بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شي جينپيڭ 19 - كەزەكتى حالىقارالىق بوتانيكا جينالىسىنىڭ اشىلعاندىعىن حات جولداپ قۇتتىقتادى

2017.07.26 16:06     كەلۋ قاينارى : شينجياڭ گازەتى

  مەملەكەت ءتوراعاسى شي جينپيڭ 24 - شىلددە 19 - كەزەكتى حالىقارالىق بوتانيكا جينالىسىنا حات جولداپ، جينالىستىڭ اشىلعاندىعىن قىزۋ قۇتتىقتايتىندىعىن، جينالىسقا قاتىناسقان ءار ەلدىڭ مامان - وقىمىستىلارىن شىنايى قارسى الاتىندىعىن ءبىلدىردى.

  شي جينپيڭ قۇتتىقتاۋ حاتىندا مىنالاردى اتاپ كورسەتتى: وسىمدىك − ەكولوگيا جۇيەسىن العاشقى قۇراۋشى، جەر شارىنىڭ ەكولوگيالىق ورتاسىنا تەرەڭ ىقپال كورسەتەدى. ادامزاتتىڭ وسىمدىك الەمىنە جۇرگىزگەن ىزدەنىس اياق الىسى توقتاپ كورگەن ەمەس، وسىمدىكتى پايدالانۋ جانە قورعاۋ ادامزات وركەنيەتىنىڭ العا باسۋىن جەبەدى. جۇڭگو دۇنيە جۇزىندەگى وسىمدىك ءتۇرى ەڭ مول ەلدەردىڭ ءبىرى. جۇڭگو حالقى ەجەلدەن تابيعاتتى ارداقتاپ، وسىمدىكتى ايالاپ كەلەدى، جۇڭحۋا وركەنيەتىندە ۇشان - تەڭىز وسىمدىك مادەنيەتى قامتىلعان. جۇڭگودا 2500 نەشە جىلدىڭ الدىندا قۇراستىرىلعان ولەڭدەر جيناعى «جىرنامادا» 130 نەشە ءتۇرلى وسىمدىك ەستەلىككە الىنعان، جۇڭگوشا شيپاگەرلىك، دارىگەرلىك ادامزاتتىڭ دەنساۋلىعى ءۇشىن ماڭىزدى ۇلەس قوستى، تۇت اعاشىن ەگىپ، جىبەك قۇرتىن ءوسىرۋ سەبەپتى گۇلدەنگەن جىبەك جولى شىعىس پەن باتىستىڭ ساۋدا جانە مادەنيەت اۋىس - كۇيىسىن جەبەيتىن ماڭىزدى دانەكەرگە اينالدى. تاياۋ جىلداردان بەرى، جۇڭگو كۇرىش جەتىلدىرۋ، گەندەر جيىنتىق عىلىمى، ەۆوليۋتسيالىق بيولوگيا، بيوتەحنيكاسى سياقتى سالالاردا الەمدى جالت قاراتقان ناتيجەلەرگە قول جەتكىزدى. جۇڭگو الداعى جەردە جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ ۇستانىمىنان جازباي، ەكولوگيالىق وركەنيەت قۇرىلىسىن كۇشەيتىپ، كورىكتى جۇڭگونى قۇلشىنا قۇرىپ، وسىمدىك عىلىمىن زەرتتەۋ جونىندەگى حالىقارالىق اۋىس - كۇيىستى، سەلبەستىكتى كەڭ كولەمدە ورىستەتىپ، ءار ەلمەن بىرگە ادامزاتقا ورتاق جەر شارى مەكەنىن قورعايدى.

  شي جينپيڭ مىنالاردى باسا دارىپتەدى: حالىقارالىق بوتانيكا جينالىسى الەمدىك وسىمدىك عىلىمىنىڭ دامۋىن ىلگەرىلەتۋ جاعىندا ماڭىزدى رول اتقارۋدا. بۇل رەتكى جينالىستىڭ تاقىرىبى: «جاسىلدىق ارقىلى بولاشاققا جول اشۋ». وسى كەزەكتى جينالىسقا قاتىناسقان ءار ەل ماماندارى مەن وقىمىستىلارىنان اۋىس - كۇيىس پەن تىلدەسۋدى كۇشەيتىپ، ادامزاتتىڭ وسىمدىككە كوڭىل ءبولۋىن، بولاشاققا نازار سالۋىن دارىپتەۋ، ورگانيزمدەردىڭ الۋان تۇرلىلىگىن قورعاۋدى كۇشەيتۋ، جاسىل دامۋدى جەبەۋ ءۇشىن بەلسەنە ۇلەس قوسۋدى ءۇمىت ەتەمىن.

  مەملەكەتتىك كەڭەستىڭ زۇڭليى لي كىچياڭ بەكىتپە جازىپ، قۇتتىقتادى. ول بەكىتپەسىندە مىنالاردى اتاپ كورسەتتى: حالىقارالىق بوتانيكا جينالىسى حالىقارالىق وسىمدىك عىلمى سالاسىنداعى دەڭگەيى ەڭ جوعارى عىلمي جينالىس، الەمدىك وسىمدىك عىلىمىن دامىتۋ جاعىندا ماڭىزدى رول اتقارۋدا. 19 - كەزەكتى جينالىستىڭ وسى رەت شىنجىندا اشىلۋى جۇڭگو وسىمدىك عىلىمى سالاسىنىڭ دۇنيە جۇزىمەن بولعان اۋىس - كۇيىسىن جەبەۋ، الەمدىك وسىمدىك عىلىمىن زەرتتەۋ دەڭگەيىن جوعارىلاتۋ جونىنەن ماڭىزدى ءمان الادى. جۇڭگو وسىمدىك ءتۇرى ەڭ مول ەلدەردىڭ ءبىرى، جۇڭگو حالقى ەجەلدەن تابيعاتتى ارداقتاپ، وسىمدىك بايلىعىن پايدالانۋعا جانە قورعاۋعا باسا ءمان بەرىپ كەلەدى. جۇڭگو ۇكىمەتى جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن جاڭاشا دامۋ ۇستانىمىن بەرىك ورناتىپ، بايلىقتى ۇنەمدەيتىن جانە ورتانى قورعايتىن نەگىزگى مەملەكەت ساياساتىنان جازباي، ەكولوگيالىق وركەنيەت قۇرىلىسىن كورنەكتى ستراتەگيالىق ورىنعا قويىپ، وسىمدىك عىلىمىن زەرتتەۋدى جانە حالىقارالىق سەلبەستىكتى كۇشەيتۋگە ءمان بەرىپ، قاتىستى سالالاردا باياندى ىلگەرىلەۋشىلىككە قول جەتكىزدى. جينالىستىڭ «جاسىلدىق ارقىلى بولاشاققا جول اشۋ» تاقىرىبىن ارقاۋ ەتىپ، ىشكەرىلەي اۋىس - كۇيىس جاساپ، ءبىر - بىرىنە دەم بەرىپ، ورتاق تانىم قالىپتاستىرىپ، وسىمدىك عىلىمىن دامىتۋدى جانە ورگانيزمدەردىڭ الۋان تۇرلىلىگىن قورعاۋدى ىلگەرىلەتۋ، جاسىل، وركەنيەتتى جەر شارىن گۇلدەندىرۋ ءۇشىن تىڭ ۇلەس قوسۋىن ءۇمىت ەتەمىن.

  19 - كەزەكتى حالىقارالىق بوتانيكا جينالىسى 24 - شىلدەدە گۋاڭدۇڭ ولكەسىنىڭ شىنجىن قالاسىندا اشىلدى. جينالىستا شي جينپيڭنىڭ قۇتتىقتاۋ حاتى جانە لي كىچياڭنىڭ بەكىتپەسى وقىلدى.

  حالىقارالىق بوتانيكا جينالىسى 1900 - جىلى شاڭىراق كوتەرگەن، ول وسىمدىك عىلىمى سالاسىنداعى دەڭگەيى ەڭ جوعارى، ىقپالى ەڭ ۇلكەن حالىقارالىق جينالىس. بۇل رەتكى جينالىستى جۇڭگو بوتانيكا قوعامى مەن شىنجىن قالالىق حالىق ۇكىمەتى بىرلەسىپ ۇيىمداستىرعان، جۇڭگو، ا ق ش، رەسەي، ۇلى بريتانيا، گەرمانيا، فرانسيا قاتارلى 100گە جۋىق مەملەكەت جانە رايوننان كەلگەن مامان - وقىمىستىلار مەن ۋاكىلدەردەن 6000عا تاياۋ ادام جينالىسقا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار