ىلە وبلىسى 2 – رەتكى ايەلدەر مەن بالالار قىزمەتى ءماجىلىسىن اشتى
قۇرماش سىرجان ۇلى ماجىلىسكە قاتىناستى ءارى ءسوز سويلەدى
2017.07.25 14:08
ءتىلشىمىز شيە لۇڭ حابارلايدى. شىلدەنىڭ 20–كۇنى اۆتونوميالى وبلىس 2 – رەتكى ايەلدەر مەن بالالار قىزمەتى ءماجىلىسىن قۇلجا قالاسىندا اشتى. ماجىلىستە «12–بەس جىلدىق» كەزىندە اۆتونوميالى وبلىستىڭ ايەلدەر مەن بالالار قىزمەتىندە قول جەتكىزگەن ناتيجەلەرى تولىق تۇراقتاندىرىلىپ، «13–بەس جىلدىق» كەزىندەگى ايەلدەر مەن بالالار قىزمەتىنە ورنالاستىرۋ جاسالدى. وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى ماجىلىسكە قاتىناستى ءارى ءسوز سويلەدى.
قۇرماش سىرجان ۇلى سوزىندە بىلاي دەدى: ايەلدەر مەن بالالار قىزمەتى–كەلەلى جاۋاپكەرلىك، داڭقتى بورىش ارقالايتىن قىزمەت. «12–بەس جىلدىقتان» بەرى وبلىستىق پارتكوم مەن ۇكىمەتتىڭ پارمەندى باسشىلىعىندا، ءار دارەجەلى پارتكوم مەن ۇكىمەت قىزمەت مىندەتىن اتقارىپ، جاۋاپكەرلىكتەرىن ادا ەتىپ، بارشا ايەلدەر مەن بالالار قىزمەتكەرلەرىنىڭ قاجىرلىلىقپەن قىزمەت ىستەپ، قوعامنىڭ ءار سالاسىنىڭ بىرلىكتە قۇلشىنۋى ارقاسىندا، وبلىسقا توتە قاراستى ورىنداردىڭ ايەلدەر مەن بالالار قىزمەتىندە تىڭ ناتيجەلەرگە قول جەتكىزىلدى: ايەلدەر مەن بالالاردىڭ اقاۋسىزدىق ورەسى كورنەكتى جوعارىلادى، ايەلدەر مەن بالالاردى تاربيەلەۋ ءىسى جەدەل ىلگەرىلەدى؛ ايەلدەردىڭ ەكونوميكالىق قۇرىلىسقا قاتىناسۋ ورەسى مەن قابىلەتى كورنەكتى جوعارىلادى؛ ايەلدەردەن كاسىپتەنگەندەر سانى ورنىقتى ارتۋدى ساقتادى، ايەلدەردىڭ كاسىپ اشۋ، كاسىپتەنۋ جولى ۇزدىكسىز كەڭەيدى؛ ايەلدەردىڭ شەشىم جاساۋ مەن باسقارۋعا قاتىناسۋ ساياساتتىق مەحانيزمى ءونىمدى تياناقتاندى؛ تۇتاس وبلىستاعى ايەل كادرلاردىڭ سانى ارتىپ، ساپا جاعىنان ۇزدىكسىز جوعارىلادى، ايەل كادرلار قۇرىلىمى ۇزدىكسىز ساپالىلاندىردى؛ ايەلدەر مەن بالالاردىڭ قوعامدىق قامتاماسىزداندىرۋ مەن كومەك بەرۋ جۇيەسى ءتىپتى دە كەمەلدەندى؛ قارتتىقتى قامسىزداندىرۋ ءتۇزىمى قوعامداعى ءتۇرلى بۇقارانى قامتىدى؛ بالالاردىڭ يگىلىك ىستەرى كورنەكتى دامۋعا يە بولدى؛ ايەلدەر مەن بالالاردىڭ ءومىر ءسۇرۋ، قورعالۋ، دامۋ ورتاسى اناعۇرلىم ساپالىلاندى؛ ايەلدەر مەن بالالارعا ساياتىن ساياسات بەلگىلەۋ، زاڭ جاساۋ ىستەرى اناعۇرلىم كەمەلدەندى، ايەلدەر مەن بالالاردىڭ كىسىلىك ۇقىعىنا زيان جەتكىزەتىن زاڭسىز قىلمىستىق ارەكەتتەرگە قاتاڭ سوققى بەرىلدى.
قۇرماش سىرجان ۇلى مىنانى باسا دارىپتەدى: ايەلدەر مەن بالالار ىستەرى كوپتەگەن تاراۋعا، ءارقايسى جىككە جانە بارشا سالاعا ساياتىن جۇيەلى ينجەنەريا. ءار دارەجەلى پارتكوم مەن ۇكىمەت شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن تىعىز توڭىرەكتەي وتىرىپ، ءبىر تۇتاس جوسپارلاۋدى، سايكەستىرۋدى كۇشەيتىپ، قىزمەت مەحانيزمىندە جاڭالىق اشۋ؛ ايەلدەر مەن بالالار قىزمەتىندە كەزەكتە جارىققا شىققان تىڭ تاقىرىپتارعا وسكەلەڭ دارەجەدە ءمان بەرۋ، قالانى دامىتۋ ستراتەگياسى مەن قوعامدى وڭاۋ، جاڭالىق اشۋ جۇيەسىنە ايەلدەر مەن بالالار تۇرعىسىنان وي جۇگىرتۋ، جاڭا وي، تىڭ شارا ارقىلى ايەلدەر مەن بالالار قىزمەتىنىڭ تىڭ وزگەرىسىنە سايكەسۋى كەرەك.
قۇرماش سىرجان ۇلى مىنالاردى تالاپ ەتتى: ءار دارەجەلى ۇكىمەت ايەلدەر مەن بالالار قىزمەتىن ءتىپتى دە ماڭىزدى ورىنعا قويىپ، اكىمشىلىك زاڭ–ەرەجە شىعارۋ، ساياسات–شارا بەلگىلەۋ، دامۋ جوباسىن جاساۋ، قازىنالىق مەجە ەسەپ ورنالاستىرۋ سياقتى قىزمەتتەردە ەر مەن ايەل تەڭ دەيتىن مەملەكەتتىڭ نەگىزگى ساياساتى مەن بالالاردى الدىمەن ويلاستىرۋ پرينسيبىن شىنايى تياناقتاندىرىپ، ايەلدەر مەن بالالار ءىسىن كوركەيتۋدى قوعامدىق ەكونوميكانىڭ دامۋىمەن سايكەستى ىلگەرىلەتۋگە كەپىلدىك ەتۋ؛ اۋدان–قالالار، تاراۋلار جاۋاپكەرشىلىكتى كۇشەيتىپ، تۇلعالىق جاۋاپكەرلىكتى تياناقتاندىرىپ، ءتۇزىلىس مەحانيزمىن كەمەلدەندىرىپ، ايەلدەر مەن بالالار قىزمەتىن شوعىرلى ورىستەتۋدىڭ قۇدىرەتتى بىرىككەن كۇشىن قالىپتاستىرۋ؛ قاتىستى تاراۋلار جاماعات پىكىرىنە جەتەكشىلىك ەتۋدى اناعۇرلىم مىقتى يگەرىپ ءارى كۇشەيتىپ، اۆتونوميالى وبلىستا قازىر ورىستەتىلىپ وتىرعان «ۇلتتار ىنتىماعىنىڭ بەرەكەلى شاڭىراعى» قيمىلىمەن بىرلەستىرىپ، شينجياڭ ايەلدەرىنىڭ ءوزىن قۇرمەتتەۋ، وزىنە سەنىم ارتۋ، ءوز كۇشىنە سۇيەنۋ، ءوزىن الەۋەتتەندىرۋ سىندى ءداۋىر رۋحىن بارىنشا ۇگىتتەپ، ءار ۇلت بالالارىنىڭ پارتيا مەن ۇكىمەتتىڭ قامقورلىعىندا اقاۋسىز ەسەيىپ–ەرجەتىپ كەلە جاتقان تاماشا بەت–بەينەسىن جاندى بەينەلەۋ؛ سونىمەن قوسا مادەنيەت بازارىن، اقپارات مەدياسى مەن توراپتى باقىلاۋ–باسقارۋدى كۇشەيتىپ، جاستار مەن ورەندەردىڭ اقاۋسىز ەسەيىپ–ەرجەتۋىنە جانە ايەلدەردىڭ وبرازىنا زيان جەتكىزەتىن ۇنامسىز ينفورماتسيالاردىڭ تارالۋىن قاتاڭ شەكتەپ، «13–بەس جىلدىق» مەزگىلىندە ايەلدەر مەن بالالار قىزمەتىنىڭ جاڭا جاعدايىن قۇلشىنا جاراتۋ كەرەك.
وبلىستىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى گاۋ تيانشان ءماجىلىستى باسقاردى. وبلىستىڭ ورىنباسار باستىعى جاڭ جۇي وبلىستىق ايەلدەر مەن بالالار قىزمەتى كوميتەتى اتىنان قىزمەتتەن دوكلاد جاساپ، وبلىسقا توتە قاراستى اۋدان–قالالارداعى قاتىستى ورىنداردىڭ باس نىسانانى تىعىز توڭىرەكتەپ، قيىنىشىلىقتاردى جەڭىپ، ىرىقتى ۇلەس قوسىپ، 2020–جىلى «قوس پروگراممالى» نىسانا–مىندەتتى ورىنداۋعا كەپىلدىك ەتۋدى تالاپ ەتتى.
ماجىلىستە تاعى ايەلدەر مەن بالالار ءىسىن كوركەيتۋ پروگرامماسىن اتقارۋداعى مەملەكەت جانە اۆتونوميالى رايون دارەجەلى وزات كوللەكتيۆتەر مەن جەكەلەر حابارلاندىرىلىپ ماداقتالدى. اۆتونوميالى وبلىستىڭ ايەلدەر مەن بالالار ءىسىن كوركەيتۋ پروگرامماسىن اتقارۋداعى وزات كوللەكيتۆتەر مەن جەكەلەر ماراپاتتالدى. توعىزتاراۋ اۋداندىق ايەلدەر مەن بالالار قىزمەتى كوميتەتى، وبلىستىق وقۋ–اعارتۋ مەكەمەسى، وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى، وبلىستىق ساناق مەكەمەسىنىڭ ۋاكىلدەرى جەكە–جەكە تاجىريبە اۋىستىرىپ، لەبىز ءبىلدىردى.
وبلىستىق ايەلدەر مەن بالالار قىزمەتى كوميتەتى جانە وعان مۇشە ورىندار، وبلىسقا توتە قاراستى اۋداندىق، قالالىق ايەلدەر مەن بالالار قىزمەتى كوميتەتتەرىنىڭ قاتىستى جاۋاپتىلارى جانە ماداقتالىپ–سيلانعان ۇزدىك كوللەكتيۆ، وزات جەكەلەردىڭ ۋاكىلدەرىنەن 120 دان استام ادام ماجىلىسكە قاتىناستى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved