تاس جول، تەمىر جول، اۋەجاي قۇرىلىسى نىساندارى جەدەل ىلگەرىلەتىلدى
2017.09.19 14:46 كەلۋ قاينارى : شينجياڭ گازەتى
شينجياڭ قاتىناس جەلىسىنىڭ «اياققى بولىگى» بولۋدان توراپتىق ورتالىق بولۋعا قاراي بەت تۇزەدى
18 - قىركۇيەكتە G219 جەلىسىنىڭ شاۋەشەكتەن شاعانتوعايعا دەيىنگى تاس جول قۇرىلىس نىسانى 3 - توقتام بولىگىنىڭ باس ينجەنەرى يىن ۋي تەلەفوندا تىلشىگە: ءبىز ۋاقىتتى مىقتى ۇستاپ قۇرىلىس جۇرگىزىپ، نىسانداردىڭ كۇنى بۇرىن اياقتاۋىنا ۇمتىلىس جاسايمىز، - دەدى. پارتيا 18 - قۇرىلتايىنان بەرى، اسىرەسە، ج ك پ اۆتونوميالى رايوندىق 9 - قۇرىلتايىنان بەرى، رايونىمىز قاتىناس نەگىزدىك قۇرىلعى قۇرىلىسى تەبىنىن ۇزدىكسىز ارتتىردى، تۇتاس شينجياڭنىڭ جەر - جەرىندە قاۋىرت قۇرىلىس جۇرگىزۋ ورلەۋى كوتەرىلدى، تاس جول، تەمىر جول، اۋەجاي قۇرىلىس نىساندارى تەز ىلگەرىلەپ، امبەباپ قاتىناس جەلىسى اناعۇرلىم كەمەلدەنىپ، جىبەك جولى ەكونوميكالىق بەلدەۋىندەگى وزەكتى رايوننىڭ قاتىناس توراپتىق ورتالىعى بولۋعا قاراي جىلدام اياق باستى.
شينجياڭ باتىس بولەك شەكارا وڭىرگە ورنالاسقان، ۇزاق ۋاقىتتان بەرى قاتىناسى مەملەكەتتىڭ قاتىناس جەلىسىنىڭ «اياققى بولىگى» بولىپ كەلگەن. پارتيا ورتالىق كوميتەتىنىڭ شينجياڭنىڭ قاتىناس ىستەرىنىڭ دامۋىن سۇيەمەلدەۋ تەبىنىن ۇزدىكسىز ارتتىرۋىنىڭ ارقاسىندا تاياۋ جىلداردان بەرى شينجياڭنىڭ قاتىناس قۇرىلىسى قارىشتاپ دامىدى. 2012 - جىلدان بەرى تۇتاس رايونىمىزدا تاس جول جەلىسىنىڭ جالپى ۇزىندىعى 2011 - جىلدىڭ سوڭىنداعى 154 مىڭ 900 كيلومەتردەن 182 مىڭ 100 كيلومەترگە ارتىپ، 5 جىلدا 27 مىڭ 200 كيلومەترلىك جول تىڭنان توسەلدى، حوتاننىڭ جاڭادان سالىنۋ ۇستىندەگى جوعارى قارقىندى تاس جولىنان سىرت، باسقا ايماق، وبلىس، قالالار جوعارى قارقىندى تاس جولمەن تۇتاستىرىلدى؛ شينجياڭدا تەمىر جولدىڭ ۇزىندىعى جىلدام ارتىپ، 2016 - جىلدىڭ سوڭىنا جەتكەندە شينجياڭنىڭ تەمىر جولىنىڭ قاتىناۋ ارالىعى 6166.4 كيلومەترگە جەتتى. لانجوۋ - شينجياڭ جوعارى قارقىندى تەمىر جولىنىڭ 2014 - جىلى اشىلىپ ىسكە قوسىلۋىنا ىلەسە، شينجياڭنىڭ تەمىر جولى «ىشتەن جاناتىن دۆيگاتەل داۋىرىنەن»، «ادەتتەگى قارقىن داۋىرىنەن» «ەلەكترلەنۋ داۋىرىنە»، «جوعارى قارقىن داۋىرىنە» قاراي قارىشتاۋدى جۇزەگە اسىردى؛ حالىقتىق اۆياتسيا حالىقارالىق، ەل ءىشى اۋە لەنياسىنان 224ىن اشتى، تۇتاس شينجياڭدا اۋەجايدىڭ اۆياتسيا كاسىپ جۇمىسى مولشەرى جىلدام ارتتى، 2016 - جىلى جولاۋشىلاردى تاسۋ مولشەرى، زات، پوچتا جولدامالارىن تاسىمالداۋ مولشەرى، ۇشۋ - قونۋ رەت سانى جەكە - جەكە 27 ميلليون 847 مىڭ ادامعا (رەتكە)، 182 مىڭ تونناعا، 330 مىڭ كەزەككە (رەت) جەتىپ، 2012 - جىلعىدان جەكە - جەكە %61.18، %27.27 جانە %81.32 ارتتى.
ج ك پ اۆتونوميالى رايوندىق 9 - قۇرىلتايى اشىلعاننان كەيىن، اۆتونوميالى رايون ۇسىنىلىمدى ۇزدىكسىز ارتتىرىپ، رايونىمىزدىڭ مەملەكەتتىڭ قاتىناس جەلىسىنىڭ «اياققى بولىگى» بولۋدان ازيا - ەۆروپا قاتىناس تورابى بولۋعا قاراي بۇرىلىس جاساۋىنا كۇش سالدى. شينجياڭنىڭ قاتىناس تاراۋلارى ورايدى مىقتى ۇستاپ، ەڭ ۇلكەن ىنتامەن قۇرىلىس جۇمىسىنا كىرىستى. بيىل جىل باسىنان بەرى، رايونىمىزدىڭ تاس جول قۇرىلىس نىسانىنا جالپى 114 ميلليارد 706 ميلليون يۋان قارجى قوسىلىپ، جىلدىق جوسپارداعى مىندەتتىڭ %57.2ىن ورىندادى، بۇل 2016 - جىلدا جالپى قوسىلعان قارجىنىڭ 3.2 ەسەسىندەي بولدى.
قۇرىلىس نىساندارىنىڭ جۇرگىزىلۋىنە ىلەسە، رايونىمىزدىڭ جوعارى قارقىندى تاس جول، تەمىر جول جانە حالىقتىق اۆياتسيا جەلىسى بىرتىندەپ كەمەلدەندى، سولتۇستىك، ورتا، وڭتۇستىك سىندى 3 ءىرى امبەباپ قاتىناس وتكەلى نەگىزىنەن قالىپتاستى، شىعىستى جالعاپ، باتىسقا جەتەتىن ازيا - ەۆروپا قاتىناس تورابى جەدەل سالىنۋدا.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
