شينجياڭعا بەرىلگەن باعىتتامالى كومەك: كەدەيلەردى كەدەيلىكتەن قۇتىلدىرۋدان قامال الۋعا جاڭا قوزعاۋشى كۇش ۇستەدى
− شينجياڭعا جاڭا كەزەكتى باعىتتامالى كومەك بەرۋ قىزمەتىنىڭ تابىستارى جونىندە (3)
حان چينيان
2017.07.19 14:23 كەلۋ قاينارى : ءتاڭىرتاۋ تورابى
شينجياڭعا جاڭا كەزەكتى باعىتتامالى كومەك بەرۋ قىزمەتى باستالعاننان بەرى، شينجياڭعا كومەك بەرگەن 19 ولكە، قالا كومەك العان ورىندارمەن قول ۇستاسا العا ىلگەرىلەپ، جان - جاقتى وداقتاسىپ، كەدەيلىكتەن قۇتىلدىرۋدان قامال الۋعا كومەكتەسىپ، جۇرت تىلەگىن توعىستىرۋعا تاباندى بولىپ، قىستاقتاردىڭ بىرىنەن سوڭ ءبىرىنىڭ «كەدەيلىك قالپاعىن» الىپ تاستاۋىنا، كەدەيلەردىڭ بىرىنەن سوڭ ءبىرىنىڭ كەدەيلىكتەن قۇتىلىپ، اۋقاتتانۋىنا، جاپپاي دوڭگەلەك داۋلەتتى قوعام قۇرۋ جولىندا، بىردە - ءبىر ۇلتتىڭ، بىردە - ءبىر كەدەي وتباسىنىڭ قاتاردان قالىپ قويماۋىنا مۇمكىندىك جاسادى.
كاسىپ ارقىلى شينجياڭعا كومەك بەرۋ كەدەيلىكتەن قۇتىلۋعا جول اشتى
3 - شىلدەدە اتۇش قالاسىنىڭ كاسىپكە جەبەۋ بازاسى − قىزىلسۋ قىرعىز اۆتونوميالى وبلىسىنداعى ءۇمىت كيىم - كەشەك زاۆودىنىڭ سەحىندا جۇمىس ىستەيتىن ايەل جۇمىسشى جىرقال تىلشىگە بىلاي دەدى: «كۇيەۋىم ەكەۋىمىز دە جۇمىس تاپتىق، ايىنا 6000 يۋان ەڭبەكاقى الامىز. قالتامىز بارعان سايىن قامپايىپ، تۇرمىسىمىز بارعان سايىن جاقساردى».
جياڭسۋ ولكەسىنىڭ شينجياڭعا كومەك بەرۋىندە اتۇش قالاسى ازاق اۋىلى ازاق قىستاعىندا تۇراتىن جىرقالدىڭ وتباسى تۇرمىسى جاقساردى. قىزىلسۋ قىرعىز اۆتونوميالى وبلىسىنىڭ وسى زامانعى كاسىپ شوعىرى دانەكەرىن قۇرۋىنا كومەك كورسەتۋ ءۇشىن، جياڭسۋ ولكەسى 387 ميلليون يۋان قارجى قوسىپ، اتۇش (كۇنشان) كاسىپ باقشاسىن، وچا - چاڭجوۋ ونەركاسىپ باقشاسىن جانە اقشي جەڭىل ونەركاسىپ باقشاسىن قۇرىپ، اۋماعى 7 شارشى كيلومەتر كەلەتىن باقشا رايونى قۇرىلىسىن تامامداپ، ولشەمگە تولىمدى 40 نەشە زاۆود ءۇيىن سالىپ، جۇڭشين ەنەرگيا، ەرەكشە ترانسفورماتور قاتارلى ءبىر قىدىرۋ كاسىپورىننىڭ ىرگە تەبۋىنە، جەرگىلىكتى ورىننان 6200دەن استام ادامنىڭ كاسىپكە ورنالاسۋىنا باستاماشىلىق ەتتى.
گۋاڭدۇڭ ولكەسىنىڭ كومەك كورسەتۋىمەن قاشقار كونەءشار اۋدانىنان گۋاڭجوۋ شينچىڭ ساۋدا سارايى، ءپايزاۋات ونەركاسىپ باقشاسى قاتارلىلار سالىنىپ، 124 نىسانعا 45 ميلليارد 900 ميلليون يۋان قارجى ەنگىزىلىپ، كومەك العان ورىنعا 50 مىڭنان استام جۇمىسقا ورنالاسۋ ورنى ازىرلەنىپ، شينجياڭ كولەمىندە باسقا سالاعا ويىستىرىپ كاسىپكە ورنالاسقاندار سانى 100 مىڭ ادام - رەتكە، شينجياڭنان سىرت جەرلەرگە بارىپ كاسىپكە ورنالاسقاندار سانى 16 مىڭ ادام - رەتكە جەتتى.
نىسان سەلبەستىگى بۇقارانىڭ كىرىسىنىڭ ارتۋىن جەبەدى
قۇلجا اۋدانى تۇرپانيۇزى اۋىلى تومەنگى تۇرپانيۇزى قىستاعىندا راقىمانجان جياڭسۋ ولكەسىنىڭ كومەك كورسەتۋىمەن سالىنعان جەر سىلكىنىسىنە ءتوزىمدى بەيقۇت ءۇي سالىپ، حالىقتى اۋقاتتاندىرۋ ۇيىنە كوشىپ كىردى، وندا سۋ، توك، تازالىق بولمەسى بار، مال قورا ۇيدەن اۋاشا سالىنعان، «قازىر سىرتتا جاۋىن جاۋىپ تۇرسا دا ۇيدە الاڭسىز ۇيىقتايتىن بولدىق».
شاندۇڭ ولكەسىنىڭ شينجياڭعا باعىتتامالى كومەك بەرۋ قىزمەتىنىڭ الدىڭعى شەپ قولباسشىلىق شتابىنىڭ باس قولباسشىسى، قاشقار ايماقتىق پارتكومنىڭ ورىنباسار شۋجيى ياڭ گوچياڭ: بەيقۇت ۇيگە كوشىرىپ كىرگىزگەننەن كەيىن، حالىقتى اۋقاتتاندىرۋ ماسەلەسىن ويلاستىراتىن بولدىق، - دەدى.
يەڭەسار اۋدانى چىڭگۋان اۋىلى قاشارىق قىستاعىندا شاندۇڭ ولكەسىنىڭ كومەك كورسەتۋىندە 57 جاڭاشا وسىزاماندانعان جىلىجاي بوي كوتەردى. قىستاق تۇرعىنى ابدۇساتتار سادىر بىلاي دەدى: «مەنىڭ ۇلەسىمە ءبىر كۇن نۇرى جىلىجايى ءتيدى، جىلدىق كىرىسىم 25 مىڭ يۋان اينالاسىندا. قازىر وتباسى تۇرمىسىمىز بارعان سايىن جاقساردى، ءوز اينالامىزداعى بۇقارانىڭ بىرگە اۋقاتتانۋىنا كومەكتەسە الاتىن بولدىم».
شاڭحاي قالاسى باعىتتامالى كومەكتەسكەن قاشقار ايماعىنداعى 4 اۋداندا اينەكتەن 22 مىڭ شارشى مەترلىك ينتەللەكتۋالدى جىلىجاي، 30 مىڭ 400 كوكونىس جىلىجايى سالىنىپ، وسى زامانعى اۋىل شارۋاشىلىعىنان ۇلگى كورسەتۋ نىسانى ءوندىرىستى، ءونىمدى، كىرىستى ارتتىرۋدى جەبەۋدى پارمەندى كەپىلمەن قامدادى. ءىرى ءوندىرىس اۋقىمى جۇرتتىڭ كوزقاراسىن وزگەرتىپ، كوپتەگەن ادامنىڭ «تومەن دەڭگەيدەگى كەدەيلىكتەن قۇتىلۋىنا» مۇمكىندىك جاراتتى.
قازىر شينجياڭعا جاڭا كەزەكتى باعىتتامالى كومەك بەرۋ قىزمەتىنىڭ ىلگەرىلەۋىنە ساي، بۇرىنعى ءشول دالالار شىت جاڭا بەينەگە ەندى: اتۇش قالاسىنىڭ ماڭىنداعى قۇمساق قىستاعىنىڭ قاعىر دالاسىنان 5000 شارشى مەترلىك وسى زامانعى ينتەللەكتۋالدى جىلىجاي بوي كوتەردى. جياڭسۋ ولكەسىنىڭ تولىق كومەك كورسەتۋىمەن سالىنعان وسى «اتۇش - كۇنشان ءشول دالا اۋىل شارۋاشىلىق عىلىم - تەحنيكاسىنان ۇلگى كورسەتۋ باقشاسى» نەبارى 8 ايدا سالىنىپ بولدى، بۇل ارادا ءار ءتۇرلى كوكونىستەن 2 ميلليون ءتۇپ مايسا ءوسىرىلىپ، جەرگىلىكتى ديقاندار كوتەرمەگە العان 550 جىلىجايعا تەگىن تاراتىلدى.
شينجياڭعا كومەكتەسىپ، كەدەيلەردى سۇيەمەلدەۋ ينجەنەريالارى تيانشان پەرزەنتتەرىنە وتان ۇلى شاڭىراعىنىڭ مەيىرىن شىنايى سەزىندىردى.
«3 جىلدان بەرى 52 كاسىپ سەلبەستىك نىسانى ەنگىزىلىپ، 10 ميلليارد 200 ميلليون يۋان قارجى تياناقتانىپ، 12 مىڭ ادام جۇمىسقا ورنالاستى، ولاردىڭ %80ى جەرگىلىكتى ورىنداعى از ۇلت بۇقاراسى». جىجياڭ ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابىنىڭ قولباسشىسى ۋاڭ تۇڭلين بىلاي دەدى: «13 - بەسجىلدىق» جوبا مەزگىلىندە جىجياڭ ولكەسى شينجياڭعا كومەكتەسۋ جونىندە «10 ميلليارد يۋان قارجى قوسۋ، 100 مىڭ ادامدى جۇمىسقا ورنالاستىرۋ» ءىرى نىسانى ارقىلى شينجياڭعا كومەكتەسۋ نىساناسىن ورتاعا قويدى.
وسى بىرنەشە جىلدان بەرى، شينجياڭعا باعىتتامالى كومەكتەسىپ، كەدەيلەردى سۇيەمەلدەۋ قىزمەتى ارقىلى كومەك العان ورىندارداعى كوپتەگەن بۇقارا وتباسى ءوندىرىس - ەڭبەك فورماسىنان قۇتىلىپ، ولشەمدەسكەن، ۇيىمدى، كاسىپورىنداسقان ءوندىرىس بارىسىنا قادام تاستادى.
«قوسالقى زاۆود» ارقىلى ەگىنشىلەر ءوز جەرىندە اقشا تاباتىن بولدى
وسى كۇندەرى قاعىلىق اۋدانى جەتىملىقۇم اۋىلى جەتىملىقۇم قىستاعىنداعى اۋاگۇل مامەت قاربالاس جاڭعاق ارشۋدا. ونىڭ تاعى بىرنەشە اۋىلداسى دا وسى اۋىل - قىستاق سەلبەستىك كووپەراتيۆىندە ىستەيدى. كوپشىلىك جاڭعاقتى اسپاپپەن شاعادى، ونان سوڭ جاڭعاق ءدانىن سورتىنا قاراي تۇرگە ايىرادى. وسى جۇمىس ارقىلى قىستاق تۇرعىندارى كۇنىنە 50 − 60 يۋان تازا كىرىس تابادى.
بيىلعى جاڭعاق ارشۋ بۇرىنعى جىلدارداعىعا ۇقسامايدى، ولار جاڭعاقتى ۇيلەرىندە ەمەس، اۋىلدىق كوميتەتتىڭ اۋلاسىندا ارشيتىن بولدى، سول قىستاقتاعى ايەلدەر مەن قارتتاردان 50 نەشە ادام اۋاگۇلمەن بىرگە ىستەيدى، جاڭعاق ارشيتىن ماشينالاردىڭ «گۇرىلدەگەن» داۋىسىمەن قوسا، اۋلادا بالالار اسىر سالىپ ويناپ ءجۇر، اۋاگۇلدىڭ 4 جاسقا تولماعان ۇلى قاربالاس جۇمىس ىستەپ جاتقان شەشەسىنىڭ قاسىنا كەلىپ ەركەلەيدى، قاربالاس جۇمىس ىستەلىپ جاتقان تۇتاس اۋلانىڭ ءىشى سۇيىسپەنشىلىككە تولى.
العاشقى باسقىشتا تۇرگە ايىرىلعان جاڭعاق ءدانى وسىدان نەشە كيلومەتر شالعايداعى ازىق - تۇلىك - سۋسىندىق زاۆودىندا ارناۋلى مانەرلەنەدى، بۇل جەرگىلىكتى ورىنداعى جاڭعاق شىرىنىن ءوندىرۋدى نەگىز ەتەتىن كاسىپورىن.
وسى ازىق - تۇلىك - سۋسىندىق سەرىكتەستىگىنىڭ باس ديرەكتورى ان جيالياڭ بىلاي دەدى: سەرىكتەستىگىمىز «X+N+1» كاسىپ ۇلگىسىن ورناتتى، ياعني ءبىر باستاماشى كاسىپورىننىڭ جىنتىكتەي مانەرلەۋىنە تاپسىرادى، بىرنەشە «قوسالقى زاۆود» كاسىپتىك مانەرلەۋمەن، ءبىر قىدىرۋ اۋىل - قىستاق سەلبەستىك كووپەراتيۆتەرى باستاپقى مانەرلەۋمەن شۇعىلدانادى.
ان جيالياڭ بىلاي دەدى: «بيىل سەرىكتەستىگىمىز جاڭادان 8 قوسالقى زاۆود قۇرىپ، جەرگىلىكتى ورىننان 600 ەڭبەككۇشتى كاسىپكە ورنالاستىرماقشى».
شاڭحايدىڭ شينجياڭعا باعىتتامالى كومەكتەسۋى بۇل بارىستا شەشۋشى رول اتقاردى، ول وسى ازىق - تۇلىك - سۋسىندىق كاسىپورنىن قارىز اقشا كەپىلىمەن قامداپ قالماستان، ونىڭ جاڭا ونىمدەر زەرتتەۋىن بەلسەنە قولدادى، شينجياڭعا باعىتتامالى كومەك قاراجاتىنان قارجى اجىراتىپ، ورىن اشىپ، ءارقايسى «جاڭعاق ارشۋ تۇيىندەرىنىڭ» اۋىل شارۋاشىلىق سەلبەستىك كووپەراتيۆىنە اينالۋىن دەمەدى، سونداي - اق كەيبىر اۋىل - قالاشىقتاردان ولشەمدى زاۆود ۇيلەرىن سالۋعا قارجى قوسىپ، بولاشاقتا جاڭعاقتى كاسىپتىك مانەرلەيتىن جابدىق ەنگىزبەكشى.
قىستاق تۇرعىندارى ەڭبەكاقى كىرىسىن تۇرمىس قاينارى ەتەتىن كاسىپپەن شۇعىلداناتىن جۇمىسشىعا اينالادى، بۇل شينجياڭعا باعىتتامالى كومەكتەسىپ، كەدەيلەردى سۇيەمەلدەۋدىڭ جەرگىلىكتى ورىنعا جەتكىزگەن ەڭ ۇلكەن وزگەرىسى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
