بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

كادرلار ستيلىنىڭ جاقسى - جاماندىعىنا بۇقارا باعا بەرەدى

− اۆتونوميالى رايوندىق ءتارتىپ تەكسەرۋ كوميتەتىنىڭ وڭتۇستىك شينجياڭدا بۇقارالىق قىزمەتتى قاداعالاۋ - جەتەكشىلىك ەتۋگە نازار اۋدارعانى تۋرالى

جاۋ جىيۇن

2017.07.17 13:48     كەلۋ قاينارى : ءتاڭىرتاۋ تورابى

  جاز باسى. اق تەرەك اعاشتارى سامالاداي ساپ تۇزەپ، بىتىك وسكەن بۇتاقتار جەلمەن بىرگە باياۋ تەربەلەدى. اعاش باسىنا قوناقتاعان قۇستار سايراپ، بار الاپتى ءان مەن كۇيگە بولەپ تۇر. قاشقار جاڭا ءشار اۋدانى ھاراپ اۋىلى وستەڭبويى قىستاعىنىڭ تۇرعىنى ءومار ابباس تا ەرەكشە كوڭىلدى ەدى، ويتكەنى ونىڭ كوپتەن بەرى ويلاپ جۇرگەن 400 يۋان اقشاسى اقىرى قايتارىلىپ بەرىلگەن ەدى.

  بىلتىر قىستاق حالىق جاساقتارىنا ەڭبەكاقى تاراتامىز دەگەن سىلتاۋمەن تۇرعىنداردان 49 مىڭ 119 يۋان اقشا جيناعان بولاتىن، ءومار ابباس تاپسىرعان 400 يۋان اقشا دا وسىنىڭ ىشىندە ەدى، ءبىراق وسى قارجىنىڭ ءبىر ءبولىمىن قىستاق پارتيا ياچەيكاسىنىڭ بۇرىنعى شۋجيى باسقاعا جۇمساپ جىبەرىپتى. سونىمەن قىستاق تۇرعىندارى اۆتونوميالى رايوندىق ءتارتىپ تەكسەرۋ كوميتەتىنىڭ بۇقارالىق قىزمەتكە جەتەكشىلىك ەتۋ گرۋپپاسىنا جاعدايدى اڭىس ەتتى، وسىعان سايكەس اتالعان ماسەلە جارتى ايعا جەتپەيتىن ۋاقىتتا تەز شەشىم تاپتى. ءومار ابباس: تاياۋدا اشىلعان قىستاق تۇرعىندار ماجىلىسىندە وسى قارجىنى ءبىر جايلى ەتۋ ءادىسى جاريالاندى، كوپشىلىك بۇعان ءدان ريزا بولدى، - دەدى.

  بۇل ماسەلە اۆتونوميالى رايوندىق ءتارتىپ تەكسەرۋ كوميتەتىنىڭ قاشقار ايماعىندا بۇقارالىق قىزمەتتى قۋزاۋ - جەتەكشىلىك ەتۋىنىڭ ارقاسىندا شەشىمىن تاپقان ەدى.

  نەگىزگى ساتىداعى بۇقارانىڭ مۇددەسىنە زيان جەتكىزۋ ماسەلەسىن كەڭ كولەمدى اداقتادى

  شينجياڭ شاحمات تاقتاسى بولسا، وڭتۇستىك شينجياڭ «شاحماتتىڭ كوزى». اۆتونوميالى رايوندىق پارتكومنىڭ ورنالاستىرۋىنا ساي، اۆتونوميالى رايوندىق ءتارتىپ تەكسەرۋ كوميتەتى قاشقار ايماعىنداعى بۇقارالىق قىزمەتتى قۋزاۋ - جەتەكشىلىك ەتۋدى الدىمەن باستادى. 12 - ناۋرىزدان باستاپ اۆتونوميالى رايوندىق ءتارتىپ تەكسەرۋ كوميتەتى ءبىر ءبولىم ايماق، وبلىس، قالالارداعى 259 ءتارتىپ تەكسەرۋ، باقىلاۋ - تەكسەرۋ كادرىن 108 گرۋپپاعا ءبولىپ، قۇلاق قاعىس ەتپەي، ۇقتىرماي، لەنيا بەلگىلەمەي، مالىمەت تىڭداماي، سەرىك ەرتپەي، اۋىل - قىستاققا، الەۋمەتتىك اۋماقتارعا توتە بارىپ، وتباسىلاردى تىكە ارالاپ، بۇقارامەن بەتپە - بەت كەزدەسىپ، اقتارىلا سىرلاسىپ، بۇقارانىڭ ۇنىنە قۇلاق اسىپ، بۇقارانى ماسەلەنى العا قويۋعا، باعا بەرۋگە ۇسىنىس ەتىپ، كادرلاردىڭ ستيل ماسەلەسى مەن نەگىزگى ساتىداعى بۇقارانىڭ مۇددەسىنە زيان جەتكىزۋ ماسەلەسىن كەڭ كولەمدى اداقتادى.

  «وسىنداي ناشار اۋا رايىندا، جول جاعدايى ەرەكشە قيىن ۋاقىتتا سىزدەردىڭ قىستاعىمىزعا كەلەتىندىكتەرىڭىزدى، ءبىزدىڭ قيىنشىلىعىمىزدى ۇعىساتىندىقتارىڭىزدى مۇلدە ويلاماعان ەكەنمىن...». قۋزاۋ - جەتەكشىلىك ەتۋ گرۋپپاسىنىڭ قىزمەتكەرلەرى ءۇستىرت اسەرى مەن نولدەن تومەن 20 نەشە سەلتسي گرادۋستىق قاقاعان سۋىققا قاراماي، اۆتوكولىكپەن، اتقا ءمىنىپ، جاياۋلاپ دەگەندەي 2 كۇن جول باسىپ، قاعىلىق اۋدان قالاشىعىنان 300 نەشە كيلومەتر شالعايداعى شيحىشيۋ اۋىلىنىڭ باش ءچوپ قىستاعىنا جەتكەندە، قىستاق تۇرعىنى امەت تاۋا قۋزاۋ - جەتەكشىلىك گرۋپپاسى قىزمەتكەرلەرىنىڭ قولىن اسەرلى بەينەدە قىسا ۇستاپ، ۇزاققا دەيىن بوساتپادى.

  قۋزاۋ - جەتەكشىلىك ەتۋ گرۋپپاسى 12 اۋدان، قالاداعى 178 اۋىل - قالاشىقتى، 2289 قىستاق پەن 29 الەۋمەتتىك اۋماقتى ارالاپ، قىستاقتارعا باعىتتالعان قۋزاۋ - جەتەكشىلىك ەتۋ كولەمىن %100كە جەتكىزىپ، 22 مىڭ 272 وتباسىن ارالاپ، 40 مىڭ 527 اداممەن اڭگمەلەسىپ، ءار ۇلت جۇرتشىلىعىمەن تىكە بايلانىس ورناتتى. قۋزاۋ - جەتەكشىلىك ەتۋ گرۋپپاسى بۇقارامەن ارقا - جارقا كەڭەس قۇرىپ، ساياساتتى تىلگە تيەك ەتتى، ءار ۇلت جۇرتشىلىعى شىن سويلەپ، جۇرەك سوزدەرىن جايىپ سالدى. امانداسا بارىپ جانە ناقتى تەكسەرۋ جۇرگىزدى، تەكسەرۋ گرۋپپاسى 7000نان استام ماسەلەنىڭ ءىز - دەرەگىن اداقتاپ شىقتى.

  كادرلار ستيلىن رەتكە سالۋدىڭ قامال الۋ شايقاسىن جۇرگىزدى

  قۋزاۋ - جەتەكشىلىك ەتۋ گرۋپپاسى ماسەلەلەرگە بايلانىستى بارلىق ءىز - دەرەكتەردى وتكىزىپ بەرۋ، جاۋاپكەرشىلىكتى قۋزاستىرۋ، جاۋاپقا تارتۋ، دەلو تۇرعىزىپ تەكسەرۋ جۇرگىزۋ، ءادىلياعا وتكىزىپ بەرۋ، بۇقارانىڭ تىلەكتەرىنە جاۋاپ قايتارۋ سىندى 5 تۇرگە ساي، ءبىر - بىردەن اداقتاپ، تالداۋ جاساپ، ماسەلەلەر تىزىمدىگىن جاساپ، ءىز - دەرەكتەردى وتكىزىپ بەرۋ، ءبىتىرۋ ءماجىلىسىن اشىپ، ءىز - دەرەكتەردى قاشقار ايماعىنداعى 12 اۋدان، قالاعا وتكىزىپ بەرىپ، شەكتى مەرزىم ىشىندە تۇزەتۋدى تالاپ ەتتى. قاشقار ايماقتىق پارتكوم دەرەۋ ارەكەتكە كىرىسىپ، ءىز - دەرەكتەردى تاپسىرىپ العان كۇننىڭ ەرتەسى بۇكىل ايماق بويىنشا كادرلار ستيلىن رەتكە سالۋ، بۇقارالىق قىزمەتتى جەبەۋ، جۇمىلدىرۋ ءماجىلىسىن اشىپ، ءارقايسى اۋداندىق، قالالىق پارتكومنان رەتكە سالۋ قىزمەتىنىڭ جاۋاپكەرشىلىگىن اشالاي ايقىنداۋدى، ناقتىلاندىرۋدى تالاپ ەتىپ، كادرلار ستيلىن رەتكە سالۋدىڭ قامال الۋ شايقاسىن جۇرگىزدى.

  اۆتونوميالى رايوندىق ءتارتىپ تەكسەرۋ كوميتەتىنىڭ قۋزاۋ - جەتەكشىلىك ەتۋ گرۋپپاسى قاشقار ايماعىنداعى 12 اۋدان، قالا پارتكومىنىڭ شۋجيلەرىمەن، اكىمدەرىمەن، قالا باستىقتارىمەن، اۋداندىق، قالالىق ءتارتىپ تەكسەرۋ كوميتەتىنىڭ شۋجيلەرىمەن جانە 167 اۋىل - قالاشىق پارتكومىنىڭ شۋجيلەرىمەن، اۋىل - قالاشىق باستىقتارىمەن، اۋىل - قالاشىق ءتارتىپ تەكسەرۋ كوميتەتىنىڭ شۋجيلەرىمەن كەڭەسكەن كەزدە ءبىر اۋداننىڭ شۋجيى: قۋزاۋ - جەتەكشىلىك ەتۋ گرۋپپاسى اڭىس ەتكەن ماسەلەلەر ءتۇيىندى ءداپ باسىپ، ءدال تاپقان، قىسىمدى سەزىنۋمەن بىرگە، قوزعاۋشى كۇش پايدا بولدى، - دەدى. كەڭەس، باستىسى، ماسەلەنى شەشۋدىڭ ساياسي تانىمىن شىن مانىندە جوعارىلاتۋ، تارتىپكە قايشىلىق جاساعان ماسەلەنى تەكسەرۋ قىزمەتىن شىن مانىندە مىقتى يگەرۋ، بۇقارانىڭ تىلەگىنە جەدەل جاۋاپ قايتارۋ سياقتىلاردى ارقاۋ ەتىپ، قوعام ورنىقتىلىعى مەن باياندى تىنىشتىق باس نىساناسىن تاماشا ستيل ارقىلى قامتاماسىزداندىردى. كەڭەس ارقىلى جاۋاپكەرشىلىكتى دارەجە - دارەجە بويىنشا ايقىنداپ، ساتى - ساتى بويىنشا ناقتىلاندىردى. سونىمەن بىرگە، كەڭەسكە شاقىرىلعان ءاربىر باسشى «ماسەلەنى تۇزەتۋگە ۋادە بەرۋ حاتىنا» قول قويىستى. ءپايزاۋات اۋداندىق پارتكومنىڭ شۋجيى ۋاڭ جىجۇن جاۋاپكەرشىلىك حاتىنا قول قويىسۋ اسكەري انت بەرۋ دەگەن ءسوز، ال اسكەر ەكى سويلەمەيدى، ارقالاعان جۇكتىڭ اۋىرلاعانىن سەزىندىم، - دەدى.

  ستيلدى جاقسارتۋدىڭ ۇزاق ءونىمدى مەحانيزمى قالىپتاستى

  تولىپ جاتقان ءىز - دەرەكتەردى اداقتاۋدا جوعارى مان بەرگەنمەن، تومەن نەمقۇرايدى قارايتىن جايت ورىن تەبۋى مۇمكىن بە، جوق پا؟ نەگىزگى ساتىنىڭ ءتارتىپ تەكسەرۋ كۇشى ءالسىز، باقىلاۋدىڭ، ءتارتىپتى اتقارۋدىڭ الدىڭعى شەبىندەگى «وت كۇشىن» قالاي نىعايتۋ كەرەك؟ تانىس ادامدار اراسىندا جۇرەتىن نەگىزگى ساتىنىڭ ءتارتىپ تەكسەرۋ كوميتەتى «ادامگەرشىلىك وتكەلىنەن» وتە الا ما، جوق پا؟ بارلىعىنا ءبىر ولشەمدى نەگىز ەتە الا ما، جوق پا؟ قۋزاۋ - جەتەكشىلىك ەتۋ «مەزەتتىك سامال»، «رولى ماردىمسىز» دۇنيەگە اينالا ما، جوق پا؟

  اۆتونوميالى رايوندىق ءتارتىپ تەكسەرۋ كوميتەتى ۇزاق ءونىمدى مەحانيزم ورناتۋ جونىندە ىزدەنىس جاساپ، ءتىلشىنىڭ كۇدىك - كۇمانىنا بىلايشا جاۋاپ قايتاردى: قۋزاۋ - جەتەكشىلىك ەتۋ قىزمەتى بارىسىندا ويانباعان، ءالى دە قولىن تارتپاعان، ءالى دە قيانات ىستەپ جىرمالاعان، جالعاننان مالىمدەپ، الداپ العان، جەگەن، العان، ۇستاپ قالعان، تىلەنگەن، كورگەننەن كوز اقى العان، تۋىس - تۋعان، دوس - جاراندارىنا بولىسقان، حالىقپەن مۇددەگە تالاسقان نەگىزگى ساتى كادرلارىنىڭ ءبىر توبى تىكەلەي تەكسەرىلىپ ءبىر جايلى ەتىلىپ، ءبىر توبى جاۋاپقا تارتىلىپ، ءبىر توبى اشكەرەلەندى؛ جالپى بەتتىك قۋزاۋ - جەتەكشىلىك ەتۋ نەگىزىندە ماسەلە كوپ تۋىلعان، قايتا - قايتا تۋىلعان سالالار مەن بۋىنداردا قۋزاۋ - جەتەكشىلىك ەتۋ ءتۇيىنى كورنەكتىلەندىرىلىپ، قۋزاۋ - جەتەكشىلىك ەتۋ ونىمدىلىگى كۇشەيتىلدى؛ ءار ۋاقىت كەڭەسۋ، ەسەپ بەرۋ، ءار ۋاقىت حال سۇراۋ، ءار ۋاقىت ءىشىنارالىق تەكسەرۋ جۇرگىزۋ، تالداۋ جاساپ، تۇجىرىمداۋ سياقتى تۇزىمدەر ورناتىلىپ، ستيلدى جاقسارتۋدىڭ ۇزاق ءونىمدى مەحانيزمى قالىپتاستىرىلىپ، الماس قانجاردىڭ قولدان تۇسپەۋىنە، قاي - قاشان دا سەسكەندىرىپ، يمەندىرىپ تۇرۋعا شىنايى كەپىلدىك ەتىلدى؛ ەل رايىن باعالاۋ ءتۇزىمى ورناتىلىپ، بۇقارانىڭ ريزا بولۋ دەڭگەيىنە ءار ۋاقىت ساۋالنامالىق تەكسەرۋ جۇرگىزىلدى؛ «قايتا قاراۋ»، «قايىرىلا سوققىلاۋ» ويداعىداي جۇرگىزىلىپ، قىزمەت اتقارماي، قىزمەتتە جاۋاپكەرسىزدىك ىستەپ نەمەسە قۋزاۋ - تەكسەرۋدە اڭىس ەتىلگەن ماسەلەلەردى تۇزەتۋگە ءمان بەرمەي، شارالارى پارمەنسىز، ونىمدىلىگى تومەن بولىپ، اۋىر زارداپ تۋدىرعاندارعا مەڭزەس، قاتىستى پارتيا ۇيىمى مەن باسشى كادرلاردىڭ تۇلعالىق جاۋاپكەرشىلىگى، باقىلاۋ جاۋاپكەرشىلىگى جانە باسشىلىق جاۋاپكەرشىلىگى قاتاڭ قۋزاستىرىلىپ، ءبىر دارەجە جوعارى ورىن قۋزاستىرىلىپ، قاتاڭ جاۋاپقا تارتىلدى.

  ۇعىسۋعا قاراعاندا، دەلولاردى تەكسەرىپ ءبىر جايلى ەتۋ سەرپىنىن ارتتىرۋ ءۇشىن، اۆتونوميالى رايوندىق ءتارتىپ تەكسەرۋ كوميتەتى سارابدال كادرلاردى تاڭداپ، وڭتۇستىك شينجياڭنىڭ دەلولاردى تەكسەرۋىنە جەتەكشىلىك ەتىپ، سىرتتان بەيتانىس ادامدى توتە جىبەرىپ دەلو ءبىتىرىپ، كەدەرگىلەردى الاستاپ، ءىرى دەلونى كىشىرەيتۋدى، كشى دەلونى جايماشۋاقتاتىپ جوعالتاتىن جايتتى ادا - كۇدە تيعان.

  قازىرگە دەيىن قۋزاۋ - جەتەكشىلىك ەتۋ گرۋپپاسى قاشقار ايماعىنا 7669 ماسەلەنى وتكىزىپ بەرگەن، قاشقار ايماعى 5663 ماسەلەنى تۇزەتىپ تياناقتاندىرعان، 5456 كادر جاۋاپقا تارتىلىپ، ولاردىڭ ىشىندەگى 2444 ادام حابارلاندىرىپ سىندالعان، 772 ادام ۇيىمدىق جاقتان ءبىر جايلى ەتىلگەن، 1936 ادامعا پارتيا ءتارتىبى، اكىمشىلىك ءتارتىپ جازاسى بەرىلگەن، 28 ادام ءادىليا ورگاندارىنا تاپسىرىپ بەرىلگەن، دەلوعا بايلانىستى 150 ميلليون 877 مىڭ 900 يۋان قارجى وتكىزىپ الىنعان، 519 ميلليون 459 مىڭ 500 يۋان قارجى قايتارىلىپ بەرىلگەن، 320 مىڭ مۋ جەر اداقتالعان.

  ستيل قۇرىلىسى ۇزدىكسىز يگەرىلەدى، بۇقارانىڭ مۇددەسىنە زيان جەتكىزۋ ماسەلەسىن تەكسەرىپ ءبىر جايلى ەتۋ دە ۇزدىكسىز جۇرگىزىلەدى. 23 - مامىردا باس نىسانانى تياناقتاندىرىپ، «ءۇش قيان - كەسكى شايقاستى»، «ءبىر حالىقتىق شايقاستى» ويداعىداي جۇرگىزۋ سىندى ماڭىزدى مىندەتتى ارقاۋ ەتىپ، اۆتونوميالى رايون وڭتۇستىك شينجياڭداعى 3 ايماق، ءبىر وبلىستىڭ بۇقارالىق قىزمەتىنە قۋزاۋ - جەتەكشىلىك ەتۋدى جاپپاي باستادى. اۆتونوميالى رايوندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى لو دۇڭچۋان بىلاي دەپ باسا دارىپتەدى: وڭتۇستىك شينجياڭدا بۇقارالىق قىزمەتكە قۋزاۋ - جەتەكشىلىك ەتۋ اۆتونوميالى رايوندىق پارتكومنىڭ پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدەگى، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋداعى پارمەندى شاراسى، «4 ءتۇرلى بۇرىس ستيلدى»، «4 تەرىس پيعىلدى» جونگە سالۋدىڭ، كادرلاردىڭ ستيلىن جاقسارتۋدىڭ ءونىمدى جولى، بۇقارانىڭ ارمان - تىلەگىنە جاۋاپ قايتارۋدىڭ، بۇقارانىڭ ماسەلەسىن شەشىم ەتۋدىڭ، پارتيا مەن بۇقارانىڭ، كادرلار مەن بۇقارانىڭ قارىم - قاتىناسىن كۇشەيتۋدىڭ كوكەي تەستى قاجەتى. ءار دارەجەلى پارتيا ۇيىمى مەن قالىڭ پارتيالى كادرلار ساياسي تۇرعىنى بيىكتەپ، وڭتۇستىك شينجياڭدا بۇقارالىق قىزمەتكە قۋزاۋ - جەتەكشىلىك ەتۋدىڭ ساياسي جاۋاپكەرشىلىك سەزىمى مەن تاريحي بورىشتىلىق سەزىمىن شىن مانىندە كۇشەيتۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار