بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

زاڭمەن جونگە سالۋ جاۋاپكەرشىلىكتى جەبەدى، رەفورما حالىق جۇرەگىنەن جول تاپتى

− پارتيا 18 - قۇرىلتايىنان بەرگى ارىز - ارمان قىزمەتىنە جالپى شولۋ

 باي ياڭ

2017.07.20 14:21     كەلۋ قاينارى : ءتاڭىرتاۋ تورابى

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ارىز - ارمان قىزمەتىنە باسا ءمان بەردى، پارتيا 18 - قۇرىلتايىندا جانە پارتيا 18 - كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى، التىنشى جالپى ماجىلىستەرىندە ارىز - ارمان قىزمەتى تۇزىمىنە رەفورما جاساۋ، ارىز - ارمان قىزمەتىن زاڭمەن جونگە سالۋ ارناسىنا ەنگىزۋ، ت. ب جونىندە ورنالاستىرۋ جاسالدى؛ 2014 - جىلى ورتالىق كوميتەت كەڭسەسى، مەملەكەتتىك كەڭەس كەڭسەسى «بۇقارالىق قىزمەت ءتاسىلىن جاڭالاپ، ارىز - ارمانعا قاتىستى كورنەكتى ماسەلەلەردى شەشۋ جونىندەگى پىكىردى» شىعارىپ، ارىز - ارمان قىزمەتى تۇزىمىنە رەفورما جاساۋدىڭ دابىلىن قاقتى.

  بىرنەشە جىلدان بەرى، جەر - جەر، تاراۋلار ماسەلەنى نىشان ەتۋدى كورنەكتىلەندىرىپ، رەفورما جاساپ، جاڭالىق اشۋعا تاباندى بولىپ، بۇقارانىڭ ءتول مۇددەسىنە ساياتىن، قوعامنىڭ جاراسىمدىلىعىنا، ورنىقتىلىعىنا ىقپال تيگىزەتىن ارىز - ارمانعا قاتىستى ماسەلەلەردى ءونىمدى شەشىپ، ارىز - ارمان جاعدايىنىڭ باياندى، ورنىقتى، جاقسى بەتالىسقا قاراي دامۋىن ىلگەرىلەتىپ، ارىز - ارمان جالپى مولشەرى ورنىقتىلىق بارىسىندا ازايعان، ارىز - ارمان ءتارتىبى كورنەكتى جاقسارعان، ارىز - ارمان قىزمەتىنىڭ بەدەلى ۇزبەي جوعارىلاعان تاماشا جاعداي جارىققا شىقتى.

  ارىز - ارمان ىستەرىن جاريا ۇستاپ، ارمان - تىلەگىن ءبىلدىرۋ ءتىپتى دە ىركىلىسسىز، قولايلى بولدى

  جۋىقتا نانجيڭ قالاسىنىڭ تۇرعىنى لي اتاي ينتەرنەت ارقىلى ارىز - ارمان ايتىپ، ءۇيىنىڭ الدىنداعى جولدىڭ ءبۇلىنۋ ماسەلەسىن اڭىس ەتكەن ەدى. ارىز - ارمان مەكەمەسى سول كۇنى - اق جاۋاپ قايتارىپ، بىرنەشە كۇننىڭ ىشىندە - اق جول جوندەلەدى. «ىستەگەن قىزمەتتەرى ينتەرنەتتە تۇگەلدەي ەستەلىككە الىنعان، بارلىعىن ايقىن كورە الامىن»، - دەيدى لي اتاي قىزمەتكەرلەردىڭ تىندىرعان جۇمىستارىن ەرەكشە القاپ.

  سۇيەنىشسىز قارت سياقتى اۋقاتى تومەن قاۋىمنىڭ ءوز اۋىلىندا نەمەسە جاقىن ماڭنان ارمان - تىلەگىن جەتكىزۋىنە قولايلىلىق جاساۋ ءۇشىن، نانجيڭ قالاسى ارىز - ارمان ينفورماتسيا جۇيەسى مەن ينتەلەكتۆالدى الەۋمەتتىك اۋماق ىستەرىنە قولداۋ كورسەتۋ جۇيەسىن الەۋمەتتىك اۋماقتا توعىستىرىپ، ولاردىڭ ۇيىنەن شىقپاي - اق ۇكىمەتكە ارمان - تىلەگىن جەتكىزۋىنە مۇمكىندىك جاسادى.

  «ينتەرنەت+» شىعىس جەلىنەن پايدالانىپ، پارتيا 18 - قۇرىلتايىنان بەرى ارىز - ارمان ىستەرىن جاريا ۇستاۋ قۇرىلىسى تاعى دا تىڭ بەلەسكە كوتەرىلىپ، بۇقارانىڭ كوزبەن كورىپ، ەت قۇلاعىمەن ەستۋىنە، ويداعىداي پايدالانۋىنا مۇمكىندىك جاسالدى.

  − ارىز - شاعىم ايتۋ، تەكتەۋ، ىزىنە ءتۇسۋ، باقىلاۋ، باعالاۋ ءبىر تۇلعالانعان ارىز - ارمان ۋنيۆەرسال كاسىپتىك تۇعىرىن ورناتىپ، مەملەكەت، ولكە، قالا، اۋدان ءتورت دارەجەلى ارىز - ارمان تاراۋلارى، 36 ورتالىق ورگان مەن مەملەكەت ورگانى، سونداي - اق نەشە 10 مىڭداعان فۋنكتسيالىق تاراۋ، اۋىل - قالاشىق، مالىلەر ارا بايلانىس جاساپ، حابارلاسۋ بايلىعىنان تەڭ يگىلىكتەنۋدى جۇزەگە اسىردى؛ ينەرنەتتەگى ارىز - شاعىمداردى قابىلداۋ مازمۇنىن اشىق ۇستاپ، ءۇنحات، قول تەلەفون ابونتتارى سياقتى ارىز - شاعىم تۇعىرىن ىسكە قوسىپ، بۇقارانىڭ ارمان - تىلەگىن ءبىلدىرۋى ءتىپتى دە ىركىلىسسىز، قولايلى، تەز بولىپ، ينتەرنەت بۇقارانىڭ ارىز - ارمانىن جەتكىزەتىن نەگىزگى ارناعا اينالدى.

  − ارىز - ارمان ىستەرىن ءبىر جاقتى ەتۋ بارىسى مەن ناتيجەسىن جاريا ۇستاپ، ارىز - ارمان قىزمەتىن باعالاۋ ۇقىعىن بۇقاراعا بەرىپ، ارىز - ارمان ىستەرىن ءبىر جاقتى ەتۋ ساپاسى مەن ونىمدىلىگىنىڭ كوتەرىلۋىنە قۋزاۋشىلىق ەتتى؛ بۇقارا رازى بولماعان ءتۇيىندى ارىز - ارمان ىستەرىن مەملەكەتتىك ارىز - ارمان مەكەمەسى ورتالىقتاعى قاتىستى مينيسترلىكتەرمەن، كوميتەتتەرمەن بىرگە 13 توپتا (رەت) جۇمىس باسىندا قۋزاۋ - تەكسەرۋ جۇرگىزدى ءارى حالىق قۇرىلتايى ۋاكىلدەرىن، ساياسي كەڭەس مۇشەلەرىن جانە تىلشىلەردى تۇتاس بارىسىنا قاتىسۋعا ۇسىنىس ەتىپ، قۋزاۋ - تەكسەرۋ بارىسى مەن ناتيجەسىن قوعامعا جاريالاپ، جەر - جەر، تاراۋلارعا جەتەكشىلىك ەتىپ، ارىز - ارمانعا قاتىستى ماسەلەلەردى شەشتى.

  − ارىز - ارمان ىستەرىن جاريا ۇستاۋعا تاباندى بولىپ، اقپار جاريالاۋ ءماجىلىسىن، اقپارات قۇرالدارىن اشىق ۇستاۋ كۇنىن، اقپارات قۇرالدارىنىڭ اڭگىمە ءماجىلىسىن وتكىزىپ، قوعام قايراتكەرلەرىن ارىز - ارمان تاراۋلارىن ارالاۋعا ۇسىنىس ەتتى؛ مەملەكەتتىك ارىز - ارمان مەكەمەسى رەسمي سايتىنىڭ مازمۇنىن جاڭالاپ، دارەجەسىن ءوسىرىپ، ءۇنحات الەۋمەتتىك تۇعىرىن ىسكە قوسىپ، ارىز - ارمانعا قاتىستى حابارلاردى دەر كەزىندە جاريالاپ، ارىز - ارمان قىزمەتىنىڭ «ءتىلسىم جەلەگىن» ءونىمدى اشىپ، جاڭا داۋىردەگى ارىز - ارمان قىزمەتىنىڭ ءتىپتى دە جاريا، سەنىمدى وبرازىن ايگىلەدى.

  ارىز - ارماندى جاۋاپكەرشىلىكپەن ىستەپ، ماسەلەنى اناعۇرلىم تەز، اناعۇرلىم ءونىمدى شەشتى

  بيىل مامىر ايىندا جىجياڭ ولكەسى جياشيڭ قالاسىنىڭ تۇرعىنى لي XX ينجەنەريانىڭ قارىز اقشا ماسەلەسى جايلى ارىزدانادى، جەرگىلىكتەگى ارىز - ارمان تاراۋلارى ارالاسقاننان كەيىن، ماسەلە كەلەسى كۇنى تولىق شەشىمىن تابادى. لي XX ءوزىنىڭ تەك بايقاپ، سىناپ كورۋ ءۇشىن كەلگەنىن، ماسەلەنىڭ وسىنشاما تەز شەشىم تاباتىنىن ويلاماعانىن جاسىرا المادى.

  ارىز - ارمان ىستەرىنە رەفورما جاساعاننان بەرى، جەر - جەر ارىز - ارماندى جاۋاپكەرشىلىكپەن ىستەۋ ارقىلى جاۋاپكەرشىلىك تىزبەگىن ايقىنداپ، جاۋاپكەرشىلىك ۆەنتىن قاتايتىپ، جاۋاپكەرشىلىكتى ادا ەتۋ ونىمدىلىگىن جوعارىلاتتى، سول ارقىلى ارىز - ارمان قىزمەتىنىڭ سەرپىنى ءتىپتى دالمە - ءدال، تەبىنى باياندىلىقتى ساقتاپ، اناعۇرلىم كوپ ارىز - ارمان ىستەرى سول جەردىڭ وزىندە - اق دەر كەزىندە شەشىمىن تاپتى.

  ءبىر جاعىنان، العاشقى ارىز - ارماندى ءبىتىرۋدى كۇشەيتىپ، بۇقارانى زاڭ بويىنشا دارەجە بويىنشا ارىزدانۋعا جەتەكشىلىك ەتىپ، تاۋەلدى جەر مەن نەگىزگى ساتىنىڭ جاۋاپكەرشىلىگىن ونان ارى نىعايتسا؛ ەندى ءبىر جاعىنان، ارىز - ارمان ىستەرىن ءبىتىرۋدى وڭايلاستىرىپ، باسشى كادرلاردىڭ ارىز - ارمان قابىلداۋىن، تومەنگە ءتۇسۋىن، دەلوعا جاۋاپتى بولۋىن ىشكەرىلەي ورىستەتتى. ساناق بويىنشا، 2014 - جىلدان بەرى، بۇكىل ەلدەگى ءار دارەجەلى باسشى كادرلاردان 4 ميلليون 738 مىڭ ادام - رەت ارىز - ارمان قابىلداۋ، تومەنگە تۇسۋگە قاتىناسىپ، %95.6 قالا، ايماق، وبلىس، %90.9 اۋدان، قالا، رايوندار بىرلەسكەن ارىز - ارمان قابىلداۋ ورنىن قۇرىپ، ارىز - ارمان ىستەرىن العاشقى كەزەڭىندە، تاۋەلدى جەرىندە شەشۋگە قۇلشىندى.

  ارىز - ارمان ىستەرىندە كورنەكتى ورىن تەپكەن «قيىن دەلولارعا»، «كىلتەڭ دەلولارعا»، «اياقسىز دەلولارعا» قاراتا جەر - جەر ماسەلەنى شەشۋدىڭ «كەشەندى شارالارىن» شىعارىپ، كوپ شارانى قاتار قولدانۋ ارقىلى بار كۇشپەن قامال الدى. 5 جىلدان بەرى، جىلدار بويى جينالعان ءبىرسىپىرا قايشىلىقتار مەن ماسەلەلەر ءونىمدى شەشىمىن تاۋىپ، ءبىرسىپىرا باسىلىپ قالعان دەلولار شىنايى شەشىلدى.

  ارىز - ارمان جاۋاپكەرشىلىگىن ىشكەرىلەي كۇشەيتۋ ءۇشىن، جەر - جەر دەر كەزىندە ارىز - ارماندى قابىلداۋ سالىستىرماسى، ۋاعىندا ءبىر جاقتى ەتۋ سالىستىرماسى جانە بۇقارانىڭ ريزا بولۋ سالىستىرماسىن وزەك ەتكەن باعالاۋ جۇيەسىن جاپپاي قۇرىپ، اقاۋسىزداندىردى. «ارىز - ارمان قىزمەتى جاۋاپكەرشىلىگىن اتقارۋ ءادىسىن» مۇقيات دايەكتىلەندىرىپ، تياناقتاندىرىپ، قىزمەتىن، جاۋاپكەرشىلىگىن اتقارماعان ارەكەتتەردى قاتاڭ ءبىر جاقتى ەتتى، ارىز - ارمان قىزمەت جاۋاپكەرشىلىگىن اتقارماعاندىعى سەبەپتى ءبىر قاتار پارتيالى كادرلارعا قۋزاۋ سالىندى.

  ارىز - ارمان قىزمەتىن زاڭمەن جونگە سالىپ، ۇقىق - مۇددەنى قورعاۋدى زاڭ بويىنشا ونان ارى ارناعا ءتۇسىردى

  شاندۇڭ ولكەسى گاۋتاڭ اۋدانىنداعى سۇن XX قاتارلىلار ىلگەرىدە ەڭبەكاقى جونىندە داۋ - شار سەبەبىنەن ولكەلىك ارىز - ارمان مەكەمەسىنە بارىپ ارىز ايتادى، الايدا جەرگىلىكتى ۇكىمەت تالاي رەت سايكەستىرسە دە ماسەلەنى شەشە المادى. 2016 - جىلى قاڭتاردا جاڭادان اتقارىلعان «شاندۇڭ ولكەلىك ارىز - ارمان ەرەجەسىندە» «ارىز - شاعىم مەن ارىز - ارماندى ءبولۋ، تۇرگە ايىرىپ ءبىر جايلى ەتۋ» پرينسيبى ايقىن بەلگىلەنگەن، ۇكىمەتتىڭ زاڭ توپتارى وسى نەگىزدە جاعدايدى قايتادان تەكسەرىپ، سۇن XXتى اۋداندىق ەڭبەك داۋ - شارىنا تورەلىك ايتۋ كوميتەتى ارقىلى داۋ - شاردى شەشۋگە ءجون سىلتەدى. سۇن XX قۋانىپ بىلاي دەدى: «ءبىر ءتاۋىرى ولكەنىڭ جاڭا بەلگىلەمەسىندە ءبىزدىڭ ارىز - ارمانىمىزدى قابىلدايتىن، ءبىر جايلى ەتەتىن زاڭدى جولى ايقىن كورسەتىلگەن ەكەن، سونىڭ ارقاسىندا تابان ەت، ماڭداي تەرىمىزبەن تاپقان ەڭبەكاقىمىز قولىمىزعا ءتيدى».

  ارىز - ارمان قىزمەتىن زاڭمەن جونگە سالۋ ارناسىنا ءتۇسىرۋ − ج ك پ 18 - كەزەكتى ورتالىق كوميتەتىنىڭ ءتورتىنشى جالپى ءماجىلىسىنىڭ ايقىن تالابى. ارىز - ارمان رەفورماسى باستالعاننان بەرى، زاڭمەن جونگە سالىناتىن ارىز - ارمان جۇلگەسى بىرتىندەپ قالىپتاسىپ، ارىز - ارمان ايتۋدىڭ جولى بىرتىندەپ ايقىندالا باستادى.

  ارىز - ارمان مەن ارىز - شاعىمدى ءبولۋ ءتۇزىمىن قاتاڭ تياناقتاندىرىپ، ساياسي - زاڭ ورگاندارىنىڭ زاڭعا، ارىز - شاعىمعا قاتىستى ارىز - ارمان ماسەلەلەرىن زاڭ بويىنشا ءبىر جايلى ەتۋىنە قولداۋ كورسەتتى جانە سەلبەستى؛ ارىز - ارمانداردى زاڭ بويىنشا تۇرگە ايىرىپ ءبىر جايلى ەتۋدى ىشكەرىلەي ىلگەرىلەتىپ، ارىز - ارمان مەن اكىمشىلىك قايتا قاراۋ، تورەلىك ايتۋ، اكىمشىلىك كەسىم جاساۋ، ەڭبەككە قاتىستى باقىلاۋ - تەكسەرۋ سياقتى زاڭدىق جولداردىڭ قابىلداۋ كولەمىن ونان ارى ايقىندادى، ورتالىقتاعى 37 مينيسترلىك، كوميتەت وسى سالاداعى زاڭدىق جولمەن ءبىر جايلى ەتىلەتىن ارىز - ارمان، شاعىم، وتىنىشتەردىڭ تىزىمدىگىن جاسادى؛ ادۆوكات ارقىلى ارىز - ارمان قايشىلىعىن ءبىر جايلى ەتۋ قىزمەتىن ورىستەتىپ، ادۆوكاتتاردىڭ قيىن، كۇردەلى ارىز - ارمانداردى ءبىر جايلى ەتۋ جاعىنداعى ماماندىعىن تولىق ساۋلەلەندىرىپ، زاڭ قىزمەتكەرى، ەرىكتى، پسيحولوگيالىق اقىل - كەڭەس بەرۋشى سياقتى قوعامدىق كۇشتەردىڭ ارىز - ارمان قىزمەتىنە ات سالىسۋىنا مۇمكىندىك جاراتىپ، زاڭدىق ونىمدىلىك پەن قوعامدىق ونىمدىلىكتى يكەمدى بىرلىككە كەلتىردى.

  زاڭمەن جونگە سالۋدىڭ ارىز - ارمان قىزمەتىن جانە ارىز - ارمان ارەكەتىن ارناعا ءتۇسىرۋدى قامتاماسىز ەتۋ رولىن تولىق ساۋلەلەندىرىپ، «ارىز - ارمان ەرەجەسىنىڭ» اتقارىلۋ احۋالىن تەكسەرۋ ارقىلى تياناقتاندىرۋ بارىسىندا ساقتالعان كورنەكتى ماسەلەلەردى ىشكەرىلەي ىزدەدى جانە تۇزەتتى؛ ارىز - ارمان جونىندە زاڭ بەلگىلەۋدى تىڭعىلىقتى ورىستەتىپ، تەكسەرۋ - زەرتتەۋ جۇرگىزۋ، سىپاتتاۋ قىزمەتى قاربالاس جۇرگىزىلدى، كوپ جەر ارىز - ارمان قىزمەتى جونىندە جەرگىلىكتى زاڭ - ەرەجە شىعاردى؛ ارىز - ارمانعا قاتىستى بىلىمدەردى حالىق ۇناتاتىن ۇلگىدە ۇگىتتەدى... وسىلاي ىستەۋ ارقىلى ارىز - ارمان قىزمەتىندە زاڭ بويىنشا ءىس بىتىرەتىن، زاڭعا جۇگىنەتىن، ماسەلەنى زاڭ بويىنشا شەشەتىن، قايشلىقتى زاڭ ارقىلى باسەيتەتىن، زاڭمەن جونگە سالىناتىن ورتا بىرتىندەپ قالىپتاسا باستادى.

  ارىز - ارمان قىزمەتى حالىقتىڭ يگىلىككە كەنەلۋ سەزىمىمەن تىعىز قاتىستى. «شۋەفىڭشان تاۋىنداعى قاراعاي» اتانعان، تاۋلى وڭىردە 20 جىلدى ءبىر كۇندەي وتكىزگەن ي شيانشياۋ، بار ىنتا - پەيىلىمەن حالىق ءۇشىن قىزمەت ەتكەن، حالىق ءوز قىزىنداي كورەتىن مەكەمە باستىعى − گاۋ پيڭجىننان ەكى ۇرشىعى قارايىپ كەتسە دە، 90 مىڭ شاقىرىم تاۋ جولىن باسقان پان چاڭفۋعا دەيىن ارىز - ارمان قىزمەتىنە رەفورما جۇرگىزۋدىڭ امالياتىندا قىرۋار ارىز - ارمان قىزمەتكەرلەرى زاڭمەن جونگە سالۋدى ولشەم، جاۋاپكەرشىلىكتى قوزعاۋشى كۇش ەتىپ، قوعامدىق قايشىلىقتاردى شەشۋدىڭ ءبىرىنشى شەبىندە تاباندىلىقپەن قىزمەت ىستەپ، قوعامنىڭ ادىلدىگىن، تۋراشىلدىعىن قورعاۋدا توتەنشە زور رول اتقاردى.

  وتكەنگە قايىرىلا قاراساق، ارىز - ارمان رەفورماسى تولاعاي تابىستارعا قول جەتكىزىپ، جاڭا دامۋدى ىسكە اسىرىپ، جاڭا جاعداي اشتى. بولاشاققا كوز جىبەرسەك، ءتىپتى دە ىركىلىسسىز، ولشەمدى، اشىق، ءونىمدى ارىز - ارمان قىزمەت ءتۇزىمى باستاپقى قادامدا قالىپتاسىپ، الداعى جەردە زاڭمەن جونگە سالىناتىن جۇڭگو قۇرىلىسىنىڭ ارىندى كۇشى بولماق. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار