اۆتونوميالى رايون، بيڭتۋان جۇڭگو بىرلەسپە حابارلاسۋ سەرىكتەستىگىمەن «ينتەرنەت+» ستراتەگيالىق سەلبەستىك كەلىسىمىنە قول قويدى
2017.05.27 14:23 كەلۋ قاينارى : شينجياڭ گازەتى
نازاردى شينجياڭ قىزمەتى باس نىساناسىنا اۋدارىپ، ينفورماتسيالانعان دامۋ دەڭگەيىن بارىنشا كوتەرەمىز
سۇن جينلۇڭ ۋاڭ شياۋچۋمەن جانە ونىڭ سەرىكتەرىمەن اڭگىمە ءماجىلىسىن وتكىزدىءارى كەلىسىمگە قول قويىلۋعا كۋا بولدى
25 - مامىر كۇنى اۆتونوميالى رايون، بيڭتۋان جەكە - جەكە جۇڭگو بىرلەسپە ينتەرنەت حابارلاسۋ توبى سەرىكتەستىگىمەن (قىسقاشا «جۇڭگو بىرلەسپە حابارلاسۋ سەرىكتەستىگى» دەپ اتالادى) ۇرىمجىدە «ينتەرنەت +» ستراتەگيالىق سەلبەستىك كەلىسىمىنە قول قويدى.
اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگونىڭ جانە اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىردىڭ تاپسىرۋىمەن، اۆتونوميالى رايوندىق پارتكومنىڭ ورىنباسار شۋجيى، بيڭتۋان پارتكومىنىڭ شۋجيى، بيڭتۋاننىڭ ساياسي كوميسسارى سۇن جينلۇڭ جۇڭگو بىرلەسپە حابارلاسۋ سەرىكتەستىگى پارتيا باسشىلىق گرۋپپاسىنىڭ شۋجيى، باسالقاسى ۋاڭ شياۋچۋمەن جانە ونىڭ سەرىكتەرىمەن اڭگىمە ءماجىلىسىن وتكىزدى ءارى كەلىسىمگە قول قويىلۋعا كۋا بولدى.
سۇن جينلۇڭ اۆتونوميالى رايوندىق پارتكوم مەن بيڭتۋان پارتكومى اتىنان جۇڭگو بىرلەسپە حابارلاسۋ سەرىكتەستىگىنىڭ اۆتونوميالى رايون مەن بيڭتۋانعا ۇزاق ۋاقىتتان بەرى ءمان بەرىپ، قولداۋ كورسەتىپ جانە كوڭىل ءبولىپ كەلگەندىگىنە شىن جۇرەكتەن العىس ايتتى. ول بىلاي دەدى: جۇڭگو بىرلەسپە حابارلاسۋ سەرىكتەستىگى مەملەكەتتىڭ نەگىزدىك تەلەگراف جۇمىسىن جۇرگىزۋشى كاسىپورىن رەتىندە، شينجياڭنىڭ، بيڭتۋاننىڭ حابارلاسۋ ىستەرىن دامىتۋى مەن ينفورماتسيالاندىرۋ قۇرىلىسىنا ماڭىزدى ۇلەس قوستى. جۇڭگو بىرلەسپە حابارلاسۋ سەرىكتەستىگىنىڭ وسى رەتكى كەلىسىمگە قول قويۋ ورايىندا اۆتونوميالى رايونمەن، بيڭتۋانمەن جان - جاقتى سەلبەستىكتى اناعۇرلىم كۇشەيتىپ، ەكى جاقتىڭ باسىمدىقتارى ارقىلى ءبىرىن - ءبىرى تولىقتاۋىن، بىرگە دامۋىن جەبەۋىن ءۇمىت ەتەمىن. اۆتونوميالى رايون مەن بيڭتۋان الداعى جەردە دامۋ ورتاسىن ۇزدىكسىز جاقسارتىپ، جۇڭگو بىرلەسپە حابارلاسۋ سەرىكتەستىگىمەن سەلبەسە دامۋ، ءبىر - بىرىنە پايدا جەتكىزىپ، تەڭ يگىلىككە كەنەلۋ جاڭا جاعدايىن تىزە قوسا اشىپ، شينجياڭ قىزمەتىنىڭ باس نىساناسىن جۇزەگە اسىرۋ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العاباسقان، الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋ ءۇشىن ورتاق قۇلشىنادى.
ۋاڭ شياۋچۋ بىلاي دەدى: جۇڭگو بىرلەسپە حابارلاسۋ سەرىكتەستىگى «نازاردى شوعىرلاندىرۋ، سەلبەسۋ، جاڭالىق اشۋ» سىندى دامۋ ستراتەگياسى بويىنشا، شينجياڭنىڭ جىبەك جولى ەكونوميكالىق بەلدەۋى وزەكتى رايونى قۇرىلىسى ورايىن مىقتى يگەرىپ، شينجياڭنىڭ، بيڭتۋاننىڭ ءىس جۇزىندىگىمەن ۇشتاستىرىپ، نەگىزدىك قۇرىلعى قۇرىلىسى، كاسىپ سالالارىن ينفورماتسيالاندىرۋ سياقتى جاقتاردا شينجياڭمەن، بيڭتۋانمەن جان - جاقتى سەلبەستىك ورىستەتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىنا اناعۇرلىم جاقسى قىزمەت كورسەتەدى.
كەلىسىمگە ساي، اۆتونوميالى رايوندىق حالىق ۇكىمەتى، بيڭتۋان وڭىرلىك جانە ساياساتتىق باسىمدىقتان پايدالانىپ، ەلەكتروندى ۇكىمەت جۇمىسى، تىنىش قالا، زەردەلى ساياحات، قورشاعان ورتا، ەمدەۋ، وقۋ - اعارتۋ سياقتى «ينتەرنەت +» سالاسىندا جۇڭگو بىرلەسپە حابارلاسۋ سەرىكتەستىگىمەن جان - جاقتى، ىشكەرىلەي سەلبەستىك ورىستەتەدى. جۇڭگو بىرلەسپە حابارلاسۋ سەرىكتەستىگى شينجياڭدى الدىمەن قولدايتىن جانە ءتۇيىندى سەلبەسەتىن ولكە رەتىندە «13 - بەسجىلدىق» جوبا كەزىندە شينجياڭ مەن بيڭتۋانعا جەكە - جەكە 22 ميلليارد يۋان جانە 8 ميلليارد يۋان قارجى قوسىپ، حابارلاسۋ، ينتەرنەت سياقتى نەگىزدىك قۇرىلعى قۇرىلىستارىنا دەم بەرەدى.
اۆتونوميالى رايوننىڭ ورىنباسار ءتوراعاسى ءمۇتالىپ قاسىم كەلىسىمگە قول قويۋ سالتىنا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
