ۇلى وتانعا العىس ايتىپ، شينجياڭنىڭ ورنىقتىلىعىن قورعايىق
2017.09.15 13:34 كەلۋ قاينارى : شينجياڭ گازەتى
جۇڭگو ادەبيەت - كوركەمونەرشىلەر بىرلەستىگىنىڭ ورىنباسار ءتوراعاسى، جۇڭگو بيشىلەر قوعامىنىڭ ورىنباسار ءتوراعاسى، اۆتونوميالى رايوندىق ادەبيەت - كوركەمونەرشىلەر بىرلەستىگىنىڭ ورىنباسار ءتوراعاسى، شينجياڭ بيشىلەر قوعامىنىڭ ءتوراعاسى
ءدىلنار ابدۇللا
شينجياڭ الەمگە ايگىلى «ءبي مەكەنى»، بۇل اراداعى ادامداردىڭ بارلىعى ءان سالىپ، ءبي بيلەي الادى. تالاي جىلداردان بەرى، مەن بۇكىل ىنتا، قاجىرىمدى جۇمساپ، مىڭ بۇرالعان بيلەرىم ارقىلى وتانعا، شينجياڭعا دەگەن ىستىق سۇيىسپەنشىلىگىمدى، تەرەڭ ماحابباتىمدى بەينەلەدىم.
پارتيا مەن ۇكىمەت مەنى باۋلىدى، مەن قاشاندا وتان ءۇشىن، جۇڭحۋا ۇلتى ءۇشىن بيگە باسامىن. ءوزىمنىڭ ورتالىق ۇلتتار ۋنيۆەرسيتەتىنىڭ ءبي فاكۋلتەتىندەگى ۇيرەنگەن كەزىمدى ويلاسام ءبىزدىڭ كلاستاعى ساباقتاستاردىڭ كوبى شيزاڭ، يۇننان، شينجياڭ سياقتى باتىس وڭىردەگى شالعاي از ۇلت رايوندارىنان كەلگەنى، كەيبىر ساباقتاستارىمىزدىڭ وتە كەدەي، مەكتەپكە كەلگەندە ءبىر پار كيىمى عانا بار ەكەنى ەسىمە تۇسەدى. مەكتەپ بىزگە كيىم، كورپە - جاستىق، تۇرمىستىق بۇيىمداردى تاراتتى، 4 جىلدىق ۇيرەنۋ بارىسىندا ءبىر تيىن اقشا شىعارمادىق. مەكتەپتەگى وقىتۋشىلار ءبىزدىڭ ءىشىپ - جەي الماۋىمىزدان، ۇيىقتاي الماۋىمىزدان، اۋىلدى ساعىنۋىمىزدان الاڭداپ، ءوز بالالارىن ۇيىنە تاستاسا دا، بىزگە كەلىپ سەرىك بولاتىن، وسىنداي قامقورلىقتار مەنىڭ ەسىمنەن ماڭگى شىقپايدى. مەن شينجياڭداعى كوپ ۇلت مادەنيەت - كوركەمونەرى − جۇڭحۋا ۇلتىنىڭ مادەنيەت اسپانىنداعى جارقىراعان ءبىر توپ شوق جۇلدىزى دەپ ەسەپتەيمىن. از ۇلتتاردىڭ تاڭداۋلى ءداستۇرلى مادەنيەتىنە، اسىرەسە، ءبي كوركەمونەرىنە مۇراگەرلىك ەتۋ جانە دارىندىلاردى تاربيەلەۋ جاعىندا بۇلتارتپاس بورىشىم بار.
بۇكىل مەملەكەتتىك ءبي جارىسىنىڭ اعا جۇلدەگەرى، مادەنيەت مينيسترلىگىنىڭ «ۋنحۋا ويىن كورسەتۋ ۇزدىك سيلىعى»، جاپونيانىڭ وساكا حالىقارالىق كوركەمونەر مەرەكەسىندەگى «ويىن كورسەتۋ ەڭ جوعارى سيلىعى» جانە سولتۇستىك كورەيانىڭ «ءساۋىر كوكتەمى» حالىقارالىق كوركەمونەر مەرەكەسىندەگى التىن سيلىق سياقتى سيلىقتارعا يە بولۋىم، قول جەتكىزگەن ءاربىر جەڭىسىمنىڭ بارلىعى پارتيانىڭ باۋلۋىنىڭ، پارتيانىڭ قامقورلىعى مەن قولداۋىنىڭ ارقاسى.
كەزەكتە شينجياڭنىڭ بايتاق دالاسىندا قوعام جاراسىمدى، ورنىقتى بولعان، ەكونوميكا قاۋىرت دامىعان، حالىق تۇرمىسى جاپپاي جاقسارعان، قالا مەن اۋىل مىڭ تۇرلەنىپ، ۇلتتار تىعىز ىنتىماقتاسقان جاڭا جاعداي جارىققا شىقتى. دەسەدە ءبىز ءالى بولشەكتەۋشىلىككە قارسى كۇرەستىڭ كۇردەلى دە جاپالى سايىسىنا دا ءدوپ كەلىپ وتىرمىز. اسىرەسە، جۋىق جىلداردان بەرى، «ءۇش ءتۇرلى كۇش» وتاندى بولشەكتەۋ سۇرقيا ماقساتتارىنا جەتۋ ءۇشىن، ءتۇرلى تاسىلدەر ارقىلى يدەولوگيا، مادەنيەت، كوركەمونەر، عۇرىپ - ادەت سياقتى جاقتاردان ءدىني ۇشقارى يدەيانى كەۋلەپ كىرگىزىپ، دىنگە سەنەتىن بۇقارانى جان - جاقتان ازدىرىپ، ايتاقتاپ، جەلىكتىردى. ۇيعۇر ۇلتى سۇلۋلىقتى سۇيەتىن ۇلت، ءداستۇرلى اتىلاس كيىمدەرى مەن گۇلدى دوپپا قانداي ادەمى، وسى زامانعى ءتۇرلى كيىم - كەشەكتەرى دە زامانعا ساي، ادەمى، جاراسىمدى، الايدا كەيبىرەۋلەر قاپ - قارا، ۇزىن، سيىقسىز نيقاپ، بۋرقا كيۋگە زورلادى، وسىنداي كيىنىستەر ايەلدەردىڭ سۇلۋلىقتى سۇيەتىن تابيعاتىن بۇعاۋلاپ، ادامدىق ەركىندىگىنە تۇساۋ بولدى.
زورلىقتى كۇش لاڭكەستەرىنە ءبىز استە جۇمساق قولدىلىق ىستەمەۋىمىز، قاراپ وتىرماۋىمىز كەرەك. ۇيعۇر ۇلتىندا «ناعراسىز تويدىڭ ءسانى جوق، جىلاماعان ءولىمنىڭ ءمانى جوق» دەگەن ماقال بار. الايدا زورلىقتى كۇش لاڭكەستەر «ءان ايتساڭ ءۇنىڭ وشەدى»، «ساز شالساڭ قولىڭ كەمتار بولادى»، «ءبي بيلەۋ سايتانعا ەلىكتەۋ» دەگەن سياقتى ساندىراقتاردى تاراتتى، كەيبىر جەرلەردە تويدا ءان ايتىپ، ءبي بيلەۋگە، جەرلەۋ سالتىندا جىلاۋعا جول قويمادى.
جاۋ كۇشتەرى حالىققا ءان ايتقىزىپ، ءبي بيلەتكىزبەسە، ءبىز كوركەمونەرشىلەر كەۋدە كەرە العا شىعىپ، بۇقاراعا نەنىڭ دۇرىس ەكەنىن ايتۋ جاۋاپكەرلىگىمىز بار. بىزدەي كوركەمونەر قىزمەتكەرلەرى، يدەولوگيا سالاسىندا قاشاندا قىراعىلىقتى، وسكەلەڭ جاۋاپكەرلىك پەن بورىشتىلىق سەزىمىن ساقتاپ، «ءۇش ءتۇرلى كۇشكە» باتىل ءۇن قاتىپ، ايقىن پوزيتسيا ءبىلدىرۋىمىز كەرەك. ءارقانداي ادام، ءارقانداي كۇش شينجياڭنىڭ دامۋىنا كەدەرگىلىك جاساي المايدى. تاڭداۋلى، ءداستۇرلى مادەنيەتكە مۇراگەرلىك ەتۋ ءبىزدىڭ باس تارتۋعا بولمايتىن جاۋاپكەرلىگىمىز. ءبىز ماڭايىمىزداعى جاسىرىنعان «ەكىبەتكەيلەردى» قىراعىلىقپەن تانۋىمىز، پوزيتسياسى كۇڭگىرت، ءتىپتى، «ءۇش ءتۇرلى كۇشپەن» جەڭ ۇشىنان جالعاسىپ، ولارمەن بىرگە ۋلانعانداردى سەرگەكتىكپەن الاستاۋىمىز كەرەك، بۇل ادىلەت پەن جاۋىزدىقتىڭ، العاباسارلىق پەن كەرتارتپالىقتىڭ تارتىسى، ىمىراعا كەلۋدىڭ، جول قويۋدىڭ مۇمكىندىگى جوق، «ەكىبەتكەيلەردى» باتىل الاستاۋىمىز كەرەك.
كەزەكتە قوعام ورنىقتىلىعى مەن باياندى تىنىشتىق باس نىساناسىنىڭ جەتەكشىلىگىندە شينجياڭداعى ءار ۇلت ادەبيەت - كوركەمونەرشىلەرى مىناعان كامىل سەنەمىز: بۇگىن ءبىز جۇڭحۋا ۇلتىنىڭ ۇلى گۇلدەنۋى سىندى نىساناسىنا تاريحتىڭ ءارقانداي كەزىنەن دە جاقىن تۇرمىز، تاريحتىڭ ءارقانداي كەزىنەن دە تولىق سەنىمدەمىز، وسى نىسانانى ورىنداۋعا شامامىز قاپتال جەتەدى. قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋ ءبىز ادەبيەت - كوركەمونەرشىلەردەن حالىقپەن ءبىر جاقتا تۇرىپ، پارتيامەن ءبىر نيەت، ءبىر تىلەكتە بولۋىمىزدى تالاپ ەتەدى. پارتيا مەن حالىقتىڭ سەنىمدى ادەبيەت - كوركەمونەر قىزمەتكەرلەرى رەتىندە تاريحتىڭ شەشۋشى كەزەڭىندە استە ساپتان قالماۋىمىز، ءسوز جوق، كەۋدە كەرە الدا ءجۇرۋىمىز كەرەك!
جۇڭگو كوممۋنيستىك پارتياسىنىڭ پارمەندى باسشىلىعىندا، بۇكىل ەلدەگى ءار ۇلت حالقىنىڭ زور كۇشپەن قولداۋىندا ءبىزدىڭ «ءۇش ءتۇرلى كۇشتىڭ» ۇلتتار ىنتىماعىن، وتان تۇتاستىعىن ءبۇلدىرۋ سۇرقيا ماقساتىنىڭ ماڭگى ىسكە اسپايتىنىنا سەنىمىمىز كامىل!
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
