بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

جەردى رەتتەۋ ءتىپتى دە كوپ شارۋانى اۋقاتتانۋ جولىنا ءتۇسىردى

2017.08.18 11:11     كەلۋ قاينارى : شينجياڭ گازەتى

  «اتىزدار تاقتالانعان، جولدار ءبىر - بىرىنە ۇلاسقان، توعاندار ءوزارا جالعاسقان بولساشى دەگەن ارماندى جەردى رەتتەۋدىڭ ارقاسىندا اقىرى جۇزەگە اسىردىق»، - دەدى بۋىرشىن اۋدانى ويماقى قالاشىعى جالعىزتال قىستاعىنداعى 58 جاسقا شىققان شارۋا سايران ءسىلامجار ۇلى ۇزىننان - ۇزاققا سوزىلعان شەكىلدەۋىكتى قاربىز اتىزىنا كوز سالا تۇرىپ اسەرلەنە.

  17 ميلليون 164 مىڭ 800 يۋان قارجى قوسىلعان بۋىرشىن اۋدانى ويماقى قالاشىعى جالعىزتال قىستاعى مەن قىزىلقاباق قىستاعىنىڭ 830.14گەكتار جەرىن رەتتەۋ نىسانىنىڭ قۇرىلىسى اقىرلاسقاننان كەيىن، جەرگىلىكتى ورىندا 57.04گەكتار ەگىستىك جەر كوبەيدى. ەگىستىك جەردىڭ ءتۇسىم مولشەرى كوبەيىپ، ساپاسى جوعارىلاۋمەن بىرگە، جەرگىلىكتى ورىن ەگىستىك جەردى قورعاۋدىڭ جاڭا مەحانيزمىن قاراستىرۋعا قۇلشىنىپ، ەگىستىك جەردىڭ جالپىلىق ءوندىرىس قۋاتىن جوعارىلاتىپ، قىستاق تۇرعىندارىنىڭ كىرىستەرىن ارتتىرۋىن قامتاماسىز ەتتى. نىساننىڭ قازىرگى پايدالانۋعا بەرىلگەن 2 جىلدىق ونىمدىلىگى بويىنشا مەجەلەسەك، نىسان رايونىنداعى شارۋالاردىڭ جان باسىندىق جىلدىق تازا كىرىسى 759 يۋان جوعارىلايتىن كورىنەدى.

  «جەر رەتتەلگەننەن كەيىن، وتباسىمىزدىڭ جىلدىق كىرىسى 100 مىڭ يۋاننان استى. بۇرىن ەگىن سالساق، ۇزاعاندا قارىندى قامدايتىنبىز، قازىر جەر تەگىستەلدى، تامشىلاتىپ سۋارۋ تەحنيكاسى دا جالپىلاستى، 60 مۋ جەرگە شەكىلدەۋىكتى قاربىز بەن كۇنباعىس وسىرسەم، ءوزىم - اق جەتىسەمىن. ۇلىم مەن كەلىنىم سىرتقا شىعىپ جۇمىس ىستەپ، جىلىنا 70 − 80 مىڭ يۋان اقشا تابادى، مۇنان سىرت، قولىمدا 25 سيىر بار... كىرىسىمىز بۇرىنعىدان 3 تە 4 ەسە جوعارىلادى»، - دەدى سايران.

  سايران وتباسى جالعىزتال قىستاعىنداعى جەردى رەتتەۋدىڭ يگىلىگىن كورگەن 100دەن استام وتباسىنىڭ ءبىرى.

  «12 - بەسجىلدىق» جوبا مەزگىلىندە اۆتونوميالى رايونىمىز جەردى رەتتەۋ نىسانىن تۇعىر ەتىپ، قاتىستى تۇزىمدەردى ورناتىپ جانە ونى اقاۋسىزداندىرىپ، جوعارى ولشەمدى نەگىزگى اتىز قۇرىلىسىن زور كۇشپەن ىلگەرىلەتىپ، جوعارى ولشەمدى نەگىزگى اتىزدىڭ اۋدانىن 9 ميلليون 500 مىڭ مۋعا جەتكىزىپ، جالپى 11 ميلليارد يۋان قارجى قوستى. تەك 2016 - جىل مەن 2017 - جىلدىڭ وزىندە ورنالاستىرىلعان جەردى رەتتەۋ نىسانى قۇرىلىسىنىڭ كولەمى 821 مىڭ 600 مۋعا جەتىپ، بۇعان 830 ميلليون يۋان قارجى قوسىلاتىنى مەجەلەندى.

  10 نەشە جىلدىق دامۋ ارقىلى تۇتاس شينجياڭداعى جەردى رەتتەۋ نىسانى ءتىپتى دە كوپ شارۋانى اۋقاتتانۋ جولىنا ءتۇسىردى. قازىر «ۇكىمەت جەتەكشى بولاتىن، اۋىل - قىستاق كوللەكتيۆ شارۋاشىلىق ۇيىمدارى مەن شارۋالار نەگىزگى تۇلعا بولعان، مەملەكەت جەرى بايلىعى تاراۋلارى تۇعىر ازىرلەيتىن، تاراۋلار ات سالىساتىن، ءبىر تۇتاس جوسپارلاناتىن، قارجى بىرلەستىرىلگەن» قىزمەت جەلىسى العاشقى قادامدا قالىپتاستى ءارى كورنەكتى ناتيجەلەرگە قول جەتكىزدى.

  جەردى رەتتەۋدىڭ ارقاسىندا، شاۋەشەك قالاسى بوزداق ەگىس الاڭى بايگەتوبە قىستاعىنىڭ ءبيدايلىعىنا تۇگەل تامشىلاتىپ سۋارۋ بەلدىگى جاتقىزىلدى، ونىڭ قولايلىلىعىن ايتپاعاندا، تىڭايتقىش پەن سۋدىڭ پايدالانىلۋ مولشەرى بۇرىنعىدان جەكە - جەكە %50، %30 جوعارىلادى، مۋ باسىندىق ونىمدىلىگى 200 − 300 يۋان توڭىرەگىندە ارتىپ، سونىڭ ارقاسىندا، نىسان رايونىنداعى جان باسىندىق كىرىس 4000 يۋان توڭىرەگىندە ارتتى.

  جەردى رەتتەۋ تۇرپان قالاسى ەدىقۇت رايونى يار قالاشىعى لۇيزۇڭ قىستاعىنا دا بايلىق الا كەلدى. جەردى رەتتەۋدەن بۇرىن، نىسان رايونىنداعى شارۋالاردىڭ اۋىل شارۋاشىلىعىنان كىرگىزەتىن جان باسىندىق جىلدىق كىرىسى 8600 يۋان بولاتىن، جەردى رەتتەگەننەن كەيىن، نىسان رايونىنداعى شارۋالاردىڭ اۋىل شارۋاشىلىعىنان كىرگىزەتىن جان باسىندىق جىلدىق كىرىسى 10 مىڭ 700 يۋانعا جەتىپ، نىسان رايونىنداعى شارۋالاردىڭ اۋىل شارۋاشىلىعىنان تاباتىن جىلدىق جان باسىندىق كىرىسى 2100 يۋان ارتىپ، تۇتاس قىستاقتاعى 3500 ادام يگىلىك كوردى.

  سوڭعى جىلدارى اۆتونوميالى رايوننىڭ جەردى رەتتەۋ قىزمەتىنىڭ ۇزدىكسىز ىلگەرىلەۋىنە ساي، نىسان رايوندارىندا «اتىزدار تاقتالانعان، جولدار ءبىر - بىرىنە ۇلاسقان، توعاندار ءوزارا جالعاسقان، ورمان قاز - قاتار ورنالاسقان» جالپى تۇلعالىق جاعداي بىرتىندەپ قالىپتاسىپ، ەگىس اتىزدارىنىڭ نەگىزدىك قۇرىلعىمەن سەپتەلۋى نەگىزىنەن جۇزەگە اسىپ، ءوندىرىس شارت - جاعدايى تۇبىرىنەن جاقسارىپ، اۋىل شارۋاشىلىق ەگىنشىلىگىنىڭ ونىمدىلىگى جوعارىلاپ، شارۋالاردىڭ ەڭبەكتەگى وزىندىك قۇنى تومەندەدى. جەردى رەتتەۋ اۋىل شارۋاشىلىعىن وسىزامانداندىرۋدى، ماشينالاندىرۋدى ىلگەرىلەتۋدىڭ نەگىزىن قالاۋعا، اۆتونوميالى رايوننىڭ جەردىڭ شارۋاشىلىق ۇقىعىن وتكەرمەلەۋدى ىلگەرىلەتۋگە، الۋان ءتۇرلى ۇلگىدەگى اۋىل شارۋاشىلىعىن كولەمدەندىرىپ تيجارات جۇرگىزۋگە، اۋىل - قىستاق سەلبەستىك شارۋاشىلىعىن دامىتۋعا بەلگىلى نەگىزدىك شارت - جاعداي ازىرلەدى.

  جالعىزتال قىستاعىنىڭ تۇرعىنى تولەۋقان دالەلقان ۇلى: قازىر ەگىن ەكسەك ەشتەڭەدەن الاڭدامايتىن بولدىق، ءونىمىمىز دە بارعان سايىن جاقسارا ءتۇستى، بايىعان سايىن ەگىن ەككىمىز كەلەتىن بولدى، - دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار