چىن چۋانگو ورنىقتىلىقتى قورعاۋ قىزمەتى جونىندەگى اۆتونوميالى رايوندىق تەلەۆيزور - تەلەفون ماجىلىسىندە سەنىمدى بەكەمدەپ، ۇدايى يگەرۋدەن جازباي، باس نىسانانى تىعىز ارقاۋ ەتىپ، كەشەندى شارالاردى ويداعىداي قولدانىپ، پارتيا 19 - قۇرىلتايىنىڭ جەڭىسپەن اشىلۋىن جاراسىمدى، ورنىقتى تاماشا جاعدايمەن قارسى الۋدى باسا دارىپتەدى
2017.09.05 14:22 كەلۋ قاينارى : شينجياڭ گازەتى
ءماجىلىستى شوكىرات زاكىر باسقاردى، نايىم ياسىن، نۇرلان ءابىلماجىن ۇلى، سۇن جينلۇڭ، جۋ حايلۇن، لي پىڭشين ماجىلىسكە قاتىناستى
ورنىقتىلىقتى قورعاۋ قىزمەتى جونىندەگى اۆتونوميالى رايوندىق تەلەۆيزور - تەلەفون ءماجىلىسى 30 - تامىز تۇستەن بۇرىن اشىلدى. اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى. ول مىنالاردى باسا دارىپتەدى: باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحىن جانە ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن، اسىرەسە، شينجياڭ قىزمەتى جونىندەگى ماڭىزدى سوزدەرىنىڭ جانە ماڭىزدى نۇسقاۋلارىنىڭ رۋحىن مۇقيات دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، سەنىمدى بەكەمدەپ، ۇدايى يگەرۋدەن جازباي، «3 قيان − كەسكى شايقاستىڭ»، «ءبىر حالىقتىق سوعىستىڭ» جەڭىسىنە، ءسوز جوق، قول جەتكىزىپ، پارتيا 19 - قۇرىلتايىنىڭ جەڭىسپەن اشىلۋىن جاراسىمدى، ورنىقتى تاماشا جاعدايمەن قارسى الۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى. اۆتونوميالى رايوننىڭ باسشىلارىنان نايىم ياسىن، نۇرلان ءابىلماجىن ۇلى، سۇن جينلۇڭ، لي پىڭشين، شاۋكەت يمىن، شۇي حايرۇڭ، لي شۋەجۇن، ەركىن تۇنياز، تيان ۋىن، لو دۇڭچۋان، سارقىت اقان ۇلى ماجىلىسكە قاتىناستى. اۆتونوميالى رايوندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى جۋ حايلۇن لاڭكەستىككە قارسى تۇرىپ، ورنىقتىلىقتى قورعاۋ قىزمەتى تۋرالى ورنالاستىرۋ جاسادى.
چىن چۋانگو سوزىندە اۆتونوميالى رايوندىق پارتكوم مەن ۇكىمەت اتىنان ورنىقتىلىقتى قورعاۋدىڭ ءبىرىنشى شەبىندە كۇرەس جاساپ جاتقان ورنىقتىلىقتى قورعاۋ كۇشتەرىنە، ءار ۇلت كادرلارى مەن بۇقاراسىنا شىنايى العىس ايتتى ءارى وسكەلەڭ قۇرمەت ءبىلدىردى. چىن چۋانگو مىنالاردى اتاپ كورسەتتى: بيىل جىل باسىنان بەرى «3 مەزگىل قاباتتاسۋداي» اۋىر جاعداي الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا تۇتاس رايونىمىزدا پارتيا، ۇكىمەت، ارميا، ساقشى، بيڭتۋان، حالىق ءبىر نيەتپەن ات سالىسىپ، دامىلسىز شايقاس جاسادى، وسىنىڭ ارقاسىندا تۇتاس رايونىمىزدىڭ لاڭكەستىككە قارسى تۇرۋ كۇرەسى مەن ورنىقتىلىق، دامۋ قىزمەتتەرى كورنەكتى ناتيجەگە قول جەتكىزدى. وسى ناتيجەلەرگە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ارقاسىندا قول جەتتى، باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحىنىڭ، وتە - موتە، شينجياڭ قىزمەتى جونىندەگى ماڭىزدى سوزدەرىنىڭ جانە ماڭىزدى نۇسقاۋلارىنىڭ رۋحىنىڭ عىلمي جەتەكشىلىگىنىڭ ارقاسىندا قول جەتتى، بۇكىل ەلدەگى ءار ۇلت حالقىنىڭ قالتقىسىز كومەگىنىڭ ارقاسىندا قول جەتتى، تۇتاس رايونىمىزداعى ءار ۇلت كادرلارى مەن بۇقاراسىنىڭ باس نىسانانىڭ جەتەكشىلىگىندە جاۋاپكەرلىكتى باتىلدىقپەن ارقالاۋىنىڭ، ىرىقتىلىقپەن ءىس تىندىرۋىنىڭ ارقاسىندا قول جەتتى، تۇتاس رايونىمىزدا پارتيا، ۇكىمەت، ارميا، ساقشى، بيڭتۋان، حالىق ىنتىماقتاسا كۇرەس جاساۋىنىڭ، شىنايى يگەرىپ، ناقتى ءىس ىستەۋىنىڭ ارقاسىندا قول جەتتى. اماليات مىنانى دالەلدەدى: شي جينپيڭ جولداستى ۇيتقى ەتكەن پارتيا ورتالىق كوميتەتى تۇراقتاندىرعان شينجياڭ قىزمەتىنىڭ باس نىساناسى جانە شەشىمدەرى، ورنالاستىرۋلارى بۇكىلدەي دۇرىس، وعان، ءسوز جوق، ۇزاق ۋاقىت تاباندى بولىپ، ونى باتىل دايەكتىلەندىرۋ كەرەك؛ اۆتونوميالى رايوندىق پارتكومنىڭ باس نىسانانى ارقاۋ ەتىپ شىعارعان ءبىر قىدىرۋ ساياساتتارى، شارالارى ورتالىقتىڭ رۋحىنا جانە شينجياڭنىڭ ءىس جۇزىندىگىنە ۇيلەسەدى، ءسوز جوق، سەنىمدى بەكەمدەپ، تاباندىلىقتى ساقتاۋ كەرەك.
چىن چۋانگو مىنالاردى باسا دارىپتەدى: قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، شينجياڭدى زاڭ بويىنشا جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى باياندى گۇلدەندىرۋگە تاباندى بولىپ، شينجياڭدى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدى جەتەكشى، ەكونوميكالىق دامۋ مەن حالىق تۇرمىسىن جاقسارتۋدى نەگىز، وتاننىڭ تۇتاستىعىن قورعاۋدى، ۇلتتار ىنتىماعىن جەبەۋدى ءتۇيىن ەتىپ، شينجياڭنىڭ ورنىقتىلىق، دامۋ قىزمەتتەرىن ءبىر تۇتاس ىلگەرىلەتىپ، پارتيا 19 - قۇرىلتايىنىڭ جەڭىسپەن اشىلۋىنا حاۋىپسىز، جاراسىمدى تاماشا ورتا جاراتۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
