بريكس ەلدەرى باسشىلارىنىڭ 9 - رەتكى كەڭەسى وتكىزىلدى
2017.09.06 13:21 كەلۋ قاينارى : شينجياڭ گازەتى
شينحۋا اگەنتتىگىنىڭ 4 - قىركۇيەكتە شيامىننان بەرگەن حابارى. بريكس ەلدەرى باسشىلارىنىڭ 9 - رەتكى كەڭەسى 4 - قىركۇيەكتە شيامىنداعى حالىقارالىق ءماجىلىس ورتالىعىندا وتكىزىلدى. كەڭەستى مەملەكەت ءتوراعاسى شي جينپيڭ باسقاردى. وڭتۇستىك افريكانىڭ زۇڭتۇڭى زۋما، برازيليانىڭ زۇڭتۇڭى تەمەر، رەسەيدىڭ زۇڭتۇڭى پۋتين، ءۇندىستاننىڭ زۇڭليى مودي كەڭەسكە قاتىناستى. 5 ەل باسشىلارى «بريكس ەلدەرىنىڭ سەرىكتەستىك قاتىناسىن تەرەڭدەتىپ، اناعۇرلىم جارقىن بولاشاق اشۋ» نەگىزگى تاقىرىبىن توڭىرەكتەي وتىرىپ، قازىرگى حالىقارالىق جاعداي، دۇنيە ءجۇزى ەكونوميكاسىن جونگە سالۋ، بريكس ەلدەرىنىڭ سەلبەستىگى، حالىقارالىق جانە وڭىرلىك تولعاقتى ماسەلەلەر جونىندەگى كوزقاراستارىن ىشكەرىلەي ءبولىسىپ، بريكس ەلدەرى سەلبەستىك جاساسقان 10 جىلعا قايىرىلا قاراپ، اشىق، سيىسىمدى بولۋ، سەلبەسە وتىرىپ تەڭ يگىلىككە كەنەلۋ سىندى بريكس رۋحىن قايتالاي دارىپتەپ، ءبىرسىپىرا ورتاق تانىمدارعا كەلىپ، بريكس ەلدەرى سەلبەستىگىنىڭ بولاشاقتاعى دامۋ جوباسىن جاساپ، باعىت - باعدارىن ايقىن كورسەتىپ بەردى.
تۇستەن بۇرىنعى ساعات 9دان 50 مينۋت مولشەرىندە، بريكس ەلدەرىنىڭ باسشىلارى ءماجىلىس الاڭىنا ىركەس - تىركەس كەلىپ كىردى. شي جينپيڭ ىقىلاستى تۇردە قارسى الدى ءارى ولارمەن ءبىر - بىردەن قول الىسىپ امانداستى، ىلە - شالا توپتىق سۋرەتكە ءتۇستى.
كەڭ كولەمدى ماجىلىستە شي جينپيڭ «بريكس ەلدەرىنىڭ سەرىكتەستىك قاتىناسىن تەرەڭدەتىپ، اناعۇرلىم جارقىن بولاشاق اشۋ» تاقىرىبىندا ماڭىزدى ءسوز سويلەپ، بريكس ەلدەرىنىڭ سەلبەستىگى باسىپ وتكەن 10 جىلدىق شۇعىلالى بارىسقا بەلسەندى باعا بەرىپ، بريكس ەلدەرى سەلبەستىگىنىڭ ەكىنشى «التىن 10 جىلدىعىن» اشىپ، بريكس ەلدەرى سەلبەستىگىنىڭ 5 ەل حالقىنا باقىت جاراتىپ، ءار ەل حالقىن يگىلىككە كەنەلتۋىنە مۇمكىندىك جاساۋدى باسا دارىپتەدى.
شي جينپيڭ بىلاي دەپ اتاپ كورسەتتى: بريكس ەلدەرى سەلبەستىگىنىڭ قارقىندى دامۋىنىڭ شەشۋشى ءتۇيىنى − ءوزارا قۇرمەت ەتىپ، ءوزارا قارايلاسىپ، قول ۇستاسىپ، ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇردى؛ اشىق، سيىسىمدى بولۋ، سەلبەسە وتىرىپ تەڭ يگىلىككە كەنەلۋ رۋحىن ۇستانىپ، ەكونوميكا، ساياسي، گۋمانيتارلىق سەلبەستىكتى بۇلجىتپاي، تاباندىلىقپەن العا ىلگەرىلەتتى؛ حالىقارالىق ادىلدىكتى، ادىلەتتى دارىپتەپ، بازارى جاڭادان گۇلدەنگەن ەلدەرمەن جانە دامۋ ۇستىندەگى ەلدەرمەن ءبىر جاعادان باس، ءبىر جەڭنەن قول شىعارىپ، تاماشا سىرتقى ورتانى بىرگە سومدادى.
شي جينپيڭ بىلاي دەپ باسا دارىپتەدى: دۇنيە ءجۇزى اۋقىمىندا تەرەڭ دە كۇردەلى وزگەرىستەر تۋىلعان جاعدايدا بريكس ەلدەرىنىڭ سەلبەستىگى ءتىپتى دە ماڭىزدى بولا ءتۇستى. ءبىز كۇش ۇستىنە كۇش قوسىپ، بريكس ەلدەرىنىڭ سەرىكتەستىك قاتىناسىن تەرەڭدەتىپ، بريكس ەلدەرى سەلبەستىگىنىڭ ەكىنشى «التىن 10 جىلدىعىن» اشۋىمىز كەرەك.
ءبىرىنشى، ەكونوميكالىق جاقتاعى ناقتى سەلبەستىكتى العا ىلگەرىلەتۋگە كۇش سالۋ. ءبىز ساۋدا، قارجى قوسۋ، اقشا، فينانس، ىقپالداستىق، باياندى دامۋ، جاڭالىق اشۋ جانە كاسىپ سالاسى سەلبەستىگى سياقتى سالالارداعى مۇددەلىك توعىسۋ تۇيىندەرىن ارنالاندىرىپ، جاڭا ونەركاسىپ توڭكەرىسى الا كەلگەن تاريحي ورايدى بىرگە يگەرىپ، ناقتىلى ىستەرمەن شۇعىلدانۋدىڭ، سەلبەستىك جاساسۋدىڭ جاڭا سالاسى، جاڭا فورماسى جونىندە بەلسەنە ىزدەنىس جاساپ، قارىم - قاتىناس دانەكەرىن كۇشەيتىپ، بريكس ەلدەرىنىڭ سەلبەستىك مەحانيزمىنىڭ ورنىقتى قاداممەن، ۇزاق ۋاقىت رول اتقارۋىنا مۇمكىندىك جاساۋىمىز كەرەك.
ەكىنشى، دامۋ ستراتەگياسىن تۇيىلىستىرۋگە كۇش سالۋ. ءبىز ءوز - ءوزىمىزدىڭ بايلىق، بازار، ەڭبەككۇش سياقتى جاقتارداعى سالىستىرمالى باسىمدىقتارىمىزدى ساۋلەلەندىرىپ، بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىنە ساي، دامۋ ساياساتىنىڭ جانە الدىمەن ەسكەرىلەتىن سالالاردىڭ توعىسۋ تۇيىندەرىن قاراستىرىپ، ساۋدا، قارجى قوسۋ ۇلكەن بازارى، اقشا، فينانستىڭ كەڭ كولەمدى اينالىمى، نەگىزدىك قۇرىلعىلاردىڭ كەڭ كولەمدى بايلانىسى نىساناسىنا ۇزدىكسىز قادام تاستاپ، 2030 - جىلعا دەيىنگى باياندى دامۋدىڭ كۇن تارتىپتەرىن تياناقتاندىرۋدى وراي ەتىپ، ەكونوميكانىڭ، قوعامنىڭ، قورشاعان ورتانىڭ ونىمدىلىگىنىڭ سايكەستى بىرلىگىنە ۇمتىلىپ، بىرلەسىپ ارەكەتتەنۋىمىز، سيىسىمدىلىقپەن دامۋىمىز كەرەك.
ءۇشىنشى، حالىقارالىق ءتارتىپتىڭ اناعۇرلىم ءادىل، ۇيلەسىمدى باعىتقا قاراي دامۋىن العا ىلگەرىلەتۋگە كۇش سالۋ. ءبىز كوپ تاراپتىلىقتى جانە حالىقارالىق قارىم - قاتىناستىڭ نەگىزگى ەرەجەسىن بۇلجىتپاي ۇستانىپ، جاڭاشا حالىقارالىق قارىم - قاتىناستى ورناتۋدى العا ىلگەرىلەتۋىمىز كەرەك. اشىق، سيىسىمدى، جاپپاي ءتيىمدى، تەپە - تەڭ، بىردەي يگىلىككە كەنەلەتىن ەكونوميكانىڭ جاھاندانۋىن جەبەپ، اشىق دۇنيە ءجۇزى ەكونوميكاسىن قۇرىپ، كوپ جاقتى ساۋدا ءتۇزىلىسىن قولداپ، قورعانىمپازدىققا قارسى تۇرۋىمىز كەرەك. دۇنيە ءجۇزى ەكونوميكاسىن جونگە سالۋ رەفورماسىن العا ىلگەرىلەتىپ، بازارى جاڭادان گۇلدەنگەن ەلدەر مەن دامۋ ۇستىندەگى ەلدەردىڭ ۋاكىلدىك سيپاتى مەن سويلەۋ ۇقىعىن ارتتىرىپ، وڭتۇستىك پەن سولتۇستىكتىڭ دامۋىنداعى تەپە - تەڭدىكتىڭ ءبۇلىنۋىن ءبىر جايلى ەتۋدى، دۇنيە ءجۇزى ەكونوميكاسىنىڭ ارتۋىن جەبەۋدى تىڭ قوزعاۋشى كۇشپەن قامداۋىمىز كەرەك.
ءتورتىنشى، گۋمانيتارلىق، حالىقتىق اۋىس - كۇيىستى جەبەۋگە كۇش سالۋ. سەرىكتەستىك قاتىناس ۇستانىمىن حالىقتىڭ كوكەيىنە تەرەڭ ۇيالاتىپ، بريكس ەلدەرى سەلبەستىگىنىڭ ومىرشەڭدىك كۇشىن ماڭگى ساقتاۋىنا مۇمكىندىك جاساۋ كەرەك. بيىل 5 ەلدىڭ گۋمانيتارلىق اۋىس - كۇيىسى، سەلبەستىگى جالپى بەتتىك ورىستەتىلىپ، باي مازمۇندى، تاماشا قيمىلدار وتكىزىلدى. وسى قيمىلداردىڭ ۇدايىلانىپ، مەحانيزمدەنىپ، نەگىزگى ساتىعا ىشكەرىلەپ، قالىڭ جۇرتشىلىققا بەت الىپ، بارلىق گۇل شەشەك اتاتىن جالىندى دا جاندى جاعدايدىڭ سومدالۋىن ءۇمىت ەتەمىن.
شي جينپيڭ بىلاي دەپ اتاپ كورسەتتى: وتكەن 10 جىل بريكس ەلدەرىنىڭ زەيىن - زەردەنى شوعىرلاندىرىپ، دامۋعا تالپىنعان 10 جىلى، سونداي - اق سەرىكتەستىك قاتىناستى قاجىماي - تالماي تەرەڭدەتكەن 10 جىلى بولىپ تابىلادى. بريكس ەلدەرى سەلبەستىگىنىڭ تاريحي بارىسىندا 10 جىل تەك قانا باستاما بولىپ تابىلادى. ءبىز بىرگە قۇلشىنىپ، بريكس ەلدەرى سەلبەستىگىنىڭ شيامىندا تاعى دا جەلكەندى كەڭ جايىپ الىس ساپارعا اتتانۋىن جەبەپ، ەكىنشى «التىن 10 جىلدىڭ» قاقپاسىن ايقارا اشىپ، بريكس ەلدەرى سەلبەستىگىنىڭ 5 ەل حالقىنا باقىت جاراتۋىنا، ءار ەل حالقىن يگىلىككە كەنەلتۋىنە مۇمكىندىك جاساۋىمىز كەرەك. (ءسوزدىڭ تولىعى ايىرىم بەرىلەدى) زۋما بىلاي دەدى: جاڭا جاعدايدا بريكس ەلدەرى بريكس ەلدەرىنىڭ ستراتەگيالىق سەرىكتەستىك قاتىناسىن تەرەڭدەتىپ، مەحانيزم قۇرىلىسىن العا ىلگەرىلەتىپ، بازارى جاڭادان گۇلدەنگەن وزگە ەلدەرمەن جانە دامۋ ۇستىندەگى ەلدەرمەن بولعان بايلانىستى كۇشەيتىپ، بىرگە دامۋعا تالپىنۋى كەرەك. كەلەر جىلى، وڭتۇستىك افريكا بريكستىڭ كەزەكتى ءتوراعا ەلى مىندەتىن اتقارادى، كەلەسى كەزەكتى باسشىلار كەڭەسىنىڭ دايىندىق قىزمەتىن بار كۇشپەن جاقسى ىستەپ، بريكس ەلدەرى سەلبەستىگىنىڭ ۇيىستىرۋ كۇشى مەن ىقپال كۇشىن جوعارىلاتادى.
تەمەر بىلاي دەدى: 5 ەل بريكس ەلدەرى سەلبەستىگىنە بولعان ستراتەگيالىق ۇسىنىلىمدى ارتتىرىپ، جان - جاقتى سەرىكتەستىك قارىم - قاتىناستى بەكەمدەپ، 5 ەلدىڭ دامۋىنا اناعۇرلىم زور قوزعاۋشى كۇش قوسۋىمىز كەرەك. دامۋعا بايلانىستى حالىقارالىق سەلبەستىكتى كۇشەيتىپ، دۇنيە ءجۇزىنىڭ ەكونوميكاسىن جونگە سالۋدى كەمەلدەندىرىپ، تاماشا سىرتقى ورتانى ازىرلەۋىمىز كەرەك.
پۋتين بىلاي دەدى: ءبىز ءارقايسى سالالارداعى ناقتى سەلبەستىكتى كەڭەيتۋىمىز جانە تەرەڭدەتۋىمىز، بريكس ەلدەرىنىڭ سەرىكتەستىك قاتىناسىنىڭ تىنباي العا دامۋىن العا ىلگەرىلەتۋىمىز كەرەك. اشىق دۇنيە ءجۇزى ەكونوميكاسىن قۇرىپ، قورعانىمپازدىققا قارسى تۇرىپ، سيىسىمدى بولۋدى جانە باياندى ارتتىرۋدى جەبەۋىمىز كەرەك. سايكەسۋدى كۇشەيتىپ، حالىقارالىق جانە وڭىرلىك تولعاقتى ماسەلەلەردە سىندارلى رولىمىزدى ساۋلەلەندىرىپ، دۇنيە ءجۇزىنىڭ بەيبىتشىلىگىن، ورنىقتىلىعىن بىرگە قورعاۋىمىز كەرەك.
مودي بىلاي دەدى: بريكس ەلدەرى ەكونوميكالىق سەلبەستىك جاعىنداعى كومەسكى كۇشتى ىشكەرىلەي ىسكە قوسىپ، اناعۇرلىم كوپ ناقتى سەلبەستىك تابىستارىن سومداپ، كوپ جاقتى ساۋدا ءتۇزىلىسىن قورعاپ، گۋمانيتارلىق اۋىس - كۇيىستى العا ىلگەرىلەتىپ، بريكس ەلدەرى سەلبەستىگىنىڭ جۇرت جۇرەگىنەن تەرەڭ ورىن الۋىنا مۇمكىندىك جاساۋى كەرەك.
ءار ەل باسشىلارى شيامىنداعى كەڭەستى بەلسەندى باعالاپ، كەڭەستە ءبىر اۋىزدىلىققا كەلىسكەن ناتيجەلەردى تىڭعىلىقتى تياناقتاندىرىپ، بريكس ەلدەرى سەلبەستىگىنىڭ تىنباي العا دامۋىن ىلگەرىلەتۋگە ءبىر اۋىزدان قوسىلدى. كەڭەسكە قاتىناسقان باسشىلار وڭتۇستىك افريكانىڭ كەلەر جىلى بريكستىڭ ءتوراعا ەلى بولۋ قىزمەتىن قولدايتىندىقتارىن ءبىلدىرىستى.
وسىنىڭ الدىندا وتكىزىلگەن شاعىن كولەمدى ماجىلىستە 5 ەل باسشىلارى 2017 - جىلى بريكس ەلدەرىنىڭ حاۋىپسىزدىك ىستەر جونىندەگى جوعارى دارەجەلى ۋاكىلدەر ءماجىلىسى تالقىلاعان تابىستارى تۋرالى مالىمەتتى تىڭدادى. شي جينپيڭ بىلاي دەپ باسا دارىپتەدى: بازارى جاڭادان گۇلدەنگەن مەملەكەتتەر مەن دامۋ ۇستىندەگى مەملەكەتتەر جونىنەن العاندا، مەيلى دۇنيە ءجۇزى ەكونوميكاسىنىڭ جالپى جاعدايىن شىعار ءتۇيىن ەتسەك تە، الدە، وزىندىك دامۋدىڭ بولاشاعىن شىعار ءتۇيىن ەتسەك تە، ءبىز اشىق ۇستاۋعا تاباندى بولۋىمىز، قورعانىمپازدىق ەتپەۋىمىز كەرەك؛ كوپ جاقتى ساۋدا تۇزىلىسىنە تاباندى بولۋىمىز، كورشىلەرگە زيان جەتكىزبەۋىمىز كەرەك؛ ءوزارا پايدا جەتكىزىپ، تەڭ يگىلىككە كەنەلۋگە تاباندى بولۋىمىز، اۋدارىسپاق ايقاسقا سالىنباۋىمىز كەرەك. مەملەكەتتىڭ حاۋىپسىزدىگى مەن دامۋى ءبىر - بىرىنە شارتتاس بولادى. ءبىز ساياسي حاۋىپسىزدىك ماسەلەسى جونىندەگى مايدانىمىزدى ۇزدىكسىز سايكەستىرۋىمىز، ورتاق تانىمدى كەڭەيتىپ، سەلبەستىكتى كۇشەيتۋىمىز كەرەك. بريكس ەلدەرى تۇگەلدەي ماڭىزدى ىقپالى بار ەلدەر سانالادى، حالىقارالىق جانە وڭىرلىك تولعاقتى ماسەلەلەردى شەشۋدە سىندارلى رولىن ساۋلەلەندىرۋى ءتيىس، بىرىنشىدەن، حالىقارالىق زاڭ مەن حالىقارالىق قارىم - قاتىناستىڭ نەگىزگى ەرەجەسىنە بويسۇنۋ كەرەك. ەكىنشىدەن، كوپ تاراپتىلىقتى بۇلجىتپاي ۇستانىپ، ب م ۇ - نىڭ ۋستاۆىنداعى نەگىزگى ماقسات پەن پرينسيپتى باتىل قورعاپ، ب م ۇ - نىڭ بەيبىتشىلىكتى قورعاۋ، بەيبىتشىلىكتى ورناتۋ، قاقتىعىستان ساقتانۋ جانە ونى تىزگىندەۋ جاعىنداعى نەگىزگى ارنالىق رولىن ساۋلەلەندىرۋ كەرەك. ءبىز جاڭا 10 جىلدا بريكس ەلدەرىنىڭ سەلبەستىگىندە قول جەتكەن تابىستاردى ايرىقشا قاستەرلەۋىمىز، ءوزارا قۇرمەت ەتىپ، پارىقتاردى ساقتاپ، ورتاقتىققا ۇمتىلىپ، اناعۇرلىم تىعىز، اناعۇرلىم جان - جاقتى، اناعۇرلىم بەكەم بولعان ستراتەگيالىق سەرىكتەستىك قاتىناستى ورناتۋعا قۇلشىنۋىمىز كەرەك.
كەڭەس «بريكس ەلدەرى باسشىلارىنىڭ شيامىن جارناماسىن» جاريالادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
