بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

ىنتىماق پەن ورنىقتىلىقتى قورعاۋدىڭ كەلەلى تاريحي مىندەتىن ارقالايىق

2017.09.15 13:34     كەلۋ قاينارى : شينجياڭ گازەتى

  اۆتونوميالى رايوندىق ۇلت ىستەرى كوميتەتى (ءدىن مەكەمەسى) پارتيا باسشىلىق گرۋپپاسىنىڭ ورىنباسار شۋجيى، كوميتەتتىڭ مەڭگەرۋشىسى (مەكەمە باستىعى)

  تۇرعان پيدا

  وبۇلقاسىم ءماتتۇرسىن جولداستىڭ «ۇيعۇر باۋىرلاستارعا جولدانعان ويانۋ حاتىندا» پارتياعا، وتانعا جانە حالىققا دەگەن ادالدىقتىڭ ءۇنى مەن «ءۇش ءتۇرلى كۇشپەن» كۇرەس جۇرگىزۋگە باتىل بەل بۋعان ادىلەتتىڭ ءۇنىن اسقاقتاتىپ، بۇكىل شينجياڭداعى ءار ۇلت كادر - جۇرتشىلىعى اراسىندا كۇشتى اڭىس قوزعادى. ءار ۇلت كادر - جۇرتشىلىعىنىڭ باتىل ءۇن قاتىپ، ايقىن پوزيتسيا ءبىلدىرۋىنىڭ قادام سايىن ىلگەرىلەۋى پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، ىنتىماق پەن ورنىقتىلىقتى قورعاۋدىڭ ادىلەتتى اعىنىن قالىپتاستىردى. قازىرگى مىندەت − باتىل ءۇن قاتىپ، ايقىن پوزيتسيا ءبىلدىرۋ قيمىلىن ۇزدىكسىز تەرەڭدەتىپ، «ەكىبەتكەيلەردىڭ» تامىرىن قازىپ، ولاردى جالپاق جۇرتقا پاش ەتىپ، ولاردىڭ ۇزدىكسىز تاسادان تاس اتۋىنا مۇمكىندىك بەرمەۋ بولىپ تابىلادى، بۇل قازىرگى بولشەكتەۋشىلىككە قارسى كۇرەستەگى ەڭ كوكەي تەستى مىندەت.

  ۇلكەن دۇرىس، ۇلكەن بۇرىس الدىندا ۇيعۇر كادرلار، ءسوز جوق، باتىل ءۇن قاتىپ، ايقىن پوزيتسيا ءبىلدىرۋى، «ءۇش ءتۇرلى كۇشكە» ءبىزدىڭ ولارمەن باتىل كۇرەس جۇرگىزۋگە بەل بۋعان ۇستانىمىمىزدى تانىتۋمەن بىرگە، بۇكىل شينجياڭداعى ءار ۇلت حالقىنا، بۇكىل قوعامعا ءوزىمىزدىڭ پارتياعا، وتانعا، حالىققا ادال بولۋعا بەلدى بەكەم بۋعان بەكىمىمىزدى ايگىلەۋىمىز كەرەك. مەن «ءۇش ءتۇرلى كۇشكە» ولەردەي وشپىن، ۇيعۇر ۇلتى اراسىنان ءدىني ۇشقارىلىق كەيپىمەن كورىنگەن ازعىنداردىڭ زورلىقتى كۇش، لاڭكەستىك ارەكەتتەرىنە ءتىس - تىرناعىممەن كەكتەنەمىن. ءبىز «ءۇش ءتۇرلى كۇشتىڭ» ۇيعۇرلاردىڭ اتاق - ابىرويىنا داق سالۋىنا، ۇيعۇرلاردى تەرىس جولعا باستاۋىنا استە جول بەرمەيمىز.

  جۇڭحۋا ۇلتى − ءبىر تۇتاس ورتاق تۇلعا، ول جۇڭحۋا ۇلتىن قۇراعان بارلىق ۇلتتى قامتيدى، جۇڭحۋا ۇلتى ورتاق تۇلعاسىنا زالال كەلتىرۋ جۇڭحۋا ۇلتىن قۇراعان ءار ۇلتقا زالال كەلتىرگەندىك. ۇلت پەن ءدىن − «ەكىبەتكەيلەردىڭ» كانىگى بەت بۇركەنىشى، ولار ۇنەمى «ۇلت مۇددەسىن» جەلەۋ ەتەدى نەمەسە «ءدىني سەنىم ەركىندىگىن قورعاۋشى» كەيپىندە كورىنىس بەرەدى، ولار وتە كومەسكى، اككى جانە شىن مانىندە قاتەرلى. كورىنىستە دىنگە سەنبەگەنىمەن، كومەسكىدە سەنەدى، مىنبەدە ءبىر ءتۇرلى، مىنبەدەن تۇسكەندە ءبىر ءتۇرلى بولا قالادى. اسىرەسە، باسشى كادرلار «ەكىبەتكەيلەردىڭ» سۇرقيا يدەياسىمەن ۋلانسا، قوعامداعى «ەكىبەتكەيلەردى» قولدايدى، قولتىعىنا الادى، ءتىپتى، ىرقىنا جىبەرەدى، ءسويتىپ، «ەكىبەتكەيلەردىڭ» دەمەۋشىسىنە اينالادى. سوندىقتان ولار قوعامداعى «ەكىبەتكەيلەردەن» دە بەتەر زىمىيان، اككى، قاتەرلى بولادى. مىناۋ، ءسوزسىز، ايقىن بولعانى ءجون: پارتيانىڭ كادرى، مەيلى قاي ۇلتتان بولسىن، استە ءوز ۇلتىنىڭ جارشىسى ەمەس، قايتا جۇڭحۋا ۇلتىنىڭ ۋاكىلى، «ۇلتتىڭ مۇددەسىن قورعايمىز» دەگەن جەلەۋمەن جۇڭحۋا ۇلتىنىڭ جالپى مۇددەسىنە زالال كەلتىرگەن ادام − ۇلتتىڭ كۇناكارى. ال «ءدىني سەنىم ەركىندىگىن قورعايمىز» دەگەن ۋاجبەن شىن مانىندە دىنگە سەنەتىن بولسا، ول كومپارتيا مۇشەسى دەگەن اتقا تىپتەن لايىق ەمەس. ول ول ما، پارتيانىڭ كادرلار قوسىنىنا جالبىزبالاپ كىرىپ الىپ، بولشەكتەۋشىلىك ارەكەتتەرىنە جان اشىرلىق بىلدىرگەن نەمەسە قولداۋ كورسەتكەن ادامداردىڭ ءوزى دە ىنتىماق پەن ورنىقتىلىقتى بۇلدىرۋشىلەر، ءار ۇلت حالقىنىڭ ورتاق دۇشپانى. ءبىز ولاردىڭ «ۇلت» پەن «ءدىندى» بۇركەنىش ەتكەن سيقىرلىعىنا الدانىپ، وسى كەزەكتى كۇرەستىڭ كۇردەلىلىگى مەن قيان - كەسكىلىگىنە كوز جەتكىزە الماساق استە بولمايدى.

  «ەكىبەتكەيلەردى» تامىرىمەن قوپارۋدى يدەولوگيا سالاسىنداعى بولشەكتەۋشىلىككە قارسى كۇرەس پەن قازىرگى «ۇشقارىلىقتى الاستاۋ» كۇرەسىنىڭ ماڭىزدى قۇرامداس بولىگى جانە نەگىزدىك قىزمەت ەتىپ، ۇزاق مەرزىم تاباندى بولىپ، باياندى جەتىستىككە جەتۋ قاجەت. «ەكىبەتكەيلەردىڭ» ءومىر ءسۇرۋى قوعامدىق سالتقا تەرەڭ زارداپ تۋدىرادى، ولار ىسكە ۇلتتىڭ پسيحيكاسى مەن ۇجىمدىق ارەكەتىن وزگەرتۋدەن باستاپ كىرىسىپ، ۇلتتىق مىنەزدەمەنى بۇرمالانعان، بوياما نارسەلەرمەن لاستاماق بولادى. «ەكىبەتكەيلەردى» تۇبەگەيلى الاستاۋ قىزمەتىندە ەڭ ماڭىزدىسى، ءوزىن باعامداۋ، ساناسىن وياتۋ، ىشكى ۇمتىلىسىن ساۋلەلەندىرۋ ارقىلى اقاۋسىز دا ءارلى مادەنيەت تۇلعالاۋ، «ەكىبەتكەيلەردى» ىرىقتىلىقپەن الاستاپ،ءوز ۇلتى مەن جۇڭحۋا ۇلتى ۇلى شاڭىراعىنىڭ قاتىناسىن بەرەكەلى توعىسقان قاتىناسقا اينالدىرۋ كەرەك.

  «ەكىبەتكەيلەر» ءتۇرلى - ءتۇستى بولعانىمەن، ەڭ وزەكتى ماسەلە − ساياسي تۇرعى جانە ساياسي ۇستانىم ماسەلەسى. «ەكىبەتكەيلەردىڭ» «ەكىبەتكەي» بولۋ سەبەبى، ولار وزدەرىنىڭ تۇرعىسى مەن ۇستانىمىن اشىققا شىعارمايدى، كورنەۋدە ءبىر ءتۇرلى، كومەسكىدە ءبىر ءتۇرلى بولا قالادى. كورنەۋدەگى ارەكەتتەرىمەن وزدەرىن جاسىرادى، ءتىپتى، سول ارقىلى ساياسي ۇپاي جينايدى، الايدا تۇبىندە ولار كوكەيلەرىن تەسكەن قۇپيا ماقساتتارىن ىسكە اسىرۋعا قارمانادى. ءبىراق ولار قالاي كولەگەيلەنىپ، قانداي ادەمى سىلتاۋلاردى كورسەتسە دە، تۇپكى ماقساتتارىن جاسىرىپ قالۋى مۇمكىن ەمەس. ۇلكەن دۇرىس، ۇلكەن بۇرىس ماسەلەسىندەگى كەز كەلگەن ءدۇدامال، ەكى ۇشتى، بوياما كوزقاراستاردان ولاردىڭ پيعىلدارى وتە انىق كوزگە شالىنادى، اتاپ ايتقاندا، ولار بولشەكتەۋشىلىكپەن اينالىسۋ رايىنان استە قايتپايدى.

  «ەكىبەتكەيلەردى» تامىرىمەن قوپارۋ ءۇشىن، ءسوز جوق، بولاتتاي بەرىك ءتارتىپ بولۋى قاجەت، پارتيا ءتارتىبى مەن مەملەكەت زاڭى − ەڭ تومەنگى شەك، وعان كىمدە، كىمنىڭ سوقتىعۋىنا بولمايدى. ەگەر كىمدە - كىمنىڭ وسى شەكتەن اتتاۋعا ءداتى بارسا، مەيلى ونىڭ لاۋازىمى قانشا جوعارى بولسىن، وتكەندە قانشاما اتاق - مارتەبەگە قولى جەتكەن بولسىن، ءسوز جوق، ەش اياۋشىلىق جاساماي، قاتاڭ جازالاۋ كەرەك، بۇنى، ءسوز جوق، ورنىقتىلىقتى تۇبەگەيلى قورعاپ، كادرلار قوسىنىن تۇبەگەيلى رەتكە سالىپ، قوعامدىق مادەنيەتتى تۇبەگەيلى ورناتۋدىڭ ستراتەگيالىق شاراسى ەتۋ كەرەك. اۋىر دا كۇردەلى، ءولىم مەن ءومىر ارپالىسىنداعى بولشەكتەۋشىلىككە قارسى كۇرەستەن ەشكىمنىڭ قاعىس قالۋىنا بولمايدى، ءاربىر كادر ءوزىنىڭ جاۋاپكەرشىلىگىن سانالى تۇردە ارقالاۋى كەرەك. «ەكىبەتكەيلەردى» بايقاي ءبىلۋ − ساياسي سەزگىرلىك، «ەكىبەتكەيلەرمەن» كۇرەس جۇرگىزۋ − ساياسي جاۋاپكەرشىلىك. پرينسيپ جۇزىندە اۋىز جاپپاي قاعيدا سويلەگەنمەن، ءىس جۇزىندەگى كۇرەستە قارا باسىن كۇيىتتەپ، ناقتى ماسەلەلەرگە قول سالۋعا باتىلى بارماي، ناقتى ماسەلەلەردەن وراعىتىپ وتەتىن ادامداردىڭ، تۇپتەپ كەلگەندە، ساياسي ساپاسىندا ماسەلە بار.

  «ءوزىن وتانعا ارناعاندار العىسقا بولەنەدى، وتانعا وپاسىزدىق جاساعاندار قارعىسقا قالادى» دەگەن ناقىل بار. وتاننىڭ تۇتاستىعىن، ۇلتتاردىڭ ىنتىماعىن، قوعامنىڭ ورنىقتىلىعىن قورعاۋ − ءبىزدىڭ قاسيەتتى بورىشىمىز. «ءۇش ءتۇرلى كۇشكە» سوققى بەرىپ، «ەكىبەتكەيلەردى» ءتۇپ تامىرىمەن قوپارۋ − قوعام ورنىقتىلىعى مەن باياندى تىنىشتىققا كەپىلدىك ەتۋدەگى ەڭ شەشۋشى، ەڭ ماڭىزدى قىزمەت، ءار ۇلت كادر - جۇرتشىلىعىنىڭ شىن جۇرەگىن جارىپ شىققان باتىل بايلامى. مەن ۇلت، ءدىن قىزمەتى شەبىندەگى پارتيالى باسشى كادر رەتىندە جاۋاپكەرشىلىگىمنىڭ اۋىر ەكەنىن تەرەڭ سەزىنىپ، اۆتونوميالى رايوندىق پارتكومنىڭ پارمەندى باسشىلىعىندا، ۇلت، ءدىن قىزمەتىنىڭ ناقتى امالياتىندا بەرىك تۇرعى، ايقىن تۋ ۇستانىپ، حاۋىپ - قاتەردەن تايسالماي، جاۋاپكەرشىلىك ارقالاپ، «ەكىبەتكەيلەرمەن» ىمىراسىز كۇرەس جۇرگىزىپ، باس نىسانانى ىسكە اسىرۋعا ۇلەس قوسۋعا بەل بۋدىم!
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار