2017 - جىلدىق جۇڭگو شينجياڭ ىلە تۇلپارى حالىقارالىق ساياحات مەرەكەسى باستالدى
2017.07.19 14:24 كەلۋ قاينارى : ءتاڭىرتاۋ تورابى
شىلدەدە موڭعۇلكۇرەدە ميلليون مۋلىق قىشى جامىراي گۇل اشىپ، 10 مىڭ تۇلپار جەر قايىستىرا جۇيتكىدى. 16 - شىلدەدە «تۇلپار جانە الەم» تاقىرىبىنداعى 2017 - جىلدىق جۇڭگو شينجياڭ ىلە تۇلپارى حالىقارالىق ساياحات مەرەكەسى موڭعۇلكۇرە اۋدانىنىڭ تۇلپار ساياحات - مادەنيەت باقشاسىندا سالتاناتپەن باستالدى.
اشىلۋ سالتىنداعى «10 مىڭ تۇلپاردىڭ جۇيتكۋى» قيمىلدىڭ ايبىنىن اسقاقتاتىپ، «تۇلپار جانە الەم» اتىنداعى كوپ نەگىزدى ۇلتتىق سالت - سانا مادەنيەتىنىڭ كولەمدى كونسەرتى ادام مەن تابيعاتتىڭ جاراسىمدىلىعىن ايگىلەسە، اسەرلى سەزىمگە تولى كولەمدى دالالىق ادەبيەت - كوركەمونەر كونسەرتى مەن ات ونەرى ويىنى 10 مىڭنان استام جۇڭگو - شەتەل ساياحاتشىلارىن وزىنە باۋرادى.
وسى رەتكى ساياحات مەرەكەسى جارىس قيمىلدارى، «ءبىر بەلدەۋ، ءبىر جول» قارىم - قاتىناس، اۋىس - كۇيىسى، مادەنيەتتىك ساۋدا - ساتتىق، جالپى حالىقتىڭ ات سالىسۋى، تۇلپار مادەنيەت باقشاسىنىڭ جەلىلەس قيمىلدارى، ۇگىتتەۋ - تانىستىرۋ سياقتى 7 ءىرى بولەكتەن قۇرالادى، 2017 - جىلدىق مەملەكەتتىك ات ونەرى توزىمدىلىك جىلجىمالى جارىسى (موڭعۇلكۇرە بەكەتى)، جۇڭگو ۇشقىر ات بايگەسى سيلىقتى جارىسى (موڭعۇلكۇرە بەكەتى)، جىبەك جولى لوڭقاسى ۇشقىر ات بايگەسى، 2017 - جىلدىق «تيانشانداعى ات تالقى» جوعارى دارەجەلى تالقى مىنبەرى جانە تۇڭعىش كەزەكتى جۇڭگو «ورتا ازيا جىلقى شارۋاشىلىعى تالقى مىنبەرى»، سونداي - اق ەرەكشە اس - سۋ كورگىزبەسى سياقتى 25 جەلىلەس قيمىل قامتىلعان.
جۋىق جىلداردان بەرى، موڭعۇلكۇرە اۋدانى عىلىم - تەحنيكا ارقىلى جاڭالىق اشۋدى قوزعاۋشى كۇش، اسىل تۇقىمدى جىلقىنى كوبەيتۋ - ءوسىرۋدى تياناق، كاسىپتىڭ بىرلەسپەلى دامۋىن تەتىك ەتىپ، جىلقى تۇقىمىن جەتىلدىرۋدە جاڭالىق اشۋ بازاسى، سپورتتىق اتتاردى جاتتىقتىرۋ بازاسى، جىلقى مادەنيەتى سەرۋەن بازاسى، ات جارىسى ىستەرىنەن ۇلگى كورسەتۋ بازاسى، جىلقى ونىمدەرىن مانەرلەۋ بازاسى، جىلقى شارۋاشىلىعى دارىندىلارىن تاربيەلەۋ بازاسى سىندى جىلقى شارۋاشىلىعىنىڭ «6 بازاسىن» زور كۇشپەن قۇردى. 2016 - جىلى بۇل اۋداننىڭ باعىمداعى جىلقىسى 97 مىڭ 400گە جەتىپ، جىلقى شارۋاشىلىعىنىڭ توتە ءونىم قۇنى 320 ميلليون يۋان بولىپ، مال شارۋاشىلىعى جالپى قۇنىنىڭ %32.3ىن ۇستادى؛ شارۋالاردىڭ جىلقى شارۋاشىلىعىنان كەلەتىن جان باسىندىق ارتقان كىرىسىنىڭ مال شارۋاشىلىعىنان ارتقان كىرىسىنەن ۇستاعان ۇلەس مولشەرى %36.4كە جەتىپ، شارۋالاردىڭ جان باسىندىق جاڭادان ارتقان كىرىسىنەن ۇستاعان ۇلەس مولشەرى %19.8بولدى؛ جىلقى مادەنيەتى بويىنشا قابىلداعان ساياحاتشى سانى ءبىر ميلليون 270 مىڭ ادامعا جەتىپ، ساياحات كاسىبىنىڭ تابىسى 390 ميلليون يۋان بولدى.
2017 - جىلدىق تۇلپار حالىقارالىق ساياحات مەرەكەسىنىڭ كولەمى اسا ۇلكەن بولدى، تۇلپار مادەنيەتىن ىشكەرىلەي اشۋ جانە جان - جاقتى ايگىلەۋ ارقىلى تۇلپار حالىقارالىق ساياحات مەرەكەسىن «جىبەك جولى ەكونوميكالىق بەلدەۋىندەگى» جىلقى مادەنيەتىنىڭ وزەكتى كورمەسى ەتۋ − ىلەنىڭ كوركەم كورىنىسىن، باي گۋمانيتارلىق باۋرامدىلىعىن جانە الۋان الاۋلى ۇلتتىق سالت - ساناسىن ۇگىتتەپ، «مال شارۋاشىلىعى شالقىعان موڭعۇلكۇرە. تۇلپار مەكەنى» ماركاسىن كورنەكتىلەندىرۋ جونىنەن بەلسەندى مانگە يە. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
