اۆتونوميالى رايوندىق ساياسي كەڭەس ورگانى ۇلتتار ىنتىماعى بىرلەسكەن دوستىق قيمىلىن وتكىزدى
ەرەكشە تاعامداردىڭ ءدامى ءتىل ءۇيىرىپ، ىنتىماق - سۇيىسپەنشىلىكتىڭ لەبى ەستى
2017.05.27 13:41 كەلۋ قاينارى : شينجياڭ گازەتى
ءتىلشىمىز لي ياڭ 26 - مامىردا ۇرىمجىدەن حابارلايدى. جۇڭحۋا ۇلتىنىڭ ءداستۇرلى قياق كۇرىش مەرەكەسى قارساڭىندا، 26 - مامىر تۇستەن كەيىن اۆتونوميالى رايوندىق ساياسي كەڭەس ورگانى «شينجياڭ ءدامى. اسپازدىق ونەر» اتىنداعى ۇلتتار ىنتىماعى بىرلەسكەن دوستىق قيمىلىن وتكىزدى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى جانە ءىشىنارا ءار ۇلت، ءار سالا ساياسي كەڭەس مۇشەلەرى، «ۇلتتار ىنتىماعىنىڭ بەرەكەلى شاڭىراعى» بويىنشا جۇپ قۇراپ، تۋىس بولعان وتباسىلارىنىڭ پەرزەنتتەرى، الەۋمەتتىك اۋماق تۇرعىندارىنىڭ ۋاكىلدەرى، ساياسي كەڭەس ورگانىندا تۇراتىن قارۋلى ساقشى ورتا اترەتىندەگى كوماندير - جاۋىنگەرلەر، سونداي - اق ساياسي كەڭەس ورگانىنداعى ءار ۇلت كادرلارى، جۇمىسشى - قىزمەتكەرلەر ءبىر اراعا شاتتىقپەن باس قوسىپ، ءدامى ءتىل ۇيىرەتىن تاعامداردى جەي وتىرىپ، قۋانا اڭگىمەلەسىپ، قياق كۇرىش مەرەكەسىن بىرگە تويلادى.
قيمىل الدىندا، نۇرلان ءابىلماجىن ۇلى اسحاناعا بارىپ، اسپازدىق ونەر كورسەتۋگە دايىندالىپ جاتقان ءار ۇلت كادرلارىمەن، جۇمىسشى - قىزمەتكەرلەرىمەن جانە قارۋلى ساقشى كوماندير - جاۋىنگەرلەرىمەن پىكىر اۋىستىرىپ، ءتۇشپارا، تورە تاباق تاۋىق ەتى، قۋىرداق، پالاۋ، ۋانزىتاڭ، جياۋماجي، سىبە قارماسى سياقتى ەرەكشە تاعامداردىڭ جاسالۋ ءادىسىن ۇعىستى ءارى كوپشىلىكپەن بىرگە ءتۇشپارا ءتۇيدى. ول بىلاي دەدى: ساياسي كەڭەس ورگانى كوپ ۇلتتىڭ ىنتىماقتى، تاتۋ - ءتاتتى ۇلكەن شاڭىراعى. ۇزاق ۋاقىتتان بەرى، كوپشىلىك قىزمەت بارىسىندا ءبىر - بىرىنەن ۇيرەنىپ، ءبىر - ءبىرىن قولداپ، تۇرمىس بارىسىندا ءبىر - ءبىرىن قۇرمەتتەپ، ءبىر - بىرىنە كومەكتەسىپ، ىنتىماقتى، ءتارتىپتى بولعان جاراسىمدى ورگاندى بىرگە قۇرىپ، ۇزاق ۋاقىتتىق ارالاسۋ، ىشتەسۋ، توعىسۋ بارىسىندا ۇلتتار ۇلى ىنتىماعىنىڭ شاڭىراعى بولۋداي رايدى قالىپتاستىردى. كوپشىلىكتىڭ دەن قويا جاساعان تاعامدارى ورگان كادرلارىنىڭ، جۇمىسشى - قىزمەتكەرلەرىنىڭ اسپازدىق ونەرى دەڭگەيىن جانە ۇمىتكەرلىكپەن العا ۇمتىلۋداي تۇرمىس پوزيتسياسىن تولىق ايگىلەدى. كوپشىلىك وزدەرىنىڭ ءىس جۇزىندىك ارەكەتتەرى ارقىلى ورگاننىڭ «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىنىڭ فورماسى مەن مازمۇنىن بايىتىپ جانە وندا جاڭالىق اشىپ، ورگانداعى ءار ۇلت كادرلارىنىڭ، جۇمىسشى - قىزمەتكەرلەرىنىڭ ىنتىماقتى، سيلاسىمدى، تاتۋ - ءتاتتى، جاراسىمدى بولۋىن جەبەۋدە رول اتقاردى جانە وعان كورىك قوستى.
نۇرلان ءابىلماجىن ۇلى مىنالاردى باسا دارىپتەدى: ساياسي كەڭەس ورگانىنداعى ءار ۇلت كادرلارى، جۇمىسشى - قىزمەتكەرلەرى «4 تانىمدى» بەرىك ورناتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنە قاراپ ساپ تۇزەپ، ۇلتتار ىنتىماعىن قورعاۋدىڭ، بولشەكتەۋشىلىككە قارسى تۇرۋ كۇرەسىنىڭ، جۇرت تىلەگىن ۇيىستىرىپ، كۇش - قۋاتىن توپتاۋدىڭ ءبىرىنشى شەبىندە مىزعىماي تابان تىرەپ، ۇلتتار ىنتىماعىن كوز قاراشىعىنداي قورعاپ، ءومىرىن ايالاعانداي ايالاپ، اناردىڭ دانىندەي تىعىز بىتە قايناسىپ، ۇلتتار ىنتىماعىنىڭ ادال قورعاۋشىسى، ۇلگىلى امالياتتا ايگىلەۋشىسى، بەلسەندى جەبەۋشىسى بولۋعا ۇمتىلىپ، ساياسي كەڭەس ورگانىنداعى كادرلاردىڭ، جۇمىسشى - قىزمەتكەرلەردىڭ وتاننىڭ تۇتاستىعىن، ۇلتتار ىنتىماعىن، قوعام ورنىقتىلىعىن قورعاۋداعى بەرىك نەگىزىن ورتاق قالاۋى كەرەك.
اۆتونوميالى رايوننىڭ «ۇلتتار ىنتىماعىنىڭ بەرەكەلى شاڭىراعى» كەڭسەسىنىڭ قاتىستى جاۋاپتىلارى ۇسىنىسپەن قيمىلعا قاتىناستى ءارى ساياسي كەڭەس ورگانىنىڭ ۇلتتار ىنتىماعىنىڭ بىرلەسكەن دوستىق قيمىلى فورماسىندا بەلسەنە جاڭالىق اشقاندىعىن تولىق تۇراقتاندىردى. قيمىل كەزىندە، تاعى اۆتونوميالى رايوندىق ساياسي كەڭەس ورگانىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىندەگىلەر مارالباسى اۋدانى داۋلەتباق اۋىلىندا «شينجياڭ ءدامى، اسپازدىق ونەر» اتىنداعى ۇلتتار ىنتىماعىنىڭ بىرلەسكەن دوستىق قيمىلىنىڭ كەسكىنىن ورگانمەن تەڭ قادامدا تاراتتى.
اۆتونوميالى رايوندىق ساياسي كەڭەستىڭ ورىنباسار ءتوراعالارى باي جىجيە، ليۋ يانلياڭ، ليۋ جىيۇڭ، چىڭ جىنشان، باداي ۇلتتار ىنتىماعى بىرلەسكەن دوستىق قيىمىلىنا قاتىناستى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
