پارتيانى تەمىردەي تارتىپپەن قاتاڭ جونگە سالايىق
2017.07.26 16:03 كەلۋ قاينارى : شينجياڭ گازەتى
24 - شىلدەدە ج ك پ ورتالىق كوميتەتى سۇن جىڭساي جولداستىڭ تارتىپكە اۋىر قايشىلىق جاساۋ ماسەلەسىنە دەلو تۇرعىزىپ تەكسەرۋدى ۇيعاردى. بۇل ۇيعارىم شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيانى پارتيا باسقارۋعا، پارتيانى جاپپاي جونگە سالۋعا تاباندى بولۋ ايقىن پوزيتسياسىن جانە باتىل بەكىمىن تولىق بەينەلەپ، پارتيامىزدىڭ ءتارتىپ الدىندا بارلىق ادام تەڭ بولۋ پرينسيبىن تولىق ايگىلەدى، پارتيانى جاپپاي قاتاڭ جونگە سالۋ، پارتيا ستيلى، پاكتىك قۇرىلىسىن جانە جەمقورلىققا قارسى كۇرەستى كۇشەيتۋدىڭ ماڭگى جالعاسا بەرەتىندىگىن تولىق ءتۇسىندىرىپ، بۇكىل پارتيانىڭ، بۇكىل ەل حالقىنىڭ شىن جۇرەكتەن قولداۋىنا يە بولدى.
ءتارتىپتىڭ قاتاڭ بولۋى − بۇكىل پارتيانىڭ ەرىكتى بىرلىككە كەلتىرىپ، ارەكەتتى بىرلىككە كەلتىرىپ، بىردەي ىرعاقپەن العا باسۋىنىڭ ماڭىزدى كەپىلى، قاي - قاشان دا، ءسوز جوق، پارتيا ءتارتىبىن قاتايتىپ، پارتيانى تەمىردەي تارتىپپەن قاتاڭ جونگە سالۋ كەرەك. يدەيانى قاتاڭ يگەرۋ، پارتيانى قاتاڭ باسقارۋدى يگەرۋ، ءتارتىپتى قاتاڭ اتقارۋدى يگەرۋ، ۇلىقتاردى قاتاڭ باسقارۋدى يگەرۋ، ستيلدە قاتاڭ بولۋدى يگەرۋ، جەمقورلىققا قاتاڭ قارسى تۇرۋدى يگەرۋ كەرەك. پارتيانىڭ 18 - قۇرىلتايىنان بەرگى پارتيانى قاتاڭ جونگە سالۋدىڭ امالياتىن ەسكە الار بولساق، كىلت «قاتاڭ» دەگەن سوزدە ەكەن. جوۋ يۇڭكاڭ، بو شيلاي، شۇي سايحوۋ، گو بوشيۇڭ، ليڭ جيحۋا، سۋ رۇڭ سياقتىلاردىڭ زاڭعا، تارتىپكە قايشىلىق جاساۋ ماسەلەلەرىن تەكسەرىپ ءبىر جاقتى ەتۋ پارتيامىزدىڭ ءتارتىپ الدىندا بارلىق ادامنىڭ تەڭدىگىنە قاشاندا تاباندى بولىپ، پارتيا ىشىندە ءتارتىپتىڭ تەجەۋىندە بولمايتىن ەرەكشە ۇيىمدار مەن ەرەكشە پارتيا مۇشەلەرىنىڭ ءومىر سۇرۋىنە استە جول بەرمەيتىنىن تولىق ءتۇسىندىردى. قانداي ادام بولۋىنا، مىندەتىنىڭ قانشا جوعارى بولۋىنا، قىزمەت تاريحىنىڭ قانشا ۇزاق بولۋىنا، ۇلەسىنىڭ قانشا مول بولۋىنا قاراماستان، پارتيا تارتىبىنە، مەملەكەت زاڭىنا قايشىلىق جاساعانداردىڭ ءبارى قاتاڭ قۋزاستىرىلادى جانە قاتاڭ جازالانادى. ەشقانداي ادام باق سىناۋ پسيحيكاسىندا بولماۋى كەرەك، ەشكىمنىڭ دە زاڭدى، ءتارتىپتى كوزگە ىلمەۋىنە بولمايدى.
باس شۋجي شي جينپيڭ بىلاي دەپ اتاپ كورسەتتى: «پارتيانى قاتاڭ جونگە سالۋدىڭ كىلتى − باسشى كادرلار سىندى <شەشۋشى ازشىلىقتى> مىقتى ۇستاپ، ءار دارەجەلى باسشى كادرلاردى قاتاڭ باسقارۋ». «جوعارى دارەجەلى كادرلار قاتەلىك وتكىزسە، ۇلكەن قاتەر تۋدىرادى، پارتيانىڭ وبرازى مەن بەدەلىنە اۋىر نۇقسان جەتكىزەدى». سوندىقتان دا پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جوعارى دارەجەلى باسشى كادرلاردىڭ پارتياعا ادال بولىپ، پارتيانى باسقارۋ، پارتيانى جونگە سالۋ جاۋاپكەرشىلىگىن تياناقتاندىرىپ، ءتارتىپتىڭ تومەنگى شەگىن ساقتاپ، بۇكىل پارتياعا ۇلگى - ونەگە بولىپ، ءار دارەجەلى باسشى كادرلاردى وزدەرىن دۇرىس ۇستاۋعا، پرينسيپتى دارىپتەۋگە، تارتىپكە بويسۇنۋعا، ءىرىپ - شىرۋگە قارسى تۇرۋعا تاربيەلەپ جەتەكتەۋىن قايتا - قايتا باسا دارىپتەدى. سۇن جىڭساي جولداستى دەلو تۇرعىزىپ تەكسەرۋ جونىندە تاعى دا بۇكىل پارتياعا ساقتىق دابىلىن قاقتى. باسشى كادرلار ساياسي مايداندى بەكەمدەپ، ساياسي قاسيەتتى شىڭاپ، ۇكىمەت ءىسىن پاكتىكپەن ىستەۋگە تاباندى بولىپ، ءوزىن تەجەۋ ساناسىن، ۇلگى كورسەتۋ ساناسىن كۇشەيتىپ، پارتيا ۋستاۆىنا، پارتيا قاعيداسىنا قاتاڭ بويسۇنىپ، پارتيانىڭ ءتارتىپ، قاعيدالارىنا بويسۇنىپ، پارتيا ءتارتىبى مەن مەملەكەت زاڭىنىڭ تومەنگى شەگىن باتىل ساقتاۋى كەرەك. سوندا عانا ءبىر دارەجە ءبىر دارەجەنى جەتەكتەۋ، ءبىر دارەجە ءبىر دارەجەنى يگەرۋدەي ۇلگى كورسەتۋ اسەرىن قالىپتاستىرۋعا بولادى ءارى سوندا عانا ۇكىمەت جۇمىسىن ىستەۋدىڭ ستيلى پاك، سالتى دۇرىس ورتاسىن قالىپتاستىرۋعا بولادى.
تەمىردەي ءتارتىپ بولعاندا عانا، قۇرىشتاي قوسىن بولادى. پارتيانى جاپپاي قاتاڭ جونگە سالۋ ماڭگى توقتامايدى. ءار دارەجەلى پارتيا ۇيىمدارى مەن قالىڭ پارتيالى كادرلار «4 تانىمدى» اناعۇرلىم كۇشەيتىپ، پارتيا ورتالىق كوميتەتىنىڭ جەمقورلىقتى بۇلجىماي جازالاۋ بەكىمى مەن ەركىن تەرەڭ ۇعىنىپ، پارتيا ورتالىق كوميتەتىنىڭ ۇيعارىمىن باتىل قولداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى سانالى تۇردە ساقتاپ، پارتيا ورتالىق كوميتەتىنىڭ بەدەلىن جانە شوعىرلى ءبىر تۇتاس باسشىلىعىن تاباندىلىقپەن قورعاپ، رەفورما، دامۋ، ورنىقتىلىق قىزمەتتەرىن تىڭعىلىقتى ىستەپ، پارتيا 19 - قۇرىلتايىنىڭ جەڭىسپەن اشىلۋىن تاماشا رۋحاني كۇيمەن جانە ۇزدىك قىزمەت ناتيجەلەرىمەن قارسى الۋى كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
