ج ك پ ورتالىق كوميتەتىنىڭ ساياسي بيۋروسى ءماجىلىس اشتى
2017.09.19 14:44 كەلۋ قاينارى : شينجياڭ گازەتى
پارتيا 18 - كەزەكتى ورتالىق كوميتەتىنىڭ جەتىنشى جالپى ءماجىلىسىنىڭ تالقىسىنا ۇسىنىلاتىن حۇجاتتاردى اقىلداستى «ورتالىق كوميتەت ساياسي بيۋروسىنىڭ 5 جىلدان بەرى ورتالىقتىڭ 8 ءتۇرلى بەلگىلەمەسىن دايەكتىلەندىرۋ، اتقارۋ ءارى سول ارقىلى بۇكىل پارتيانىڭ ستيل قۇرىلىسىن كۇشەيتۋىنە باستاماشى بولۋ جاعدايى جونىندەگى بايانداما» قارالدى
ءماجىلىستى ج ك پ ورتالىق كوميتەتىنىڭ باس شۋجيى شي جينپيڭ باسقاردى
شينحۋا اگەنتتىگىنىڭ 18 - قىركۇيەكتە بەيجيڭنەن بەرگەن حابارى. ج ك پ ورتالىق كوميتەتىنىڭ ساياسي بيۋروسى 18 - قىركۇيەك كۇنى ءماجىلىس اشىپ، پارتيا 18 - كەزەكتى ورتالىق كوميتەتىنىڭ جەتىنشى جالپى ءماجىلىسىنىڭ تالقىسىنا ۇسىنىلاتىن 18 - كەزەكتى ورتالىق كوميتەتتىڭ جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايىنا جاسايتىن بايانداماسىنىڭ نۇسقاسىن، «جۇڭگو كوممۋنيستىك پارتياسىنىڭ ۋستاۆىنىڭ (وزگەرىس ەنگىزىلگەن جوبا)» نۇسقاسىن، 18 - كەزەكتى ورتالىق ءتارتىپ تەكسەرۋ كوميتەتىنىڭ جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايىنا جاسايتىن قىزمەت بايانداماسىنىڭ نۇسقاسىن اقىلداستى، «ورتالىق كوميتەت ساياسي بيۋروسىنىڭ 5 جىلدان بەرى ورتالىقتىڭ 8 ءتۇرلى بەلگىلەمەسىن دايەكتىلەندىرۋ، اتقارۋ ءارى سول ارقىلى بۇكىل پارتيانىڭ ستيل قۇرىلىسىن كۇشەيتۋىنە باستاماشى بولۋ جاعدايى جونىندەگى باياندامانى» قارادى. ءماجىلىستى ج ك پ ورتالىق كوميتەتىنىڭ باس شۋجيى شي جينپيڭ باسقاردى.
ماجىلىستە 18 - كەزەكتى ورتالىق كوميتەتتىڭ جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايىنا جاسايتىن بايانداماسىنىڭ نۇسقاسىنا پارتيانىڭ ءىشى - سىرتىنان بەلگىلى كولەمدە پىكىر الۋ جاعدايى تۋرالى بايانداما، «جۇڭگو كوممۋنيستىك پارتياسىنىڭ ۋستاۆىنا (وزگەرىس ەنگىزىلگەن جوبا)» پارتيانىڭ ءىشى - سىرتىنان بەلگىلى كولەمدە پىكىر الۋ جاعدايى تۋرالى بايانداما، 18 - كەزەكتى ورتالىق ءتارتىپ تەكسەرۋ كوميتەتىنىڭ جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايىنا جاسايتىن قىزمەت بايانداماسىنىڭ نۇسقاسىنا پىكىر الۋ جاعدايى تۋرالى بايانداما تىڭدالىپ، وسى رەتكى ماجىلىستە تالقىلانعان پىكىرلەر نەگىزىندە وزگەرىس ەنگىزگەننەن كەيىن، وسى 3 حۇجاتتى پارتيانىڭ 18 - كەزەكتى ورتالىق كوميتەتى جەتىنشى جالپى ءماجىلىسىنىڭ تالقىسىنا ۇسىنۋ ۇيعارىلدى.
ماجىلىستە بىلاي دەپ قارالدى: وسى رەت پىكىر الۋ بارىسىندا جەر - جەر، تاراۋلار، تاراپتار جانە پارتيا 18 - قۇرىلتايىنىڭ ۋاكىلدەرى، پارتيا 19 - قۇرىلتايىنىڭ ۋاكىلدەرى پارتيانىڭ 19 - قۇرىلتايىندا جاسالاتىن باياندامانىڭ نۇسقاسى مەن پارتيا ۋستاۆىنىڭ وزگەرىس ەنگىزىلگەن جوباسىنىڭ نۇسقاسى جونىندە كوپتەگەن تاماشا ۇسىنىس - پىكىرلەردى ورتاعا قويدى، ءار جاقتان تۇسكەن ۇسىنىس - پىكىرلەردى مۇقىيات زەردەلەپ جانە قابىلداپ، دەموكراتيانى تولىق ساۋلەلەندىرىپ، ءار جاقتىڭ اقىل - پاراساتىن جيناقتاپ، بۇكىل پارتيانىڭ، بۇكىل ەلدەگى ءار ۇلت حالقىنىڭ ورتاق تىلەگىنە ۇيلەسكەن، جۇڭگوشا سوتسياليزمنىڭ دامۋ تالابىنا سايكەسكەن، پارتيا مەن مەملەكەت قىزمەتىنىڭ جاڭا جاعداي، جاڭا مىندەتتەرىنە بەيىمدەلگەن قۇرىلتاي بايانداماسىن دايىنداپ، پارتيانىڭ نازاريادا جاڭالىق اشۋ مەن امالياتتى دامىتۋ، جاڭا جاعدايداعى پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتۋ قاجەتىنە بەيىمدەلگەن پارتيا ۋستاۆىنىڭ وزگەرىس ەنگىزىلگەن جوباسىن جاساۋعا قۇلشىنۋ كەرەك.
ماجىلىستە بىلاي دەپ قارالدى: پارتيانىڭ 19 - قۇرىلتايى − جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىندە، جۇڭگوشا سوتسياليزمنىڭ دامۋىنىڭ شەشۋشى ساتىندە اشىلاتىن اسا ماڭىزدى قۇرىلتاي. بۇكىل پارتيانى، بۇكىل ەلدەگى ءار ۇلت حالقىن جاپپاي دوڭگەلەك داۋلەتتى قوعامنىڭ قۇرىلۋىن ۇزدىكسىز ىلگەرىلەتۋگە، جۇڭگوشا سوتسياليزمگە تاباندى بولۋعا جانە ونى دامىتۋعا ىنتالاندىرۋدا، جۇمىلدىرۋدا ماڭىزدى ءمان الادى. قازىرگى دۇنيەنىڭ، قازىرگى جۇڭگونىڭ دامۋ باعدارىن ج−ان - جاقتى قاداعالاپ، ەلىمىز دامۋىنىڭ جاڭا تالاپتارى مەن حالىق بۇقاراسىنىڭ جاڭا تىلەكتەرىن جاپپاي يگەرىپ، پارتيانىڭ حالىققا باسشىلىق ەتىپ، رەفورما جاساۋ، ەسىك اشۋ ءىسى مەن سوتسياليستىك وسىزامانداندىرۋ قۇرىلىسىن ىلگەرىلەتۋىنىڭ جاندى امالياتى مەن جاڭا تاجىريبەلەرىن تەرەڭدەي قورىتىندىلاپ، جاڭا تاريحي بەلەس پەن جاڭا داۋىرلىك شارت - جاعدايدى تياناق ەتىپ، ەلىمىزدىڭ دامۋى ءدوپ كەلگەن كورنەۋ قايشىلىقتارعا باعىتتاپ، حالىقتى وزەك ەتكەن دامۋ يدەياسىن دايەكتىلەندىرىپ، پارتيا مەن مەملەكەت ىستەرىنە ستراتەگيالىق جالپى جاعداي تۇرعىسىنان جوبا جانە ورنالاستىرۋ جاساپ، «بەستى ءبىر تۇلعالاندىرۋ» جالپىلىق ورنالاستىرۋىن ونان سايىن ويداعىداي ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن ونان سايىن ويداعىداي سايكەستى ىلگەرىلەتىپ، بۇكىل ەلدەگى ءار ۇلت حالقىن جۇدىرىقتاي جۇمىلۋعا، قايراتقا قايرات قوسۋعا باستاپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتىپ، جۇڭگوشا سوتسياليزمنىڭ جاڭا ءورىسىن ۇزدىكسىز اشىپ، ءتىپتى كوركەم تۇرمىسقا قول جەتكىزە بەرۋ كەرەك.
ماجىلىستە بىلاي دەپ قارالدى: پارتيا ۋستاۆى − پارتيانىڭ باس جارعىسى، پارتيانىڭ باسشىلىعىنا تاباندى بولۋدا، پارتيانىڭ قۇرىلىسىن نىعايتۋدا تۇبەگەيلى نورماتيۆتىك جانە جەتەكشىلىك رولعا يە. پارتيانىڭ 19 - قۇرىلتايىندا جاڭا جاعداي، جاڭا مىندەتتەرگە سايكەس پارتيا ۋستاۆىنا ۇيلەسىمدى وزگەرىس جاساۋ − بۇكىل پارتيانىڭ پارتيا ۋستاۆىن ونان سايىن ويداعىداي ۇيرەنۋىنە، باسشىلىققا الۋىنا، دايەكتىلەندىرۋىنە، قورعاۋىنا، جۇڭگوشا سوتسياليزم ۇلى ىستەرى مەن پارتيا قۇرىلىسىنىڭ جاڭا ۇلى ينجەنەرياسىن ونان سايىن ويداعىداي ىلگەرىلەتە تۇسۋىنە پايدالى. پارتيا 19 - قۇرىلتايىنىڭ بايانداماسىندا تۇراقتاندىرىلاتىن كەلەلى نازاريالىق كوزقاراستار مەن ماڭىزدى ستراتەگيالىق يدەيالاردى پارتيا ۋستاۆىنا ەنگىزىپ، پارتيا ۋستاۆىندا ماركسيزمنىڭ جۇڭگوشالانۋىنىڭ ەڭ جاڭا جەتىستىكتەرىنىڭ، پارتيا 18 - قۇرىلتايىنان بەرى پارتيا ورتالىق كوميتەتى ورتاعا قويعان ەل باسقارۋ جونىندەگى جاڭا ۇستانىمداردىڭ، جاڭا يدەيالاردىڭ، جاڭا ستراتەگيالاردىڭ، پارتيانىڭ باسشىلىعىنا تاباندى بولىپ جانە ونى كۇشەيتىپ، پارتيانى جاپپاي قاتاڭ جونگە سالۋدىڭ جاڭا تاجىريبەلەرىنىڭ تولىق بەينەلەنۋىنە مۇمكىندىك جاساپ، پارتيامىزدى ونان سايىن جالىندى دا جىگەرلى، تاباندى دا پارمەندى ەتىپ قۇرىپ شىعىپ، قاشاندا پارتيانىڭ حالىق جۇرتشىلىعىمەن ەتەنە بايلانىسىن ساقتاۋ كەرەك.
ءماجىلىس بىلاي دەپ قارادى: ج ك پ 18 - كەزەكتى ورتالىق ءتارتىپ تەكسەرۋ كوميتەتىنىڭ جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايىنا جاسايتىن قىزمەت بايانداماسى نۇسقاسىندا پارتيا ورتالىق كوميتەتىنىڭ پارمەندى باسشىلىعىنداعى ءار دارەجەلى ءتارتىپ تەكسەرۋ ورگاندارىنىڭ پارتيانى جاپپاي قاتاڭ جونگە سالۋدى ىلگەرىلەتۋدەگى امالياتتىق ىزدەنىسى، ماڭىزدى ءونىمى، قىزمەت تۇسىنىگى شىندىقتى ءىس جۇزىنەن ىزدەي وتىرىپ بەينەلەنگەن. پارتيانىڭ باسشىلىعىنا تاباندى بولۋ جانە ونى كۇشەيتۋدى مىقتاپ ارقاۋ ەتە وتىرىپ، پارتيا قۇرىلىسىنىڭ تىڭ، ۇلى ينجەنەرياسىن تاپجىلماي ىلگەرىلەتىپ، پارتيانى جاپپاي قاتاڭ جونگە سالۋدان بۇلجىماي، پارتيا ستيلى، پاكتىك قۇرىلىسى مەن جەمقورلىققا قارسى تۇرۋ كۇرەسىن ىشكەرىلەي جۇرگىزىپ، «قوس 100 جىلدىق» كۇرەس نىساناسىن ىسكە اسىرۋدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋدى پارمەندى كەپىلمەن قامداۋ كەرەك. ءماجىلىس جۇڭگو كوممۋنيستىك پارتياسى 18 - كەزەكتى ورتالىق ءتارتىپ تەكسەرۋ كوميتەتىنىڭ سەگىزىنشى جالپى ءماجىلىسىن 2017 - جىلى 9 - قازاندا اشۋدى ماقۇلدادى.
ءماجىلىس بىلاي دەپ اتاپ كورسەتتى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى كۇشتى تاريحي جاۋاپكەرلىكپەن جانە مىزعىماس ەرىك - جىگەرمەن پارتيا ىشىندە ورىن تەپكەن ءتۇرلى ماسەلەلەر مەن كىناراتتارعا تىكە قاراپ، «ورتالىقتىڭ 8 ءتۇرلى بەلگىلەمەسىن» بەلگىلەۋدەن جانە اتقارۋدان باستاپ، جاڭا جاعدايداعى ستيل قۇرىلىسىندا «نەنى يگەرۋ كەرەك، قالاي يگەرۋ كەرەك» دەگەن ماسەلەلەردى شەشىپ، پارتيانى جاپپاي قاتاڭ جونگە سالۋدى ونان ارى جەبەپ، پارتيا ستيلىنىڭ، ۇكىمەت ستيلىنىڭ، قوعامدىق ستيلدىڭ جاقسارۋىن ىلگەرىلەتتى. «ورتالىقتىڭ 8 ءتۇرلى بەلگىلەمەسى» پارتيانى باسقارۋدىڭ، پارتيانى جونگە سالۋدىڭ، پارتيانى قاتاڭ جونگە سالۋدىڭ ماڭىزدى تۇتقاسىنا اينالىپ، پارتيا ورتالىق كوميتەتىنىڭ بەدەلىن قورعاۋدا، پارتيانىڭ ۇيىستىرۋ قۋاتىن ارتتىرۋدا، پارتيانىڭ حالىق بۇقاراسىمەن ەتەنە بايلانىسىن ساقتاۋدا ماڭىزدى رول اتقاردى.
ءماجىلىس بىلاي دەپ قارادى: «ورتالىقتىڭ 8 ءتۇرلى بەلگىلەمەسىنىڭ» رۋحىن دايەكتىلەندىرۋدى، تياناقتاندىرۋدى يگەرۋ ارقىلى پارتيامىزدىڭ ستيل قۇرىلىسى جونىندەگى زاڭدىلىق سيپاتتى تانىمدى تەرەڭدەتىپ، قۇندى تاجىريبەلەر توپتادى. دالمە - ءدال كۇش شىعارىپ، ناقتى ىستەردەن باستاپ يگەرىپ، كىشى - گىرىم ىستەردەن ۇلكەن جاعىن كورىپ، كىشى - گىرىم ىستەر ارقىلى ۇلكەن ىستەرگە جەتەكشىلىك ەتىپ، تەمىرگە ورنەك، تاسقا تاڭبا سالعانداي كۇش - قايراتپەن، شەگە قاعۋ رۋحىمەن ىلگەرىلەتە ءتۇسۋ كەرەك. جوعارىداعىلار تومەندەگىلەرگە باستاماشى بولىپ، ورتالىق كوميتەت ساياسي بيۋروسىنان باستاپ، ءار دارەجەلى باسشى كادرلار باستاماشىلدىقپەن ءار دارەجەلى پارتيا ۇيىمدارىنىڭ، اسىرەسە، نەگىزگى باسشى كادرلاردىڭ پارتيانى باسقارۋداعى، پارتيانى جونگە سالۋداعى سۋبيەكتتىك جاۋاپكەرلىگىن كۇشەيتىپ، ارەكەتى ارقىلى ءۇنسىز بۇيرىق بەرىپ، ءوزى ونەگە كورسەتۋ ارقىلى اتقارۋدىڭ ۇلگىسى بولۋ كەرەك. نازاردى ماسەلەلەرگە شوعىرلاندىرىپ، حالىق بۇقاراسىنىڭ اڭىسى كۇشتى بولعان كورنەۋ ماسەلەلەرگە ساي، بوساڭسىتپاي مىقتاپ يگەرىپ، ۇزبەي كۇش شىعارىپ، ءتارتىپتى قاتاڭ اتقارىپ، فورماشىلدىقتى، تورەشىلدىكتى، راحاتقۇمارلىقتى جانە ىسىراپشىلدىقتى شوعىرلى شەشۋ كەرەك. ۇستىنەن وڭاۋ مەن تۇبىرىنەن وڭاۋدى ۇشتاستىرىپ، ءتۇزىم ارقىلى پارتيانى جونگە سالۋعا، بيلىكتى مەڭگەرۋگە، ءمانساپتىلاردى باسقارۋعا ءمان بەرىپ، رەفورمانىڭ وي جەلىسى مەن ءادىسى ارقىلى ستيلدەگى ايىقپاس دەرتتى الاستاپ، ءتۇزىلىس مەحانيزمى جاعىنان ولقىلىقتاردى تولىقتاۋعا كۇش سالۋ كەرەك.
ءماجىلىس مىنانى باسا دارىپتەدى: پارتيانى جاپپاي قاتاڭ جونگە سالۋ ماڭگى تولاستامايدى، ستيل قۇرىلىسى ماڭگى جالعاسادى. «ورتالىقتىڭ 8 ءتۇرلى بەلگىلەمەسىنىڭ» رۋحىن دايەكتىلەندىرۋ، تياناقتاندىرۋ، ستيلگە بۇرىلىس جاساۋ، ستيلدى جاقسارتۋ كۇشەيمەسە، السىرەمەيدى. ستراتەگيالىق تاباندىلىقتى ساقتاپ، ماسەلەنى نىشان ەتۋدەن جازباي، قاجىماي - تالماي، العان بەتتەن قايتپاي، جاۋاپكەرلىكتى كۇشەيتىپ، باقىلاۋ - تەكسەرۋدى كۇشەيتىپ، تەكسەرىپ ءبىر جاقتى ەتۋدى كۇشەيتىپ، ستيل قۇرىلىسىن ۇزبەي ىشكەرىلەتىپ، پارتيانىڭ ستيلىن جاپپاي جاقسارتۋعا قۇلشىنىپ، پارتيانىڭ حالىق بۇقاراسىمەن تىنىستاس، تاعدىرلاس، نيەتتەس بولۋىنا كەپىلدىك ەتۋ كەرەك.
ءماجىلىس تاعى باسقا دا ىستەردى اقىلداستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
