اناردىڭ دانىندەي تىعىز ۇيىسايىق
2017.09.19 14:41 كەلۋ قاينارى : شينجياڭ گازەتى
− اۆتونوميالى رايون بۇقارالىق قىزمەت مەحانيزمىن جاڭالاپ، ءار ۇلت بۇقاراسىن پارتياعا العىس ايتۋعا، پارتياعا ىلەسۋگە جەتەكتەدى
باس شۋجي شي جينپيڭ: پارتيا مەن بۇقارانىڭ، كادرلار مەن بۇقارانىڭ قاتىناسىن نىعايتىپ، حالىق بۇقاراسىمەن ەتەنە بايلانىستى ساقتاۋ − پارتيامىزدىڭ باستان - اياق جەڭىمپاز ورىندا تۇرۋىنداعى ءتۇبىرلى نەگىز، - دەپ اتاپ كورسەتكەن بولاتىن. بۇقارالىق قىزمەتتە جارىققا شىققان ءتۇرلى ماسەلەنى جاپپاي، ىشكەرىلەي، تىڭعىلىقتى شەشۋ ءۇشىن، اۆتونوميالى رايوندىق پارتكوم پارتيانىڭ تاڭداۋلى داستۇرىنە مۇراگەرلىك ەتىپ جانە ونى ساۋلەلەندىرىپ، بۇقارالىق قىزمەت وي جەلىسى مەن شارالارىن ۇزبەي جاڭالاپ، بايىتىپ، بۇقارالىق قىزمەتتىڭ كادەگە جارايتىن مەحانيزمىن ونان ارى ورناتىپ، كەمەلدەندىرىپ، ءار ۇلت بۇقاراسىن اناردىڭ دانىندەي تىعىز ۇيىستىرىپ، پارتيا مەن ۇكىمەتتىڭ ماڭىنا تىعىز ىنتىماقتاستىردى.
بۇقارانى ارالاپ، ولارمەن بايلانىس ورناتۋ مەحانيزمى پارتيا مەن بۇقارانىڭ، كادرلار مەن بۇقارانىڭ ەتەنە بايلانىسىن نىعايتتى
شينجياڭنىڭ ەكونوميكالىق، قوعامدىق دامۋى جانە ورنىقتىلىقتى قورعاۋدا ءدوپ كەلگەن قاتاڭ، كۇردەلى جاعداي بىزدەن بۇقارامەن، ءسوز جوق، بايلانىستى نىعايتۋدى، ءبىر ءسات تە بۇقارادان قول ۇزبەۋدى تالاپ ەتىپ وتىر. اۆتونوميالى رايوندىق پارتكوم كادرلاردىڭ نەگىزگى ساتىعا بارىپ، ستيلگە بۇرىلىس جاساپ، بۇقارامەن ىشكەرىلەي ارالاسىپ، ولارمەن بايلانىس جاساپ، ولاردىڭ كومپۋس قىزمەتكەرى بولىپ، ءار ۇلت بۇقاراسىمەن ەتەنە بايلانىس ورناتۋىنا تاباندى بولدى.
«ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتى ۇدايىلانىپ، كادرلار بۇقارامەن ىشكەرىلەي ارالاسىپ، ولارمەن بىتە قايناستى. 2017 - جىلى اۆتونوميالى رايوندىق پارتكوم 5 جىلدىق مەرزىمدەگى جاڭا كەزەكتى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىن ۇزدىكسىز ورىستەتۋدى ۇيعارىپ، كادرلاردىڭ قىستاقتاردا تۇرىپ، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قىزمەتىن ۇدايىلاندىردى. 2014 - جىلدان بەرى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا 4 توپتا 43 مىڭ 852 قىزمەت اترەتىن، 275 مىڭ 828 ادامدى (رەت) قىستاقتا تۇرۋعا جىبەردى. نەگىزگى ساتىداعى كادرلار مەن بۇقارا «<ۇعىسۋ، تيىمدىلىك جاساۋ، توعىستىرۋ> قيمىلى بويىنشا قىستاقتا تۇرۋ قىزمەتى ارقىلى ءار دارەجەلى كادرلار نەگىزگى ساتىعا بارىپ، بۇقارامەن تىكە بايلانىس جاساپ، ولارعا قىزمەت ەتىپ، قوعام ورنىقتىلىعى مەن ۇلتتار ىنتىماعىندا جاڭا جاعداي جارىققا شىعىپ، قىستاق دارەجەلى ۇيىمدار مەن پارتيا مۇشەلەرى، كادرلار قوسىنى قۇرىلىسى تىڭنان كۇشەيىپ، اۋىل - قىستاقتىڭ جونگە سالۋ جۇيەسى مەن جونگە سالۋ قابىلەتى تىڭ دەڭگەيگە جەتىپ، اۋىل - قىستاقتىڭ ەكونوميكالىق دامۋى جانە ەگىنشى - مالشىلاردىڭ تۇرمىس دەڭگەيى تىڭ بەلەسكە كوتەرىلىپ، قوعام ورنىقتىلىعى مەن باياندى تىنىشتىقتى قورعاۋدىڭ نەگىزگى ساتىداعى نەگىزى ونان ارى بەكەمدەلگەندىگىن» جاپپاي اڭىس ەتتى.
«ۇلتتار ىنتىماعىنىڭ بەرەكەلى شاڭىراعى» قيمىلى ۇزدىكسىز تەرەڭدەپ، ءار ۇلت كادرلارى مەن بۇقاراسى ءبىر - بىرىمەن ارالاسىپ، توعىسىپ، سىرلاستى. اۆتونوميالى رايوندىق پارتكوم «ۇلتتار ىنتىماعى ءار ۇلت حالقىنىڭ جان تامىرى» دەگەنگە باستان - اياق تاباندى بولىپ، الۋان ءتۇرلى فورماداعى ۇلتتار ىنتىماعىنداعى ۇلگىلى ورىن قۇرۋ قيمىلىن تالىقپاي ورىستەتتى، اسىرەسە، 2016 - جىلى قازاننان باستاپ رايونىمىزدا «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بويىنشا بىرلەسكەن دوستىق قيمىلىن ورىستەتتى. قازىرگە دەيىن بۇكىل رايون بويىنشا ءبىر ميلليون 90 مىڭنان استام كادر، قىزمەتشى نەگىزگى ساتىداعى ءار ۇلت بۇقاراسىنان ءبىر ميلليون 460 مىڭنان استام اداممەن جۇپ قۇراپ، تۋىس بولدى، 6 ميلليون 870 مىڭنان استام وتباسىنا (رەت) بارىپ جاعداي ۇعىسىپ، 174 ميلليون يۋاننان استام جىلۋ اتادى.
اۆتونوميالى رايوندىق پارتكوم «<ءۇش ءتۇرلى كۇش> شينجياڭداعى ءار ۇلت حالقىنىڭ ورتاق جاۋى، ستيلدىڭ شىنايى بولماۋى ءبىزدىڭ ءتىپتى ۇلكەن جاۋىمىز» دەگەندى قايتا - قايتا باسا دارىپتەپ كەلدى. قايشىلىقتارعا بەتپە - بەت كەلىپ، پىشاقتىڭ ءدۇزىن ىشىنە قاراتىپ، اياۋسىز سوققى بەرىپ، رايونىمىزدا «4 ءتۇرلى بۇرىس ستيل»، ءتۇسى وزگەرگەن جاسىرىن «4 ءتۇرلى بۇرىس ستيل» ماسەلەسىن، پارتيا، ۇكىمەت ورگاندارىنداعى كادرلاردىڭ ءىس تىندىرماۋ ماسەلەسىن، نەگىزگى ساتى كادرلارىنىڭ بۇقارانىڭ مۇددەسىن زيانداۋ ماسەلەسىن جونگە سالدى؛ «ەكىنى ۇيرەنۋ، بىردە تولىمدى بولۋ» ۇيرەنۋ - تاربيە قيمىلى اياسىندا «ءسوزدى ۇيرەنۋ، ستيلگە بۇرىلىس جاساۋ، تياناقتاندىرۋدى جەبەۋ» ارناۋلى قيمىلىن ورىستەتىپ، «4 ءتۇرلى بۇرىس ستيلدى»، «4 تەرىس پيعىلدى» ارناۋلى وڭاپ، كادرلار ستيلىن شىن مانىندە جاقسارتىپ، بۇقارالىق لۋشياندى سانالى تۇردە امالياتتا ايگىلەپ، قىزمەتتى تياناقتاندىرۋدى تارتىپپەن ىلگەرىلەتىپ، پارتيا ستيلىنىڭ، ۇكىمەت ستيلىنىڭ جاقسارۋىن ىلگەرىلەتتى. بۇقاراعا ۇگىت جۇرگىزۋ، بۇقارانى تاربيەلەۋ مەحانيزمى پارتيا مەن بۇقارانىڭ اراسىن جالعادى
باس شۋجي شي جينپيڭ: يدەيا ۇگىت شەبىن ءبىز يەلەمەسەك، باسقالار يەلەپ كەتەدى، - دەپ اتاپ كورسەتتى. اۆتونوميالى رايوندىق پارتكوم ۇگىت - تاربيە قىزمەتىنە وسكەلەڭ ءمان بەردى، يدەيالىق جاقتان جەتەكشىلىك ەتۋ، عىلىم - تەحنيكا ارقىلى جەتەكشىلىك ەتۋ، مادەنيەت ارقىلى جەتەكشىلىك ەتۋ ارقىلى قالىڭ نەگىزگى ساتى بۇقاراسىنىڭ كۇڭگىرت تانىمداردان ايىعۋىنا، ءدىني ۇشقارىلىقتى شەكتەۋىنە، وسى زامان مادەنيەتىن ارداقتاپ، بارلىق كۇش قۋاتتى ءوندىرىستى دامىتىپ، دوڭگەلەك داۋلەتتى ورەگە ۇمتىلۋعا كومەكتەستى.
«ادامعا تياناقتاندىرۋ، كادەگە جاراتۋ، ءونىمدى بولۋ» تالابىنا ساي، اۋىل - قىستاقتارعا، الەۋمەتتىك اۋماقتارعا عىلىم - تەحنيكا، مادەنيەت، ءبىلىم جەتكىزۋ سياقتى مادەنيەت ارقىلى حالىققا تيىمدىلىك جاساۋ قيمىلدارىن بەلسەنە ورىستەتىپ، «وتباسىلارىنا دەيىن جەتكىزۋ ينجەنەرياسى»، «قىستاقتارعا دەيىن جەتكىزۋ ينجەنەرياسى»، «شىعىس جەلى ينجەنەرياسى»، «قىستاقتارداعى وتباسى كىتاپ ءۇيى ينجەنەرياسى» اۋىل - قىستاق نەگىزگى ساتىلارىندا تياناقتانىپ، ناتيجەسىن كورسەتتى. بۇكىل رايونىمىزداعى قىستاق دارەجەلى شەپتەردە اپتاسىنا ءبىر رەت مەملەكەت تۋىن شىعارۋ، ۇگىت لەكسيا جاساۋ، اپتاسىنا، از دەگەندە، ءبىر رەت شارۋالار كەشكى مەكتەبىن اشۋ قىزمەتىن ونان ارى جۇيەگە ءتۇسىرىپ، وتانشىلدىق تاربيەسى، ۇلتتار ىنتىماعى، مەملەكەتتىك ءتىل ۇيرەنۋ، زاڭ بىلىمدەرىن جالپىلاستىرۋ سياقتى مازمۇنداردى ۇگىت، ۇيرەنۋ مازمۇنىنا كىرگىزدى. وسىنداي «ءىرى ينجەنەريالار» «ۇلكەن قيمىلدار» مەن «بەلگىلەنگەن قيمىلدار» ۇگىتتىڭ ءۇنىن اسقاقتاتىپ، كۇش ۇستەپ، ونىمدىلىك اكەلدى.
«ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتى، «ۇلتتار ىنتىماعىنىڭ بەرەكەلى شاڭىراعى» بويىنشا جۇپ قۇراپ، تۋىس بولعان كادرلار، اۋدان، اۋىلداردا قىستاقتاردى، وتباسىن كوتەرمەگە العان كادرلار، «قوس ءتىل» وقۋ - اعارتۋى بويىنشا كومەككە كەلگەن كادرلار سياقتى قىستاقتا تۇراتىن كۇشتەردىڭ رولىن تولىق ساۋلەلەندىرىپ، جۇپ قۇراپ، تۋىس بولۋ، دوستاسۋ سياقتى تاسىلدەر ارقىلى وتباسىن ارالاۋ، وندىرىسكە كومەكتەسۋ سياقتى ورايلاردان پايدالانىپ بۇقاراعا الۋان فورمالارمەن ۇگىت جۇرگىزىپ، ءار ۇلت بۇقاراسىنىڭ ورتاق رۋحاني قاجەتىن قاناعاتتاندىردى؛ «4 ساقا» كادرلاردىڭ، بۇقارالىق ۇگىتشىلەردىڭ تاجىريبەسى مول، بۇقارالىق نەگىزى جاقسى، ابىرويى جوعارى بولۋداي ەرەكشەلىكتەرىن ساۋلەلەندىرىپ، بۇقاراعا پارتيانىڭ شەشىمدەرى مەن ورنالاستىرۋلارىن، حالىققا ءتيىمدى ساياساتتاردى، سونداي - اق مەكەندەرىندەگى زور وزگەرىستەر مەن ماڭايىنداعى ۇلگىلى تيپتەردى ۇگىتتەپ، ءار ۇلت بۇقاراسىن پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە جەتەكتەدى.
وسى زامانعى مادەنيەت ارقىلى جەتەكشىلىك ەتۋگە تاباندى بولىپ، نەگىزگى ساتى مادەنيەت ۇگىت شەبى قۇرىلىسىن كۇشەيتىپ، اۋىل - قىستاقتاردىڭ ءتۇرلى مادەنيەت، دەنە تاربيە قوعامدارىن قۇرۋىن سۇيەمەلدەپ، قىستاق مادەنيەت، دەنە تاربيە قوسىندارىن ۇيىمداستىرىپ، قۇرىپ، بەلگىلەنگەن مەرزىمدە قيمىل ورىستەتۋىنە جەتەكشىلىك ەتتى. اۋىل ونەرپازدارىنا، حالىق اراسىنداعى مادەنيەت مۇراگەرلەرىنە ءمان بەرىپ، ولاردى تاربيەلەپ، باي مازمۇندى، الۋان ءتۇرلى بۇقارالىق مادەنيەت، دەنە تاربيە قيمىلدارىن بەلسەنە ورىستەتىپ، ءداستۇرلى مادەنيەتتى اسقاقتاتىپ، وسى زامان وركەنيەتىن تاراتىپ، ءدىني ۇشقارى يدەيانىڭ كەۋلەپ كىرۋىن باتىل تەجەدى، فەۆودالدىق سوقىر سەنىم سياقتى قوعامدىق كەلەڭسىز قۇبىلىستاردى تازالاپ، ءار ۇلت بۇقاراسىن رۋحاني قىزىعۋشىلىق جانە ءوندىرىس، تۇرمىس جاقتارىندا زايىرلىلىققا، وسىزاماندانۋعا قاراي بەت الۋعا جەتەكشىلىك ەتتى.
«ەكىنى ۇيرەنۋ، بىردە تولىمدى بولۋ» ۇيرەنۋ تاربيەسىن ورىستەتۋدى وراي دەپ ءبىلىپ، پارتيا مۇشەلەرىن، كادرلاردى سەرت بەرۋ، ۇگىتتەۋ، پوزيتسيا ءبىلدىرۋ، ءسوز سويلەۋ سياقتى الۋان تاسىلدەر ارقىلى ساياسي تۇرعىسى مەن ساياسي پوزيتسياسىن بىلدىرۋگە جەتەكشىلىك ەتتى، باسشى كادرلار گازەت - جۋرنالداردا باستاماشىلدىقپەن اۆتورلى ماقالا جاريالاپ، راديودا، تەلەۆيزيادا ۇگىت جۇرگىزىپ، كادرلار مەن بۇقارا جيىنىندا پوزيتسيا ءبىلدىرىپ ءسوز سويلەدى، باتىل ءۇن قاتىپ، ايقىن پوزيتسيا بىلدىرگەن دابىرالى قيمىل تيانشاننىڭ تۇستىگى مەن تەرىستىگىن جاڭعىرتتى. تولاسسىز جۇرىلگەن باتىل ءۇن قاتىپ، ايقىن پوزيتسيا ءبىلدىرۋ قيمىلدارى ءار ۇلت حالقىنىڭ بولشەكتەۋشىلىككە قارسى تۇراتىن، ۇلتتار ىنتىماعىن، وتان تۇتاستىعىن قورعايتىن قۇدىرەتتى وڭ ەنەرگياسىن ۇيىستىردى. بۇقاراعا قىزمەت ەتۋ، بۇقارانى باسقارۋ مەحانيزمى حالىققا تيىمدىلىك جاساپ، پايدا جەتكىزۋدىڭ «دوڭگەلەك داۋلەتتى جولىن» كەڭەيتتى
باس شۋجي شي جينپيڭ «بۇقارانى جاقسى تۇرمىسقا كەنەلتۋ − ءبىزدىڭ بارلىق قىزمەتىمىزدىڭ تياناعى مەن نىساناسى» دەپ اتاپ كورسەتكەن بولاتىن. اۆتونوميالى رايوندىق پارتكوم بۇكىل ىنتا - پەيىلمەن حالىققا قىزمەت ەتۋ باستى ماقساتىنا قاشاندا تاباندى بولىپ، حالىققا ءتيىمدى ساياساتتاردى ۇزدىكسىز شىعارىپ، كەدەيلىكتەن قۇتىلدىرۋدان قامال الۋدى توقتاۋسىز ىلگەرىلەتىپ، بۇقاراعا قىزمەت ەتۋدىڭ مەحانيزمى مەن تاسىلدەرىن ۇزبەي كەمەلدەندىرىپ، ءار ۇلت بۇقاراسى اراسىندا قوعام ورنىقتىلىعىن قورعاۋ مەن باياندى تىنىشتىقتى ىسكە اسىرۋدىڭ قۇدىرەتتى كۇشىن جيناقتادى.
حالىق تۇرمىسىنا ۇسىنىلىمدى ۇزدىكسىز ارتتىرىپ، بۇقارانى شىنايى يگىلىككە كەنەلتتى. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىنەن بەرى، اۆتونوميالى رايوندىق پارتكوم ءار ۇلت بۇقاراسى جاپپاي كوڭىل بولەتىن ماڭىزدى حالىق تۇرمىسى ماسەلەلەرىن قامال الۋ اۋزى مەن كىرىسۋ ءتۇيىنى ەتىپ، حالىق تۇرمىسىنا ۇسىنىلىمدى ۇزدىكسىز ارتتىردى، حالىق تۇرمىسىنا جۇمسالعان قازىنالىق شىعىستىڭ الەۋمەتتىك قازىنالىق مەجە ەسەپتەگى ۇلەس سالماعى %70تەن اسىپ، مەملەكەتتىڭ ورتاشا دەڭگەيىنەن جوعارى بولدى. 2016 - جىلدان بەرى، اۆتونوميالى رايون جۇمىسقا ورنالاستىرۋ، وقۋ - اعارتۋ، ەمدەۋ سياقتى 9 ءىرى حالىق تۇرمىسى ينجەنەرياسىن اتقاردى، «وڭتۇستىك شينجياڭداعى 3 ايماق، ءبىر وبلىستىڭ مەكتەپكە دەيىنگى «قوس تىلدە» ءبىلىم بەرۋ ىسىنە كادرلار ارقىلى كومەكتەسۋ جوسپارىن» اتقاردى، بۇكىل شينجياڭ بويىنشا اۋىل - قىستاقتارداعى مىندەتتى ەڭبەكتى كۇشىنەن قالدىردى... ءار ۇلت بۇقاراسىنىڭ تابىس سەزىمى مەن باقىت سەزىمى ايتارلىقتاي جوعارىلادى.
كەدەيلىكتەن قۇتىلدىرۋدان قامال الۋدى ۇزدىكسىز ىلگەرىلەتىپ، بۇقارانى اۋقاتتاندىردى. ورتالىقتىڭ كەدەيلەردى سۇيەمەلدەۋ، وركەندەتۋ قىزمەتى ءماجىلىسىنىڭ رۋحىن ىشكەرىلەي دايەكتىلەندىرىپ جانە تياناقتاندىرىپ، كەدەيلەردى سۇيەمەلدەۋ ساياساتى مەن قامال الۋ شارالارىنىڭ قىستاقتارعا، وتباسىلارىنا دەيىن دالمە - ءدال تياناقتانۋىنا كەپىلدىك ەتتى. اۆتونوميالى رايونداعى 28 كەدەي اۋداننىڭ، 1743 كەدەي قىستاقتىڭ، ءبىر ميلليون 220 مىڭ كەدەي حالىقتىڭ «بىردە - ءبىرى قاتاردان قالماي»، كوزەۋلى ۋاقىتتا كەدەيلىكتەن قۇتىلۋىنا كەپىلدىك ەتتى. ءار دارەجەلى باسشى كادرلار تومەندەگىلەرگە ۇلگى كورسەتۋگە تاباندى بولىپ، كەدەي اۋداندارمەن، كەدەي اۋىلدارمەن، كەدەي قىستاقتارمەن باس بولىپ بايلانىس ورناتتى؛ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتاردا تۇراتىن قىزمەت اترەتتەرى قىستاقتاردى كوتەرمەگە الۋعا، وتباسىلارمەن بايلانىس جاساۋعا تاباندى بولىپ، جەرگىلىكتى جاعدايعا قاراي كەدەيلەردى سۇيەمەلدەۋ جوسپارىن جاساپ، كەدەيلەردى سۇيەمەلدەۋ بايلىقتارىن ءبىر تۇتاس ۇيلەستىرىپ، ۇگىت - ءناسيحات، ءتالىم - تاربيە ارقىلى ىشكى قوزعاۋشى كۇشكە دەم بەرىپ، كەدەيلىكتەن قۇتىلدىرۋدان قامال الۋدىڭ «كەشەندى شارالارىن» ويداعىداي جۇرگىزدى.
بۇقاراعا قىزمەت ەتۋ ارناسىن ۇزدىكسىز كەڭەيتىپ، بۇقاراعا ءتىپتى مول قولايلىلىق تۋدىردى. ۇكىمەت ءىسىن جاريا ۇستاۋ مەن ينتەرنەتتە جۇمىس جۇرگىزۋدى بەلسەندىلىكپەن ىلگەرىلەتىپ، حالىق جۇرتشىلىعىنا مۇمكىندىگىنشە جەڭىلدىك تۋدىردى. اكىمشىلىك قاراۋ - بەكىتۋ، قىزمەت كورسەتۋدى ولشەمدەندىرۋ مەن بىرلەسىپ قاراۋ - بەكىتۋدىڭ جۇمىس جۇرگىزۋ مەحانيزمى قۇرىلىسىن بار كۇشپەن ىلگەرىلەتىپ، ءىس جۇرگىزۋ ءتارتىبىن ىقشامداپ، ءىس جۇرگىزۋدىڭ تيىمدىلىگىن جوعارىلاتتى. قىستاقتاردىڭ (الەۋمەتتىك اۋماق) پارتيا ۇيىمدارى «4 ءتۇرلى قيمىل» بويىنشا قىزمەت ەتۋ مەحانيزمىن جاپپاي تياناقتاندىرىپ، بۇقاراعا قىزمەت ەتۋ بارىسىندا نەگىزگى ساتى ۇيىمدارىنىڭ ۇيىستىرۋ، ۇندەۋ قابىلەتىن جوعارىلاتىپ، ارناعا تۇسكەن باسقارۋ بارىسىندا سالت - سانانىڭ وزگەرۋىن ىلگەرىلەتىپ، جاراسىمدىلىق پەن ورنىقتىلىققا كەپىلدىك ەتتى.
بۇقارانى ۇيىمداستىرۋ، جۇمىلدىرۋ مەحانيزمى قوعام ورنىقتىلىعىنىڭ «قورعانىش تورىن» نىعىزدادى
لاڭكەستىككە قارسى تۇرىپ، ورنىقتىلىقتى قورعاۋ حالىقتان كۇش الادى. تىلەكتەس، مۇراتتاس ءار ۇلت حالقى تىرەك بولماسا، قوعام ورنىقتىلىعى نەگىزىن جوعالتىپ، باياندى تىنىشتىق تاعانىنان ايرىلادى.
بۇقاراعا ۇگىت جۇرگىزىپ، بۇقارانى جۇمىلدىرىپ، بۇقارالىق ساقتانۋ كۇشتەرىن قۋاتتاندىردى. نەگىزگى ساتى ۇيىمدارى، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتاردا تۇراتىن قىزمەت اترەتتەرى سياقتى ءتۇرلى كۇشتەر جۇدىرىقتاي جۇمىلىپ، بۇقاراعا ۇگىت جۇرگىزىپ، بۇقاراعا سۇيەنىپ، بۇقارانى جۇمىلدىرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ حالىقتىق سوعىسىن جەڭىسپەن جۇرگىزدى. قوعامدىق باسقارۋدى جاڭالاپ، بۇقارالىق ساقتانۋ جۇيەسىن نىعايتتى. قوعامدىق باسقارۋدى كۇشەيتىپ جانە جاڭالاپ، قالا، اۋىلداردا ۇياشىقتانعان باسقارۋدى جاپپاي جولعا قويدى، قوعامدىق سالاداعى ساقتانۋ - تىزگىندەۋ قابىلەتىن ايتارلىقتاي كوتەرىپ، بۇقارانىڭ حاۋىپسىزدىك سەزىمىن نىعايتا ءتۇستى. نەگىزگى ساتىنى جونگە سالۋدى جاڭالاپ، بۇقارالىق وڭاۋ مەحانيزمىن ناقتىلاندىرا ءتۇستى. شينجياڭدى زاڭ بويىنشا جونگە سالۋ ۇستانىمىنا تاباندى بولىپ، زاڭمەن جونگە سالۋدى اۋىل - قىستاقتارعا جەتكىزۋ مەن قىستاق تۇرعىندارىنىڭ ءوزىن - ءوزى باسقارۋىن تىعىز ۇشتاستىرىپ، نەگىزگى ساتى ۇيىمدارى مەن بۇقارانى كەڭەستىك دەموكراتيانى قانات جايدىرۋعا جەتەكتەپ، مازمۇنى ناقتى، شارالارى ولشەمدى، جەڭىل، ۇعىنىقتى، قولدانىسقا يكەمدى جاڭاشا قىستاق تۇرعىندارى شارتتارىن بەلگىلەپ، نەگىزگى ساتىنىڭ قوعامدىق جونگە سالۋىنىڭ قولدانىلمالىلىعى مەن تيىمدىلىگىن نىعايتتى. وعان قوعام ورنىقتىلىعى، ۇلتتار ىنتىماعى، كەدەيلىكتەن قۇتىلدىرىپ اۋقاتتاندىرۋ، جوسپارلى تۋىت سياقتى مازمۇنداردى ءتۇيىندى تۇردە ەنگىزىپ، كەلىسىم شارت ارقىلى كەلىسۋ، ءوزارا سەرتتەسۋ سياقتى تاسىلدەرمەن قىستاق ىستەرىن باسقارۋشى تاراپتاردىڭ مىندەتى مەن جاۋاپكەرشىلىگىن انىقتاپ، نەگىزگى ساتىنىڭ جونگە سالۋ قابىلەتىن ءونىمدى تۇردە جوعارىلاتتى.
حالىقتىڭ تالاپ - تىلەكتەرىن شەشۋ مەحانيزمى قايشىلىقتاردى باسەڭدەتۋگە «توتە جول» اشتى
بازار شارۋاشىلىعى جاعدايىندا حالىق بۇقاراسىنىڭ مۇددە تالاپ - تىلەكتەرى كۇن سايىن كوبەيىپ، تۇرلىلەنىپ كەلەدى، وتە - موتە، شينجياڭدا حالىق ىشىندەگى قايشىلىقتاردى ويداعىداي ءبىر جايلى ەتىپ، بۇقارانىڭ زاڭدى ۇقىق - مۇددەسىن قامتاماسىزداندىرىپ، بۇقارانىڭ ءتول مۇددەسىن قورعاۋ − قوعام ورنىقتىلىعىنا، باس نىسانانى جۇزەگە اسىرۋعا سايادى.
حالىقتىڭ تالاپ - تىلەكتەرىن جەتكىزۋ ارناسىن كەڭەيتۋ قوعامدىق جاعداي مەن حالىق رايىن ىركىلىسسىزدەندىرىپ، بۇقارانىڭ ءتول مۇددەسىنە قاتىستى قايشىلىقتار مەن داۋ - شارلاردى دەر كەزىندە ءبىر جايلى ەتۋگە مۇمكىندىك جاراتتى. باسشىلاردىڭ ارىز - ارمان قابىلداۋ اپتاسىن، ارىز - ارمان قابىلداۋ كۇنىن بەلگىلەپ، بۇقاراعا جۇمىس ايتۋ ورنىن قۇرۋ سياقتى حالىقتىڭ تالاپ - تىلەكتەرىن ىرىقتىلىقپەن تىڭدايتىن ۇنەمىلىك ءتۇزىم قالىپتاستىرىپ، ونى ماسەلەنى شەشۋدىڭ جانە قايشىلىقتاردى ءبىر جايلى ەتۋدىڭ ۇتىمدى شاراسى ەتتى. ۇكىمەت ىستەر تورابىن قۇرىپ، باسشىلار حات ساندىعىن ورناتىپ، تىكە لەنيالى تەلەفون اشىپ، ينتەرنەتتە حالىقتىڭ ريزا بولۋ مولشەرىنە تەكسەرۋ جۇرگىزىپ، وسىلاردى قوعام جاعدايى، حالىق رايىنىڭ «ينفورماتسيا تۇعىرى» ەتتى. 2016 - جىلدان باستاپ ءار جىلى «حالىققا تيىمدىلىك جاساۋ ساياساتى جونىندەگى تۇسىنىك قولدانباسىن» باسىپ تاراتتى، قازىرگە دەيىن 8 ميلليون نۇسقادان استى. ءبىر ورىندا جۇمىس ءبىتىرۋ ۇلگىسىندەگى قىزمەت كورسەتۋ زالىن بەلگىلەپ، مەملەكەت قىزمەتكەرلەرى قىزمەت ورنى جاۋاپكەرلىك ءتۇزىمىن، باستاپقى قابىلداۋشى جاۋاپكەرلىك ءتۇزىمىن كۇشەيتىپ، ءىس ءبىتىرۋ جولدارىن بىرىكتىرىپ، حالىقتىڭ تالاپ - تىلەكتەرىن جەتكىزۋ ارناسىن ونان ارى ىركىلىسسىزدەندىرىپ، ولارعا ايقىن، ءتارتىپتى، ناقتى قىزمەت وتەيتىن ورتا ازىرلەپ بەردى.
داۋ - شارلاردى شەشۋ، جاراستىرۋ ءتۇزىمىن كەمەلدەندىرىپ، قايشىلىقتاردى ۋشىقتىرماي تۇرىپ ءبىر جايلى ەتتى. پارتيا مۇشەلەرى مەن كادرلاردىڭ بايلانىس جاساۋ ورنى ءتۇزىمىن ورناتىپ، كەمەلدەندىرىپ، باسشى كادرلار بۇقارانىڭ تالاپ - تىلەكتەرىن وزدەرى ىرىقتىلىقپەن بارىپ ۇعىساتىن جاعداي جاراتتى. كادرلار نەگىزگى ساتىداعى اۋىل - قىستاقتاردا (الەۋمەتتىك اۋماق) تۇرىپ قىزمەت ىستەپ، «تاڭەرتەڭ قىزمەت ورنالاستىرۋ، كەشتە قىزمەتىن قورىتىندىلاۋ» سىندى قىزمەت ءتاسىلىن جالپىلاستىرىپ، بۇقارالىق قىزمەتتەگى ءىس تۋىلعاندا عانا، جالما - جان جۇگىرەتىن جاعدايدى الدىن الا ساقتانۋعا وزگەرتتى. ارىز - ارمان جونىندە كەزەكتى ءماجىلىس اشۋ، باسشىلار ارىز - ارماندى مىندەتىنە الىپ جاۋاپتى بولۋ، وتباسىلارىن ارالاپ زاڭ ءتۇسىندىرۋ سياقتى قىزمەت تۇزىمدەردى ورناتىپ، بۇقارا اراسىنداعى قايشىلىقتار مەن داۋ - شارلاردى جاراستىرۋ قىزمەتىن ۇدايىلاندىرۋدى ىلگەرىلەتتى. قىستاقتا تۇراتىن قىزمەت اترەتتەرى، اۋدان، اۋىلدارداعى نەگىزگى ساتى كادرلارى سياقتى كۇشتەردى ءبىر تۇتاس اتتانىسقا كەلتىرىپ، «حالىقتىڭ جاعدايىن ۇعىسۋ، قايشىلىقتاردى ءبىر جايلى ەتۋ، كومەسكى حاۋىپتەردى الاستاۋ» قيمىلىن ورىستەتىپ، تۇتاس رايونىمىزدىڭ جەر - جەرىن تۇگەل قامتىعان قايشىلىقتاردى تۋ باسىنان شەشۋ مەحانيزمىن ورناتتى. جەردى اداقتاۋ، اۋىل - قىستاق قازىناسى، قالا مەن اۋىلدىڭ ەڭ تومەنگى تۇرمىسىن قامتاماسىز ەتۋ، جوسپارلى تۋىت سياقتى بۇقارا جاپپاي اڭىس ەتكەن شوعىرلى ماسەلەلەردەن باستاپ كىرىسىپ، ماسەلەنى شەشۋدە قول جەتكىزگەن ناقتى ناتيجەلەر ارقىلى حالىقتىڭ سەنىمىنە يە بولدى.
اماليات ءبىز بۇقارالىق قىزمەت سىندى وسى «اسىلدان» ۇتىمدى پايدالانىپ، كادەگە جارايتىن بۇقارالىق قىزمەت مەحانيزمىن ورناتىپ، بۇقارالىق قىزمەتتى ويداعىداي ىستەيتىن بولساق، ءسوز جوق، ءار ۇلت حالقىنىڭ قولداپ - قۋاتتاۋىنا يە بولاتىندىعىمىزدى، قوعام ورنىقتىلىعى مەن باياندى تىنىشتىقتىڭ بۇقارالىق نەگىزى مەن قوعامدىق نەگىزىن ونان ارى بەكەمدەي تۇسەتىندىگىمىزدى، ءبىر نيەت، ءبىر ماقساتپەن ارماندى ىسكە اسىرۋدىڭ قۇدىرەتتى كۇشىن توپتاپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭدى ويداعىداي قۇرىپ شىعاتىندىعىمىزدى دالەلدەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
