بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

تيانجين قالالىق پارتيا، ۇكىمەت ۋاكىلدەر ۇيىرمەسى شينجياڭدا تەكسەرۋ جۇرگىزدى

لي حۇڭجۇڭ، چىن چۋانگو ءسوز سويلەدى، شوكىرات زاكىر، دۋان چۇنحۋا قاتىستى جاعدايلاردى تانىستىردى، نايىم ياسىن، سۇن جينلۇڭ، لي پىڭشين قاتىناستى

2017.07.21 16:12     كەلۋ قاينارى : ءتاڭىرتاۋ تورابى

  تىلشىلەرىمىز ياۋ تۇڭ، يۋان لەي 19 - شىلدەدە ۇرىمجىدەن حابارلايدى. 17 - شىلدەدەن 19 - شىلدەگە دەيىن تيانجين قالالىق پارتكومنىڭ شۋجيى لي حۇڭجۇڭ تيانجين قالالىق پارتيا، ۇكىمەت ۋاكىلدەر ۇيىرمەسىن باستاپ، شينجياڭعا باعىتتامالى كومەكتەسۋ قىزمەتىن تەكسەرۋ - زەرتتەۋ، ەكى جەردىڭ بايلانىسى مەن سەلبەستىگىن ۇزدىكسىز تەرەڭدەتۋ، تيانجين مەن شينجياڭنىڭ قاتار دامۋىن ىلگەرىلەتۋ ماقساتىمەن شينجياڭعا تەكسەرۋ جۇرگىزۋگە كەلدى. اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى نايىم ياسىن، اۆتونوميالى رايوندىق پارتكومنىڭ ورىنباسار شۋجيى، شينجياڭ ءوندىرىس - قۇرىلىس بيڭتۋانىنىڭ ساياسي كوميسسارى سۇن جينلۇڭ، اۆتونوميالى رايوندىق پارتكومنىڭ ورىنباسار شۋجيى لي پىڭشين، تيانجين قالالىق پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار قالا باستىعى دۋان چۇنحۋا اڭگىمە ماجىلىسكە نەمەسە قاتىستى قيمىلدارعا قاتىناستى.

  چىن چۋانگو اۆتونوميالى رايوندىق پارتكوم، ۇكىمەت جانە بۇكىل اۆتونوميالى رايونداعى ءار ۇلت حالقى اتىنان تيانجين قالالىق پارتيا، ۇكىمەت ۋاكىلدەر ۇيىرمەسىنىڭ شينجياڭعا كەلگەنىن قىزۋ قارسى الىپ، تيانجين قالاسىنىڭ ۇزاق ۋاقىتتان بەرى شينجياڭعا زور قولداۋ كورسەتىپ، قالتقىسىز كومەك بەرىپ كەلە جاتقانىنا شىن جۇرەكتەن العىس ايتتى، باس شۋجي شي جينپيڭنىڭ تيانجين قىزمەتى جونىندەگى «ۇشكە كۇش سالۋ» ماڭىزدى نۇسقاۋىن مۇقيات دايەكتىلەندىرۋدە جانە تياناقتاندىرۋدا، ەكونوميكالىق، قوعامدىق دامۋدى ىلگەرىلەتۋدە تيانجين قالاسىنىڭ قول جەتكىزگەن كورنەكتى ناتيجەلەرىنە قۇتتى بولسىن ايتتى. چىن چۋانگو بىلاي دەدى: شينجياڭ ۇيعۇر اۆتونوميالى رايونى باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن جانە ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن، وتە - موتە، شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن مۇقيات دايەكتىلەندىرىپ جانە تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ورنىقتىلىق پەن دامۋ قىزمەتتەرىن ءبىر تۇتاس ىلگەرىلەتتى، قوعامدىق جالپى جاعداي جالپى العاندا ورنىقتى بولدى، ەكونوميكا ورنىقتى، اقاۋسىز دامىدى، ءار ۇلت بۇقاراسىنىڭ تۇرمىسى ۇزبەي جاقساردى، ۇلتتار ىنتىماعى نىعايدى جانە دامىدى، ءتۇرلى قىزمەتتە تىڭ ىلگەرىلەۋشىلىكتەرگە قول جەتتى. شينجياڭعا باعىتتامالى كومەكتەسۋ قىزمەتى جولعا قويىلعان 20 جىلدان بەرى، تيانجين قالاسى شينجياڭعا باعىتتامالى كومەكتەسۋ قىزمەتىنە باستان - اياق باسا ءمان بەرىپ، «جوعارى باستاما، جوعارى ولشەم، جوعارى تيىمدىلىككە» تاباندى بولىپ، شينجياڭعا باعىتتامالى كومەكتەسۋدىڭ «شارۋاشىلىق ارقىلى جۇمىسقا ورنالاستىرۋدى جەبەۋ، وقۋ - اعارتۋ ارقىلى ورنىقتىلىقتى جەبەۋ، دارىندىلار ارقىلى دامۋدى جەبەۋ» سياقتى تيانجيندىك ەرەكشەلىككە يە ۇلگىسىن بەلسەنە قالىپتاستىرىپ، حوتان ايماعى مەن بيڭتۋان 11 - ديۆيزياسىنىڭ قوعام ورنىقتىلىعىن، ەكونوميكالىق دامۋىن، ۇلتتار ىنتىماعىن، حالىق تۇرمىسىنىڭ جاقسارۋىن كۇش سالا جەبەپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە ماڭىزدى ۇلەس قوسىپ، ءار ۇلت كادر - جۇرتشىلىعىنان بارىنشا القاۋ الدى.

  چىن چۋانگو مىنالاردى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى مەن تيانجين قالاسى سياقتى باعىتتامالى كومەكتەسۋشى ولكە - قالالاردىڭ بار كۇشپەن قولداۋى ارقاسىندا، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحى مەن ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن مۇقيات دايەكتىلەندىرىپ جانە تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ جانە تياناقتاندىرىپ، شينجياڭعا باعىتتامالى كومەكتەسۋ قىزمەتىنىڭ مەملەكەتتىك 6 - رەتكى ءماجىلىسىنىڭ ورنالاستىرۋ - تالاپتارى بويىنشا، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى باياندى كوركەيتۋگە تاباندى بولىپ، شينجياڭنىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدى جەتەكشى، ەكونوميكالىق دامۋ مەن حالىق تۇرمىسىنىڭ جاقسارۋىن نەگىز، وتاننىڭ بىرلىگىن قورعاپ، ۇلتتار ىنتىماعىن جەبەۋدى ءتۇيىن ەتىپ، قوعامدىق جالپى جاعدايدىڭ جاراسىمدىلىعى مەن ورنىقتىلىعىن بار كۇشپەن قورعاپ، ەكونوميكانىڭ ورنىقتى، اقاۋسىز دامۋىن ىلگەرىلەتىپ، حالىق تۇرمىسىن بار كۇشپەن قامتاماسىز ەتىپ جانە جاقسارتىپ، ۇلتتار ىنتىماعىن ۇزدىكسىز نىعايتىپ جانە دامىتىپ، ەكولوگيالىق ورتانى بار كۇشپەن قورعاپ، ءدىني تاتۋلىق پەن جاراسىمدىلىقتى جەبەپ، پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتىپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭدى قۇلشىنا قۇرىپ، ناقتى ارەكەتىمىزبەن پارتيا ورتالىق كوميتەتىن الاڭسىز ەتىپ، تيانجين حالقىنىڭ قالتقىسىز كومەگىنىڭ قارىمجىسىن قايتارىپ، پارتيا 19 - قۇرىلتايىنىڭ جەڭىسپەن اشىلۋىن ۇزدىك تابىستارىمىزبەن قارسى الامىز. لي حۇڭجۇڭ تيانجين قالاسىنىڭ باسشىلىق القالارى مەن تۇتاس قالاداعى حالىق اتىنان شينجياڭنىڭ تيانجين قىزمەتىنە ۇزاقتان بەرى بار كۇشپەن قولداۋ كورسەتكەنىنە شىن جۇرەكتەن العىس ايتتى. ول بىلاي دەدى: وسى رەت شينجياڭعا باس شۋجي شي جينپيڭنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، شينجياڭعا باعىتتامالى كومەكتەسۋ قىزمەتىنىڭ مەملەكەتتىك 6 - رەتكى ءماجىلىسىنىڭ رۋحىن مۇقيات تياناقتاندىرۋ ءۇشىن، ەكى جەردىڭ سەلبەستىك جوباسىن بىرگە جاساۋ ءۇشىن كەلدىك. شينجياڭ − ەلىمىزدىڭ باتىس سولتۇستىگىندەگى ستراتەگيالىق قالتقى، پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىزدى ستراتەگيالىق ورنى بار. شينجياڭنىڭ قوعام ورنىقتىلىعى مەن باياندى تىنىشتىعى مەملەكەتتىڭ جالپى جاعدايىنا سايادى. باس شۋجي شي جينپيڭ: «شينجياڭعا باعىتتامالى كومەكتەسۋ − مەملەكەتتىك ستراتەگيا، وعان، ءسوز جوق، ۇزاق ۋاقىت تاباندى بولۋ كەرەك»، - دەپ تەرەڭنەن اتاپ كورسەتتى. ءبىز باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن جانە ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى جەلىلەس ماڭىزدى سوزدەرىنىڭ رۋحىن باتىل دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل تياناقتاندىرىپ، پارتيا مەن مەملەكەتتىڭ ستراتەگيالىق جالپى جاعدايىن تياناق ەتىپ، قوعام ورنىقتىلىعى مەن باياندى تىنىشتىق باس نىساناسىن ارقاۋ ەتىپ، ۇلتتاردىڭ ۇلى ىنتىماعى تۋىن بيىك ۇستاپ، باعىتتامالى كومەكتەسۋ قىزمەتىن باس تارتۋعا بولمايتىن ساياسي جاۋاپكەرشىلىك دەپ ءبىلىپ، ورەسىن جوعارىلاتىپ جانە كۇش ۇستەپ، شينجياڭعا باعىتتامالى كومەكتەسۋ قىزمەتىنىڭ دەڭگەيىن جاپپاي كوتەرۋىمىز كەرەك.

  لي حۇڭجۇڭ بىلاي دەدى: ءبىز بۇل جولى شينجياڭنىڭ پارتيا ورتالىق كوميتەتىنىڭ شەشىم، ورنالاستىرۋلارىن دايەكتىلەندىرۋدەگى ساياسي تۇرعىسىنىڭ بيىك ەكەندىگىن، شينجياڭدى زاڭمەن جونگە سالۋ، شينجياڭدى ىنتىماقتاسا ورنىقتىرۋ، شينجياڭدى باياندى كوركەيتۋگە تاباندى بولعانىن، قىزمەت سەرپىنىنىڭ پارمەندى، ستيلىنىڭ شىنايى ەكەنىن، كورنەكتى ونىمدىلىككە قول جەتكىزگەندىگىن تەرەڭ سەزىندىك. اۆتونوميالى رايونداعى ءار ۇلت پارتيا مۇشەلەرى، كادرلار جانە حالىق بۇقاراسى ناقتى ءىس - ارەكەتتەرىمەن جاۋاپكەرلىكتى باتىلدىقپەن ارقالايتىن تاريحي جاۋاپكەرشىلىك سەزىمدەرىن ايگىلەدى، بۇل ءبىزدىڭ مۇقيات ۇيرەنۋىمىزگە تاتيدى. ءبىز «كوپ ساتىلى ىلگەرىلەتۋ، جالپى بەتتىك قامتۋدى» ىسكە اسىرۋعا ونان ارى كۇش جۇمساپ، دالمە - ءدال «تامشىلاتىپ سۋارۋ» وي جەلىسىمەن حوتان ايماعىنىڭ شىعىس 3 اۋدانى، اۋىل - قالاشىقتارى، قىستاقتارى سىندى 3 دارەجەلى ورىنمەن جۇپ قۇراپ كومەكتەسۋ جۇيەسىن ونان ارى كۇشەيتىپ، حوتاننىڭ جەدەل دامۋىنا دەم بەرۋىمىز كەرەك. «شەكتى مەن شەكسىزدى ۇشتاستىرۋدا» تاباندى بولۋىمىز كەرەك، كومەكتەسۋ قارجىسى شەكتى، تۇتاس قوعامدىق بايلىقتى جۇمىلدىرۋ ارقىلى شينجياڭعا باعىتتامالى كومەكتەسۋ قىزمەتىن ورىستەتۋدىڭ كۇشى شەكسىز، عىلىم - تەحنيكا، دارىندى، وقۋ - اعارتۋ، ەمدەۋ سياقتى جاقتارداعى باسىمدىقتاردى تولىق ساۋلەلەندىرىپ، شينجياڭعا جان - جاقتىلى كومەكتەسۋ قىزمەتىنىڭ جاڭا جۇلگەسىن قالىپتاستىرۋعا كۇش سالۋىمىز كەرەك. «وركەندەتۋ سيپاتىنداعى شينجياڭعا باعىتتامالى كومەكتەسۋگە» كۇش سالىپ، كاسپ سالاسى بويىنشا سەلبەسۋ تۇعىرىن ورناتىپ، كاسىپورىنداردى ەنگىزىپ، كاسىپ سالاسىن سۇيەمەلدەپ، جۇمىسقا ورنالاستىرۋدى جەبەۋىمىز كەرەك. حالىق تىلەگىن توعىستىرۋدى نەگىز ەتىپ، قارىم - قاتىناستى نىعايتىپ، قارىم - قاتىناس ارناسىن كەڭەيتىپ، ۇلتتاردىڭ توعىسۋىن جەبەپ، جۇرەكتەردى توعىستىرۋىمىز كەرەك. ءبىز باس شۋجي شي جينپيڭنىڭ تيانجين قىزمەتى جونىندە العا قويعان «ۇشكە كۇش سالۋ» ماڭىزدى تالابىن مۇقيات تياناقتاندىرىپ، بەيجيڭ، تيانجين، حىبەيدىڭ سايكەستى دامۋىن بەلسەنە ىلگەرىلەتىپ، تيانجيننىڭ ءتۇرلى قىزمەتتەرىن ويداعىداي ىستەپ، باعىتتامالى كومەكتەسۋ قىزمەتىندە اناعۇرلىم زور ناتيجە جاراتىپ، پارتيا 19 - قۇرىلتايىنىڭ جەڭىسپەن اشىلۋىن ۇزدىك تابىستارمەن قارسى الۋىمىز كەرەك.

  شوكىرات زاكىر، دۋان چۇنحۋا شينجياڭ مەن تيانجيننىڭ ەكونوميكالىق، قوعامدىق دامۋى جانە شينجياڭعا باعىتتامالى كومەكتەسۋ قىزمەتىنىڭ جاعدايى جونىندە جەكە - جەكە تانىستىرۋ جاسادى.

  تيانجين قالالىق پارتيا، ۇكىمەت ورىندارىنىڭ ۋاكىلدەر ۇيىرمەسى شينجياڭداعى كەزىندە حوتان قالاسىنا، شەريا، كەريا، نيە اۋداندارىنا باردى، حوتان كاسىپتىك تەحنيكالىق ينستيتۋتى، شەريا اۋدانىنداعى تيانجين ونەركاسىپ باقشاسى، شەريا اۋداندىق 1 - باستاۋىش مەكتەبى، كەريا اۋدانىنىڭ كونە قالا رايونىنداعى لاشىقتى ءوڭىردى وزگەرتىپ سالۋ قۇرىلىسى، نيە اۋدانىنداعى (تيانجين) قوعامدىق يگىلىك باقشاسى، نيە اۋدانىنداعى نيا اۋىلى نيا جاڭا قىستاعىنىڭ قۇرىلعىىلى اۋىل شارۋاشىلىعى سياقتى تيانجيننىڭ شينجياڭعا باعىتتامالى كومەكتەسۋ نىساندارىنىڭ جۇرگىزىلۋ جاعدايىن تەكسەردى، بەيقۇت ءۇي سالىپ، حالىقتى اۋقاتتاندىرۋ، مالشىلاردى وتىرىقتاندىرىپ، مال شارۋاشىلىعىن كوركەيتۋ قۇرىلىسىنىڭ يگىلىگىنە كەنەلگەن كەدەي وتباسىلارىنا امانداستى، قۇربان تۇلىم ەسكەرتكىش سارايىن ەكسكۋرسيالادى، تيانجيننەن شينجياڭعا باعىتتامالى كومەكتەسۋگە كەلگەن كادرلاردان حال سۇرادى.

  تيانجين قالاسىنىڭ باسشىلارىنان لي ي، سان شياڭجۇن، لياڭ باۋميڭ، لي شۋچي، ليۋ چاڭشي، اۆتونوميالى رايوننىڭ باسشىلارىنان لي شۋەجۇن، پىڭ جيارۇي، ۋاڭ يۇڭميڭ، جاۋ چۇڭجيۋ، باي جىجيە قاتارلىلار قاتىستى قيمىلدارعا قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار