بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شينجياڭ دالاسىندا ىنتىماق پەن جاراسىمدىلىقتىڭ كۇشتى لەبى ەستى

2017.05.27 14:25     كەلۋ قاينارى : شينجياڭ گازەتى

  تيانشان قاراعايلارى تامىرلاس، شينجياڭ حالقى جۇرەكتەس.

  شينجياڭ ەجەلدەن كوپ ۇلت قونىستانعان رايون، ۇلى وتانىمىزدىڭ ايىرىلماس ءبىر بولىگى. ءار ۇلت ءبىر - بىرىنە قارايلاسىپ، ەتەنە بولىپ كەلەدى، داڭقتى تاريحى مەن ءداستۇرى بار. تالاي جىلدان بەرى، شينجياڭدا ورىستەتىلگەن ۇلتتار ىنتىماعى تۋرالى ۇگىت - تاربيە قىزمەتى ۇلتتار ىنتىماعى بايتەرەگىن شينجياڭداعى ءار ۇلت حالقىنىڭ جۇرەگىندە تەرەڭ تامىر تارتتىرىپ، ماۋەلەتتى.

  باس شۋجي شي جينپيڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە بىلاي دەپ اتاپ كورسەتتى: «شينجياڭ ماسەلەسىندە ەڭ ۇزاققا جالعاساتىنى اينالىپ كەلگەندە ۇلتتار ىنتىماعى ماسەلەسى»، «ءدىن قىزمەتىن دەن قويا جاقسى ىستەپ، ءدىندى سوتسياليستىك قوعامعا سايكەسۋگە بەلسەنە جەتەكتەۋ كەرەك». ءداپ باسىپ ايتىلعان وسى پايىمدار جاڭا جاعدايدا شينجياڭنىڭ ۇلتتار ىنتىماعى قىزمەتى مەن ءدىن قىزمەتىن جاقسى ىستەۋدى تىڭنان جيناقتادى.

  تاپسىرما ەستە بەرىك ساقتالىپ، جاۋاپكەرشىلىك جۇكتەلدى. 3 جىلدان بەرى، اۆتونوميالى رايوندىق پارتكومنىڭ جەتەكشىلىگىندە، شينجياڭداعى ءار ۇلت كادرلارى مەن بۇقاراسى «ءۇشتىڭ ءبىر - بىرىنەن ايرىلا الماۋى» يدەياسىن مىقتاپ ورناتىپ، «ۇلتتار ىنتىماعىنىڭ بەرەكەلى شاڭىراعى» قيمىلىن جانە ۇلتتار ىنتىماعى، العاباسارلىعىندا وزات ورىن قۇرۋ قيمىلىن ىشكەرىلەي ورىستەتىپ، شينجياڭ دالاسىندا ىنتىماق پەن جاراسىمدىلىقتىڭ كۇشتى لەبى ەستى.

  تيانشاننىڭ تۇستىگى مەن تەرىستىگىندە ىنتىماق گۇلى جايقالا اشىلدى

  4 - مامىر كۇنى تۇستەن بۇرىن، اقتاۋ اۋدانى جامالتەرەك اۋىلى باعلا قىستاعىنداعى ۇيعۇرلاردىڭ ءداستۇرلى مۋزيكا ءۇنى قىستاق اسپانىن جاڭعىرتتى. حانزۋلار مەن ۇيعۇرلاردىڭ نەكە سالتى توعىستىرىلعان كوللەكتيۆ نەكە قىستاق تۇرعىندارىنىڭ نازارىن بىردەن اۋداردى. جۇزدەگەن اۋىلداستىڭ ايعاق بولۋىمەن، اقتاۋ اۋدانىندا ىشكى ولكەلەردەن قابىلدانعان 9 جۇپ تاڭداۋلى ستۋدەنت كۇنلۇن تاۋىنىڭ باۋرايىندا باستارىنا ءۇي تىگىپ، باۋىرلارىنا قازان استى.

  بۇل − شينجياڭدا ۇلتتار ىنتىماعى گۇلىنىڭ تيانشاننىڭ تۇستىگى مەن تەرىستىگىندە جايقالا اشىلعاندىعىنىڭ جاندى مىسالى. شينجياڭدا ۇلتتار ىنتىماعىنىڭ داڭقتى ءداستۇرى ۇزاقتان باستاۋ العان، جان تەبىرەنتەرلىك، داۋىرگە جىلۋ بەرەتىن اڭگىمەلەر تيانشاننىڭ تۇستىگى مەن تەرىستىگىندە جىرلانىپ كەلەدى: قۇربان اتايدىڭ بەيجيڭگە ەسەكپەن بارماقشى بولۋى؛ كۇشارلىق كەستەشى اپەكەلى - ءسىڭلى بويجەتكەندەر باس شۋجي شي جينپيڭگە ءوز قولدارىمەن تىككەن كەستەلەرىن ۇسىندى؛ يوۋ لياڭيىڭ 10 نەشە جىل بويى ۇيعۇر باۋىرلاسىنىڭ كەدەيلىكتەن قۇتىلىپ اۋقاتتانۋىنا قول ۇشىن بەرىپ كەلدى؛ قازىرگى زاماننىڭ لەي فىڭى جۋاڭ شىحۋا ءار ۇلت بۇقاراسىن اۋرۋ ازابىنان ارىلتتى؛ جۇڭگونى تەبرەنتكەن 10 ادامنىڭ ءبىرى ءانيپا شەشەي 4 ۇلتتان 10 نەشە بالانى اسىراپ الدى...

  3 جىلدىڭ الدىندا، باس شۋجي شي جينپيڭنىڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ءسوزى ءالى قۇلاق تۇبىمىزدە جاڭعىرىپ تۇر؛ 3 جىلدان كەيىن، باس شۋجي شي جينپيڭ مەملەكەتتىك 12 - كەزەكتى حالىق قۇرىلتايىنىڭ 5 - ماجىلىس كەزىندە شينجياڭ ۋاكىلدەر ۇيىرمەسىنىڭ تالقىسىنا قاتىناسقاندا، ۇلتتار ىنتىماعىنىڭ ءار ۇلت حالقىنىڭ جان تامىرى، شينجياڭنىڭ دامۋى مەن العا باسۋىنىڭ ءتۇبىرلى ىرگە تاسى ءارى ءبىر ميلليارد 300 ميلليوننان استام جۇڭگو حالقىنىڭ ورتاق ەركى ەكەنىن قايتالاي باسا دارىپتەدى.

  3 جىلدان بەرى، اۆتونوميالى رايون جالپى جاقتان نازار اۋدارىپ، ۇساق ىستەردەن باستاپ كىرىسىپ، «قوس ءتىل» تاربيەسىن جانە ۇلتتاردىڭ ءوزارا ءتىل ۇيرەنۋىن كۇش سالا ىلگەرىلەتىپ، ۇلتتاردىڭ بەرەكە - بىرلىگىن ىسكە اسىردى.

  3 جىلدان بەرى، اۆتونوميالى رايون كىرىككەن قوعامدىق قۇرىلىم مەن الەۋمەتتىك اۋماق ورتاسىن نىق قاداممەن ىلگەرىلەتىپ، ءار ۇلت بۇقاراسىنىڭ ىنتىماقتاسا ءوزارا قارايلاسۋىنىڭ جاندى جاعدايىن قالىپتاستىردى.

  2016 - جىلى 1 - قاڭتاردا «شينجياڭ ۇيعۇر اۆتونوميالى رايونىنىڭ ۇلتتار ىنتىماعى، العاباسارلىعى قىزمەت ەرەجەسى» رەسمي اتقارىلىپ، ۇلتتار ىنتىماعىنىڭ زاڭدىق نەگىزى بەكەمدەلدى جانە دامىتىلدى، بۇل دا پارتيا ورتالىق كوميتەتىنىڭ شەشىمدەرى مەن ورنالاستىرۋلارىن، اۆتونوميالى رايوندىق پارتكومنىڭ ورنالاستىرۋلارى مەن تالاپتارىن دايەكتىلەندىرۋدەگى، تياناقتاندىرۋداعى، شينجياڭنىڭ قوعام ورنىقتىلىعى مەن باياندى تىنىشتىعىن جەبەۋدەگى كەلەلى شارا ەدى.

  ۇيعۇر حالقىندا: تامشى تەڭىزگە قۇيىلسا، شەكسىز تىرشىلىككە يە بولادى دەگەن ءسوز بار. تاريح پەن بولمىس ءبىر تۇتاس كوپ ۇلتتى مەملەكەتىمىز ءۇشىن العاندا، ىنتىماق − كۇش، ىنتىماق − جەڭىس ەكەنىن قايتا - قايتا دالەلدەدى. جۇپ قۇراپ، تۋىس بولىپ، جۇرەكتەر توعىستى

  25 - ناۋرىز ساعات 12دەن 55 مينۋت وتكەندە، گۋدوك ءۇنى كوتەرىلىپ، «ۇلتتار ىنتىماعىنىڭ بەرەكەلى شاڭىراعى» اتتى العاشقى پويەز ءۇرىمجى ۆوكزالىنان حوتانعا جول الدى. 900گە تاياۋ كادر، جۇمىسشى - قىزمەتكەر وڭتۇستىك شينجياڭداعى 3 ايماق، ءبىر وبلىسقا بارىپ «ۇلتتار ىنتىماعىنىڭ بەرەكەلى شاڭىراعى» اتىندا جۇپ قۇراپ، تۋىس بولۋ قيمىلىن ورىستەتۋ ءۇشىن وسى پويەزبەن اتتاندى.

  بىلتىر 16 - قازاندا اۆتونوميالى رايون «ۇلتتار ىنتىماعىنىڭ بەرەكەلى شاڭىراعى» قيمىلىن باستادى، بۇكىل رايونىمىزدا ءبىر ميلليوننان استام كادر، جۇمىسشى - قىزمەتكەر نەگىزگى ساتىداعى ءار ۇلت بۇقاراسىمەن جۇپ قۇراپ، تۋىس بولدى. «ۇلتتار ىنتىماعىنىڭ بەرەكەلى شاڭىراعى» قيمىلىنىڭ ىشكەرىلەي ورىستەتىلۋىنە بايلانىستى، اۋىلدان كوپ ۇزاپ شىعا المايتىن وڭتۇستىك شينجياڭدىق تۋىستار تۋىستارىنىڭ سەرىك بولۋىمەن ۇرىمجىگە كەلىپ، ءبىرىن - ءبىرى تانىمايتىن بەيتانىس جاندار ەتباۋىر تۋىستاي بولىپ ارالاسىپ كەتتى.

  «ۇلتتار ىنتىماعىنىڭ بەرەكەلى شاڭىراعى» اتتى پويەزدىڭ قاتىناۋى ۇلتتاردىڭ ارالاسۋىنىڭ، ىشتەسۋىنىڭ، توعىسۋىنىڭ كوپىرىن سالىپ، جۇرەكتەردى ءتىپتى جاقىنداتا ءتۇستى.

  تۋىسقاندىق ارالاسقان سايىن كۇشەيەدى، دوستىق بارعان سايىن جاقىنداي تۇسەدى. «ۇلتتار ىنتىماعىنىڭ بەرەكەلى شاڭىراعى» قيمىلىنىڭ ورىستەتىلۋى ءار ۇلت بۇقاراسىنا پارتيا مەن ۇكىمەتتىڭ قامقورلىعىن، مەيىر - شاپاعاتىن سەزىندىردى. ءوزارا قارىم - قاتىناس بارىسىندا تۇسىنىك تەرەڭدەپ، سۇيىسپەنشىلىك ارتتى؛ ءوزارا ۇيرەنۋ، بىرگە العا باسۋ بارىسىندا توعىسۋ، جاراسىمدىلىق ىسكە استى؛ بىرگە ءوندىرىس جۇرگىزۋ، تىرشىلىك ەتۋ، قىزمەت ىستەۋ، ۇيرەنۋ بارىسىندا، ءوزارا كومەكتەسىپ، كەشىرىمدى بولىپ، ءوزارا قۇرمەت ەتىپ، ءبىر ءۇيلى جانداي بولدى.

  3 جىلدان بەرى اۆتونوميالى رايوندىق پارتكوم پارتيانىڭ ۇلت ساياساتىن جاپپاي دايەكتىلەندىرىپ، ۇلتتار ۇلى ىنتىماعى تۋىن بيىك ۇستاپ، ۇلتتار ىنتىماعى جونىندەگى ۇگىت - تاربيەنى جانە ۇلتتار ىنتىماعى، العاباسارلىعى جاعىنداعى وزاتتاردان بولۋ قيمىلىن ىشكەرىلەي ورىستەتىپ، ارميا مەن ۇكىمەتتىڭ، ارميا مەن حالىقتىڭ، ساقشى مەن حالىقتىڭ، بيڭتۋان مەن جەرگىلىكتى ورىننىڭ ىنتىماعىن كۇشەيتىپ، ءار ۇلت بۇقاراسىن «ءۇشتىڭ ءبىر - بىرىنەن ايرىلا الماۋ» يدەياسىن بەرىك ورناتۋعا جەتەكتەپ، ۇلى وتان، جۇڭحۋا ۇلتى، جۇڭحۋا مادەنيەتى، جۇڭگو كوممۋنيستىك پارتياسى، جۇڭگوشا سوتسياليزم جونىندەگى ورتاق تانىمدى ۇزبەي نىعايتىپ، ءار ۇلت بۇقاراسىنىڭ ۇيرەنۋدە، تۇرمىستا، قىزمەتتە بىرگە بولۋىنا، اناردىڭ دانىندەي تىعىز ۇيىسۋىنا مۇمكىندىك جاسادى. ءدىن تاتۋلىعى مەن جاراسىمدىلىعى قوعامنىڭ جاراسىمدىلىعىن جەبەدى

  ماكىت اۋدانى ءتۇمانتال اۋىلى اجياۋات قىستاعىنداعى وتانشىل ءدىني قايراتكەر ياسىن مامەت ماماننىڭ جەتەكشىلىگىندە 27 - ءساۋىر تۇستەن بۇرىن سىمىردان ساقتانۋ - تىزگىندەۋ ءۇشىن شىلاندى جەرگە كەلىپ، ەگىس ءدارىسىن شاشىپ جاتتى. ياسىن مامەت: پارتيا مەن ۇكىمەت ءبىز وتانشىل ءدىني قايراتكەرلەرگە ەجەلدەن توتەنشە كوڭىل ءبولىپ، عىلىم ۇيرەنۋگە، عىلىمدى قولدانا بىلۋگە، عىلىم - تەحنيكاعا سۇيەنىپ اۋقاتتانۋعا تاربيەلەپ، جەتەكتەپ كەلەدى. بۇل جاعىندا باستاماشىلدىق رولىمدى ساۋلەلەندىرىپ، دىنگە سەنەتىن قاۋىمدى عىلىم - تەحنيكا مەن وزىق ءوندىرىس ءتاسىلىن يگەرۋگە، ەڭبەكقورلىعىمەن اۋقاتتانۋعا جەتەكتەيمىن، - دەدى.

  شينجياڭدا ياسىن مامەت سياقتى وتانشىل ءدىني قايراتكەرلەردىڭ قاتارى مول. بۇل اۆتونوميالى رايوندىق پارتكومنىڭ، حالىق ۇكىمەتىنىڭ پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىرىپ، ءدىندى سوتسياليستىك قوعامعا سايكەستىرۋگە جەتەكتەۋ جولىندا تاستاعان نىق قادامى.

  كوپ ۇلت، كوپ ءدىن شينجياڭنىڭ تيپتىك رايوندىق جاعدايى؛ ۇلتتىڭ، ءدىننىڭ ءار جاقتاعى ىستەرمەن تىعىز بايلانىستا بولۋى شينجياڭ قىزمەتىندەگى رەال جاعداي.

  ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە باس شۋجي شي جينپيڭ: ءدىن قىزمەتىن دەن قويا ويداعىداي ىستەپ، ءدىندى سوتسياليستىك قوعامعا سايكەستىرۋگە بەلسەنە جەتەكتەپ، ءدىني قايراتكەرلەر مەن دىنگە سەنەتىن قاۋىمنىڭ ەكونوميكالىق، قوعامدىق دامۋدى جەبەۋ جاعىنداعى بەلسەندى رولىن ويداعىداي ساۋلەلەندىرۋ كەرەك، - دەپ باسا دارىپتەگەن بولاتىن.

  3 جىلدان بەرى، اۆتونوميالى رايوندىق پارتكوم ءدىن قىزمەتىنىڭ ەرەكشە ماڭىزدىلىعىن جەتە تانىپ، ءدىن سالاسىندا ورىن تەۋىپ وتىرعان كورنەكتى ماسەلەلەردى ىشكەرىلەي زەرتتەپ، ءدىننىڭ وزىندىك زاڭدىلىعىن يگەرىپ، ءدىندى سوتسياليستىك قوعامعا سايكەستىرۋگە بەلسەنە جەتەكتەدى.

  مەشىتكە جانە ءدىن قيمىلدارىنا قاراتىلعان تاربيە، باسقارۋ، قىزمەت كورسەتۋ قىزمەتىن كۇشەيتتى؛ ءدىني قايراتكەرلەردىڭ ورتا، ۇزاق مەرزىمدىك باۋلۋ، تاربيەلەۋ قىزمەت جوباسىن جاساپ، ءىسلام ءدىنى قىزمەتكەرلەرىن باۋلۋدى، تاربيەلەۋدى اناعۇرلىم كۇشەيتتى؛ «بەستە جاقسى مەشىت»، «بەستە جاقسى ءدىني قايراتكەر» بولۋ قيمىلىن ورىستەتۋدى دانەكەر ەتىپ، مەشىتتەردى جانە ءدىني قايراتكەرلەردى جاراسىمدى مەشىت قۇرۋعا، وزات، ۇلگى بولۋعا جەتەكتەپ، وتاندى ءسۇيۋ، ءدىندى قاستەرلەۋ تاماشا بەتالىسىن ورناتتى؛ وتانشىل ءدىني قايراتكەرلەر مەن دىنگە سەنەتىن بۇقارانى تۋىس، دوس رەتىندە قاراۋعا تاباندى بولىپ، سۋ، ەلەكتر، جول، گاز، حابارلاسۋ، راديو - تەلەۆيزيا، گازەت - جۋرنال، مادەنيەت كىتاپ ءۇيى، ساياسات، زاڭ - ەرەجەلەردىڭ مەشىتتەرگە جالپىلاسۋىن، جۇما مەشىت قۇرىلعى قۇرىلىسىن بەلسەنە ىلگەرىلەتىپ، مەشىت پەن ءدىن قيمىل شارت - جاعدايىن جاقسارتتى؛ وتانشىل ءدىني قايراتكەرلەردىڭ «ءتورتتى قامسىزداندىرۋ، ءبىردى قامتاماسىزداندىرۋ» جانە دەنساۋلىعىن تەگىن تەكسەرۋ سياقتى قامتاماسىزداندىرۋ شارالارىن تياناقتاندىردى...

  ءبىرسىپىرا شارالاردىڭ تياناقتانۋى پارتيانىڭ ءدىن ساياساتىن ادامداردىڭ كوكەيىنە تەرەڭ ۇيالاتتى، قالىڭ ءدىني قايراتكەرلەر مەن دىنگە سەنەتىن بۇقارانىڭ پارتيا مەن ۇكىمەتكە ۇيىسۋ قۋاتىنىڭ بارعان سايىن كۇشەيۋى رايونىمىزدىڭ قوعامنىڭ ءتىپتى دە جاراسىمدىلىعىن ىلگەرىلەتۋدىڭ ماڭىزدى كۇشىنە اينالدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار