ورتالىقتىڭ قورشاعان ورتانى قورعاۋدى باقىلاۋ - تەكسەرۋ 8 - گرۋپپاسىنىڭ باستىعى لي جياشياڭ رايونىمىزدىڭ ءىشىنارا ايماق، وبلىستارىندا (قالا) جانە بيڭتۋاننىڭ ءىشىنارا ديۆيزيا، پولكتەرىندە ەكولوگيالىق ورتانى قورعاۋ قىزمەتىنە باقىلاۋ - تەكسەرۋ جۇرگىزگەندە جاسىل تاۋ، ءمولدىر سۋ ارقىلى حالىق بۇقاراسىنىڭ كەنەلۋ سەزىمىن ارتتىرۋدى اتاپ كورسەتتى
2017.09.06 13:17 كەلۋ قاينارى : شينجياڭ گازەتى
ورتالىقتىڭ قورشاعان ورتانى قورعاۋدى باقىلاۋ - تەكسەرۋ 8 - گرۋپپاسىنىڭ باستىعى لي جياشياڭ 30 - تامىزدان 1 - قىركۇيەككە دەيىن ىلگەرىندى - كەيىندى قارامايلى قالاسىندا، بۇراتالا موڭعۇل اۆتونوميالى وبلىسىندا، تارباعاتاي ايماعىندا، ىلە قازاق اۆتونوميالى وبلىسىندا، سونداي - اق شينجياڭ ءوندىرىس - قۇرىلىس بيڭتۋانىنىڭ ءىشىنارا ديۆيزيا، پولكتەرىندە ەكولوگيالىق ورتانى قورعاۋ قىزمەتىنە باقىلاۋ - تەكسەرۋ جۇرگىزدى. ول جاسىل ەكولوگيا جولىمەن ءجۇرىپ، حالىق بۇقاراسىنا ەكولوگيالىق ورتانى قورعاۋدىڭ ونىمدىلىگىن شىنايى سەزىندىرىپ، جاسىل تاۋ، ءمولدىر سۋ ارقىلى حالىق بۇقاراسىنىڭ كەنەلۋ سەزىمىن ارتتىرۋدى باسا دارىپتەدى.
لي جياشياڭ 30 - تامىزدا قارامايلى بودا ەكولوگيالىق ورتانى قورعاۋ عىلىم - تەحنيكا شەكتى جاۋاپكەرلىك سەرىكتەستىگىنىڭ سەحىن، تاجىريبە بولمەسىن ارالاپ، اتالعان كاسىپورىننىڭ مۇناي الابىنداعى تۇنبالاردى ايىرىپ، لاستانعان توپىراقتى قالپىنا كەلتىرۋ تەحنولوگياسىن، سونداي - اق ونىمدىلىگىن تاپتەشتەي ۇعىستى. ول: تەك مەشەۋ كاسىپورىن بار، كەنجە قالعان كاسىپ جوق. كاسىپورىننىڭ تەحنيكا جاڭالاۋىن ونان ارى جەدەلدەتىپ، كاسىپورىندى باسقارۋ دەڭگەيىن ءوسىرىپ، عىلمي تازارتۋ ارقىلى مۇناي الابىنداعى تۇنبالاردان بولىنگەن زاتتاردى قايتا پايدالانۋ ولشەمىنە جەتكىزىپ، جاسىل بولۋدى كاسىپورىن دامۋىنىڭ برەندىنە اينالدىرۋ كەرەك، − دەدى.
سايرام كولى شينجياڭداعى تەڭىز دەڭگەيىنەن ەڭ بيىك، ەڭ ۇلكەن سۋىق سۋلى تاۋ كولى. 2014 - جىلى مەملەكەتتىڭ تاماشا كولدەردىڭ ەكولوگيالىق ورتاسىن قورعاۋ سىناق ءتۇيىنى نىسانىنا ەنگىزىلىپ، ءتۇيىندى قولداۋ كورسەتىلدى. لي جياشياڭ 31 - تامىزدا سايرام كولىنىڭ ەكولوگيالىق ورتاسىن قورعاۋ جاعدايى جونىندە جۇمىس باسىندا باقىلاۋ - تەكسەرۋ جۇرگىزگەندە ساياحات كاسىبىن دامىتۋمەن بىرگە، ەكولوگيالىق ورتانى قورعاۋ قىزمەتىن اناعۇرلىم جاقسى ىستەپ، سايرام كولىنىڭ كوركەم تابيعاتىنىڭ تارتىپپەن اشىلۋىنا كەپىلدىك ەتىپ، وسى «تاۋ مەرۋەرتىن»دەن قويا ويداعىداي قورعاۋدى باسا دارىپتەدى.
بيڭتۋان 9 - ديۆيزياسىنىڭ 170 - پولكىندەگى 10 مىڭ مۋلىق تىكەن جيدە باعىندا قىزارا پىسقان جيدەلەر اعاش باسىندا سامسىپ تۇر. 2007 - جىلى كولەمدى ەگىلگەننەن قازىرگە دەيىن، وسى پولكتە تىكەن جيدە ەگىلگەن جەر اۋماعى 40 مىڭ مۋعا جەتتى. تىكەن جيدە ەگۋدىڭ ەكولوگيالىق ونىمدىلىگى كورنەكتى، اسىرەسە، بوراننان ساقتانىپ، قۇمدى تىزگىندەۋ رولى كورنەكتى ەكەنىن بىلگەننەن كەيىن لي جياشياڭ: قۇلازىعان جەردى جاسىل القاپقا اينالدىرعاننان سوڭ، جاسىل القاپ ارقىلى بايۋعا ويىسىپ، ەڭ سوڭىندا جاسىل ەكولوگيا جولىمەن ءجۇرىپ، اۋقاتتانۋدان تاماشا ەكولوگياعا ويىسۋدى جۇزەگە اسىرىپ، حالىق بۇقاراسىنا قورشاعان ورتانى قورعاۋدىڭ ونىمدىلىگىن شىنايى سەزىندىرىپ، جاسىل تاۋ، ءمولدىر سۋ ارقىلى حالىق بۇقاراسىنىڭ كەنەلۋ سەزىمىن ارتتىرۋ كەرەك، − دەپ اتاپ كورسەتتى.
اندە شىرقالعانداي، قازىر بيڭتۋان 4 - ديۆيزياسى كوكدالا قالاسىنىڭ كەلبەتى جاڭارىپ، قالا قۇرىلىسى دابىرالى جۇرىلۋدە. ليۋ جياشياڭ 1 - قىركۇيەك تۇستەن كەيىن كوكدالا قالاسىنىڭ قالا جوباسى جاعدايىن تاپتەشتەي ۇعىسىپ، وسى قالانىڭ ىلە وزەنى جاعاسىنداعى كورىنىس ينجەنەرياسىنا جۇمىس باسىندا باقىلاۋ - تەكسەرۋ جۇرگىزدى. ول: ەكولوگيالىق ورتانى قورعاۋ ۇستانىمىن قالا جوباسى قۇرىلىسىمەن توعىستىرىپ، قالانىڭ سۋعا قاتىستى قىزمەتىن ويداعىداي ىستەۋمەن بىرگە، الۋان ءتۇرلى شارالاردى قولدانىپ، ىلە وزەنى اڭعارىنىڭ ەكولوگيالىق ورتاسىن ويداعىداي قورعاپ، ەكولوگيالىق جۇيەنىڭ تەپە - تەڭدىگىن ساقتاپ، تاماشا ەكولوگيالىق ورتانى قالانىڭ كوركەم وبرازىن ايگىلەيتىن كۇش سالۋ تۇيىنىنە اينالدىرۋ كەرەك، − دەپ اتاپ كورسەتتى.
لي جياشياڭ باقىلاۋ - تەكسەرۋ جۇرگىزگەندە: ەكولوگيالىق ورتانى قورعاۋ وندىرگىش كۇشتى قورعاعاندىق، ەكولوگيالىق ورتانى جاقسارتۋ وندىرگىش كۇشتى دامىتقاندىق. ەكولوگيالىق ورتا سالاسىندا جارىققا شىققان كورنەكتى ماسەلەلەردى شەشۋدى بەتالىس ەتىپ، دامۋ مەن قورعاۋدىڭ بىرلىگى ۇستانىمىن ورناتىپ، جاسىل دامۋدى، اينالمالى دامۋدى، تومەن كومىرتەكتى دامۋدى ءتىپتى سانالى تۇردە ىلگەرىلەتىپ، ەكولوگيالىق ورتانى قورعاۋدى كۇشەيتۋدى تۇتاس قوعامنىڭ سانالى ارەكەتىنە اينالدىرىپ، باياندى جالعاستىرىپ، تاباندىلىقپەن ناتيجە جاراتىپ، كورىكتى جۇڭگونى قۇلشىنا قۇرىپ، ۇرپاقتارعا تۇنىق سۋ، اشىق اسپان سيلاۋ كەرەك، − دەپ باسا دارىپتەدى.
اۆتونوميالى رايوننىڭ جانە بيڭتۋاننىڭ باسشىلارىنان جاۋ چيڭ، جاڭ يۇڭ، جۇڭ بو باقىلاۋ - تەكسەرۋدە بىرگە بولدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
