شي جينپيڭ «شۇعىلالى تاريحتى ەستە بەرىك ساقتاپ، ارميانى قۇدىرەتتەندىرۋدىڭ ۇلى جەتىستىگىنە جەتەيىك» اتىنداعى كورمەنى تاماشالاعاندا شۇعىلالى تاريحتى ەستە بەرىك ساقتاپ، توڭكەرىس گەنىن جالعاستىرىپ، حالىق ارمياسىن الەمدەگى ماڭداي الدى ارميا ەتىپ قۇرىپ شىعۋ جولىندا تىنباي كۇرەس جۇرگىزۋدى باسا دارىپتەدى
2017.07.27 14:33 كەلۋ قاينارى : شينجياڭ گازەتى
شينحۋا اگەنتتىگىنىڭ 21 - شىلدەدە بەيجيڭنەن بەرگەن حابارى. جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 21 - شىلدە كۇنى جۇڭگو حالىقتىق توڭكەرىس اسكەري مۇراجايىنا بارىپ، «شۇعىلالى تاريحتى ەستە بەرىك ساقتاپ، ارميانى قۇدىرەتتەندىرۋدىڭ ۇلى جەتىستىگىنە جەتەيىك − جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان كورمەنى» تاماشالادى. ول مىنالاردى باسا دارىپتەدى: 90 جىلدان بەرى حالىق ارمياسى پارتيانىڭ باسشىلىعىندا جەڭىستەن - جەڭىسكە جەتىپ، ۇلتتىق تاۋەلسىزدىك پەن حالىقتىڭ ازاتتىعى، مەملەكەتتىڭ قۇدىرەتتىلىگى مەن حالىقتىڭ باقىتى جولىندا تاريحقا التىن ارىپپەن جازىلار عالامات ەڭبەكتەر جاسادى. حالىق ارمياسى قايراتىن جانىپ كۇرەس جۇرگىزگەن وسى 90 جىل بەرىك مۇرات - سەنىمگە، تاڭداۋلى توڭكەرىستىك داستۇرگە، قايسار جاۋىنگەرلىك ستيلگە تولى، ول ءبىزدىڭ باعا جەتپەس رۋحاني قازىنامىز. ءبىز شۇعىلالى تاريحتى ەستە بەرىك ساقتاپ، توڭكەرىستىك گەندى جالعاستىرىپ، جاڭا باستامادا توڭكەرىس اعا بۋىندارى باستاعان ۇلى ءىستى ۇزدىكسىز العا ىلگەرىلەتىپ، قالىڭ كادر - جۇرتشىلىق پەن بۇكىل ارمياداعى قالىڭ كوماندير - جاۋىنگەرلەردى جۇڭگولىق ەرەكشەلىككە يە سوتسياليزمنىڭ جولىنا، نازارياسىنا، تۇزىمىنە، مادەنيەتىنە سەنىمدى نىعايتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن قۇلشىنا ىسكە اسىرۋعا، حالىق ارمياسىن الەمدەگى ماڭداي الدى ارميا ەتىپ قۇرىپ شىعۋ جولىندا تىنباي كۇرەس جۇرگىزۋگە ىنتالاندىرۋىمىز، جىگەرلەندىرۋىمىز كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي كورمەنى تاماشالادى.
تۇستەن كەيىن ساعات 3تەن 30 مينۋتتاي وتكەندە، شي جينپيڭ باستاعان باسشى جولداستار جۇڭگو حالىقتىق توڭكەرىس اسكەري مۇراجايىنا كەلىپ، كورمە زالىنا قادام تاستادى. نەگىزگى مازمۇنى ۋاقىت جۇلگەسىنە ساي جوبالانعان كورمەدە ارميامىزدىڭ 90 جىلدىق تاريحي ساپارىنداعى ەلەۋلى شايقاستار مەن ۇرىستار، ماڭىزدى تاريحي وقيعالار، كەلەلى شەشىمدەردىڭ قابىلدانۋى مەن ماڭىزدى دامۋ جەتىستىكتەرى كورنەكتىلەندىرىلگەن، «جيڭگاڭشاندا كەزدەسۋ»، «ۇزاققا سوزىلاتىن سوعىس تۋرالى»، «جيڭجوۋدى الۋ»، «حۋابەيدەگى اسكەري جاتتىعۋ»، «شياڭگاڭ مەن اۋمىنعا ورنىعۋ»، «ۋىنچۋانداعى جەر سىلكىنىسىنە قارسى اتتانىپ، اپاتتان قۇتقارۋ»، «گۋتيانداعى بۇكىل ارميانىڭ ساياسي قىزمەت جينالىسى»، ارميامىزدىڭ قازىرگى قولدانىستاعى نەگىزگى جابدىقتارىنىڭ ۇلگىسى سياقتى لاندشافتتار مەن كورمە نىساندارى ءتۇيىندى تۇردە جوبالانعان، قۇرلىق، تەڭىز، اۋە كۇشتەرىنىڭ قارۋ - جابدىقتارى بويىنشا جاتتىعۋدىڭ ەلىكتەمەلى جانە ارەكەتتەس نىساندارى ورنالاستىرىلعان، 1000نان اسا فوتوسۋرەت، 1300دەن اسا تاريحي مۇرا جانە قىرۋار كەستە، جاساۋلى جازبا، ماي بوياۋلى سۋرەت، لاندشافت، بەينەجازبا، سەنسورلى ەكران، سونداي - اق جاۋىنگەرلىك جابدىقتار مەن كيىمدەر، جابدىقتاردىڭ ۇلگىسى، ت.ب ارقىلى 90 جىلدان بەرى حالىق ارمياسىنىڭ پارتيانىڭ باسشىلىعىندا ءجۇرىپ وتكەن شۇعىلالى تاريحي ساپارى، سىڭىرگەن كەسەك ەڭبەكتەرى جان - جاقتى ايگىلەنىپ، پارتيامىزدىڭ، ارميامىزدىڭ ۇزاق مەرزىمدىك توڭكەرىستىك كۇرەس پەن قۇرىلىس امالياتىندا باۋلىپ، قالىپتاستىرعان داڭقتى ءداستۇرى مەن تاڭداۋلى ستيلى تولىق كورسەتىلىپ، ارميانى گۇلدەندىرۋ، رەفورمالاۋ، دامىتۋدىڭ وراسان زور تابىستارى جاندى بەينەلەنگەن.
جۋ دىنىڭ «نانچاڭ كوتەرىلىسىندە» پايدالانعان ماۋزەرى، جاپون شاپقىنشىلارىنا قارسى بىرلەسكەن ارميانىڭ باسشىسى جوۋ باۋجۇڭنىڭ شىعىس تەرىستىكتەگى پارتيزاندىق ۇرىستار كەزىندەگى كۇندەلىگى، الدىڭعى شەپكە كومەككە بارعان جۇمىسكەرلەردىڭ «حۋايحاي شايقاسى» كەزىندە سۇيرەتكەن قول ارباسى، 55 - جىلعى ۇلگىدەگى مارشال مۋنديرى، جاي كيىم، وردەن جانە كۋالىكتەر، ەلىمىزدىڭ ءبىرىنشى سۋتەك بومبىسى مەن ءبىرىنشى دەسانتتىق اتوم بومبىسىنىڭ ۇلگىلەرى، ۋىنچۋانداعى ءزىلزالا كەزىندە اپاتتان قۇتقارۋعا قاتىسقان جاۋىنگەردىڭ بوقشاعا جازعان وسيەتى، «لياۋنيڭ» اتتى اۋياماتكانىڭ نانحاي الابىندا جاتتىعۋ جۇرگىزگەندەگى سۋرەتى، رەفورما جۇرگىزىلىپ، قايتا سومدالعاننان كەيىنگى جاڭا اسكەر ءتۇرىنىڭ بەلگىلەرى... قۇندى تاريحي مۇرالار، باي جازبا ماتەريالدار، ايناقاتەسىز ۇقساتىلعان ارناۋلى لاندشافتتار شي جينپيڭ باستاعان باسشى جولداستاردىڭ نازارىن بۇردى. ولار ءالسىن - ءالى قادامىن كىدىرتىپ، قىزمەتكەرلەردىڭ تۇسىندىرمەسىنە مۇقيات قۇلاق ءتۇردى ءارى قاتىستى جاعدايلاردى مۇقيات سۇراپ ءبىلدى.
بەيجيڭدەگى ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق شۋجيچۋدىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار كوميتەت باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باستىعى، مەملەكەتتىك ساياسي كەڭەستىڭ ورىنباسار ءتوراعالارى جانە ورتالىق اسكەري ىستەر كوميتەتىنىڭ مۇشەلەرى كورمەنى كوردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
