قوعامنىڭ جاراسىمدىلىعى مەن ورنىقتىلىعىن باسىمدى ءباي تىگە قورعايمىن
2017.09.18 13:48 كەلۋ قاينارى : شينجياڭ گازەتى
اۆتونوميالى رايوندىق پارتكوم اۋىل - قىستاق قىزمەتى كەڭسەسى اۋىل - قىستاق بازار ينفورماتسياسى باسقارماسىنىڭ تەكسەرىپ-زەرتتەۋشىسى الىمجان تۇردى
پارتيانىڭ «اۋىل شارۋاشىلىعى، اۋىل - قىستاق جانە شارۋالار» قىزمەتى سالاسىندا قىزمەت ىستەگەنىمە 27 جىل بولعان ۇيعۇر پارتيالى كادر ساناتىندا، مەن رەفورما جاساپ، ەسىك اشقاننان بەرى پارتيا ورتالىق كوميتەتىنىڭ شىنايى قامقورلىعى مەن ەلىمىزدىڭ جەر - جەرىنىڭ كۇش سالا قولداۋ كورسەتىپ، كومەكتەسۋىندە، اۆتونوميالى رايوندىق پارتكومنىڭ دۇرىس باسشىلىعىندا شينجياڭنىڭ ەكونوميكاسى مەن قوعامىنىڭ باياندى دامىعاندىعىن، ءار ۇلت حالقىنىڭ تۇرمىسىنىڭ كورنەكتى جاقسارعاندىعىن، اسىرەسە، اۋىل - قىستاقتىڭ ەكونوميكالىق، قوعامدىق ءتۇرلى ىستەرىندە شۇعىلالى تابىستارعا قول جەتكەندىگىن، ەگىنشى - مالشىلاردىڭ تۇرمىسىندا وراسان زور تاريحي وزگەرىستەر بولعاندىعىن ءوز كوزىممەن كوردىم.
«ءۇش ءتۇرلى كۇش» «ۇلتتى» جەلەۋ ەتىپ، «ءدىن» تونىن جامىلىپ، شينجياڭ تاريحىن، شينجياڭنىڭ دامۋ تاريحىن، شينجياڭداعى دىندەردىڭ وزگەرۋ تاريحىن بۇرمالادى، ۇلتتىق بولشەكتەۋشىلىكتى ۋاعىزداپ، ۇلتتىق وشپەندىلىككە جەلىكتىردى، ۇيعۇر جۇرتشىلىعىن زورلىقتى كۇش، لاڭكەستىك، قىلمىستىق ارەكەتتەرىن تۋدىرۋعا ازدىردى، ولاردىڭ ارەكەتتەرى جان تۇرشىكتىرەدى، ادامنىڭ ازا بويىن قازا قىلادى. «ءۇش ءتۇرلى كۇش» ءدىني داۋ - شار تۋدىرۋ، ۇلتتىق وشپەندىلىك قوزعاۋ، قوعامنىڭ جاراسىمدىلىعى مەن تىنىشتىعىن بۇلدىرۋ قاسكۇنەمدىگىنە سالىندى، ولاردىڭ بىردەن - ءبىر ماقساتى − ءبىزدىڭ وڭاي - وسپاق قولعا كەلمەگەن باقىتتى تۇرمىسىمىزدى امالدىڭ بارىنشا ءبۇلدىرۋ. سوڭعى جىلدارى تۋىلعان زورلىقتى كۇش، لاڭكەستىك دەلولارى مەن وسى سەبەپتى قازا بولعان بەيكۇنا جانداردى ەسكە العانىمدا، شاڭىراعى ورتاسىنا تۇسكەن باقىتتى وتباسىلارىن كورگەنىمدە شەر جۇتىپ، جۇرەگىمدى كەك كەرنەيدى. مەن ۇيعۇر ۇلتىنىڭ قۇرباندىققا شالىنۋىن استە قالامايمىن، مەن ۇيعۇر ۇلتىنىڭ ازعىندارى مەن قانقۇيلى قاندەستەرىنىڭ ۇلتىمىزدىڭ تۇبىنە جەتۋىنە استە جول قويمايمىن. ولار كورىكتى مەكەنىمىزدى ويراندايتىن، باقىتتى تۇرمىسىمىزدان ماقرۇم ەتەتىن، ۇلتتار ىنتىماعىن بۇلدىرەتىن، وتاندى بولشەكتەپ، سوتسياليستىك ءتۇزىمدى اۋدارۋعا سۇقتانعان جاۋىز زۇلىمدار.
ۇلتتار ىنتىماعى − ءار ۇلت حالقىنىڭ جان تامىرى، جۇڭگو كوممۋنيستىك پارتياسىنىڭ پارمەندى باسشىلىعىندا ءبىز ۇلتتار ىنتىماعىن كوز قاراشىعىمىزداي قورعاۋىمىز، ءومىرىمىزدى قاستەرلەگەندەي قاستەرلەۋىمىز، اناردىڭ دانىندەي تىعىز ۇيىسۋىمىز كەرەك. ادامگەرشىلىگى بار ءاربىر ۇيعۇر باۋىرلاستار باتىلدىقپەن كەۋدە كەرە العا شىعۋى، ءوز جاۋاپكەرشىلىگىن ادا ەتۋلەرى، «ءۇش ءتۇرلى كۇشكە» باتىل سايىس جاريالاۋى، ولاردىڭ جالعاندىقتارىنىڭ بەتىن اشىپ، قاسكۇنەمدىكتەرىن پاش ەتۋلەرى، باقىتتى تۇرمىسىمىزدى، كورىكتى مەكەنىمىزدى، وتانىمىزدىڭ تىنىشتىعىن بىرلىكتە قورعاۋلارى ءتيىس.
ۇيعۇر پارتيالى كادر رەتىندە، مەن پارتيا مەن وتانعا ابسوليۋتتى ادال بولامىن، باس نىسانانى تىعىز ارقاۋ ەتىپ، كوممۋنيستىك پارتيا مۇشەلەرىنىڭ اۆانگارد، ونەگەلىلىك، باستاماشىلدىق رولىن جەتە ساۋلەلەندىرەمىن. ءار ۇلتتىڭ ءوزارا ءتۇسىنىسۋ، ءوزارا قۇرمەت ەتۋ، باۋىرمال بولۋ، ءبىرى - ءبىرىنىڭ ارتىقشىلىعىن كورۋ، ءوزارا ۇيرەنۋ، ءوزارا كومەكتەسۋىن جەبەيمىن، ءار ۇلت حالقىمەن تىزە قوسا ىنتىماقتاسىپ، ۇلتتار ىنتىماعىنىڭ پارمەندى باستاماشىسى، اتقارۋشىسى بولۋعا قۇلشىنىپ، ۇلتتار ىنتىماعى العاباسارلىعى ىستەرىنىڭ ادال امالياتتا ايگىلەۋشىسى، جەبەۋشىسى بولۋعا قۇلشىنامىن، ۇلتتار ىنتىماعىنىڭ قۇرىش قورعانىن بەكەم سوعىپ، «ءۇش ءتۇرلى كۇشتى» باتىلدىقپەن ءتۇپ - تۇقيانىمەن قۇرتىپ، حالىقتىق شايقاستىڭ تەلەگەي تەڭىزىنە باتىرۋعا، شينجياڭداعى ءار ۇلت حالقىنا جاراسىمدى، تىنىش، شات - شادىمان تۇرمىس باعىشتاۋعا كۇش سالامىن.
مەن مىناداي ۇندەۋ سالامىن: قالىڭ ۇيعۇر كادر - جۇرتشىلىعى جۇڭگو كوممۋنيستىك پارتياسىنىڭ باسشىلىعىن، سوتسياليستىك ءتۇزىمدى، جۇڭگوشا سوتسياليزم جولىن باتىل قولدايىق، وتان تۇتاستىعىن سانالىلىقپەن قورعاپ، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرەيىك؛ شينجياڭداعى ءار ۇلت حالقى ىنتىماقتاسىپ، ەر جۇرەك، جان قيارلىقپەن بولشەكتەۋشىلىككە قارسى تۇرۋ كۇرەسىنىڭ الدىڭعى لەگىندە ءجۇرىپ، «ءۇش ءتۇرلى كۇشپەن» جانە «ەكىبەتكەيلەرمەن» ءۇزىلدى - كەسىلدى باتىل كۇرەس جۇرگىزۋگە سەرت بەرىپ، زورلىقتى كۇش، لاڭكەستىك قيمىلدارىنا شاتىلعانداردى، زورلىقتى كۇش، لاڭكەس ەلەمەنتتەرىن ەش ءارى - سارى بولماي، ەشقانداي اياۋشىلىق بىلدىرمەي باتىل اشكەرەلەپ، پاش ەتىپ، تويتارىس بەرەيىك، زورلىقتى كۇش، لاڭكەستەرىنە نولدىك توزىمدىلىك پوزيتسياسىمەن، تەمىردەي تەگەۋرىنمەن اياۋسىز، سىلەيتە سوققى بەرىپ، جاۋدىڭ اپتىعىن باسىپ، قوعام ادىلەتتىلىگىن ايگىلەپ، حالىقتىڭ تىنىشتىعىنا قول جەتكىزەيىك. بۇل ءاربىر ۇيعۇر ازاماتىنىڭ بۇلتارتپاس تاريحي جاۋاپكەرشىلىگى جانە ۇلتتىق مۇراتى.
ۇيعۇر پارتيالى كادر رەتىندە، مەن اۋەلگى ماقساتتى ەستەن شىعارماي، ۇلكەن دۇرىس پەن ۇلكەن بۇرىس ماسەلەسىندە باستان - اياق تۋىم ايقىن، تۇرعىم بەرىك تۇردە جۇڭگو كوممۋنيستىك پارتياسىنىڭ باسشىلىعىن باتىل قولدايمىن، ءارقاشان شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتايمىن، نەگىزگى زاڭ مەن زاڭدارعا سانالى بويسۇنامىن، ساياسي ءتارتىپ پەن ساياسي قاعيدانى قاتاڭ قورعايمىن، سوتسياليستىك وزەكتى قۇن كوزقاراسىن امالياتتا ايگىلەيمىن؛ تۇتاس جۇڭحۋا ۇلتىمەن تىنىستاس، تاعدىرلاس، جۇرەكتەس بولىپ، ولىسپەي بەرىسپەيتىن وسى جولعى كۇرەستە استە قول قۋسىرىپ قاراپ تۇرمايمىن، باتىل ءۇن قاتىپ، ايقىن پوزيتسيا بىلدىرەمىن، باتىلدىقپەن كەۋدە كەرە العا شىعىپ ۇلتتار ىنتىماعىن قورعايمىن، ءدىني ۇشقارىلىقتى باتىلدىقپەن جەرىنە جەتە اشكەرەلەپ، تۋىم ايقىن تۇردە «ءۇش ءتۇرلى كۇشپەن» كۇرەس جاسايمىن؛ «ەكىبەتكەيلىكتى» جانە «ەكىبەتكەيلەردى» تاۋىپ شىعىپ، ولاردى تۇبەگەيلى تازالاپ، قوعامنىڭ جاراسىمدىلىعى مەن ورنىقتىلىعىن باسىمدى ءباي تىگە قورعايمىن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved