن تەرەڭدەي تانۋىمىز؛ جۇڭحۋا ۇلتى سىندى ۇلى وتباسىنىڭ قۇشاعىنان ايرىلساق، باستاۋسىز بۇلاق، تامىرسىز اعاش بولىپ قالاتىنىمىزدى تەرەڭدەي تانۋىمىز؛ بۇگىنگى تاماشا تۇرمىسقا پارتيانىڭ جاقسى ساياساتى، پارتيا ورتالىق كوميتەتىنىڭ قامقورلىعى، بۇكىل ەل حالقىنىڭ قالتقىسىز كومەگىنىڭ ارقاسىندا قول جەتكىزگەنىمىزدى تەرەڭدەي تانۋىمىز؛ ءبىزدىڭ ءاربىر ۇيعۇر باۋىرلاسىمىز ءىس جۇزىندىك ارەكەتىمەن پارتيا ورتالىق كوميتەتىنىڭ، باس شۋجي شي جينپيڭنىڭ ىزگى تىلەگىن اقتاپ، ءىس جۇزىندىك ارەكەتىمىزبەن كورىكتى مەكەنىمىزدى ويداعىداي قورعاۋىمىز، ۇلى وتانىمىزدى بىرگە قۇرۋىمىز، جۇڭحۋا ۇلتىنىڭ ۇلى گۇلدەنۋىندەي جۇڭگو ارمانىن بىرگە ىسكە اسىرۋىمىز كەرەك.
«ءۇش ءتۇرلى كۇش» ءار ۇلت حالقىنىڭ ورتاق جاۋى، ونىڭ وتانىمىزدى بولشەكتەۋ، ۇلتتار ىنتىماعىن جانە وتاننىڭ تۇتاستىعىن ءبۇلدىرۋ سىندى سۇرقيا ماقساتى استە ىسكە اسپايدى، ءسوزسىز، زاڭنىڭ قاتاڭ جازاسىنا تارتىلادى. شينجياڭ لاڭكەستىككە، كەۋلەپ كىرۋگە، بولشەكتەۋشىلىككە قارسى تۇرۋدىڭ الدىڭعى شەبى جانە نەگىزگى شايقاس مايدانى، «ءۇش ءتۇرلى كۇشتىڭ» شينجياڭداعى بولشەكتەۋ، ءبۇلدىرۋ قيمىلدارى ۇزاقتان بەرى جالعاسىپ كەلەدى، ەشقاشان توقتاعان ەمەس. «ءۇش ءتۇرلى كۇش» ءوزارا استاسىپ، لاڭ سالىپ، قوعامعا زيان جەتكىزەتىن ۋلى وسپە. ولار ءدىن تونىن جامىلىپ، ءدىندى جەلەۋ ەتىپ، ءدىني ۇشقارى يدەيانى زور كۇشپەن تاراتىپ، «جيھاد جولىندا شەيىت بولعاندار جانناتقا كىرەدى» دەگەن ساندىراقتى ۋاعىزداپ، جازىقسىز بۇقارانى الجاستىرىپ، زورلاپ، ۇلتتار ارا كىربەڭدىك تۋدىرىپ، ۇلتتىق وشپەندىلىكتى قوزدىرىپ، وتانىمىزدى بولشەكتەۋگە ۇرىندى، مۇنىڭ زيانى ەرەكشە اۋىر، ۇيعۇر كادرلار مەن بۇقارا، ءسوزسىز، ەرەكشە قىراعى بولۋ كەرەك. «ءۇش ءتۇرلى كۇش» قايتا - قايتا پالە تۋدىرىپ، ۇيعۇرلاردى قامتىعان ءار ۇلت جۇرتشىلىعىنا سۇقتاندى، ۇيعۇرلاردى اپاتتىڭ قۇيىنا باتىرماق بولدى، ونىڭ ادامزاتقا، قوعامعا، وركەنيەتكە قارسى قانقۇيلى تابيعاتى مەن جاۋىز كەسپىرى ايپاراداي اشكەرەلەندى. ۇلتتار ىنتىماعى − قۇت، بولشەكتەۋشىلىك، بۇلىنشىلىك − جۇت. شينجياڭداعى ءار ۇلت حالقى اناردىڭ دانىندەي تىعىز ۇيىسىپ، ۇلتتار ىنتىماعىن كوز قاراشىعىنداي ايالاپ، تۋىسقانداي ەتەنە بولىپ، ءبىرى - بىرىنە قول ۇشىن بەرىپ، وتاننىڭ تۇتاستىعىن، ۇلتتار ىنتىماعىن بىرگە قورعاعاندا عانا، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتەتىن مىعىم بىرىككەن كۇشتى ۇيىستىرۋعا بولادى.
ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىمەن يدەيادا، ساياسيدا، ارەكەتتە وسكەلەڭ ءبىر اۋىزدىلىقتى باتىل ساقتاپ، وتان تۇتاستىعى مەن ۇلتتار ىنتىماعىن بۇلجىماي قورعاۋىمىز؛ ورتالىقتىڭ شينجياڭدى جونگە سالۋ جالپى جوباسىن، اۆتونوميالى رايوننىڭ لاڭكەستىككە قارسى تۇرىپ، ورنىقتىلىقتى قورعاۋداعى ورنالاستىرۋلارىن باتىل دايەكتىلەندىرىپ، تياناقتاندىرىپ، بولشەكتەۋشى كۇشتەرمەن باتىل كۇرەس جۇرگىزىپ، پارتيانىڭ شينجياڭداعى ءار ۇلت حالقىنا دەگەن ىستىق ىقىلاستى قامقورلىعىن ماڭگى ۇمىتپاۋىمىز؛ وڭاي - وسپاق قولعا كەلمەگەن تابىستار مەن باقىتتى تۇرمىسىمىزدى ءتىپتى دە قاستەرلەپ، كىم ءبىزدىڭ جان اشىرىمىز، كىم ءبىزدىڭ جاقىنىمىز، كىم ءبىزدىڭ جاۋىمىز ەكەنىن جەتە تانىپ، جاقىندى جىلاتىپ، دۇشپاندى قۋانتاتىن ىستەردى استە ىستەمەۋىمىز؛ «ءۇش ءتۇرلى كۇش» سىندى ۋلى وسپەنى تۇبىرىنەن الاستامايىنشا، قالىڭ بۇقارانىڭ باقىتتى دا تىنىش ومىرىنە كەپىلدىك ەتۋگە بولمايتىنىن تانىپ جەتۋىمىز كەرەك.
پارتيانىڭ ۇزاق ۋاقىت باۋلۋى مەن تاربيەسىندە ەسەيگەن از ۇلت باسشى كادرى رەتىندە، مەن مىناعان كامىل سەنەمىن: جۇڭگو كوممۋنيستىك پارتياسى مەن ۇلى وتانىمىز بولماسا، ۇيعۇر ۇلتىنىڭ بۇگىنگىدەي دامۋى مەن گۇلدەنۋى، سونداي - اق باقىتتى تۇرمىسى دا بولماس ەدى، مەنىڭ بۇگىنگىدەي ەسەيىپ، العا باسۋىم تىپتەن مۇمكىن ەمەس ەدى. مەيلى قاي كەز، قاي جەردە بولسىن، مەنىڭ قاشاندا پارتياعا دەگەن وزگەشە تەرەڭ سۇيىسپەنشىلىگىم، وتان ءۇمىتىن اقتاۋ سىندى ىزگى ارمانىم، شينجياڭداعى ءار ۇلت حالقىنا دەگەن شەكسىز سۇيىسپەنشىلىگىم بار. «ءۇش ءتۇرلى كۇشپەن» كۇرەس بارىسىندا، ۇيعۇر پارتيالى كادرلار، ءسوز جوق، پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، پارتيا مەن حالىقتىڭ ىزگى تىلەگىن اقتاپ، تاريحي بورىشىمىزدى قاشاندا كوكەيدە بەرىك ساقتاپ، تۋىمىز ايقىن، تۇرعىمىز بەرىك تۇردە بولشەكتەۋشىلىككە قارسى كۇرەستىڭ الدىڭعى شەبىندە ءجۇرىپ، «ءۇش تۇرلى كۇشپەن» «ەكىبەتكەيلەرمەن» جانە «مونتانىلارمەن» باتىل كۇرەس جاساپ، لاڭكەستىككە قارسى تۇرىپ، ورنىقتىلىقتى قورعاۋدىڭ، ۇلتتار ىنتىماعىن كۇشەيتىپ، وتان تۇتاستىعىن قورعاۋدىڭ ويداعىداي ۇلگىلى اتقارۋشىلارى جانە جەتەكشىلەرى بولۋىمىز كەرەك.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
