ۇدەرە العا تارتىپ، ءتىپتى دە شۇعىلالى ناتيجە جاراتايىق
2017.09.06 13:19 كەلۋ قاينارى : شينجياڭ گازەتى
جەر - جەردەگى كادرلار مەن بۇقارا اسقاق رۋح، جىگەرلى بەينەمەن پارتيا 19 - قۇرىلتايىنىڭ جەڭىسپەن اشىلۋىن قارسى الدى
جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى اشىلۋ الدىندا تۇر. بۇل جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىس كەزەڭىندە، جۇڭگوشا سوتسياليزم دامۋىنىڭ شەشۋشى كەزەڭىندە اشىلاتىن اسا ماڭىزدى قۇرىلتاي.
جەر - جەردەگى كادرلار مەن بۇقارا قۇرىلتايدى اسىعا كۇتىپ، مەرەيلى شاتتىققا بولەنىپ، ىنتىماقتى، جىگەرلى شىت جاڭا بەينەمەن ۇدەرە العا تارتىپ، پارتيا 19 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الاتىندىقتارىن ءبىلدىرىستى.
5 جىلدىق تابىس، جىگەرلى جەلپىنىس
5 جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باسشىلىعىندا، بۇكىل ەل حالقى ۇدەرە العا تارتىپ، رەفورما جاساپ، جاڭالىق اشىپ، ءدۇيىم جۇرت كوز تىككەن تابىسقا جەتتى. جەر - جەردەگى كادرلار مەن بۇقارا ۇلى وتاننىڭ كۇننەن - كۇنگە جاڭارا تۇسكەن وزگەرىسىن سەزىنىپ، ايرىقشا تابىس سەزىمىنە بولەندى.
سىچۋان مەن گۇيجوۋدىڭ شەكاراسىنداعى چىشۇي قالاسى لياڭحىكوۋ قالاشىعى دارۇڭ قىستاعى 10 جىلدىڭ الدىندا قاتىناسى قولايسىز كەدەي قىستاق بولاتىن. جاقىنعى جىلداردان بەرى، ۇكىمەتتىڭ كومەگىندە، دارۇڭ قىستاعى ەرەكشە اۋىل شارۋاشىلىعىن دامىتۋ ارقىلى كەدەيلىكتەن ءساتتى قۇتىلدى.
«پارتيا 18 - قۇرىلتايىنان بەرى، بۇكىل ەلدە كەدەيلىكتەن قۇتىلدىرۋدان قامال الۋدىڭ شايقاس دابىلى جاپپاي قاعىلىپ، پارتيا مۇشەلەرى باستاماشى بولىپ، جاپالى ەڭبەك ەتىپ، ناقتى جۇمىس تىندىرىپ، بۇقارانىڭ باقىت سەزىمى جاپپاي كۇشەيدى، كوپشىلىك جاقسى كۇندەردىڭ كەلىپ جەتكەنىن سەزىندى»، - دەدى دارۇڭ قىستاعى پارتيا ياچەيكاسىنىڭ شۋجيى تاڭ يۇڭفۋ تولعانا.
2016 - جىلى ەلىمىزدىڭ مەملەكەتتىك باقشا ءتۇزىلىسىنىڭ تۇڭعىش سىناق ءتۇيىنى 3 وزەن قاينارى وڭىرىندە قۇرىلىپ، ەكولوگيانى قورعاۋدىڭ عىلمي، ءونىمدى ءتۇزىلىسى جونىندە ىزدەنىس جاساپ، كورىكتى جۇڭگونىڭ «ەكولوگيالىق تەرەزەسىن» اشتى. 29 جاستاعى جوماجيا 3 وزەن قاينارى مەملەكەتتىك باقشاسىن باسقارۋ مەكەمەسىنە رەسمي جۇمىسقا قابىلدانىپ، ەكولوگيالىق قورعاۋشى بولدى. «ءشوپ بيىك ءوسىپ، وزەن ارناسى كەڭەيدى، سوڭعى 5 جىلدا مەكەنىمىزدىڭ ەكولوگياسى جاقسارا تۇسكەنىن ايقىن سەزىندىم. مەن ءوز مەكەنىمدى سۇيەمىن، وتانىمدى تىپتەن سۇيەمىن، ءوز قۇلشىنىسىم ارقىلى كورىكتى جۇڭگونىڭ كوركىن اسىرا تۇسسەم دەيمىن»، - دەيدى ول.
جۇمىس ورنىن تياناق ەتىپ، تىڭعىلىقتى ارەكەت جاسادى
ناقتى جۇمىس ىستەگەندە عانا، ارماندى جۇزەگە اسىرۋعا بولادى. ءار سالا، ءار كاسىپتەگى كادر - جۇرتشىلىق جۇمىس ورنىن تياناق ەتىپ، ءوز سالالارىندا جالىندى جىگەر كورسەتىپ، پارتيا 19 - قۇرىلتايىنىڭ اشىلۋىن قارسى الدى.
5 جىلدان بەرى جۇڭگونىڭ حالىقتىق ۇشاق سالاسى جاپپاي ەڭسە كوتەردى، C919 جولاۋشىلار ءىرى ۇشاعى تۇڭعىش ۇشۋىن ءساتتى ورىنداپ، ARJ21 ۇشاعى بازار اينالىمىنا سالىندى. C919 ۇشاعىن تۇڭعىش ۇشىرۋ مىندەتىن اتقارعان ۇشاق كاپيتانى ساي جۇن: پارتيانىڭ پارمەندى باسشىلىعىندا، جۇڭگونىڭ حالىقتىق ۇشاق سالاسىن دامىتۋعا، نىعايتۋعا سەنىمىمىز دە، بەكىمىمىز دە بار، ءبىز ءوز جۇمىس ورنىمىزدا ۇدەرە العا تارتىپ، العان بەتتەن قايتپاي، جۇڭگونىڭ ءىرى ۇشاق ىستەرى ءۇشىن ۇلەس قوسامىز، - دەدى.
«تاياۋدا سوقىر ىشەك وتاسىن جاساتتىم، اۋرۋ ءتۇرى بويىنشا 7000 يۋان اقى الىنادى ەكەن، ەمدەۋ قامسىزداندىرۋ قورى ونىڭ ％70ىن ەسەپتەن كوتەردى، قالعان ％30ىن ءوزىم تولەدىم»، - دەدى فۋجياننىڭ سانميڭ قالاسىنداعى ءبىر ناۋقاس تىلشىگە. ول شيپاحانا ارتىق تەكسەرۋ جاساپ، اسىرا ەمدەيدى دەپ الاڭدامايتىن بولىپتى.
جاڭالىق اشۋ، شارۋاشىلىق قۇرۋ ۇردىسىندە جۇڭگو ينتەرنەتىندە الەمدىك دەڭگەيدەگى كاسىپورىندار دۇنيەگە كەلدى، تاعى كوشباسشى كاسىپورىندار جارىققا شىقتى. تەك گۋاڭجوۋدا ينتەرنەتكە قاتىستى 3000نان استام كاسىپورىننىڭ جىلدىق ءونىم قۇنى 200 ميلليارد يۋاننان اسادى، نەشە 100 مىڭ قىزمەتكەر وسى كاسىپپەن شۇعىلدانادى.
«عىلىم - تەحنيكا سالاسى جاڭالىق اشۋ ارقىلى دەم بەرۋ ستراتەگياسىنا قاتىستى جاڭا ايتىلىمدارعا، جاڭا ساياساتتارعا كوڭىل بولەدى». گۋاڭجوۋ جيۋباڭ سيفرلى عىلىم - تەحنيكا شەكتى سەرىكتەستىگى دامۋ جوباسى كەڭسەسىنىڭ باس باقىلاۋشىسى جوۋ لياڭ: پارتيا 19 - قۇرىلتايى قازىر دۇنيە ءجۇزى بارىنشا نازار اۋدارىپ وتىرعان ساياسي قيمىلداردىڭ ءبىرى، بولاشاقتا جۇڭگونىڭ ينتەرنەت سياقتى جاڭالىق اشۋ ۇلگىسىندەگى ەكونوميكاعا كەلەلى ىقپال كورسەتەتىندىگىن تۇراقتاندىرۋعا بولادى، - دەدى.
اسقاق سەنىممەن تىڭ تاراۋ جازايىق
«پارتيا 19 - قۇرىلتايى ىشكى موڭعۇلدىڭ دامۋداعى تىڭ تاراۋىن اشادى. نەگىزگى ساتىنىڭ تەحنيگى ساناتىندا، مەن كاسىپورىن ونىمدەرىنىڭ دارەجەسىن كوتەرۋدىڭ شەشۋشى تيبىن وزگەرتۋ مەزگىلىندە جاۋاپكەرلىكتى باتىلدىقپەن ارقالاپ، كاسىپورىننىڭ دامۋىنا اقىل - پاراساتىمدى ارنايمىن؛ ۇلتتىق وڭىرلەردى دامىتۋ بارىسىندا اناعۇرلىم ىنتىماقتاسا قۇلشىنىپ، <كورىكتى ىشكى موڭعۇلدى قۇرۋ، ۇلى جۇڭگو ارمانىن بىرگە ورىنداۋ> ءۇشىن تىڭ ۇلەس قوسامىن»، - دەدى باۋگاڭ تەحنيكا ورتالىعىنىڭ ورىنباسار مەڭگەرۋشىسى تاۋ يا تولىق سەنىممەن.
بەيجيڭ ۋنيۆەرسيتەتى ماتەماتيكا ماماندىعىنىڭ 28 جاستاعى دوكتورى ساي يۇڭچياڭ بيىل مەكتەپ تاۋىسقاننان كەيىن سينگاپۋر مەملەكەتتىك ۋنيۆەرسيتەتىنە بارىپ پوست دوكتورلىق وقىپ، ەسەپتىك ماتەماتيكا جاعىنداعى ءبىلىمىن ۇشتاپ، ەلىمىزدىڭ ماتەريال قولدانۋ جاعىندا دالمە - ءدال ەسەپتەۋ ءادىسى جاعىنان تىرەك بولۋدى ويلاپ وتىر.
«18 - قۇرىلتايدان بەرى، ەلىمىزدىڭ دامۋعا جاڭالىق اشۋ ارقىلى دەم بەرۋ ستراتەگياسىنىڭ جەبەۋىندە، ەلىمىزدىڭ عىلىم - تەحنيكا قىزمەتكەرلەرى ءتىپتى دە كوپ ورايعا جانە كەڭ ءورىستى تۇعىرعا يە بولدى. جاس وقىمىستى رەتىندە، مەن قۇلشىنا ءبىلىم الىپ، وتانشىلدىق ىنتامدى ۇيرەنۋگە جانە زەرتتەۋگە اۋداراتىن بولسام، سوندا عانا بولاشاقتا ءداۋىر مەن مەملەكەت جۇكتەگەن بورىشىم مەن جاۋاپكەرلىگىمدى ارقالاۋعا قابىلەتىم جەتەتىن بولادى»، - دەدى ساي يۇڭچياڭ.
سالتاناتتى جينالىستىڭ تاماشا مەزگىلى ارمانعا قانات قاعۋدىڭ وڭتايلى مەرزىمى.
پارتيا 19 - قۇرىلتايىنىڭ اشىلۋ ۋاقىتىنىڭ كۇن سايىن تاياۋى بايلانىسىمەن، قالىڭ كادرلار مەن جۇرتشىلىق بىلاي دەدى: مەيلى قايدا بولساق تا، قانداي قىزمەت ورنىندا تۇرساق تا، قاي - قاشان دا ءبىر نيەتپەن ىنتىماقتاسىپ، مىندەتتى اتقارىپ، جاۋاپكەرلىكتى ادا ەتىپ، ۇدەرە العا باسىپ، تولىسقان ىنتا جانە كوتەرىڭكى كۇي ارقىلى پارتيا 19 - قۇرىلتايىنىڭ اشىلۋىن قارسى الىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنا قاراي قۇلشىنا العا باساتىن تىڭ جورىقتى بىرگە اشامىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
