بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

«بەس ورتاق تانىمدى» كۇشەيتىپ، ۇلتتار ىنتىماعىن جەبەيىك(1)

2017.05.27 14:24     كەلۋ قاينارى : شينجياڭ گازەتى

چىن چۋانگونىڭ وبۇلقاسىم ماتتۇرسىنمەن كەزدەسۋى رايونىمىزدىڭ جوعارى مەكتەپتەرىندەگى وقىتۋشى - وقۋشىلار اراسىندا قىزۋ اڭىس قوزعادى

تاياۋدان بەرى رايونىمىزدىڭ جوعارى مەكتەپتەرىندەگى وقىتۋشى - وقۋشىلار چىن چۋانگو جولداستىڭ وبۇلقاسىم ماتتۇرسىنمەن كەزدەسكەندە سويلەگەن ماڭىزدى ءسوزىنىڭ رۋحىن جابال بەلسەندى ۇيرەندى. كوپشىلىك ءبىر اۋىزدان وبۇلقاسىم ءماتتۇرسىندى ونەگە تۇتىپ، باستان - اياق ۇلتتار ىنتىماعىنىڭ جەبەۋشىسى، قورعاۋشىسى، جاقتاۋشىسى بولىپ، «ءۇش ءتۇرلى كۇشتىڭ» مەكتەپ اۋلاسىنا ءسىڭىپ كىرۋىنە باتىل قارسى تۇراتىندىقتارىن ءبىلدىردى.

شينجياڭ قازىنا ۋنيۆەرسيتەتى 24 - مامىردا «ءۇش ءتۇرلى كۇشكە» باتىل ءۇن قاتىپ، ايقىن پوزيتسيا ءبىلدىرۋ جونىندە قايتالاي اتتانىسقا كەلتىرۋ جينالىسىن اشتى. 6 وقىتۋشى - وقۋشى ۋاكىلى جەكە - جەكە وزدەرىنىڭ ءىس جۇزىندىك جاعدايىمەن ۇشتاستىرا وتىرىپ، «ۇيعۇر باۋىرلاستارعا جولداعان ويانۋ حاتىن» ۇيرەنۋدەن العان اسەرلەرىن اقتارىلا اڭگىمەلەدى. وسى مەكتەپتىڭ فينانس ينستيتۋتى پارتيا ياچەيكاسىنىڭ شۋجيى ءجۇرات ءسايىت كەلپىن اۋدانىنداعى وقۋ - اعارتۋمەن شۇعىلدانعان وتباسىندا دۇنيەگە كەلگەن، اتا - اناسى حالىق وقىتۋشىسى ءارى پارتيا مۇشەسى، اتا - اناسىنىڭ «كوممۋنيستىك پارتيانى قىزۋ ءسۇي، وتاندى قىزۋ ءسۇي، قوعامعا جارامدى ادام بول» دەگەن سوزدەرى الدەقاشان ونىڭ كوكەيىنە ورناپ بولعان. «ۋنيۆەرسيتەت وقىتۋشىسى بولعان مەن ءوز قىزمەتىمدى جاقسى ىستەپ، وزىق يدەيا مەن ۇزدىك مادەنيەتتىڭ تاراتۋشىسى، وقۋشىلاردىڭ اقاۋسىز ەرجەتۋىنە ءجون سىلتەيتىن جەتەكشى، يدەولوگيا سالاسىنىڭ نەگىزگى شەبىندە تاباندىلىقپەن كۇرەس جاسايتىن جاۋىنگەر، ۇلتتار ىنتىماعىن قورعاۋدىڭ، قوعامنىڭ ورنىقتىلىعىن قورعاۋدىڭ، <ءۇش ءتۇرلى كۇشكە> قارسى تۇرۋدىڭ امالياتتا ايگىلەۋشىسى بولۋعا تىرىسامىن»، - دەدى ول.

حوتان پەداگوگيكالىق تەحنيكۋم مەكتەبى ساياسات - تاريح ينستيتۋتىنىڭ 2013 - جىلدىق 4 - كلاسىندا وقيتىن تۇرسىنگۇل تۇرعۇن بىلاي دەدى: پارتياعا مۇشە بولۋعا ءوتىنىش بەرگەن بەلسەندى رەتىندە، مەن پارتيانىڭ مەيىرىن ەسىمدە بەرىك ساقتاپ، وي - سانامدى سەرگەك ۇستاپ، باتىل ءۇن قاتىپ، ايقىن پوزيتسيا ءبىلدىرىپ، «مونتانىلارمەن» باتىلدىقپەن كۇرەسەمىن، سونىمەن بىرگە ونەگەلىك، باستاماشىلدىق رولىمدى ساۋلەلەندىرىپ، ماڭايىمداعىلاردى قوعام ورنىقتىلىعىن قورعاۋ جانە باياندى تىنىشتىقتى ىسكە اسىرۋ ءۇشىن ۇلەس قوسۋعا باستايمىن.

وبۇلقاسىم ءماتتۇرسىن 1997 - جىلى ءۇرىمجى كاسىپتىك ۋنيۆەرسيتەتىنەن وقۋ تاۋىسقان. ونىڭ «ءۇش ءتۇرلى كۇشكە» باتىل ءۇن قاتىپ، ايقىن پوزيتسيا بىلدىرگەن يگى ءىسى مەكتەپتە اۋىزدان - اۋىزعا تارالدى. ءۇرىمجى كاسىپتىك ۋنيۆەرسيتەتىنىڭ وقۋشىسى شاميدىن ابليميت: اعامىزدىڭ ىزگى ىستەرىنەن زور شابىت الدىق، ءبىز ودان ۇيرەنىپ، «ءۇش ءتۇرلى كۇشتىڭ» ءسىڭىپ كىرۋىنە باتىل قارسى تۇرىپ، تاڭداۋلى، قوعامعا ۇلەس قوساتىن جارامدى ادام بولۋعا قۇلشىنامىز، - دەدى.

ىلە پەداگوگيكا ينستيتۋتى فيلولوگيا ينستيتۋتىنىڭ وقىتۋشىسى لياڭ شينرۇڭ وبۇلقاسىم ءماتتۇرسىندى ونەگە تۇتىپ، اۋەلى، ماقساتتى ۇمىتپاي، وزىنە قاتاڭ تالاپ قويىپ، ساباقحانانى مىقتى ۇستاپ، وقۋشىلاردى قوعام ورنىقتىلىعى مەن ۇلتتار ىنتىماعىن قورعاۋدىڭ امالياتتا ايگىلەۋشىسى بولۋعا تاربيەلەيتىندىگىن ءبىلدىردى.

«قىراعىلىقتى ارتتىرىپ، دۇرىس پەن بۇرىستى پارىقتاپ، ۇلتتار ىنتىماعىنا ءتيىمسىز سوزدەردى سويلەمەيمىز، ۇلتتار ىنتىماعىنا زيان جەتكىزەتىن ىستەن اۋلاق بولامىز، ءار ۇلت ساباقتاستارىن ىنتىماقتاستىرىپ، مەكتەبىمىزدى ءار ۇلت بەرەكە - بىرلىكتى، ءوزارا كومەكتەسەتىن ۇلكەن شاڭىراق ەتىپ قۇرىپ شىعامىز!»، - دەدى شىحىزى ۋنيۆەرسيتەتىنىڭ وقۋشىسى شۋە شۋيىن.

ىلە تەحنيكتەر تاربيەلەۋ مەكتەبىنىڭ وقىتۋشىسى نيجات ەركىن بيىل اۆتونوميالى رايوننىڭ كاسىپتىك مەكتەپتەردىڭ ونەر باسەكەسىنە قاتىناسىپ، دانەكەرلەۋ تۇرىندەگى جارىستا وقىتۋشىلار گرۋپپاسى بويىنشا 1 - دارەجەلى سيلىققا يە بولدى. ول بىلاي دەدى: بۇدان بىلايعى قىزمەت بارىسىندا ۇزدىكسىز جاقسى جەتەكشى بولىپ، ونەگەلىك رولىمدى ساۋلەلەندىرىپ، وقۋشىلاردى جاقسى تاربيەلەپ، دۇرىس جولعا باستاپ، ولاردى جۇڭگوشا سوتسياليستىك شينجياڭ قۇرۋدىڭ ونەگەلى ۋاكىلدەرىنە اينالدىرۋعا قۇلشىنامىن.

شينجياڭ قولدانىلمالى كاسىپتىك تەحنيكالىق ينستيتۋتى وداق كوميتەتىنىڭ وقىتۋشىسى مۇحتار جالەل بىلاي دەدى: جاس وقىتۋشى رەتىندە، مەن جاستار اراسىندا ونەگەلىك، باستاماشىلدىق رولىمدى ساۋلەلەندىرەمىن، قىزمەت بارىسىندا ءار ۇلت جاس وقۋشىلارىن قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، كوممۋنيستىك جاستار وداعى مۇشەسىنىڭ «جاندى دا جالىندى، الدا جۇرەتىن، جاۋاپكەرلىكتى باتىلدىقپەن ارقالايتىن، قايراتتانا العا ۇمتىلىپ، ناتيجە جاراتۋعا تالپىناتىن» رۋحىن ساۋلەلەندىرىپ، پارتيانىڭ مەيىرىنە العىس ايتۋعا، پارتيانىڭ سوزىنە قولاق اسۋعا، پارتياعا ماڭگى ىلەسۋگە جەتەكتەيمىن.

شينجياڭ ۋنيۆەرسيتەتى فيزيكا عىلىمى جانە تەحنولوگيا ينستيتۋتىنىڭ دوتسەنتى چىن حىڭلەي بىلاي دەدى: «مەن ءوز رولىمدى ويداعىداي ساۋلەلەندىرىپ، ءار ۇلت وقۋشىلارىن وتاننىڭ تۇتاستىعىن، ۇلتتار ىنتىماعىن قورعاۋعا، <ءۇش ءتۇرلى كۇشپەن> باتىل كۇرەس جاساۋعا باستايمىن».
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار