جياڭشي ولكەسىنىڭ پارتيا - ۇكىمەت ۋاكىلدەر ۇيىرمەسى شينجياڭعا كەلدى
2017.09.07 15:57 كەلۋ قاينارى : شينجياڭ گازەتى
چىن چۋانگو ۇيىرمە مۇشەلەرىمەن كەزدەستى، ۇيىرمەنى ليۋ چي باستاپ كەلدى، شوكىرات زاكىر، نايىم ياسىن، نۇرلان ءابىلماجىن ۇلى، جۋ حايلۇن، لي پىڭشين قاتىستى قيمىلدارعا قاتىناستى
جياڭشي ولكەلىك پارتكومنىڭ ورىنباسار شۋجيى، ولكە باستىعى ليۋ چي باستاعان جياڭشي ولكەسىنىڭ پارتيا - ۇكىمەت ۋاكىلدەر ۇيىرمەسى 3 - قىركۇيەكتەن 5 - قىركۇيەككە دەيىن شينجياڭدا بولىپ، شينجياڭعا باعىتتامالى كومەكتەسۋ قىزمەتى جونىندە تەكسەرۋ - زەرتتەۋ جۇرگىزىپ، شينجياڭعا باعىتتامالى كومەكتەسۋ قىزمەتىن بىرگە ىلگەرىلەتتى. اۆتونوميالى رايوندىق پارتكومنىڭ شۋجيى چىن چۋانگو ۇيىرمە مۇشەلەرىمەن كەزدەستى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى نايىم ياسىن، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى، اۆتونوميالى رايوندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى جۋ حايلۇن، اۆتونوميالى رايوندىق پارتكومنىڭ ورىنباسار شۋجيى لي پىڭشين كەزدەسۋدە بىرگە بولدى جانە قاتىستى قيمىلدارعا قاتىناستى.
چىن چۋانگو اۆتونوميالى رايوندىق پارتكوم، ۇكىمەت جانە اۆتونوميالى رايونداعى ءار ۇلت حالقى اتىنان، جياڭشي ولكەسىنىڭ پارتيا - ۇكىمەت ۋاكىلدەر ۇيىرمەسىنىڭ شينجياڭعا تەكسەرۋ - زەرتتەۋگە كەلگەنىن قىزۋ قارسى الىپ، جياڭشي ولكەسىنىڭ ۇزاق جىلداردان بەرى شينجياڭنىڭ ءتۇرلى قىزمەتىن بار كۇشپەن قولداپ، قالتقىسىز كومەك كورسەتىپ كەلگەنىنە شىن جۇرەكتەن العىس ايتتى، جياڭشي ولكەسىنىڭ ەكونوميكالىق، قوعامدىق دامۋدا كورنەكتى تابىستارعا قول جەتكىزگەنىن شىنايى قۇتتىقتادى. چىن چۋانگو بىلاي دەدى: جياڭشي ولكەلىك پارتكوم، ولكەلىك ۇكىمەت پارتيا مەن مەملەكەت ىستەرىنىڭ جالپى جاعدايى تۇرعىسىنان، شينجياڭعا باعىتتامالى كومەكتەسۋ قىزمەتىن ءار قاشان ماڭىزدى ساياسي مىندەت ساناپ، ەلەۋلى ورىنعا قويىپ، ۇقىپتىلىقپەن ۇيىمداستىرىپ اتقاردى، قىزمەتكە سەرپىن بەرىپ، ناقتى شارالار اتقارىپ، جاقسى ناتيجەگە جەتىپ، شينجياڭعا باعىتتامالى كومەكتەسۋدىڭ جان - جاقتى، كوپ ساتىلى، كەڭ سالالى قىزمەت جۇيەسىن قالىپتاستىرىپ، قىزىلسۋ قىرعىز اۆتونوميالى وبلىسىنىڭ قوعام ورنىقتىلىعىن، ەكونوميكالىق دامۋىن، ۇلتتار ىنتىماعى مەن حالىق تۇرمىسىنىڭ جاقسارۋىن ايتارلىقتاي جەبەپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە كەلەلى ۇلەس قوستى، شينجياڭداعى ءار ۇلت كادر - جۇرتشىلىعى بۇنى ماڭگى ەستە ساقتايدى.
چىن چۋانگو مىنالاردى اتاپ كورسەتتى: قازىر اۆتونوميالى رايونداعى ءار ۇلت كادر - جۇرتشىلىعى پارتيا 19 - قۇرىلتايىنىڭ جەڭىسپەن اشىلۋىن كوكىرەك كەرنەگەن ىنتا، اسقاق رۋحپەن قارسى الۋدا. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحى مەن پارتيا ورتالىق كوميتەتىنىڭ ەل باسقارۋداعى جاڭا ۇستانىم، جاڭا يدەيا، جاڭا ستراتەگيالارىن مۇقيات دايەكتىلەندىرىپ جانە تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ جانە تياناقتاندىرىپ، شينجياڭعا باعىتتامالى كومەكتەسۋ قىزمەتى جونىندەگى مەملەكەتتىك 6 - رەتكى ءماجىلىستىڭ ورنالاستىرۋ - تالاپتارى بويىنشا شينجياڭعا باعىتتامالى كومەكتەسۋدىڭ ارتىقشىلىقتارىن تولىق ساۋلەلەندىرىپ، باس نىسانانى نازارعا الىپ، كەشەندى شارانى ويداعىداي اتقارىپ، قوعامنىڭ جاراسىمدىلىعى مەن ورنىقتىلىعىن باتىل قورعاپ، جاڭا دامۋ ۇستانىمدارىن شىنايى دايەكتىلەندىرىپ، حالىق تۇرمىسىن بار كۇشپەن قامتاماسىز ەتىپ جانە جاقسارتىپ، ۇلتتار ىنتىماعىن ۇزدىكسىز نىعايتىپ، ءدىننىڭ تاتۋلىعى مەن جاراسىمدىلىعىن جەبەپ، قورشاعان ورتانى قورعاۋعا سەرپىن بەرىپ، پارتيا قۇرىلىسىن جاپپاي كۇشەيتىپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋعا قۇلشىنىپ، پارتيا 19 - قۇرىلتايىنىڭ اشىلۋىن ۇزدىك تابىستارىمىزبەن قارسى الىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭعا جاساعان ايرىقشا قامقورلىعىن، جياڭشي حالقىنىڭ قالتقىسىز جاردەمىن اقتايمىز.
ليۋ چي بىلاي دەدى: شينجياڭ − ەلىمىزدىڭ باتىس سولتۇستىگىندەگى ماڭىزدى حاۋىپسىزدىك قالتقىسى جانە سىرتقا اشىلعان ماڭىزدى قاقپا، شينجياڭ قىزمەتى پارتيا مەن مەملەكەت قىزمەتىنىڭ جالپى جاعدايىندا ماڭىزدى ستراتەگيالىق ورىن الادى. پارتيانىڭ 18 - قۇرىلتايىنان بەرى، شينجياڭداعى ءار ۇلت كادر - جۇرتشىلىعى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ورنىقتىلىق، دامۋ قىزمەتتەرىن ءبىر تۇتاس ىلگەرىلەتىپ، زور جەتىستىكتەرگە جەتتى. شينجياڭنىڭ تابىستى تاجىريبەلەرى مەن تارتىمدى ادىستەرى ءبىزدىڭ ۇيرەنۋىمىزگە، ۇلگى الۋىمىزعا تاتيدى. شينجياڭعا باعىتتامالى كومەكتەسۋ قىزمەتى − پارتيا ورتالىق كوميتەتىنىڭ ماڭىزدى ستراتەگيالىق شەشىمى. جياڭشي − مەملەكەت بويىنشا شينجياڭعا ەڭ ەرتە كومەكتەسكەن 8 ولكەنىڭ ءبىرى، ولكەلىك پارتكوم، ولكەلىك ۇكىمەت شينجياڭعا باعىتتامالى كومەكتەسۋ قىزمەتىن قاشاندا باس تارتپاس ساياسي جاۋاپكەرشىلىك دەپ ءبىلىپ، «شينجياڭعا كادر - دارىندى ارقىلى كومەكتەسۋدەن» «شينجياڭعا جان - جاقتى تۇردە باعىتتامالى كومەكتەسۋ»، ونان «باس نىسانانى نازارعا الىپ، شينجياڭعا باعىتتامالى كومەكتەسۋ» جولىن اشىپ، قىزىلسۋ وبلىسى مەن اقتاۋ اۋدانىنىڭ ەكونوميكالىق، قوعامدىق دامۋىنا بەلسەندى ۇلەس قوستى. الداعى جەردە، ءبىز ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى مەن شينجياڭعا باعىتتامالى كومەكتەسۋ قىزمەتى جونىندەگى مەملەكەتتىك 6 - رەتكى ءماجىلىستىڭ رۋحىن مۇقيات دايەكتىلەندىرىپ جانە تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، كەدەيلىكتەن قۇتىلدىرۋدان قامال الۋ، شارۋاشىلىق سالالارىنىڭ دامۋى، شينجياڭعا وقۋ - اعارتۋ ارقىلى، دارىندىلار ارقىلى كومەكتەسۋ، مادەنيەت بايلانىسىن نىعايتۋ جانە باستاۋىش ۇيىمدار قۇرىلىسى سياقتى جاقتاردى ءتۇيىن ەتىپ، باعىتتامالى كومەكتەسۋ قىزمەتتەرىن تىڭعىلىقتى تۇردە جاقسى ىستەپ، اقتاۋ اۋدانىنىڭ ىنتىماقتى دا جاراسىمدى بولۋىن، گۇلدەنىپ - كوركەيۋىن، وركەنيەتتى دە العاباسار بولۋىن، حالقىنىڭ الاڭسىز تىرشىلىك ەتۋىن جەبەۋگە ءتىپتى زور كۇش سالامىز.
ليۋ چي مىنالاردى ءبىلدىردى: جياڭشي مەن شينجياڭنىڭ اراسى شالعاي بولعانىمەن، وتكەن 20 جىلداعى باعىتتامالى كومەك ءبىزدى مىقتاپ بايلانىستىردى. ەكى جاقتىڭ «ءبىر بەلدەۋ، ءبىر جول» قۇرىلىسى سياقتى كەلەلى ورايدى قاپىسىز يگەرىپ، شارۋاشىلىق سەلبەستىگىن ۇزدىكسىز تەرەڭدەتىپ، ماڭايداعى حالىقارالىق بازاردى بىرگە اشىپ، ساياحاتتى دامىتۋ سەلبەستىگىن تياناقتى ىلگەرىلەتىپ، مادەنيەت سەلبەستىگى مەن بايلانىستارىن جاپپاي كۇشەيتىپ، ەكى جەردىڭ ارتىقشىلىقتارىمەن ءبىرىن - ءبىرى تولىقتاۋىن جانە ناقتى سەلبەستىكتەر جاساسۋىن ونان سايىن ىلگەرىلەتىپ، ءوزارا تيىمدىلىك جاساۋدى، قاتار دامۋدى ىسكە اسىرىپ، پارتيا 19 - قۇرىلتايىنىڭ جەڭىسپەن اشىلۋىن ۇزدىك تابىستارمەن قارسى الۋىن ءۇمىت ەتەمىز.
شينجياڭداعى كەزىندە، جياڭشي ولكەسىنىڭ پارتيا - ۇكىمەت ۋاكىلدەر ۇيىرمەسى اقتاۋ اۋدانىنىڭ توقىماشىلىق جانە كيىم - كەشەك ونەركاسىپ باقشاسى، جياڭشي اۋىر ونەركاسىپ باقشاسى، بۇلۇڭكول اۋىلى مەن سۋباش قىستاعى، جياڭشي جاڭا قىستاعى، شۋەسۇڭ ورتا مەكتەبى، حالىق شيپاحاناسى سياقتى ورىنداردا شينجياڭعا باعىتتامالى كومەكتەسۋ قىزمەتىنىڭ جۇرگىزىلۋ جاعدايىمەن تانىستى، اقتاۋ اۋدانىندا جياڭشي ولكەسىنىڭ شينجياڭعا باعىتتامالى كومەكتەسكەندىگىنىڭ 20 جىلدىعى جونىندە اڭگىمە ءماجىلىس وتكىزدى ءارى جياڭشيدان شينجياڭعا كومەككە كەلگەن كادرلاردان حال سۇرادى.
جياڭشي ولكەسىنىڭ ورىنباسار باستىعى ۋ شياۋجۇن، اۆتونوميالى رايوندىق پارتكومنىڭ تۇراقتى مۇشەسى، باس حاتشى لي شۋەجۇن، اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى ما شۋەجۇن، اۆتونوميالى رايوننىڭ ورىنباسار ءتوراعاسى جاروللا يسامدين، ت. ب لار قاتىستى قيمىلدارعا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
