جۋ حايلۇن اقسۋ ايماعىنىڭ ونسۋ اۋدانىندا تەكسەرۋ - زەرتتەۋ جۇرگىزگەندە بۇقارالىق قىزمەتتى ويداعىداي ىستەۋ كەرەكتىگىن باسا دارىپتەدى
2017.07.27 14:29 كەلۋ قاينارى : شينجياڭ گازەتى
24 - شىلدەدە اۆتونوميالى رايوندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى جۋ حايلۇن اقسۋ ايماعىنىڭ ونسۋ اۋدانىندا نەگىزگى ساتىداعى بۇقارالىق قىزمەتكە تەكسەرۋ - زەرتتەۋ جۇرگىزىپ، جاعداي ۇعىستى. ىستەمشى اۋىلى قويشى قىستاعىنىڭ تۇرعىندار كوميتەتىنە كىرىسىمەن، ەمىس - ەمىس ءان اۋەنى ەستىلدى، ءاسىلى، قىستاقتاعى دەمالىستا اۋىلىنا قايتقان وقۋشىلار قىستاق تۇرعىندار قيمىل ورتالىعىندا انگە جاتتىعىپ، قىستاق تۇرعىندارىنا ويىن نومىرلەرىن دايىنداپ جاتىر ەكەن. جۋ حايلۇن وسى قىستاقتاعى دەمالىستا اۋىلىنا قايتقان وقۋشىلاردىڭ ىشىندە اۋدان قالاشىعىندا تولىق ورتا وقيتىن وقۋشىلاردىڭ دا، ىشكى ولكەدەگى شينجياڭ تولىق ورتا كلاسىنىڭ وقۋشىلارى دا جانە ستۋدەنتتەردىڭ دە بار ەكەنىن، اۆتونوميالى رايوندىق مەملەكەتتىك سالىق مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قويشى قىستاعىندا تۇراتىن قىزمەت اترەتى اۋىلىنا قايتقان وقۋشىلاردى مادەنيەت، دەنە تاربيە قيمىلىنا جاتتىقتىرىپ، ولاردى اۋىل - قىستاق ۇلكەن ساحناسىندا ويىن قويۋعا ۇيىمداستىرىپ، قىستاق تۇرعىندارىنىڭ كاسىپتەن سىرتقى مادەني تۇرمىسىن بايىتقانىن ۇعىستى. جۋ حايلۇن مۇنى ەستىگەننەن كەيىن قاباعات قۋاندى، ول وقۋشىلارعا بىلاي دەدى: جاستار وتاننىڭ كەلەشەگى جانە ءۇمىتى، سەندەر باقىتتى داۋىردە جاساپ جاتىرسىڭدار، پارتيا مەن ۇكىمەت سەندەرگە تاماشا ۇيرەنۋ شارت - جاعدايىن جاراتىپ بەردى، سەندەر وسى ۇيرەنۋ ورايىن قاستەرلەپ، قۇلشىنا ۇيرەنىپ، پارتيا مەن ۇكىمەتتىڭ قامقورلىعى مەن تاربيەسىن، باۋلۋىن، اتا - انالارىڭ مەن ۇستازدارىڭنىڭ ءۇمىتىن اقتاۋلارىڭ، مەملەكەت ءتىلى مەن ءتۇرلى مادەني بىلىمدەردى قۇلشىنا ۇيرەنىپ، وتاننىڭ كوركەيىپ - گۇلدەنۋى، تۋعان جەرلەرىڭنىڭ دامۋى ءۇشىن جاستىق كوكتەمدەرىڭدى ارناۋلارىڭ كەرەك. كەزەكتە شينجياڭ قاتاڭ سوققى بەرۋدەن قامال الۋدىڭ شەشۋشى كەزەڭىندە تۇر، اۋىلىنا قايتقان وقۋشىلار جاعدايدى جىعا تانىپ، ءوز ەرەكشەلىكتەرىن تولىق ساۋلەلەندىرىپ، ءتۇرلى قيمىلدارعا بەلسەنە قاتىناسىپ، پارتيانىڭ نەگىزگى ساتىداعى بۇقاراعا بولعان قامقورلىعىن ءىس جۇزىندىك ارەكەتتەرى ارقىلى تۋىس - تۋعان، دوس - جاراندارى مەن قىستاق تۇرعىندارىنا جەتكىزىپ، ۇكىمەتتىڭ ورىستەتىپ وتىرعان ءتۇرلى قىزمەتتەرىن ءتۇسىنىپ، وعان قولداۋ كورسەتىپ، بۇقارانىڭ كوڭىلدەرىندەگى تۇيىنشەكتەرىن شەشۋىنە كومەكتەسىپ، قاتاڭ سوققى بەرۋدەن قامال الۋدىڭ جەمىستەرىن بەكەمدەۋگە، قوعام ورنىقتىلىعىن قورعاۋعا ۇلەس قوسۋلارى كەرەك.
جۋ حايلۇن بىلاي دەپ باسا دارىپتەدى: كەزەكتە بۇقارالىق قىزمەت − نەگىزگى ساتى قىزمەتىنىڭ ءتۇيىنى. ورتالىقتىڭ ءتۇرلى شەشىمدەرى مەن ورنالاستىرۋلارى، اۆتونوميالى رايوندىق پارتكوم مەن ۇكىمەتتىڭ تالاپتارىنىڭ تياناقتانۋى، تۇپتەپ كەلگەندە، تاعى دا اۋىل - قىستاقتارعا تياناقتانادى، قالىڭ نەگىزگى ساتى كادرلارىنا سۇيەنەدى. بۇقارالىق قىزمەتتى ىستەۋدىڭ كەزەكتەگى تاماشا ورايىن قولدان جىبەرمەي، كەدەيلەردى سۇيەمەلدەۋ، وتباسىن ارالاۋ، ۇلتتار ىنتىماعىنىڭ بەرەكەلى شاڭىراعى، ۇگىتتەۋ، تاربيەلەۋ سياقتى بۇقارامەن بايلانىس جاسايتىن، بۇقاراعا قىزمەت كورسەتەتىن قىزمەتتەردى ويداعىداي ىستەپ، «قاتاڭ، قۇنتتى، تەرەڭ، ناقتى، تەز» بولۋىنا كۇش سالىپ، قاتاڭ تالاپ قويىپ، استە جالعاندىق ىستەمەۋ كەرەك. بۇقارامەن قويان - قولتىق ارالاسىپ، ىشكەرىلەي زەرتتەپ، ىشكەرىلەي تولعانىپ، نەگىزگى ساتى پارتيا ۇيىمدارىنىڭ جاۋىنگەرلىك قۋاتىن ۇزدىكىسز كۇشەيتىپ، ءار ۇلت حالقىنا باقىت جاراتىپ، جاقسى ىستەر تىندىرۋ كەرەك. بۇقارالىق قىزمەتتى بىلەك سىبانا، قاجىرلىلىقپەن، شىنداپ كىرىسىپ ىستەگەندە عانا، لاڭكەستىككە قارسى تۇرىپ، ورنىقتىلىقتى قورعاۋدىڭ حالىقتىق شايقاسىن ويداعىداي جۇرگىزىپ، قوعام ورنىقتىلىعىن قورعاۋدىڭ قۇرىش قورعانىن سوعا الامىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
