قوعام ورنىقتىلىعى مەن باياندى تىنىشتىقتى سانالىلىقپەن قورعايىق
اۆتونوميالى رايوندىق حالىق قۇرىلتايى تۇراقتى كوميتەتىنىڭ بۇرىنعى ورىنباسار مەڭگەرۋشىسى تورەبايىر
2017.05.27 13:37 كەلۋ قاينارى : شينجياڭ گازەتى
شەكارا ءىشى - سىرتىنداعى «ءۇش ءتۇرلى كۇش» شينجياڭدى وتان قۇشاعىنان ءبولىپ اكەتۋ سىندى ارام ماقساتتارىنا جەتۋ ءۇشىن، ۇلت تونىن جامىلىپ، ءدىندى جەلەۋ ەتىپ، ۇلتتىق وشپەندىلىك تۋدىرۋعا ۇرىندى. جاقىنعى جىلداردان بەرى، زورلىقتى كۇش، لاڭكەستىك دەلولار ءجيى تۋىلىپ، شينجياڭنىڭ قوعام ورنىقتىلىعى مەن باياندى تىنىشتىعىنا، حالىقتىڭ تىنىش تىرشىلىگىنە اۋىر ىقپال جەتكىزدى. قوعام ورنىقتىلىعىن قورعاۋ ءاربىر ۇلتتىڭ، ءاربىر ازاماتتىڭ وتەۋگە ءتيىستى جاۋاپكەرشىلىگى جانە مىندەتى، سونداي - اق ءبىز سياقتى زەينەتكە شىققان قارت پارتيا مۇشەلەرىنىڭ دە جاۋاپكەرشىلىگى. وسىنداي قىسىلتاياڭ مەزگىلدە، بارلىعىمىز جۇدىرىقتاي جۇمىلىپ، تىزە قوسا وتىرىپ، ءدىني ۇشقارى يدەيالاردىڭ كەۋلەپ كىرۋىنە باتىل قارسى تۇرىپ، ولاردىڭ تاراتقان ساندىراقتارىنا باتىل تويتارىس بەرىپ، ونىڭ كەرتارتپا ءمانىن پاش ەتىپ، ۇلتتىق بولشەكتەۋشىلەرگە، زورلىقتى كۇش لاڭكەستەرگە، ءدىني ۇشقارى ەلەمەنتتەرگە بارلىق ادام نالەت جاۋدىراتىن، بارلىق ادام ۇر - ۇردىڭ استىنان الاتىن ورتا قالىپتاستىرۋىمىز؛ بارلىعىمىز جۇرەكتىلىكپەن كەۋدە كەرە العا شىعىپ، باتىل ءۇن قاتىپ، ايقىن پوزيتسيا ءبىلدىرىپ، باس نىسانانى مىقتاپ ارقاۋ ەتىپ، مىندەتىمىزدى ادا ەتۋىمىز كەرەك.
مەن ءبىر موڭعۇل مالشى وتباسىندا دۇنيەگە كەلدىم، اتا - بابالارىمىز دا كورىكتى شينجياڭدا ءومىر سۇرگەن ءارى مەكەندەرىن قىزۋ ءسۇيىپ وتكەن. مەن پارتيانىڭ ۇزاق ۋاقىت باۋلۋى مەن تاربيەلەۋىندە جەتىلگەن از ۇلت كادرىمىن، ەسەيىپ - ەرجەتۋ جولىمدا، جۇڭگو كوممۋنيستىك پارتياسى مەن ۇلى وتانىمىز بولماسا، شينجياڭنىڭ وسىنشاما زور وزگەرىستەرى، شينجياڭداعى ءار ۇلت حالقىنىڭ تىنىش تىرشىلىگى مەن باقىتتى تۇرمىسى دا بولمايتىنىن تەرەڭ سەزىندىم. شينجياڭنىڭ قوعام ورنىقتىلىعى مەن باياندى تىنىشتىعىن قورعاۋ، كوركەم مەكەنىمىزدى گۇلدەندىرۋ بىزبەن تىعىز بايلانىستى. اسىرەسە، زەينەتكەر قارت پارتيا مۇشەسى سالاۋاتىممەن، مەملەكەتتىڭ دامۋىنا، رايونىمىزدىڭ وزگەرىسىنە، ءتىپتى، سانالى تۇردە نازار اۋدارىپ، قاشاندا پارتيالىلىقتى دارىپتەپ، سەنىم ورناتۋعا تاباندى بولىپ، تۋىم ايقىن، تۇرعىم بەرىك، ءىشى - سىرتىم بىردەي بولىپ، «ءۇش ءتۇرلى كۇشپەن» باتىل كۇرەس جۇرگىزەمىن.
پارتياعا، وتانعا العىس ايتۋىمىز كەرەك. پارتيا 18 - قۇرىلتايىنان بەرى، اسىرەسە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىنەن بەرى، پارتيا ورتالىق كوميتەتى جاعدايمەن ساناسىپ، «شينجياڭدى زاڭمەن جونگە سالۋ، ىنتىماقتاسا ورنىقتىرۋ، باياندى كوركەيتۋ» سىندى شينجياڭدى جونگە سالۋ جالپى جوباسىن ورتاعا قويىپ، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي تۇراقتاندىردى. ورنىقتىلىقتى قورعاۋدىڭ، حالىق تۇرمىسىن جاقسارتۋدىڭ سەرپىنى، ءار ۇلت حالقىنىڭ يگىلىكتەنگەن شىنايى تيىمدىلىكتەرىنىڭ كوپتىگى بۇرىن - سوڭدى بولىپ كورمەگەن. اسىرەسە، جاقىنعى جىلداردان بەرى پارتيا ورتالىق كوميتەتىنىڭ شينجياڭ قۇرىلىسىن تارتىپپەن ىلگەرىلەتۋ بارىسىنداعى كولەمىنىڭ كەڭدىگى، قوسقان قارجىسىنىڭ كوپتىگى بۇرىن - سوڭدى بولىپ كورمەگەن. ءبىز وڭاي - وسپاق قولعا كەلمەگەن تاماشا جاعدايدى ونان ارى قاستەرلەپ، پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، «4 تانىمدى» مىقتاپ ورناتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن قاشاندا وسكەلەڭ ءبىر اۋىزدىلىقتى ساقتاپ، ءار ۇلت بۇقاراسىن «5 ورتاق تانىمدى» كۇشەيتۋگە جەتەلەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قۇلشىنۋىمىز كەرەك.
پارتياعا ادال بولىپ، باستان - اياق ساياسيدا تاباندى بولىپ، ۇلكەن دۇرىس پەن ۇلكەن بۇرىستى پارىقتاۋدا توتەنشە سەرگەك، ۇلتتار ىنتىماعىن قورعاۋ قيمىلىندا توتەنشە باتىل، ءار ۇلت جۇرتشىلىعىن قىزۋ سۇيۋدە سەزىمى توتەنشە شىنايى بولۋ سىندى قاتاڭ تالاپ بويىنشا، مۇرات - سەنىمدە، ساياسي تۇرعىدا بەرىك بولىپ، ساياسي تارتىپكە جانە ساياسي ەرەجەگە قاتاڭ بويسۇنىپ، ءارقانداي كەزدە، ءارقانداي جاعدايدا، باستان - اياق تۋى ايقىن، پوزيتسياسى قاتاڭ، تۇرعىسى بەرىك بولىپ، باستان - اياق پارتياعا، ۇيىمعا ادال بولىپ، پارتيانىڭ جۇمىسى ءۇشىن، كوممۋنيزم مۇراتىن ىسكە اسىرۋ ءۇشىن كۇشىمىزدى سارقا جۇمساپ، «ءۇش ءتۇرلى كۇشپەن» باتىل كۇرەسۋىمىز، «ەكىبەتكەي» ادامدارمەن شەكارامىزدى باتىل ايقىنداپ، سانالى تۇردە ساياسيدا اڭعارلى ادام بولۋىمىز كەرەك.
دۇرىس پەن بۇرىستى اجىراتىپ، باتىل ءۇن قاتۋىمىز كەرەك. مەنىڭ دەمالىسقا شىققانىما كوپ جىل بولدى، الايدا سانالى تۇردە پارتيا ورتالىق كوميتەتىنىڭ باعىت - ساياساتتارىن ۇيرەنىپ، ۇعىنىپ وتىرۋ كۇندەلىكتى ادەتىمە اينالدى. دەمالىسقا شىققاننان كەيىن دە، مەن ۇنەمى اينالامداعى ادامدارعا پارتيا مەن مەملەكەتتىڭ ۇلت، ءدىن ساياساتتارىن، رەفورما جاساپ، ەسىك اشقاننان بەرى قاراي اۋىل - قىستاقتاردا بولعان زور وزگەرىستەردى، شينجياڭعا باعىتتامالى كومەكتەسەتىن ولكە، قالالاردىڭ قالتقىسىز كومەكتەرىن جانە حالىققا تيىمدىلىك جاساۋ ساياساتتارىن ۇگىتتەپ، ءار ۇلت بۇقاراسىن پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە جەتەلەپ، ءدىني ۇشقارى يدەيانىڭ كەۋلەپ كىرۋىنەن باتىل ساقتانىپ، مەملەكەتتىڭ مۇددەسىن، پارتيانىڭ مۇددەسىن، جۇڭحۋا ۇلتىنىڭ ورتاق مۇددەسىن تاباندىلىقپەن قورعاپ، باتىل ءۇن قاتىپ، ايقىن پوزيتسيا ءبىلدىرىپ، ىنتىماقتى دا ءادىل تاماشا ورتا قالىپتاستىرۋعا كۇش سالىپ كەلەمىن.
باستاماشىلدىقپەن ۇلگى كورسەتىپ، ۇلتتار ىنتىماعىن قورعاۋىمىز كەرەك. ۇلتتار ىنتىماعى − شينجياڭنىڭ ورنىقتى دامۋىنىڭ العى شارتى، ءار ۇلت حالقىنىڭ كوكەي تەستى ارمانى. ءبىز «ءۇشتىڭ ءبىر - بىرىنەن ايرىلا الماۋ»، «5 ورتاق تانىم» يدەياسىن بەرىك ورناتىپ، ۇلتتار ىنتىماعىن كوزىمىزدىڭ قاراشىعىنداي قورعاپ، ۇلتتار ىنتىماعىن ءومىرىمىزدى ايالاعانداي ايالاۋىمىز كەرەك؛ مەن وزىمنەن باستاپ ىسكە كىرىسىپ، اينالامداعى ادامداردى ۇلتتار ىنتىماعى قىزمەتىن ۇنەمى ويلاۋعا، ۇلتتار ىنتىماعىنا قاتىستى اڭگىمەلەردى ۇنەمى ايتۋعا، ۇلتتار ىنتىماعىنا قاتىستى ىستەردى ۇنەمى ىستەۋگە باستاماشى بولامىن. اينالامداعى جاقسى ادامدار، جاقسى ىستەر ارقىلى كوپشىلىككە تاربيەشى، جەتەكشى بولىپ، ولاردى ۇلتتار ىنتىماعىن ورتاق قورعاۋعا باۋرايمىن. بارىس - كەلىس بارىسىندا سۇيىسپەنشىلىكتى ارتتىرىپ، ۇلتتار ىنتىماعىن كۇشەيتىپ، ۇلتتار ىنتىماعىن العا باستىرۋدىڭ باستاماشىسى بولۋعا قۇلشىنامىن.
ىنتىماق، ورنىقتىلىق − قۇت، بولشەكتەۋشىلىك، بىلىقپالىق − جۇت. ءارقانداي بولشەكتەۋ، ءبۇلدىرۋ، زورلىقتى كۇش، لاڭكەستىك ارەكەتى شينجياڭداعى ءار ۇلت بۇقاراسىنىڭ باقىتتى تۇرمىس جاراتىپ، كورىكتى مەكەن قۇرۋداعى باتىل سەنىمى مەن جىگەرىن مۇقالتا المايتىنىنا كامىل سەنەمىن؛ ولار شينجياڭنىڭ رەفورما جاساپ، ەسىك اشۋ، دامۋ اياق الىسىنا كەدەرگى بولا المايدى. ءبىز تەك بەلسەنە ىسكە كىرىسىپ، جاۋاپكەرشىلىكتى باتىل ارقالاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، ورتالىقتىڭ شينجياڭدى جونگە سالۋ جالپى جوباسىن جانە اۆتونوميالى رايوندىق پارتكومنىڭ ورنالاستىرۋلارى مەن تالاپتارىن باتىل دايەكتى تياناقتاندىرساق، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن، ءسوزسىز، جۇزەگە اسىرا الامىز.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
