بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

چىن چۋانگو، شوكىرات زاكىر مەملەكەتتىك 13 - كەزەكتى سپورت جارىسىنا قاتىناسقان شينجياڭ ۋاكىلدەر ۇيىرمەسىندەگىلەرمەن كەزدەستى

2017.09.15 13:46     كەلۋ قاينارى : شينجياڭ گازەتى

  اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر 9 - قىركۇيەكتە ۇرىمجىدە مەملەكەتتىك 13 - كەزەكتى سپورت جارىسىندا داڭق قۇشىپ ورالعان شينجياڭ ۋاكىلدەر ۇيىرمەسىندەگىلەرمەن كەزدەسىپ، سپورت ساڭلاقتارىنىڭ قول جەتكىزگەن ۇزدىك ناتيجەسىن شىنايى قۇتتىقتادى

  اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر 9 - قىركۇيەك تۇستەن كەيىن ۇرىمجىدە مەملەكەتتىك 13 - كەزەكتى سپورت جارىسىندا داڭق قۇشىپ ورالعان شينجياڭ ۋاكىلدەر ۇيىرمەسىندەگىلەرمەن كەزدەستى.

  شينجياڭ يىڭبيڭ سارايى ءماجىلىس ورتالىعىنىڭ ۇلكەن زالى دۋماندى بەينەگە شومدى. چىن چۋانگو، شوكىرات زاكىر كوپشىلىكپەن ىقىلاسپەن قول الىستى ءارى سۋرەتكە ءتۇسىپ ەستەلىك قالدىردى.

  چىن چۋانگو اۆتونوميالى رايوندىق پارتكوم، ۇكىمەت جانە تۇتاس رايونىمىزداعى ءار ۇلت حالقى اتىنان جەڭىسپەن ورالعان سپورتشىلاردى، جاتتىقتىرۋشىلاردى قىزۋ قارسى الدى، سپورت ساڭلاقتارىنىڭ مەملەكەتتىك سپورت جارىسىنداعى كورنەكتى بەينەسىنە جانە ۇزدىك ناتيجەسىنە قۇتتى بولسىن ايتتى، شينجياڭنىڭ سپورت ىستەرىنىڭ دامۋىنا قولداۋ كورسەتكەن ءار سالا قايراتكەرلەرىنە شىن جۇرەكتەن العىس ايتتى. چىن چۋانگو بىلاي دەدى: مەملەكەتتىك سپورت جارىسىنا جالپى جۇرت نازار اۋداردى، رايونىمىزدىڭ سپورت ساڭلاقتارى اتا مەكەنىندەگى حالىقتىڭ كەلەلى تاپسىرماسىن ارقالاپ، قايىسپاي سايىسىپ، ەرلىكپەن جەڭىسكە جەتىپ، مەملەكەتتىك سپورت جارىسىندا ءبىرشاما جوعارى دەڭگەيدەگى سپورتتىق جارىس قابىلەتىن، تاماشا رۋحاني بەت - بەينەسى مەن قايىسپاس ەرىك - جىگەرىن ايگىلەپ، شينجياڭعا داڭق اپەردى، اتا مەكەنىنىڭ مەرەيىن اسىردى، تۇتاس شينجياڭداعى ءار ۇلت حالقى سىزدەرمەن ماقتانادى جانە شاتتانادى. كوپشىلىكتىڭ داندايسۋشىلىقتان، ۇشقالاقتىقتان اۋلاق بولىپ، كۇش ۇستىنە كۇش قوسىپ، جاڭا باستامادا ۇزدىكسىز تىڭ دا تاماشا ناتيجەگە قول جەتكىزۋىن ءۇمىت ەتەمىن.

  چىن چۋانگو بىلاي دەدى: كەزەكتە تۇتاس رايونىمىزدا جوعارىدان تومەنگە دەيىن پارتيا 19 - قۇرىلتايىنىڭ جەڭىسپەن اشىلۋىن قۋانا قارسى الۋدا. ءبىز باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن جانە پارتيا ورتالىق كوميتەتىنىڭ ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ سپورتتاعى مەملەكەتتىك وزات ورىنداردىڭ جانە وزاتتاردىڭ ۋاكىلدەرىمەن كەزدەسكەندەگى ىقىلاستى تاپسىرماسىن ەستە بەرىك ساقتاپ، سپورت ىستەرىنىڭ دامۋىنا وسكەلەڭ ءمان بەرىپ، سپورتتى دامىتۋ قىزمەتىن ماڭىزدى كۇن تارتىپكە ەنگىزىپ، سپورت ىستەرىن «قوس 100 جىلدىق» كۇرەس نىساناسىن جۇزەگە اسىرۋ جالپى جاعدايى تۇرعىسىنان جوبالاپ، بۇقارالىق سپورتتىڭ، باسەكەلىك سپورتتىڭ، سپورت كاسىبىنىڭ سايكەستى دامۋىن ىلگەرىلەتۋىمىز كەرەك. تۇتاس شينجياڭنىڭ باسەكەلىك سپورتىنىڭ جالپىلىق قۋاتىن ۇزدىكسىز جوعارىلاتىپ، بۇقارالىق سپورتتىڭ دامۋىنا بەلسەنە دەم بەرۋىمىز كەرەك. حالىقتى وزەك ەتۋ يدەياسىنان جازباي، جالپى حالىقتىق دەنە شىنىقتىرۋداي مەملەكەت ستراتەگياسىن تياناقتاندىرىپ، جالپى حالىقتىق دەنە شىنىقتىرۋ ارەكەتىن جالپىلاستىرىپ، حالىقتىڭ دەنە شىنىقتىرۋ قاجەتىن قاناعاتتاندىرىپ، ادامداردىڭ جاپپاي دامۋىن جەبەپ، حالىقتىڭ سالاماتتىلىق ورەسىن جوعارىلاتىپ، سالامات جۇڭگو قۇرىلىسىن ىلگەرىلەتۋىمىز كەرەك. سپورتقا رەفورما جاساۋدىڭ، جاڭالىق اشۋدىڭ تىڭ قادامىن جەدەل ىلگەرىلەتىپ، تۇتاس رايونىمىزدىڭ سپورت ىستەرىندە دامۋدىڭ جاڭا جاعدايىن ۇزدىكسىز اشىپ، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، ءار ۇلت بۇقاراسىن باقىتقا كەنەلتىپ، جۇڭگوشا سوتسياليستىك شينجياڭدى قۇلشىنا گۇلدەندىرۋگە پارمەندى تىرەك ازىرلەپ، پارتيا 19 - قۇرىلتايىنىڭ جەڭىسپەن اشىلۋىن ۇزدىك ناتيجەلەرىمىزبەن قارسى الۋىمىز كەرەك.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز كەزدەسۋ قيمىلىن باسقاردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار