ىلە وبلىسى شينجياڭ تيان – ۋىن سەرىكتىگىنىڭ نەگىزگى بازارعا ويىسۋىن ىلگەرىلەتۋ جونىندە سايكەستىرۋ ءماجىلىسىن وتكىزدى
2017.07.25 14:05
ءتىلشىمىز حان شاشا حابارلايدى. اۆتونوميالى وبلىس شىلدەنىڭ 20 – كۇنى شينجياڭ تيان – ۋىن ورگانيكالى اۋىل – شارۋاشىلىعى شەكتى سەرىكتىگىنىڭ نەگىزگى بازارعا ويىسۋىن ىلگەرىلەتۋ جونىندە سايكەستىرۋ ءماجىلىسىن وتكىزدى. وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى ليۋ جيانگو ماجىلىسكە قاتىناستى. اۆتونوميالى وبلىستىق ەكونوميكا – ينفورماتسيالاندىرۋ كوميتەتى، دامۋ – رەفورما كوميتەتى، قازىنا مەكەمەسى، ورتانى قورعاۋ مەكەمەسى، مەملەكەت جەر بايلىعى مەكەمەسى سياقتى تاراۋلاردىڭ جاۋاپتىلارى، نىلقى اۋداندىق حالىق ۇكىمەتىنىڭ جانە شينجياڭ تيان – ۋىن ورگانيكالى اۋىل شارۋاشىلىعى شەكتى سەرىكتىگىنىڭ، تانىستىرۋ قۇرىلىمىنىڭ قاتىستى قىزمەتكەرلەرى سايكەستىرۋ ماجىلىسىنە قاتىناستى.
سايكەستىرۋ ماجىلىسىندە شينجياڭ تيان – ۋىن سەرىكتىگى مەن تانىستىرۋ قۇرىلىمىنىڭ جاۋاپتىلارى سەرىكتىكتىڭ نەگىزگى جاعدايى جانە بازارعا ويىسۋدا ازىرلەۋگە ءتيىستى ماڭىزدى شارتتار، تالاپتار جونىندە دوكلاد جاسادى. شينجياڭ تيان – ۋىن سەرىكتىگى 2014 – جىلى قۇرىلعان، سان – ۋىن بالىق باعىمشىلىعىمەن شۇعىلداناتىن كاسىپورىن، 3 جىلدىق دامۋ ارقىلى بيىلعى العاشقى جارتى جىلداعى ءونىم قۇنى 60 ميلليون يۋانعا، كىرىسى 28 ميلليون يۋانعا جەتتى. سەرىكتىك بيىل تامىز ايىنىڭ سوڭىندا جارناعا وزگەرىس ەنگىزۋ قىزمەتىن ورىنداپ، قازان ايىنىڭ باسىندا نەگىزگى بازارعا ويىسۋدى العا قويىپ، 2018 – جىلدىڭ سوڭىندا ماڭدايشالىق اسىپ بازارعا شىعۋدى جوسپارلاپ وتىر. كەزەكتە، كاسىپورىندى بازارعا ويىستىرۋ قىزمەتى نەگىزىنەن باعىمشىلىك كۋالىگىنىڭ ۋاقىت شەكتەمەلىلىگى، قارجى قوسىلاتىن نىساننىڭ تياناقتانۋى، ورتاعا بولعان ىقپالىن باعالاۋ جانە جايىلىمدى كوتەرمەگە الىپ تيجارات ەتۋ ۇقىعى سياقتى ماسەلەلەرگە ءدوپ كەلۋدە.
كاسىپورىننىڭ دوكلاتىن تىڭداعاننان كەيىن ليۋ جيانگو مىنالاردى تالاپ ەتتى: تاراۋلار، ورىندار اۆتونوميالى وبلىستىڭ 2017-جىلعى 2 -توقساندىق قىزمەت ءماجىلىسىنىڭ رۋحىنا ساي، كاسىپورىندارعا ويداعىداي قىزمەت وتەپ، «جەكە شارۋاشىلىقتى جەكە كاسىپورىنعا، ورتا، شاعىن، ۇساق كاسىپورىنداردى كولەمدەنگەن، كولەمدەنگەندەرىن جارنا تۇزىمىندەگىگە، جارنا تۇزىمىندەگىلەرىن جارناسى بازارعا شىعارىلعان كاسىپورىندارعا اينالدىرۋ» جاعىندا جالعاستى كۇش سالىپ، «ۇقىقتى تومەنگە بەرۋ، باسقارۋ، قىزمەت وتەۋ» رەفورماسىن شىنايى تەرەڭدەتىپ، فۋنكتسياعا بۇرىلىس جاساپ، ونىمدىلىكتى جوعارىلاتىپ، ساپالى قىزمەت وتەۋدى اناعۇرلىم ىلگەرىلەتۋ كەرەك. كاسىپورىننىڭ بازارعا ويىسۋىنا تۇتاس وبلىس قولداۋ كورسەتىپ، شينجياڭ تيان – ۋىن سەرىكتىگىن وبلىسىمىزدىڭ جەرگىلىكتى ورىننان بازارعا ويىسقان تۇڭعىش كاسىپورىنى ەتىپ قۇرۋ؛ شينجياڭ تيان – ۋىن سەرىكتىگى بازارعا ويىسۋ الدىنداعى كاسىپورىن رەتىندە، ورايدى مىقتى يگەرىپ، بازارعا ويىسۋ قادامىن تەزدەتۋ كەرەك. كاسىپورىننىڭ زاڭ - ەرەجە بويىنشا تيجارات جۇرگىزۋىن، بازارعا ويىسۋ بارىسىندا قوعامدىق جاۋاپكەرلىكتى ادا ەتىپ، ەكولوگيالىق ورتانى قورعاۋ سياقتى جاقتارداعى قىزمەتتەردى ويداعىداي ىستەپ، ىلەنىڭ ەكونوميكاسىنىڭ دامۋى، ارتىق ەڭبەككۇشتەردىڭ كاسىپتەنۋى، شارۋالاردىڭ كىرىسىنىڭ ارتىپ، اۋقاتتانۋى ءۇشىن كوپتەپ ۇلەس قوسۋلارىن ءۇمىت ەتەمىن.
ماجىلىسكە قاتىناسقان ورىندار، تاراۋلار وزدەرى جاۋاپتى قىزمەتتەر اياسىندا پوزيتسيا ءبىلدىرىپ، ءسوز سويلەپ، كاسىپورىننىڭ ەرەجە - زاڭ بويىنشا، تيجارات جۇرگىزۋى شارتى استىندا، كاسىپورىندى بازارعا ويىستىرۋدى ىلگەرىلەتۋ قىزمەتىنە بارىنشا سايكەسىپ، كاسىپورىنعا ءىس جۇزىندىك ارەكەتى ارقىلى قىزمەت وتەپ، ىلەنىڭ ەكونوميكاسىنىڭ دامۋىن ىلگەرىلەتەتىندىكتەرىن ءبىلدىردى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
