ج ك پ ورتالىق كوميتەتى پارتيا سىرتىنداعى قايراتكەرلەردىڭ اڭگىمە ءماجىلىسىن وتكىزدى
2017.07.26 16:05 كەلۋ قاينارى : شينجياڭ گازەتى
ج ك پ ورتالىق كوميتەتى 21 - شىلدەدە جۇڭنانحايدا پارتيا سىرتىنداعى قايراتكەرلەردىڭ اڭگىمە ءماجىلىسىن وتكىزىپ، قازىرگى ەكونوميكالىق جاعداي جانە سوڭعى جارتى جىلداعى ەكونوميكالىق قىزمەت جونىندە ءارقايسى دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جاۋاپتىلارىنىڭ جانە پارتيادا، توپتا جوق قايراتكەرلەر ۋاكىلدەرىنىڭ ۇسىنىس - پىكىرلەرىن تىڭدادى. ج ك پ ورتالىق كوميتەتىنىڭ باس شۋجيى شي جينپيڭ اڭگىمە ءماجىلىستى باسقاردى ءارى ماڭىزدى ءسوز سويلەدى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، يۇي جىڭشىڭ، ليۋ يۇنشان، جاڭ گاۋلي ماجىلىسكە قاتىناستى. لي كىچياڭ الدىڭعى جارتى جىلداعى ەكونوميكالىق قىزمەتتىڭ قاتىستى جاعدايىن حابارلاپ، ج ك پ ورتالىق كوميتەتىنىڭ سوڭعى جارتى جىلداعى ەكونوميكالىق قىزمەتتى ويداعىداي ىستەۋ جاعىنداعى ويىن تانىستىردى.
ماجىلىستە جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى ۋان ى - شياڭ، جۇڭگو دەموكراتيالىق وداعى ورتالىق كوميتەتىنىڭ ۇنەمىلىك ىستەرگە جاۋاپتى ورىنباسار ءتوراعاسى چىن شياۋگۋاڭ، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى چىن چاڭجى، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى يان جۋانچي، جۇمىسشى - ديقان پارتياسى ورتالىق كوميتەتىنىڭ ۇنەمىلىك ىستەرگە جاۋاپتى ورىنباسار ءتوراعاسى ليۋ شياۋفىڭ، ادىلەت پارتياسى ورتالىق كوميتەتىنىڭ ءتوراعاسى ۋان گاڭ، 3 - قىركۇيەك ءىلمي قوعامى ورتالىق كوميتەتىنىڭ ءتوراعاسى حان چيدى، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى لين ۋىن - ي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى ۋاڭ چينمين، پارتيادا، توپتا جوق قايراتكەرلەردىڭ ۋاكىلى لين يفۋ قاتارلىلار ىلگەرىندى - كەيىندى ءسوز سويلەدى. ولار ج ك پ ورتالىق كوميتەتىنىڭ ەلىمىزدىڭ قازىرگى ەكونوميكالىق جاعدايى جونىندە جاساعان تالداۋىن جانە سوڭعى جارتى جىلداعى ەكونوميكالىق قىزمەت جونىندەگى ويىن قۇپتادى، سونداي - اق «ءبىر بەلدەۋ، ءبىر جول» قۇرىلىسىنا دەم بەرۋ، جەرگىلىكتى ورىنداعى ۇكىمەتتەردىڭ قارىز حاۋىپ - قاتەرىنەن ساقتانۋى جانە ونى باسەڭدەتۋى، قازىنا - فينانس حاۋىپ - قاتەرىنەن ساقتانۋ، بازاردى اشىق ۇستاۋ تەبىنىن ارتتىرىپ، ىسكەرلىك ورتاسىن جاقسارتۋ، تيجارات باجىسىنىڭ ورنىنا ارتقان قۇن باجىسىن الۋ رەفورماسىنىڭ ساياساتتىق ءونىمىن ساۋلەلەندىرۋ، زات جەتكىزۋ كاسىبىنىڭ جۇمىس ونىمدىلىگىن جوعارىلاتۋ، ادام كۇشى بايلىعىمەن ءونىمدى قامداۋدى كۇشەيتۋ، ەمدەۋ قامسىزداندىرۋىن باسقارۋ جۇيەسىن كەمەلدەندىرۋ، عىلىم - تەحنيكادا جاڭالىق اشۋدىڭ الدىمەن دامىتىلاتىن ارتىقشىلىعىن جەتىلدىرۋ، جاڭا ەنەرگيانى باياندى دامىتۋدى ىلگەرىلەتۋ سياقتى مازمۇندار جونىندە ۇسىنىس - پىكىرلەر بەردى.
كوپشىلىكتىڭ ءسوزىن تىڭداعاننان كەيىن، شي جينپيڭ ماڭىزدى ءسوز سويلەپ بىلاي دەدى: بيىل «13 - بەسجىلدىق» جوبانى جاپپاي تياناقتاندىرۋداعى ماڭىزدى، قامداۋ جاعىنداعى قۇرىلىمدىق رەفورمانى ىلگەرىلەتۋدەگى شەشۋشى جىل. ج ك پ ورتالىق كوميتەتى زامانا اۋقىمىمەن ساناسىپ، عىلمي شەشىم جاساپ، تياناقتاندىرۋدى مىقتى يگەرىپ، «13 - بەسجىلدىق» جوبانىڭ ءتۇرلى مىندەتتەرىن ىسكە اسىرۋدى ىلگەرىلەتتى. كوپشىلىك سوزدەرىندە الدىڭعى جارتى جىلداعى ەكونوميكالىق قىزمەتتىڭ قول جەتكىزگەن تابىستارىن تولىق تۇراقتاندىردى ءارى قازىرگى ەكونوميكالىق جاعدايدى دۇرىس تانىپ، سوڭعى جارتى جىلداعى ەكونوميكالىق قىزمەتتى ويداعىداي ىستەۋ جونىندە كوپتەگەن باعىتتامالىلىعى كۇشتى جانە سىندارلى پىكىرلەردى العا قويدى، مۇنى ەستىپ ەرەكشە شابىت الدىم، ءبىز مۇنى مۇقيات زەرتتەپ، بەلسەنە قابىلدايمىز.
شي جينپيڭ مىنالاردى اتاپ كورسەتتى: الدىڭعى جارتى جىلدا ءارقايسى دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر نازاردى «<ءبىر بەلدەۋ، ءبىر جول> قۇرىلىسىن ىشكەرىلەي ىلگەرىلەتۋ» جانە «ناقتى ەكونوميكانى بار كۇشپەن دامىتۋ جانە دەڭگەيىن جوعارىلاتۋ» سىندى ەكى ماڭىزدى تاقىرىپقا شوعىرلاندىردى، نەگىزگى جاۋاپتى جولداستار وزدەرى ۇيىرمە باستاپ، 10 نەشە ولكە، اۆتونوميالى رايون، قالالارداعى 200دەن استام نەگىزگى ساتى ورىندارىنا بارىپ، شىن ءسوز ەستىپ، ناقتى جاعدايدى تەكسەرىپ، سىندارلى اقىل - كەڭەس بەرىپ، ابزال جول سىلتەپ، تەكسەرۋ - زەرتتەۋدە ءبىر قىدىرۋ ماڭىزدى ناتيجەلەرگە قول جەتكىزدى. ءارقايسى دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى مەن پارتيادا، توپتا جوق قايراتكەرلەر ج ك پ ورتالىق كوميتەتىنە، مەملەكەتتىك كەڭەسكە ءتۇرلى مازمۇنداعى تەكسەرۋ - زەرتتەۋ باياندامالارىنان، ۇسىنىس - پىكىرلەرىنەن 80نەن استامىن جولداپ، ءبىزدىڭ شەشىمدەردى اتقارۋىمىزعا ماڭىزدى قولداۋ كورسەتتى. شي جينپيڭ ج ك پ ورتالىق كوميتەتى اتىنان كوپشىلىككە شىن ىقىلاستى العىس ايتتى.شي جينپيڭ بىلاي دەپ باسا دارىپتەدى: جىلدىڭ الدىڭعى جارتىسىندا ەلىمىزدىڭ ەكونوميكاسى ورنىقتىلىقپەن جاقسارۋعا بەت الدى، قۇرىلىمدى رەتتەۋ تەرەڭدەتىلدى، نەگىزگى كورسەتكىشتەر مەجەدەگىدەن جاقسى بولدى، ماكرولىق ەكونوميكانىڭ تۇراقتىلىعى ارتتى، حالىق تۇرمىسى ۇزدىكسىز جاقساردى. ءبىز مىنانى كورۋىمىز كەرەك: ەلىمىزدىڭ ەكونوميكالىق دامۋىندا بەلسەندى وزگەرىستەر جارىققا شىعۋدا، ەلىمىزدىڭ ەكونوميكالىق، قوعامدىق دامۋى نەگىزىنەن جاقسى، ەكونوميكانىڭ قامداۋ - قاجەتسىنۋ قاتىناسىندا ماندىك وزگەرىستەر جارىققا شىعۋدا، كاسىپورىندار مەجەسى مەن بازار سەنىمى بىرتىندەپ جاقسارىپ كەلەدى، ەكونوميكالىق دامۋدىڭ قوزعاۋشى كۇشى ارتىپ، عالامدىق ەكونوميكانىڭ قايتا جاندانۋىندا ماڭىزدى تۇرتكىلىك رول اتقاردى. ەڭ ماڭىزدىسى، جاڭا دامۋ ۇستانىمى كۇن سايىن جۇرت جۇرەگىنە تەرەڭ ۇيالاپ، ۇكىمەت پەن كاسىپورىندار ارەكەتىندە وزگەرىستەر جارىققا شىعۋدا. ەكونوميكالىق دامۋدا زور ناتيجەلەرگە قول جەتكەنىمەن، ەلىمىزدىڭ ەكونوميكالىق اينالىمىندا ءالى ءبىرتالاي ماسەلە ءومىر ءسۇرىپ وتىرعانىن دا كورۋىمىز كەرەك، ءبىز، ءسوز جوق، سانانى سەرگەك ۇستاپ، قىزمەتتى كۇشەيتىپ، ۇيلەسىمدى توتەپ بەرۋىمىز كەرەك. ەلىمىزدىڭ ەكونوميكاسى ءالى قۇرىلىمدىق رەتتەۋدىڭ وتكەلدەن ءوتۋ مەزگىلىندە تۇر، ەكونوميكالىق دامۋدىڭ كەزەڭدىك ەرەكشەلىكتەرىن يگەرىپ، ستراتەگيالىق تۇراقتىلىقتى ساقتاپ، دۇرىس ۋاقىتتا دۇرىس ىستەر ىستەپ، قامداۋ جاعىنداعى قۇرىلىمدىق رەفورمانى بۇلجىماي يگەرىپ، ەلەۋلى قاتەر كومەسكى حاۋىپتەرىن ۇيلەسىمدى باسەڭدەتۋ كەرەك. ورنىقتىلىق پەن ىلگەرىلەۋدىڭ قاتىناسىن ءتىپتى جاقسى يگەرۋ كەرەك، ورنىقتىلىق − نەگىزگى اۋەن، جالپى جاعدايدىڭ ورنىقتىلىعىن ساقتاۋ العى شارتىندا ىلگەرىلەتۋ كەرەك. ورنىقتىلىق بارىسىندا ىلگەرىلەتۋ ءىس تىندىرماۋ، ورنىقتىلىقتى قورعاۋعا بارىنشا كۇش سالۋ، ورنىقتىلىققا مەحانيكالى تۇردە ۇمتىلۋ دەگەندىك ەمەس، قايتا ولشەم - مولشەردى ويداعىداي يگەرۋ العى شارتىندا ءىس تىندىرۋ، تەپە - تەڭدىكتى، ورايدى، ولشەمدى ءدال بابىندا ويداعىداي يگەرۋ دەگەندىك.
شي جينپيڭ مىناداي 3 ءتۇرلى تىلەگىن العا قويدى: ءبىرىنشى، جولداستاردىڭ جۇڭگو كوممۋنيستىك پارتياسىنىڭ باسشىلىعىن قورعاۋ، جۇڭگوشا سوتسياليزم جولىمەن جۇرۋگە تاباندى بولۋ سىندى ساياسي ورتاق تانىمدى كۇشەيتىپ، ەلىمىزدىڭ دامۋدا قول جەتكىزگەن كەلەلى جەتىستىكتەرىن تولىق تانىپ، جول، نازاريا، ءتۇزىم، مادەنيەت سەنىمىن ۇزدىكسىز ارتتىرىپ، وزدەرىنىڭ مۇشەلەرىن جانە بايلانىس ورناتقان بۇقارانى دامۋدا جارىققا شىققان قيىنشىلىقتار مەن ماسەلەلەردى وبيەكتيۆ تۇردە تانۋعا ىنتىماقتاستىرىپ، جەتەكتەپ، ساياسي ورتاق تانىمدى ۇيىستىرىپ، ءار جاقتىڭ كۇشىن توپتاۋىن ءۇمىت ەتەمىن. ەكىنشى، جولداستاردىڭ ءوز ارتىقشىلىقتارىن ساۋلەلەندىرىپ، ەكونوميكانىڭ دامۋ زاڭدىلىعىن ءدال يگەرىپ، مەملەكەتتىڭ كەلەلى ستراتەگيالىق ورنالاستىرۋلارىن ارقاۋ ەتىپ، امالياتقا، تەكسەرۋ - زەرتتەۋگە بەل شەشە ارالاسىپ، دۇرىس تۇجىرىمداردى العا قويۋىن ءۇمىت ەتەمىن. ءۇشىنشى، جولداستاردىڭ ج ك پ ورتالىق كوميتەتىنىڭ قازىرگى ەكونوميكالىق جاعداي جونىندەگى تالداۋى مەن تۇجىرىمدارىن دۇرىس يگەرىپ، ىنتىماقتاسۋعا بولاتىن بارلىق كۇشتى جاپپاي ىنتىماقتاستىرىپ، جۇمىلدىرۋعا بولاتىن بارلىق بەلسەندى فاكتوردى تولىق جۇمىلدىرىپ، ءار جاقتاعى بايلىقتى بىرىكتىرىپ، جاپپاي دوڭگەلەك داۋلەتتى قوعام قۇرۋعا اقىل - پاراساتتارى مەن كۇش - قۋاتتارىن ارناۋىن ءۇمىت ەتەمىن.
ما كاي، ۋاڭ حۋنيڭ، ليۋ ياندۇڭ، سۇن چۇنلان، لي جانشۋ، ياڭ جيڭ، ۋاڭ يۇڭ، جوۋ شياۋچۋان، ج ك پ ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنىڭ جاۋاپتىلارى اڭگىمە ماجىلىسكە قاتىناستى.
پارتيا سىرتىنداعى قايراتكەرلەردەن تاعى لو فۋحى، چي شۇيچۇن، ما پەيحۋا جانە حاۋ ميڭجين، ساي دافىڭ، جياڭ زوجۇن، شاۋ حۇڭ، حۋاڭ جىشيان، شيۋ فۋجين، شۇي حۇي، گۋ شىڭزۋ، جۋ يۇڭشين، حى ۋي، ساۋ حۇڭميڭ، لاي ميڭ، ياڭ جيان، حۋاڭ رۇڭ، باۋ شينحى اڭگىمە ماجىلىسكە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
