بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شي جينپيڭ برۋنەيدىڭ سۇلتانى حاسانالمەن كەڭەس وتكىزدى

2017.09.15 14:00     كەلۋ قاينارى : شينجياڭ گازەتى

  ەكى ەل باسشىلارى ەكى ەلدىڭ كەلەشەكتەگى سەلبەستىگىنىڭ جوباسىن بىرگە جاساپ، جۇڭگو - برۋنەي قاتىناسىنىڭ جاڭا مەزگىلدە اناعۇرلىم زور دامۋىن جەبەدى

  شينحۋا اگەنتتىگىنىڭ 13 - قىركۇيەكتە بەيجيڭنەن بەرگەن حابارى. مەملەكەت ءتوراعاسى شي جينپيڭ 13 - قىركۇيەكتە حالىق سارايىندا برۋنەيدىڭ سۇلتانى حاسانالمەن كەڭەس وتكىزدى. ەكى ەل باسشىلارى ەكى ەلدىڭ كەلەشەك سەلبەستىگىن بىرگە جوسپارلاپ، جۇڭگو - برۋنەي قاتىناسىنىڭ جاڭا مەزگىلدە اناعۇرلىم زور دامۋىن جەبەپ، ەكى ەل حالقىنا اناعۇرلىم مول باقىت اپەرۋگە ءبىر اۋىزدان قوسىلدى.

  شي جينپيڭ مىنالاردى اتاپ كورسەتتى: جۇڭگو مەن برۋنەي تەڭىزدىڭ ەكى جاعىنداعى كورشىلەر ءارى ءبىر - بىرىنە سەنەتىن دوستار جانە سەرىكتەر. ەكى ەل ديپلوماتيالىق قاتىناس ورناتقاننان بەرى، مەملەكەت جاعدايى جانە قوعامدىق ءتۇزىم جاعىنداعى پارىقتاردى اتتاپ ءوتىپ، ستراتەگيالىق سەرىكتەستىك قاتىناسىن ورناتتى، ساياسي ءوزارا سەنىمدىلىك ۇزدىكسىز نىعايىپ، ءوزارا پايدا جەتكىزەتىن سەلبەستىك كورنەكتى ونىمدىلىككە قول جەتكىزدى. بيىل ەكى ەلدىڭ ديپلوماتيالىق قاتىناس ورناتقانىنىڭ ەكىنشى 25 جىلىنىڭ باسى، ەكى جاقتى قاتىناس بۇرىنعىعا مۇراگەر، كەيىنگىگە بۇيداگەر بولۋدىڭ وزەكتى كەزەڭىندە تۇر. جۇڭگو برۋنەيمەن بىرگە ەكى جاقتى قاتىناستى ستراتەگيالىق جانە ۇزاق ۋاقىتتىق تۇرعىدان مەڭگەرىپ، ەل باسقارۋداعى تاجىريبە اۋىس - كۇيىسىن جانە دامۋ ستراتەگياسىن ۇشتاستىرۋدى كۇشەيتىپ، ءار سالاداعى ناقتى سەلبەستىكتى ۇلعايتىپ جانە كۇشەيتىپ، ەكى ەلدىڭ ءوز دامۋىن ونان ارى جەبەۋىن قالايدى.

  شي جينپيڭ مىنالاردى باسا دارىپتەدى: ەكى جاق جوعارى دارەجەلىلەر اراسىنداعى بارىس - كەلىستى ساقتاپ، ساياسي ءوزارا سەنىمدىلىكتى ءۇرتىس نىعايتىپ، ءبىر - ءبىرىنىڭ وزەكتى مۇددەسىنە ساياتىن جانە كەلەلى كوكەي تەستى ماسەلەلەرىندە ءبىرىن - ءبىرى ءتۇسىنۋى جانە قولداۋى كەرەك. جۇڭگو برۋنەيدىڭ «ءبىر بەلدەۋ، ءبىر جول» دارىپتەمەسىنە بەلسەندىلىكپەن ءۇن قوسقانىن القايدى، برۋنەيمەن «ءبىر بەلدەۋ، ءبىر جولدى» بىرگە قۇرۋدى وراي ەتىپ، بىرگە اقىلداسۋ، بىرگە گۇلدەندىرۋ، ورتاقتاسۋ پرينسيبى بويىنشا نەگىزدىك قۇرىلعى قۇرىلىسى، ەنەرگەتيكا، مۇسىلمانشا ازىق - تۇلىكتى، اۋىل شارۋاشىلىعى، بالىق شارۋاشىلىعى، سيفرلى ەكونوميكا سياقتى سالالارداعى سەلبەستىكتى كۇشەيتۋدى قالايدى. ەكى جاق ساقتىق ىستەرى جانە زاڭ اتقارۋداعى سەلبەستىكتى كۇشەيتىپ، ەكى ارميانىڭ ءوزارا سەنىمدىلىگىن جانە سەلبەستىگىن تىڭ ورەگە كوتەرۋ كەرەك. مادەنيەت، وقۋ - اعارتۋ، دەنە تاربيە، دەنساۋلىق ساقتاۋ، ساياحات، اقپارت قۇرالدارى، جەرگىلىكتى اۋىس - كۇيىس سياقتى سالالارداعى قارىم - قاتىناستى، سەلبەستىكتى كۇشەيتىپ، ەكى ەل دوستىعىنىڭ حالىق تىلەگى نەگىزىن بەكەمدەۋ كەرەك. وڭىرلىك جانە حالىقارالىق ىستەردەگى سەلبەستىكتى، بىرلەسكەن مەملەكەتتەر ۇيىمى، ازيا - تىنىق مۇحيت ەكونوميكالىق ىنتىماقتاستىعى ۇيىمى سياقتىلار اياسىنداعى قارىم - قاتىناس پەن سەلبەستىكتى كۇشەيتۋ كەرەك. شي جينپيڭ مىنالاردى اتاپ كورسەتتى: جۇڭگو برۋنەيدىڭ جۇڭگو - شىعىس وڭتۇستىك ازيا ەلدەرى وداعى قاتىناسىنىڭ دامۋىن بەلسەندىلىكپەن جەبەگەنىن القايدى، «ءبىر بەلدەۋ، ءبىر جول» دارىپتەمەسىن شىعىس وڭتۇستىك ازيا ەلدەرى وداعىنىڭ دامۋ جوسپارىمەن ۇشتاستىرىپ، ەكى جاق قاتىناسىنىڭ ساپاسىن كوتەرىپ، دەڭگەيىن جوعارىلاتۋدى، شىعىس وڭتۇستىك ازيا ەلدەرى وداعىمەن بىرگە گۇلدەندىرۋدى قالايدى. كەزەكتە، نانحاي تەڭىزى جاعدايى ورنىعىپ، بەلسەندى دامۋ تەبىنىن كورسەتۋدە. جۇڭگو برۋنەيمەن جانە قاتىستى جاقتارمەن بىرگە نانحاي تەڭىزىن بەيبىتشىلىك تەڭىزى، دوستىق تەڭىزى، سەلبەستىك تەڭىزى ەتىپ قۇرىپ شىعۋدى قالايدى.

  حاسانال بىلاي دەدى: برۋنەي جۇڭگونىڭ مەملەكەت قۇرىلىسىندا قول جەتكىزگەن زور تابىستارىن قۇتتىقتايدى، جۇڭگو جاق العا قويعان «ءبىر بەلدەۋ، ءبىر جول» دارىپتەمەسىن قولدايدى، جۇڭحۋا ۇلتىنىڭ ۇلى گۇلدەنۋىندەي جۇڭگو ارمانىنىڭ، ءسوزسىز، جۇزەگە اساتىنىنا سەنەدى. ديپلوماتيالىق قاتىناس ورناتقاننان بەرى، برۋنەي - جۇڭگو ەكى ەل قاتىناسىنىڭ دامۋ تەبىنى جاقسى بولىپ، سالالارداعى سەلبەستىك مول تابىسقا كەنەلدى. برۋنەي ءبىر جۇڭگو ساياساتىنا ۇزدىكسىز تاباندى بولادى. برۋنەي «2035 ۇلى ارمان» جوباسىن ىلگەرىلەتۋدە، جۇڭگو كاسىپورىندارىنىڭ وسى جوباعا قاتىناسىپ، برۋنەيگە بارىپ بەلسەندىلىكپەن قارجى قوسىپ، شارۋاشىلىق گۇلدەندىرۋىن قارسى الامىز. برۋنەي اۋىل شارۋاشىلىعى، بالىق شارۋاشىلىعى، ەنەرگەتيكا، نەگىزدىك قۇرىلعى قۇرىلىسى، مۇسىلمانشا ازىق - تۇلىك، سيفرلى ەكونوميكا سياقتى سالالاردا جۇڭگو جاقپەن ناقتى سەلبەستىكتى كۇشەيتۋدى قالايدى. برۋنەي جۇڭگومەن جوعارى دارەجەلىلەر بارىس - كەلىسىن ءۇرتىس ساقتاپ، گۋمانيتارلىق اۋىس - كۇيىستى ىشكەرىلەي كۇشەيتىپ، نانحاي تەڭىزىنىڭ بەيبىت، ورنىقتى بولۋىن بىرگە قورعاپ، شىعىس وڭتۇستىك ازيا ەلدەرى وداعى مەن جۇڭگونىڭ قاتىناسىن ۇزدىكسىز العا دامىتۋدى قالايدى.

  كەڭەستەن كەيىن، ەكى ەل باسشىلارى ەكى ەلدىڭ «ءبىر بەلدەۋ، ءبىر جول» قۇرىلىسى، نەگىزدىك قۇرىلعى قۇرىلىسى، دەنساۋلىق ساقتاۋ سياقتى سالالارداعى ەكى جاقتى سەلبەستىك حۇجاتتارىنا قول قويىلۋىنا بىرگە كۋا بولدى.

  كەڭەستەن بۇرىن، شي جينپيڭ حالىق سارايىنىڭ شىعىس ەسىگى الدىنداعى الاڭدا حاسانالدى قارسى الۋ ءراسىمىن وتكىزدى. مەملەكەتتىك كەڭەستىڭ ورىنباسار زۇڭليى ما كاي، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى چىن جۋ، مەملەكەتتىك ساياسي كەڭەستىڭ ورىنباسار ءتوراعاسى ۋاڭ جيارۇي قاتارلىلار كەزدەسۋگە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار