بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شي جينپيڭ بريكس ەلدەرى ساۋدا - ونەركاسىپشىلەر تالقى مىنبەرىنىڭ اشىلۋ سالتىنا قاتىناسادى ءارى ارقاۋ ءسوز سويلەيدى

2017.09.05 14:23     كەلۋ قاينارى : شينجياڭ گازەتى

  شينحۋا اگەنتتىگىنىڭ 2 - قىركۇيەكتە شيامىننان بەرگەن حابارى. 2017 - جىلعى بريكس ەلدەرى ساۋدا - ونەركاسىپشىلەر تالقى مىنبەرىن ۇيىمداستىرۋ كوميسسياسىنىڭ مەڭگەرۋشىسى، جۇڭگو ساۋدانى جەبەۋ قوعامىنىڭ باستىعى جياڭ زىڭۋي 2 - قىركۇيەكتە بريكس ەلدەرى باسشىلارىنىڭ شيامىن باس قوسۋىمەن سايكەس وتكىزىلەتىن 2017 - جىلعى بريكس ەلدەرى ساۋدا - ونەركاسىپشىلەر تالقى مىنبەرىنىڭ دايىندىق قىزمەتى اياقتاعاندىعىن، 3 - قىركۇيەك تۇستەن كەيىننەن 4 - قىركۇيەك تۇسكە دەيىن وتكىزىلەتىندىگىن، جۇڭگونىڭ مەملەكەت ءتوراعاسى شي جينپيڭنىڭ اشىلۋ راسىمىنە قاتىناساتىندىعىن ءارى ارقاۋ ءسوز سويلەيتىندىگىن جاريالادى.

  جياڭ زىڭۋي بريكس ەلدەرى باسشىلارىنىڭ شيامىن باس قوسۋى اقپارات ورتالىعىندا 2017 - جىلعى بريكس ەلدەرى ساۋدا - ونەركاسىپشىلەر تالقى مىنبەرى جونىندە ارناۋلى اقپار جاريالاۋ ءماجىلىسىن وتكىزدى، بۇل − اقپارات ورتالىعى قۇرىلعاننان بەرگى تۇڭعىش رەتكى اقپار جاريالاۋ ءماجىلىسى.

  جياڭ زىڭۋي بىلاي دەدى: بيىلعى ساۋدا - ونەركاسىپشىلەر تالقى مىنبەرى بريكس ەلدەرى سەلبەستىگىنىڭ ەكىنشى 10 جىلدىققا اياق باسۋىنا سايما - ساي كەلگەندىكتەن جالپى جۇرتتىڭ نازارىن اۋدارىپ، قاتىستى جاقتاردىڭ وسكەلەڭ ءمان بەرۋىنە جانە كەڭ كولەمدە ات سالىسۋىنا يە بولدى. برازيليا، وڭتۇستىك افريكا، ەگيپەت، گۆينەيا سياقتى كوپ ەل باسشىلارى اشىلۋ راسىمىنە قاتىناسادى ءارى ءسوز سويلەيدى نەمەسە كەڭەستىك تاقىرىپ اياسىنداعى تالقىعا قاتىناسادى.

  «بۇل رەتكى تالقى مىنبەرىنە جالپى 1200 ادام قاتىناسادى، مۇنىڭ ىشىندە ساۋدا - ونەركاسىپشىلەر سالاسىنىڭ ۋاكىلى 1069 ادام، جۇڭگونىڭ جانە شەتەلدىڭ ادامدارى جەكە - جەكە تەڭ جارىمىن ۇستايدى. 632 كاسىپورىن، ياعني جۇڭگودان 372 كاسىپورىن، شەتەلدەن 260 كاسىپورىن قاتىناسادى. بريكس ەلدەرى كاسىپورىندارىنان سىرت، ا ق ش، ۇلى بريتانيا، گەرمانيا، فرانسيا سياقتى ەلدەردىڭ ايگىلى كاسىپورىندارى دا قاتىناسۋعا تىزىمدەلدى، دۇنيە جۇزىندەگى 500 قۋاتتى كاسىپورىننىڭ 80گە تاياۋى قاتىناسادى. كاسىپ سالاسى تۇرعىسىنان العاندا، ەنەرگيا، نەگىزدىك قۇرىلعى سياقتى ءداستۇرلى كاسىپورىندارىنىڭ دا، بيولوگيا، ينتەرنەت سياقتى جاڭادان گۇلدەنگەن كاسىپ سالالارىنىڭ دا ۋاكىلدەرى بار. ولار تالقى مىنبەرىنە بەلسەنە تىزىمدەلدى، بۇل ءبىزدىڭ مەجەلەگەنىمىزدەن اسىپ ءتۇستى. بۇل رەتكى تالقى مىنبەرىنىڭ كولەمى، قاتىناسقان ۋاكىلدەر سانى بريكس ەلدەرى ساۋدا - ونەركاسىپشىلەر تالقى مىنبەرى تاريحىندا بۇرىن كورىلمەگەن دەڭگەيگە جەتتى»، - دەدى جياڭ زىڭۋي.

  بۇل رەتكى تالقى مىنبەرىندە «بريكس ەلدەرىنىڭ سەرىكتەستىك قاتىناسىن تەرەڭدەتىپ، ونان دا جارقىن بولاشاق اشۋ» نەگىزگى تاقىرىبىن توڭىرەكتەي وتىرىپ، «ساۋدا جانە قارجى قوسۋ»، «فينانس سەلبەستىگى جانە دامۋ»، «ىقپالداستىق»، «جاسىل ەكونوميكا» سىندى 4 كەڭەستىك تاقىرىپ ورنالاستىرىلدى.

  جياڭ زىڭۋي بىلاي دەدى: تالقى مىنبەرى ساۋدا - ونەركاسىپشىلەر سالاسىنىڭ ءوزارا پايدا جەتكىزۋ سەلبەستىگىن كۇشەيتۋ سەنىمىن اناعۇرلىم نىعايتىپ، ساۋدا - ونەركاسىپشىلەر سالاسى اراسىنداعى اۋىس - كۇيىستى، سەلبەستىكتى ارتتىرىپ، ۇكىمەتتىڭ شەشىم جاساۋىنا پايدالاناتىن قۇندى ساياساتتىق ۇسىنىستاردى ورتاعا قويادى.

  تانىستىرۋعا قاراعاندا، بريكس ەلدەرىنىڭ ساۋدا - ونەركاسىپشىلەر تالقى مىنبەرى بريكس ەلدەرى باسشىلارىنىڭ باس قوسۋىنداعى ماڭىزدى سايكەستى قيمىل ەكەن، ول 2010 - جىلى قۇرىلعان، ونى ءار جىلى بريكس ەلدەرىنىڭ ءتوراعا ەلى ۇيىمداستىرادى، ول بريكس ەلدەرىنىڭ ساۋدا - ونەركاسىپشىلەر سالاسى ورتاق كوڭىل ءبولىپ وتىرعان قولامتالى ماسەلەلەردى ارقاۋ ەتە وتىرىپ، اۋىس - كۇيىس جاسايتىن، تالقى جۇرگىزەتىن، ىنتىماقتاستىق ورتاق تانىمىن ۇيىستىراتىن، ساياساتتىق سىندارلى كەڭەس ورىستەتەتىن ماڭىزدى تۇعىر.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار