ءار ىسكە سىڭىرىلگەن شىنايى سۇيىسپەنشىلىك
2017.07.26 16:07 كەلۋ قاينارى : شينجياڭ گازەتى
شىنايى سۇيىسپەنشىلىكتىڭ كۇشى جۇرەكتەردى مەيىرگە تولتىردى!
شەكسىز مەيىرىم ۋاقىت پەن كەڭىستىك شەكتەمەسىن اتتاپ ءوتتى!
7 جىلدان استام ۋاقىتتان بەرى، تيانشاننىڭ وڭتۇستىگى مەن سولتۇستىگىندەگى بايتاق دالادا ەلىمىزدىڭ 19 ولكە، قالاسىنان شينجياڭعا باعىتتامالى كومەك بەرۋگە كەلگەن كادرلار اتىزداردا تەرى مونشاقتاپ ەڭبەك ەتسە، كاسىپورىنداردىڭ زاۆود ۇيلەرىندە زەيىن - زەردە، كۇش - قۋاتىن سارقا جۇمىس ىستەپ، ورگانداردا ورنىقتىلىق پەن دامۋعا جوسپار جاساپ، اقىل قوستى.
ءار ىسكە شىنايى سۇيىسپەنشىلىك ءسىڭىرىلدى. شينجياڭعا جاڭا كەزەكتى باعىتتامالى كومەك بەرۋ قىزمەتى باستالعاننان بەرى، شينجياڭعا باعىتتامالى كومەك بەرۋگە كەلگەن كادرلار شىن نيەتپەن جۇمىلىپ، تاباندىلىقپەن ءىس تىندىرىپ، كومەك العان جەرمەن تىزە قوسا وتىرىپ ەكونوميكانى، قوعامدى دامىتۋمەن بىرگە، وتان كارتاسىنىڭ التىدان ءبىر بولەگىن الىپ جاتقان وسىناۋ بايتاق دالادا ۇلتتار ىنتىماعىنىڭ سانسىز جىر - داستاندارىن جازدى.
شينجياڭعا باعىتتامالى كومەك بەرۋ ءار ۇلت بۇقاراسىنىڭ كوڭىل تورىنەن ورىن الدى
جىجياڭ ولكەسى حۋجوۋ قالاسى شينجياڭعا باعىتتامالى كومەك بەرۋگە قولباسشىلىق ەتۋ شتابىنىڭ اۋلاسىنداعى ءبىر ءتۇپ ورىك اعاشى وركەن جايىپ كەلەدى. بۇل اعاشتى حۋاڭ جو - ىر اكەسىنە ارناپ ەككەن بولاتىن. 2015 - جىلى 11 - تامىز، جىجياڭ ولكەسى حۋجوۋ قالاسىنىڭ 8 - توپتاعى شينجياڭعا باعىتتامالى كومەك بەرۋگە قولباسشىلىق ەتۋ الدىڭعى شەپ قولباسشىلىق شتابىنىڭ قولباسشىسى، اقسۋ ايماعى كەلپىن اۋداندىق پارتكومنىڭ ورىنباسار شۋجيى حۋاڭ چۇنچاۋدىڭ جۇرەك اۋرۋى كەنەت ۇستاپ، شينجياڭعا كومەك بەرۋ قىزمەت ورنىندا باقىتقا قارسى كوز جۇمدى. ونىڭ ارتىندا كەلپىندەگى ەندى وركەندەپ كەلە جاتقان حۋجوۋ قويى كاسىبى، ەندى ەڭسە كوتەرگەن راديو - تەلەۆيزيا عيماراتى، قۇرىلعىسى وزىق مادەنيەت، دەنە تاربيە قيمىل ورتالىعى، كەڭ دە جاڭا بەيقۇت ۇيلەر، تۇرعىندار قاتتى ۇناتقان مادەنيەت زالى سياقتىلار قالدى، اسىرەسە، ول كەلپىن اۋدانىنداعى ءار ۇلت حالقىنىڭ جۇرەگىنە ءوزىنىڭ اشىق - جارقىن، كىشى پەيىل بەينەسىن تاستاپ كەتتى. شينجياڭعا كومەك بەرۋ ىستەرىنە بار زەيىن - زەردەسىن، كۇش - قۋاتىن ارناعان بۇل جاقسى كادردىڭ جارىم سۇيەك كۇلى كەلپىن دالاسىنا شاشىلسا، جارىمى اتا مەكەنى دىچيڭعا جەتكىزىلدى.
ادامدار ونى ەشقاشان دا ۇمىتقان جوق. قىستاقتاعى مادەنيەت زالىندا نەكە تويىن جاساعان ازامات قۇربانجان پارقات ونىڭ ۇيىنە كەلىپ قوناق بولۋىن كۇتىپ ءجۇر؛ قارتتار قيمىل ورتالىعىنداعى مامەتجان قاريا ونىڭ وزىمەن ءبىر رەت شاحمات ويناۋىن كۇتىپ ءجۇر؛ قاراكوت قىستاعىنىڭ تۇرعىندارى ەندى قۇرىلىپ بولاتىن حۋجوۋ قويى سەلبەستىك كووپەراتيۆىنىڭ ۆيۋەسكاسىن ونىڭ كەلىپ اشۋىن كۇتىپ ءجۇر؛ كەلپىن اۋداندىق قارتتار ۇيىندەگى 63 جاستاعى مۋسا راحىمان قاريا حۋاڭ چۇنچاۋدىڭ دارەتىن توككەنىن ەسىنە العاندا كوزىنە جاس الىپ: ول ماعان ءوز بالامنان دا جاقىن ەدى - اۋ، - دەيدى.
شينجياڭعا باعىتتامالى كومەكتەسۋدىڭ جاڭا كەزەكتى قىزمەتى باستالعاننان بەرى، حۋاڭ چۇنچاۋ سياقتى مىڭداعان، 10 مىڭداعان كادرلار ءوز ومىرلەرىنىڭ ەڭ قىمباتتى شاقتارىن شينجياڭ دالاسىنا ەش ءارى - ءسارى بولماستان ارنادى.
باس شۋجي شي جينپيڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە «شينجياڭعا باعىتتامالى كومەك بەرۋ قىزمەتىن ۇلتتار ىنتىماعىن كۇشەيتۋ ينجەنەرياسى ەتەيىك» دەپ تەرەڭ سۇيىسپەنشىلىكپەن تاپسىرعان بولاتىن، شينجياڭعا كومەك بەرۋگە كەلگەن قالىڭ كادرلار تاپسىرمانى ەستەرىندە بەرىك ساقتاپ، شينجياڭداعى ءار ۇلت كادر - بۇقارامەن شىن نيەتپەن دوستاسىپ، پىكىر اۋىستىرىپ، سىر اقتارىسىپ، ءبىر تۇلعا بولىپ، ەتەنە ارالاسا ءبىلدى.
شينجياڭعا كومەك بەرۋدەگى ءاربىر نىساننىڭ اتقارىلۋ بارىسى شينجياڭعا كومەك بەرەتىن كادرلاردىڭ جەرگىلىكتى بۇقارا كوڭىلىنەن ورىن تابۋ بارىسى دا بولدى. ولار كۇندى تۇنگە جالعاعان جاپالى ەڭبەكتەرى ارقىلى، ەڭسە كوتەرگەن ءاربىر قۇرىلىستار ارقىلى، ىركەس - تىركەس ەنگىزىلگەن باسىمدىققا يە كاسىپ نىساندارى ارقىلى، بارلىق پايدالانۋعا بولاتىن ءادىس - شارالار ارقىلى شينجياڭ حالقىنا شينجياڭعا باعىتتامالى كومەك بەرگەن ولكە، قالالار حالقىنىڭ شىنايى مەيىر، تەرەڭ دوستىعىن جەتكىزىپ، وتاننىڭ قالتقىسىز قامقورلىعى مەن قولداۋىن سيلادى.
ءتورتبۇرىشتى لەكسيا تۇعىرلارىندا بار زەيىنىمەن ساباق وتكەن شينجياڭعا كومەك بەرۋگە كەلگەن وقىتۋشىلار شاكىرتتەرىن جوعارى وقۋ ورىندارىنا ىركەس - تىركەس اتتاندىردى؛ قىزىل كرەستتى ءدارى ساندىقتارىن ارقالاعان كومەك بەرۋشى شيپاگەرلەر ءار ناۋقاستى اۋرۋ ازابىنان قۇتقارۋعا بارىن سالدى؛ «شۇيجوۋلىق انالاردى» ۋاكىل ەتكەن قوعامنىڭ ءار سالاسىنداعىلار ۇلتتار ىنتىماعىنىڭ دانەكەرىن شار تاراپقا تاراتتى.
شينجياڭعا كومەك بەرۋدىڭ ەڭ جوعارى ورەسى كومەك بەرۋدى ءار ۇلت بۇقاراسىنىڭ ساناسىنا ءسىڭىرۋ ەسەپتەلەدى. التاي تاۋىنىڭ قارلى شىڭدارىندا، سايرام كولىنىڭ تۇنىق جاعاسىندا، تاكلاماكان قۇمىنداعى جاسىل القاپتاردا شينجياڭعا كومەك بەرۋگە كەلگەن ءاربىر كادردىڭ اياعى جەتكەن تۇستا ۇلتتار ىنتىماعىنىڭ گۇلى جايقالا اشىلىپ، ۇلتتار ىنتىماعىنىڭ رۋحى حالىق جۇرەگىنە ۇيالاي بەردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
