جۇڭگونىڭ باتىس سولتۇستىك بۇرىشى دوڭگەلەك داۋلەتكە جەتۋ ارمانىنداعى كەدەيلىكتەن قۇتىلۋ جولىندا ۇدەرە العا تارتتى
2017.09.19 14:43 كەلۋ قاينارى : شينجياڭ گازەتى
توڭكەرىستىك ەجەلگى رايوندار، ۇلتتىق وڭىرلەر، شەكارا وڭىرلەر كەدەيلەر شوعىرلى تارالعان جەرلەر ەسەپتەلسە، جۇڭگونىڭ باتىس سولتۇستىك بۇرىشى وسى 3 ءتۇرلى ەرەكشەلىكتى ءبىر بويىنا جيناعان، ول ەلىمىزدەگى كەدەيلىكتەن قۇتىلدىرۋدان قامال الۋدىڭ نەگىزگى شايقاس مايدانى. پارتيا 18 - قۇرىلتايىنان بەرى، جۇڭگونىڭ كەدەيلىكپەن كۇرەسى جاڭا كەزەڭگە قادام باستى. بىردە - ءبىر كەدەيدىڭ كەنجە قالماۋىنا كەپىلدىك ەتۋ ءۇشىن، الداعى 1000 نەشە كۇندە باتىس سولتۇستىك بۇرىش قيىندىقتى جەڭۋدىڭ اتوي سالۋ مەزگىلىنە وتەدى.
ءتۇزىم ارقىلى جەتەكشىلىك ەتىپ، جەر جاعدايىنا قاراي ءىس ىستەپ دامۋعا ۇمتىلدى
كەدەيلىكتەن قۇتىلدىرۋدان قامال الۋ جاپالى شايقاس، ونىڭ جەڭىستى بولۋى ءتۇزىم جاعىنداعى جوسپارلاۋ مەن جەتەكشىلىك ەتۋدەن ايرىلا المايدى.
2015 - جىلى قاراشادا جاريالانعان «ج ك پ ورتالىق كوميتەتىنىڭ، مەملەكەتتىك كەڭەستىڭ كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋ جونىندەگى قارارىندا» كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋدىڭ جالپى تۇلعالىق تالاپتارى ايقىن ورتاعا قويىلدى ءارى عىلمي ءادىسناما جەتەكشىلىگىمەن قامتاماسىز ەتتى. وسىدان كەيىن، مەملەكەتتىك كەڭەس «13 - بەسجىلدىق» جوبا مەزگىلىندەگى كەدەيلىكتەن قۇتىلدىرۋدان قامال الۋ جوباسىن باسىپ تاراتىپ، ورتالىقتىڭ شەشىمدەرى مەن ورنالاستىرۋلارىن تياناقتاندىرۋدى ناقتىلاندىردى. ورتالىق كوميتەت كەڭسەسى، مەملەكەتتىك كەڭەس كەڭسەسى 11 سايكەستى حۇجات شىعاردى. ورتالىق جانە مەملەكەت ورگاندارىنىڭ ءارقايسى تاراۋلارى 118 ساياساتتىق حۇجات نەمەسە اتقارۋ جوباسىن شىعاردى.
ساياساتتاردىڭ شىعارىلۋى باتىس سولتۇستىك بۇرىشتىڭ كەدەيلىكتەن قۇتىلدىرۋىنا ايقىن باعىت كورسەتتى.
شينجياڭعا كومەكتەسەتىن كاسىپورىندارعا بەرىلەتىن ءتيىمدى ساياساتتار سەبەبىنەن كوپتەگەن كاسىپورىندار وڭتۇستىك شينجياڭدا تامىر تارتىپ، جەرگىلىكتى تۇرعىنداردى جاقىن ماڭنان جۇمىسقا الىپ، كەدەيلەردى كاسىپ ارقىلى سۇيەمەلدەۋدىڭ نەگىزگى كۇشىنە اينالدى.
پارتيا 18 - قۇرىلتايىنان بەرى، شينجياڭعا كومەكتەسەتىن ولكە، قالالار شينجياڭعا كاسىپ ارقىلى كومەكتەسۋ تەبىنىن ونان ارى ارتتىرىپ، كاسىپ ارقىلى جۇمىسقا ورنالاستىرۋدى جەبەۋ بويىنشا 13 ميلليارد يۋاننان استام شينجياڭعا كومەكتەسۋ قارجىسىن ورنالاستىرىپ، ارتىق ەڭبەككۇشتەردەن 500 مىڭنان استام ادامدى (رەت) جۇمىسقا الدى، كاسىپ ارقىلى شينجياڭعا كومەكتەسۋدىڭ ءونىمى كورنەكتى بولدى.
ولكەدەگى اۋرۋ سەبەبىنەن كەدەيلەسۋ، قايتا كەدەيلەسۋ ماسەلەسىن شەشۋ ءۇشىن، چيڭحاي ولكەسى سالماقتى اۋرۋلاردى ەمدەۋ قامسىزداندىرۋى تۇزىمىندە جاڭالىق اشىپ، «چيڭحاي ولكەلىك دەنساۋلىق ارقىلى كەدەيلەردى سۇيەمەلدەۋ ينجەنەرياسىنىڭ <3 ءبىر توپ> ارەكەتىن اتقارۋ جوباسىن» باسىپ تاراتىپ، ولكەدەگى ەگىن، مال شارۋاشىلىق رايوندارىنداعى كەدەيلەرگە باعىتتالعان سالماقتى اۋرۋلار قامسىزداندىرۋىنىڭ قامتاماسىزدىق كولەمىن ىشكەرىلەي كەڭەيتتى ءارى قامسىزداندىرۋعا قىزمەت ەتۋگە قولايلىلىق جاسادى.
ساياساتتىڭ جەتەكشىلىگىندە باتىس سولتۇستىك بۇرىش جەرگە قاراي ءىس ىستەپ، وزدەرىنە ۇيلەسەتىن كەدەيلىكتەن قۇتىلدىرۋدان قامال الۋ جولىن اشتى.
شىعىس پەن باتىس اۋىس - كۇيىس جاساپ، بايلىقتى ورتاقتاسىپ، شىعار جولدى بىرگە قاراستىردى
شاڭحايدىڭ شينجياڭعا كومەكتەسۋ قارجىسى، دارىندىلارى مارالباسى اۋدانىنىڭ ەلەكتروندىق ساۋدا جەلىسىن قۇرۋىنا كومەكتەسىپ، جەرگىلىكتى ورىندا وندىرىلەتىن بال قاۋىننىڭ ساتىلىم ارناسىن بارعان سايىن كەڭەيتىپ، قاۋىنشىلاردىڭ كىرىسىن بارىنشا ارتتىردى. 2016 - جىلى مارالباسى اۋدانىنان 537 توننا بال قاۋىن ساتىلىپ، ساتىلىم سوماسى 10 ميلليون 760 مىڭ يۋاننان اسىپ، جەرگىلىكتى ورىنداعى ساتىپ الۋ باعاسىن بۇرىنعى 2 جىلداعىدان ءبىر ەسەگە تاياۋ جوعارىلاتتى، ءتىپتى، ءبىر تال دا قاۋىن قالمايتىن جاعداي جارىققا شىعىپ، جەرگىلىكتى كەدەي بۇقارا تىكە يگىلىككە كەنەلدى.
مارالباسى اۋدانىنىڭ ەلەكتروندىق ساۋدانى دامىتۋى باتىس سولتۇستىك بۇرىشتاعى ەگىن، مال شارۋاشىلىق رايوندارىنىڭ كەدەيلىكتەن قۇتىلدىرۋدان قامال الۋىنىڭ شاعىن كورىنىسى. چيڭحاي ولكەسى 2015 - جىلى 253 كەدەي قىستاقتى قامتىعان بۇكىل مەملەكەتتىك ەلەكتروندىق ساۋدانى اۋىل - قىستاققا جەتكىزۋدەن جان - جاقتى ۇلگى كورسەتەتىن اۋدان قۇرىلىسىن جۇرگىزىپ، جەرگىلىكتى اۋىل شارۋاشىلىق ونىمدەرىن ساتتى. اۋىل - قىستاق ساۋدا ۇلگىسىندە جاڭالىق اشۋ ارقىلى ەگىنشى - مالشىلاردىڭ كىرىسىن ارتتىردى.
شينجياڭ ۇيعۇر اۆتونوميالى رايوندىق دامۋ جانە رەفورما كوميتەتىنىڭ ساندى مالىمەتىنە قاراعاندا، «12 - بەسجىلدىق» جوبا مەزگىلىندە جيىنى 5161 شينجياڭعا كومەكتەسۋ نىسانى اتقارىلىپ، 58 ميلليارد 30 ميلليون يۋان قارجى سالىنعان، بۇل مەزگىلدە 5 ميلليوننان استام ءار ۇلت بۇقاراسىنىڭ باسپانا شارت - جاعدايى جاقسارىپ، 200 مىڭنان استام ەڭبەككۇش تۇراقتى جۇمىسقا ورنالاسىپ، 222 مەكتەپ جاڭادان سالىنعان.
شىعىس - باتىس بولەكتەردىڭ بارىس - كەلىسى كۇن سايىن جيىلەپ، باتىس سولتۇستىك بۇرىشتىڭ كەدەيلىكتەن قۇتىلدىرۋدان قامال الۋ ىستەرىنە بىرتىندەپ تىڭ ومىرشەڭدىك كۇش ۇستەدى. حالىقتى كوڭىل تورىنە قويىپ، كوپ جاقتان كۇش شىعارىپ، وزگەرۋگە ۇمتىلدى
بيلىك جۇرگىزۋدىڭ تەتىگى حالىق تىلەگىنە يە بولۋدا، باتىس سولتۇستىك وڭىردە كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋ، وتە - موتە، وسىنداي.
شانشيدىڭ سولتۇستىگىندەگى يۇيلين قالاسى جاۋجياماۋ قىستاعى تيپتىك سارى توپىراقتى، ادىرلى، اڭعارلى ءوڭىر. تالاي جىلدان بەرى، قىستاقتاعى ەڭبەككۇشتەر سىرتقا كەتىپ، ەگىستىك جەر بوس قالىپ، كوللەكتيۆ شارۋاشىلىق نەگىزدەن جۇرداي بولىپ كەلگەن. 2013 - جىلى شانشيدىڭ حالىقتىق كاسىپكەرى جاڭ چۇنپيڭ قىستاق پارتيا ياچەيكاسىنىڭ شۋجيلىگىنە سايلاندى. 2014 - جىلى جاڭ چۇنپيڭ مال - مۇلىك ۇقىعى رەفورماسىن جالعاستى ىلگەرىلەتىپ، قىستاق بايلىعىن كاسىپورىندى باسقارۋ ءتاسىلى بويىنشا جانداندىردى. بيىل ماۋسىم ايىنا دەيىن جاۋجياماۋ قىستاعىنىڭ تۇراقتى مۇلىك قۇنى 10 ميلليون يۋاننان اسىپ، كەدەيلەردىڭ مولشەرى بۇرىنعى %81.7تەن %2.4كە تومەندەدى.
گانسۋ ولكەسى ديڭشي قالاسى لينتاۋ اۋدانىنىڭ بۇرىنعى اكىمى چاي شىڭفاڭ ءومىرىن كەدەيلەردى سۇيەمەلدەۋ ىسىنە ارنادى.
2014 - جىلى 15 - تامىزدا 17 ساعات بويى توقتاماي قىزمەت ىستەگەن چاي شىڭفاڭ كەڭسەسىندە ۇيىقتاپ كەتكەن بەتى قايتا ويانبادى. لينتاۋدا تۇرعان 3 جىلدا ول 281 قىستاقتى ارالاپ، 29 داپتەر ەستەلىك جازدى، لينتاۋ اۋدانىنداعى كەدەيلەردىڭ سانىن بۇرىنعى 110 مىڭ ادامنان 5000عا جەتپەيتىن ادامعا ازايتتى.
بىرەۋلەر كاسىپورىننان كەدەيلەردى سۇيەمەلدەۋدىڭ الدىڭعى شەبىنە كەلىپ، جاڭالىق اشۋ وي جەلىسى ارقىلى مەشەۋ وڭىرلەردە بەلگىلەمە شىعارىپ، ءتۇزىم بەلگىلەدى؛ بىرەۋلەر اتاعى شىعىپ، ەلگە تانىلسا دا تۋعان توپىراعىن ۇمىتپاي، جومارتتىقپەن كومەكتەستى؛ تاعى ءبىر نەگىزگى ساتى كادرلارى جۇرەك قانىمەن ءشول دالانى سۋارىپ، بار ءومىرىن ارنادى.
باتىس سولتۇستىك بۇرىشتىڭ ءار ۋىس توپىراعى، ءار ءتۇپ ءشوبى، ولاردىڭ كەدەيلىكتەن قۇتىلدىرۋ جونىندەگى حيكايالارىن ءۇن - ءتۇنسىز، قالپىن قۇراتپاي ەستەلىككە الدى.
2016 - جىلى شينجياڭدا 5 كەدەي اۋداننىڭ كەدەيلىك قالپاعى الىنىپ، 810 كەدەي قىستاق كەدەيلەر قاتارىنان شىعىپ، 630 مىڭ ادام كەدەيلىكتەن قۇتىلدى؛ چيڭحاي ولكەسىندە 116 مىڭ ادام كەدەيلىكتەن ءساتتى قۇتىلدى؛ شانشي ولكەسىندە ءبىر ميلليون 517 مىڭ 500 ادام كەدەيلىكتەن قۇتىلدى؛ گانسۋ ولكەسىندە كەدەيلەردەن تۇتاس جىلدا 620 مىڭ ادام ازايدى؛ نيڭشيادا 193 مىڭ ادام كەدەيلىكتەن قۇتىلدى.
ساندى مالىمەتتەردىڭ استارىندا، بۇقارانىڭ باقىتتى تۇرمىسى، شىنايى دا ناقتى كەنەلۋ سەزىمى جاتىر.
بۇگىنگى جۇڭگونىڭ باتىس سولتۇستىك بۇرىشى ەندىگارى ادامدار نازارىنداعى «بايىرعى باتىس سولتۇستىك» بولۋدان قالدى، جەدەل جولداما جەتكىزۋشى كولىكتەر زاۆود ۇيلەرى ورمانداي سامسىعان ونەركاسىپ باقشا رايوندارىن ارالاپ، جوعارى جىلدامدىقتى تەمىر جولدار مىڭ جىلدىق بايىرعى جىبەك جولىن ەندەي ءوتىپ، حىشي ۇستىرتىندە جاڭا قالا - قالاشىقتار بوي كوتەرىپ، سارى قۇمدىقتار مەن ءشول دالالار جاسىل القاپقا اينالدى... وسىناۋ مەكەن مەن مەكەندە جاساپ جاتقان ادامدار اسقاق بەينەمەن دوڭگەلەك داۋلەتكە جەتۋ ارمانىن جۇزەگە اسىرۋداعى كەدەيلىكتەن قۇتىلۋ جولىندا ۇدەرە العا تارتىپ بارادى!
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
