قاجىرلىلىقپەن ەڭبەكتەنىپ كاسىپ اشتى
2017.07.07 14:25
تەكەس اۋدانى گۇلباق داڭعىلى 4 – ايلانبا كوشەسىندەگى جاڭا جولاۋشىلار بەكەتىنىڭ قارسىسىندا اۋماعى 160 شارشى مەترلىك اۆتوكولىك جوندەۋ دۇكەنى بار بولىپ، دۇكەننىڭ كورنەۋ جەرىنە جاڭا اۆتوكولىك بالوندارى تىزىلگەن، دۇكەننىڭ ءىشى رەتتى دە تازا، ونداعى قىزمەتكەرلەردىڭ ءوز قىزمەتىنە ۇقىپتى، جاۋاپكەرشىلىكتى ەكەنى شيراقى قيمىلدارىنان بايقالادى، مىنە بۇل اۋىلىنا قايتىپ كاسىپ اشقان گۋ فىڭنىڭ اۆتوكولىك جوندەۋ دۇكەنى بولاتىن.
گۋ فىڭ تەكەس اۋدانى شولاكتەرەك قالاشىعىنداعى ءبىر قاراپايىم وتباسىنان شىققان، ول قارشادايىنان ەڭبەكقور، ۇيرەنۋگە قۇشتار بولدى، 2007 – جىلى جيلين چاڭچۇن ماشينا ينجەنەرياسى شۋەيۋانىنىڭ اۆتوكولىك جوندەۋ جانە ساتۋ كاسىبىن ۇزدىك ناتيجەمەن تامامداعاننان كەيىن چاڭچۇن قالاسىنداعى شينتۇڭ ساۋدا شەكتى سەرىكتىگىندە ەكى جىل قىزمەت ىستەيدى، نەگىزىنەن اۆتوكولىك كۇتىمدەۋ جانە ساتۋدان كەيىنگى قىزمەت وتەۋ جۇمىسىمەن شۇعىلدانادى، ەكى جىلدا ول اۆتوكولىك جوندەۋ بىلىمدەرىن مۇقيات ۇيرەنىپ، ءوزىن ۇزدىكسىز كەمەلدەندىرىپ، اۆتوكولىك جوندەۋ تەحنيكاسىنا ابدەن جەتىلىپ شىعادى. ونىڭ كاسىپ اشۋ تالابىنا وتباسىنداعىلار باستابىندا قوسىلمايدى، داشۋە بىتىرگەننەن كەيىن مەملەكەت قىزمەتى ەمتيحانىنا قاتىناسىپ، ءبىر تۇراقتى قىزمەتكە ورنالاسۋى كەرەك دەپ قارايدى، الايدا ونىڭ كاسىپ اشۋعا دەگەن قىزعىندىلىعى مەن تالپىنىسى ارقاسىندا اكە – شەشەسىن ءبىر اي دەگەندە ارەڭ كوندىرەدى. ول چاڭچۇندا ۇيرەنگەن كاسىپتىك ءبىلىمى مەن جيعان تاجىريبەسىنەن ۇتىمدى پايدالانىپ، وتباسىنىڭ 60 مىڭ يۋان اقشاسىمەن جانە جاقىن دوسىنىڭ سەرىكتەسۋىمەن قۇلجا قالاسى سەلبەستىك رايونى باتىس ايلانبا جولىنىڭ بويىنان اۆتوكولىك بالونى مەن كۇپشەك ساتاتىن دۇكەن اشىپ، ءتۇرلى ماركاداعى اۆتوكولىك بالوندارى مەن كۇپشەكتەرىن ساتىپ، 3 جىلدا باستان – اياق ماركانى باستى ورىنعا قويۋ پرينسيبىندە تاباندى بولىپ، جەتىك تەحنيكالىق ونەرى جانە ساپالى قىزمەت وتەۋ ارقىلى تۇتىنۋشىلاردى وزىنە بارىنشا باۋرادى، دۇكەنىنىڭ ساۋداعى بارعان سايىن كۇسەت بولدى.
الارماندار قاجەت ەتەتىن قىزمەت وتەۋ تۇرلەرىنىڭ ارتۋى، دۇكەننىڭ اۋماعى شەكتى بولۋ، تەحنيكالىق جابدىقتار مەن قىزمەت وتەۋ تۇرلەرىن كوبەيتە الماۋ، دامۋ اياسىنىڭ شەكتى بولۋ سياقتى سەبەپتەرگە بايلانىستى گۋ فىڭ اۆتوكولىك جوندەۋ دۇكەنىن سەرىكتەسىنىڭ باسقارۋىنا بەرەدى. ءوزى جان – جاقتى تەكسەرۋ – زەرتتەۋ ارقىلى تەكەس اۋدانى گۇلباق داڭعىلى 4 – ايلانبا جولىنىڭ بويىنان جاڭا دۇكەن ورنىن تاڭدايدى، دۇكەندى اشۋعا جان – جاقتان قارجى توپتاپ، اۋىل – قىستاق سەنىمدى قارىز كووپەراتيۆىنەن 100 مىڭ يۋان قارىز الادى،
سونىمەن بىرگە، تەكەس اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنە 50 مىڭ يۋاندىق ءوسىمى جاپسىرىلاتىن كاسىپ اشۋ قارىز اقشاسىن الۋعا ءوتىنىش ەتىپ، جاڭا دۇكەندە 2013 – جىلى رەسمي تيجارات باستالدى. ول قاريدارلارعا ويداعىداي قىزمەت وتەۋ ءۇشىن دۇكەنىنىڭ الدىنا ءوزىنىڭ ريمونتتاۋ تەلەفونىن جازىپ قويدى، مەيلى كۇندىز، الدە ءتۇن بولسىن، مەيلى شىلىڭگىر ىستىق، الدە قاقاعان قىس بولسىن قاريدارلار كومەك قاجەت ەتىپ تەلەفون سوقسا، ول ناق مايدانعا بارىنشا تەزدىكپەن دەرەۋ جەتتى. كەي كەزدە كىنارات ۇلكەن بولىپ، ريمونتتاۋعا كوپ ۋاقىت جۇمساۋعا تۋرا كەلگەندە، ازىن – اۋلاق تاماقتانىپ جۇمىسقا كىرىستى. اۆتوكولىك ريمونتتاعاندا قاريدارلارعا اۆتوكولىكتى كۇندەلىكتى كۇتىمدەۋ ادىستەرىن ەسكەرتىپ، وقتا – تەكتە بايقالىپ قالاتىن شاعىن كىناراتتاردى قالاي بايقاۋ جانە ونى قالاي جونگە سالۋ ادىستەرىن ۇيرەتىپ، قاريدارلاردىڭ الاڭسىز، حاۋىپسىز قاتىناۋىنا مۇمكىندىك جاراتتى. بىرنەشە جىل تيجارات جۇرگىزۋ ارقىلى بۇل كۇندە جىلدىق كىرىسى 100 مىڭ يۋان اينالاسىنا جەتتى.
گۋ فىڭ كاسىپ اشۋمەن بىرگە، ءار ۇلت جاستارىن جۇمىسقا قابىلىداپ، ولارعا اۆتوكولىك ريمونتتاۋ كاسىپتىك تەحنيكاسىن مۇقياتتىلىقپەن ۇيرەتىپ، ساپانىڭ ەڭ ماڭىزدى ەكەنىن قايتا – قايتا قۇلاققاعىس ەتىپ، ولاردان مەيلى اۆتوكولىك ريمونتتاۋ، الدە ادام بولۋ بولسىن، سەنىمدى، مۇقيات بولۋدى تالاپ ەتىپ، ماڭداي الدى كاسىپتىك اۆتوكولىك ريمونتتاۋ اترەتىن قۇردى. قازىر دۇكەندە 5 ادام كاسىپتەنگەن، ونىڭ ەكەۋى ارناۋلى كۋرس، ورتا تەحنيكۋم بىتىرگەن، ەكەۋى كاسىپتەنۋ قيىنشىلىعى بار بۇقارا، ال بىرەۋى جۇمىس ورنىنان بوساعان قىزمەتكەر. ولاردىڭ ەكەۋى حانزۋ، ۇشەۋى قازاق ۇلتىنان، ايلىق كىرىستەرى 3 مىڭ يۋاننان اسادى، ولارعا تاعى قامسىزداندىرۋ قاراجاتى تاپسىرىلىپ تۇرادى. ول جۇمىسشى – قىزمەتشىلەردىڭ تۇرمىسىنا ايرىقشا كوڭىل ءبولىپ، قازاق جۇمىسشى – قىزمەتكەرلەردىڭ حانزۋ ءتىلى ورەسىن جوعارىلاتۋعا ۇزدىكسىز قۇلشىنىپ، ولاردى بەلسەنە قىزمەت ىستەۋ، تۇرمىس كەشىرۋ پوزيتسياسىنا يە ەتىپ، ولاردى باقىتتى تۇرمىس كەشىرۋگە ىنتالاندىرىپ، كوپشىلىك بەينە ۇلكەن ءبىر وتباسى سياقتى تاتۋ – ءتاتتى، قارايلاسىمدى، شات – شادىمان ءوتىپ كەلەدى.
گۋ فىڭ بۇدان كەيىنگى دامۋعا ايالداعاندا، ەڭ الدىمەن جۇمىسشى – قىزمەتشىلەردىڭ كاسىپتىك تەحنيكالىق قابىلەتى مەن جەكە قابىلەتىن جوعارىلاتىپ، قاريدارلاردى ويداعىداي كاسىپتىك قىزمەت وتەۋمەن قامداپ، دۇكەننىڭ تيجارات كولەمىن ۇزدىكسىز ارتتىرىپ، قىزمەت وتەۋ تۇرلەرىن اناعۇرلىم ارتتىرىپ، ءتۇرلى قاريدارلاردىڭ سۇرانىسىن قاناعاتتاندىرىپ، اناعۇرلىم كوپ ادامنىڭ كاسىپتەنۋىنە وراي جاراتۋعا قۇلشىناتىنىن ءبىلدىردى. شۇي جيڭجيڭ
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
