بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شوكىرات زاكىر ءۇرىمجى قالاسىنىڭ حوۋشيا وڭىرىنە بارىپ، قورشاعان ورتاعا قاتىستى ماسەلەلەردىڭ تۇزەتىلۋىن جۇمىس ۇستىندە باقىلادى

2017.09.04 16:54     كەلۋ قاينارى : شينجياڭ گازەتى

  سۋ قاينارىن قورعاۋدى ءارقانداي بوداۋ بەرۋدەن تايىنباي كۇشەيتىپ، حالىقتىڭ اناعۇرلىم حاۋىپسىز، اناعۇرلىم تازا سۋدان يگىلىكتەنۋىنە مۇمكىندىك جاسايىق

  25 - تامىزدا اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءۇرىمجى قالاسىنىڭ حوۋشيا وڭىرىنە بارىپ، ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسىنىڭ تۇزەتۋگە تابىستاعان ماسەلەلەردىڭ تۇزەتىلۋىن جۇمىس باسىندا باقىلادى. ول بىلاي دەپ باسا دارىپتەدى: يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەكولوگيالىق وركەنيەت قۇرىلىسى جونىندەگى تالاپتارىمەن، اۆتونوميالى رايوندىق پارتكوم مەن ۇكىمەتتىڭ ورنالاستىرۋلارىمەن ونان ارى بىرلىككە كەلتىرىپ، تاباندا تەكسەرىپ، تاباندا تۇزەتىپ، ءبىر جاعىنان، قاداعالاپ، ءبىر جاعىنان، تۇزەتىپ، تۇتاس رايونىمىزدىڭ ەكولوگيالىق ورتاسىن قورعاۋدا ساقتالعان ەلەۋلى ماسەلەلەردى تىزە قوسا ءبىر جايلى ەتىپ، ناقتى ءىس − ارەكەتتەر ارقىلى جاسىل دامۋ تانىمىن امالياتتا ايگىلەپ، سۋ قاينارىن ءارقانداي بوداۋ بەرۋدەن تايىنباي ويداعىداي قورعاپ، ءار ۇلت حالقىنىڭ اناعۇرلىم حاۋىپسىز، اناعۇرلىم تازا سۋدان يگىلىكتەنۋىنە مۇمكىندىك جاساپ، رايونىمىزدىڭ ەكولوگيالىق ورتاسىن قورعاۋدى جانە كوركەيتۋدى تىڭعىلىقتى ىلگەرىلەتۋىمىز كەرەك.

  حوۋشيا ءۇرىمجى وزەنىمەن جانە 1 - ءنومىرلى مۇزدىقپەن ىرگەلەسىپ جاتادى، ول ءۇرىمجى قالاسى ۇلانباي سۋ قويماسىنىڭ اۋىز سۋ قاينارى ساناتىندا 2 - دارەجەلى قورعالاتىن رايون. وتكەن عاسىردىڭ 50 - جىلدارىندا حوۋشيادا ءبىرقانشا ونەركاسىپ كاسىپورىندارى قۇرىلىپ، ءۇرىمجى قالاسى مەن شينجياڭنىڭ ەكونوميكالىق، قوعامدىق دامۋىنا ماڭىزدى ۇلەس قوسقان. الايدا كاسىپورىننىڭ ءوندىرىس تيجارات قيمىلى قورشاعان ورتاعا اۋىر ىقپال جاسادى، سونداي - اق ءۇرىمجى قالاسىنىڭ ماڭىزدى سۋ قاينارىنا حاۋىپ ءتوندىرىپ، قوعامنىڭ نازارىن بارعان سايىن اۋداردى. حوۋشياداعى قورشاعان ورتانى قورعاۋ ماسەلەسىن تۇبەگەيلى شەشۋ − كوز الداعى ماڭىزدى ءارى كوكەي تەستى مىندەت بولماق.

  شوكىرات زاكىر ول اراعا بارىپ تەكسەرۋ - زەرتتەۋ جۇرگىزىپ، مالىمەت تىڭداعاننان كەيىن مىنالاردى اتاپ كورسەتتى: پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ەكولوگيالىق وركەنيەت قۇرىلىسىن اناعۇرلىم كورنەكتى ورىنعا قويدى. جەر - جەر، قاتىستى تاراۋلار باس شۋجي شي جينپيڭنىڭ ەكولوگيالىق وركەنيەت قۇرىلىسىن جانە قورشاعان ورتانى قورعاۋ قىزمەتىن كۇشەيتۋ جونىندەگى ماڭىزدى بەكىتۋىنىڭ، نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، 5 ۇلكەن دامۋ كوزقاراسىن جەتەكشى ەتىپ، ەكولوگيالىق ورتانى قورعاۋ − وندىرگىش كۇشتى قورعاعاندىق، تۇنىق سۋ، جاسىل تاۋدىڭ ءوزى بايلىق دەگەن تانىمدى وي - ساناعا بەرىك ءسىڭىرىپ، حالىق بۇقاراسىنىڭ مۇددەسىن باستان - اياق ماڭداي الدى ورىنعا قويىپ، ەكولوگيانى قورعاۋدىڭ تومەنگى شەگىن قاتاڭ ساقتاپ، ەكولوگيانى قورعاۋدىڭ ەڭ قاتاڭ ءتۇزىمىن اتقارىپ، لاستانۋدى تىزگىندەۋ تەبىنىن ارتتىرىپ، تۇتاس رايونىمىزدىڭ ەكولوگيالىق ورتاسىنىڭ ۇتىمدى قورعالۋىنا كەپىلدىك ەتۋى كەرەك.

  شوكىرات زاكىر مىنالاردى تالاپ ەتتى: جۇمىسشى - قىزمەتكەرلەردى لايىقتى ورنالاستىرۋدى حوۋشياداعى ونەركاسىپ نىساندارىن توقتاتۋدىڭ العى شارتى ەتىپ، بىردە - ءبىرىن جۇمىسسىز قالدىرماۋ كەرەك. كاسىپورىنداردى كوشىرۋ جانە باسقا كاسىپكە ويىستىرۋ دەڭگەيىن جوعارىلاتۋ ارقىلى جۇمىسشى - قىزمەتكەرلەردىڭ تۇرعىن ءۇي، تۇرمىس شارت - جاعدايىن بارىنشا جاقسارتىپ، جۇمىسشى - قىزمەتكەرلەرگە پارتيا مەن ۇكىمەتتىڭ قامقورلىعىن سەزىندىرۋ كەرەك. جۇمىسشى - قىزمەتكەرلەردى لايىقتى ورنالاستىرۋ نەگىزىندە، بەلدى بەكەم بۋىپ، ءوندىرىس نىساندارىنىڭ بارلىعىن توقتاتىپ، ەكولوگيالىق ورتاعا حاۋىپ توندىرەتىن، وتە - موتە، سۋ قاينارىنىڭ حاۋىپسىزدىگىنە حاۋىپ توندىرەتىن بارلىق فاكتوردى باتىل، تۇبەگەيلى الاستاۋ كەرەك. جۇمسالىمدى ارتتىرىپ، ەكولوگيالىق ورتانى قالپىنا كەلتىرۋ ينجەنەرياسىن اتقارىپ، حوۋشيانىڭ ەكولوگيالىق ورتاسىن قورعاۋ مەن قالپىنا كەلتىرۋدى ءۇرىمجىنىڭ وزەن - كولدەرىنىڭ ەكولوگيالىق ورتاسىن قورعاۋ نىسانىنا ەنگىزىپ، وزەن ارنالارىنىڭ توڭىرەگىن مۇمكىندىكتىڭ بارىنشا جاسىلداندىرىپ، حوۋشيانىڭ ەكولوگيالىق ورتاسىن قالپىنا كەلتىرۋ كەرەك. قورشاعان ورتانى باقىلاۋ - تەكسەرۋ تەبىنىن كۇشەيتىپ، ءۇرىمجى قالاسى تۇرعىندارىنىڭ اۋىز سۋ حاۋىپسىزدىگىنە كەپىلدىك ەتىپ، ەكولوگيالىق ورتانىڭ لاستانۋ ماسەلەسىن تۇبەگەيلى شەشىپ، اسپانى اشىق، جەرى مانات، سۋى تۇنىق كورىكتى شينجياڭ قۇرۋ ءۇشىن بەلسەندى ۇلەس قوسۋ كەرەك.

  اۆتونوميالى رايوندىق پارتكومنىڭ تۇراقتى مۇشەسى، ءۇرىمجى - سانجى پارتكومىنىڭ شۋجيى، ءۇرىمجى قالالىق پارتكومنىڭ شۋجيى شۇي حايرۇڭ بىلاي دەدى: اۆتونوميالى رايوندىق پارتكوم مەن ۇكىمەتتىڭ شەشىمدەرىن، ورنالاستىرۋلارىن باتىل، بۇلجىماي اتقارىپ، «4 تانىمدى» شىنايى كۇشەيتىپ، ەكولوگيالىق ورتانى قورعاۋدىڭ ماڭىزدىلىعى مەن كوكەي تەستىلىگىن ساياسي جانە جالپى جاعداي تۇرعىسىنان جەتە تانىپ، ەكولوگيالىق وركەنيەت قۇرىلىسىنداعى ساياسي جاۋاپكەرلىكتى شىن مانىندە ارقالاپ، قورشاعان ورتانى قورعاۋ قىزمەتىنىڭ شارالارىن مىقتى يگەرىپ، ەكولوگيالىق وركەنيەت قۇرىلىسىنىڭ مىندەتتەرىن ناقتاپ تياناقتاندىرىپ، ءار ۇلت حالقىنىڭ اناعۇرلىم تازا سۋ تۇتىنۋىنا، اناعۇرلىم تازا اۋادان تىنىستاۋىنا، اناعۇرلىم تاماشا قىزمەت، تۇرمىس ورتاسىنان يگىلىكتەنۋىنە مۇمكىندىك جاساۋ كەرەك.

  اۆتونوميالى رايوننىڭ ورىنباسار ءتوراعاسى ءمۇتالىپ قاسىم جۇمىس ۇستىندە باقىلاۋعا قاتىناستى. اۆتونوميالى رايوندىق دامۋ - رەفورما كوميتەتى، مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى، قازىنا مەڭگەرمەسى، ەكونوميكا جانە ينفورماتسيالاندىرۋ كوميتەتى، قورشاعان ورتانى قورعاۋ مەڭگەرمەسى، مەملەكەت جەر بايلىعى مەڭگەرمەسى سياقتى قاتىستى تاراۋلارداعى جاۋاپتى جولداستار جۇمىس باسىنداعى باقىلاۋعا بىرگە باردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار