بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

بەرىك تۇرعىدا تاباندى تۇرىپ، پارتياعا شەكسىز ادال بولىپ، «ءۇش ءتۇرلى كۇشپەن»، «ەكىبەتكەيلەرمەن» باتىل كۇرەس جۇرگىزەمىن

2017.09.19 14:47     كەلۋ قاينارى : شينجياڭ گازەتى

  ءۇرىمجى قالالىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى، قالالىق ساياسي كەڭەس پارتيا باسشىلىق گرۋپپاسىنىڭ شۋجيى، ورىنباسار ءتوراعاسى

  يۇن شۋشيا

  شينجياڭنىڭ ءتول تۋماسى رەتىندە، اۋىلىمنىڭ سوڭعى جىلدارداعى دامۋى مەن وزگەرىستەرىنە شىن جۇرەكتەن سۇيىنەمىن: بۇرىن ءۇرىمجىنىڭ جەر كولەمى نەبارى 8 شارشى كيلومەتر عانا بولاتىن، كوشەسىنەن شاڭ بۇرقىراپ، جولدارى ويلى - شۇڭقىر بولىپ جاتاتىن، قازىر ءۇرىمجىنىڭ سالىنعان اۋدانى 436 شارشى كيلومەترگە جەتىپ، بۇرىنعىسىنان 50 ەسە ءوستى، كوك تىرەگەن عيماراتتار كوز تارتىپ، داڭعىل جولدار تاسپاشا تارتىلدى. بۇرىن تۇرمىسقا كەرەكتى زاتتار وتە تاپشى بولسا، قازىر سامسىعان تاۋارلار كوزدىڭ جاۋىن الادى. بۇرىن ساپارعا ات اربامەن، ەسەك اربامەن اتتانۋشى ەدىك، قازىرگى قاتىناس قۇرالدارى − اۆتوموبيل، قوعامدىق كولىك، BRT، پويەز، ۇشاق. قازىر دەنساۋلىعىمىزدى تەگىن تەكسەرتەمىز، قالا مەن اۋىل تۇرعىندارىنىڭ ەڭ تومەنگى تۇرمىسى قامتاماسىز ەتىلگەن، قوعامدىق قامتاماسىزداندىرۋى، ەمدەۋ ساقتاندىرۋى، تەگىن مىندەتتى وقۋ - اعارتۋى بارلىق ادامدى قامتىدى، قايدا بارساڭ دا باقىت پەن جاراستىقتىڭ لەبى ەسەدى.

  الايدا تىنىش تا جاراسىمدى دامۋ ورتاسى، بالداي باتىپ، سۋداي سىڭگەن ۇلتتار دوستىعى «ءۇش ءتۇرلى كۇشتىڭ» كوزىنە سۇيەل بولىپ قادالدى، ولار جاتسا - تۇرسا شينجياڭنىڭ ءبۇلىنۋىن كوكسەيدى. وتكەن بىرنەشە جىلدا «ءۇش ءتۇرلى كۇش» ءبىر قىدىرۋ بۇزاقىلىق پەن قاندى وقيعالاردى تۋدىردى، ولاردىڭ قولىنان جازىم بولعاندار اراسىندا نەگىزگى ساتىداعى ۇلتتىق كادرلار، وتانشىل ءدىني قايراتكەرلەر، قوعام حاۋىپسىزدىگى ورگاندارى مەن قارۋلى ساقشى ءبولىمنىڭ كوماندير - جاۋىنگەرلەرى، ءار ۇلتتىڭ بەيۋاز بۇقاراسى، ايەلدەر مەن بالالار بار. ولاردىڭ وتە قانقۇيلى، جاۋىزدىققا تولى، ادامشىلىققا جات، ەستىگەن جاننىڭ توبە قۇيقاسىن شىمىرلاتاتىن قيعىلىقتارى ءار ۇلت بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە اۋىر زالال جەتكىزىپ، قوعامنىڭ جاراسىمدىلىعى مەن ورنىقتىلىعىنا ورەسكەل قاتەر ءتوندىردى، «ءۇش ءتۇرلى كۇشتىڭ» ادامزاتقا، قوعامعا، وركەنيەتكە قارسى سۇرقيا تابيعاتى وسىدان - اق بەسەنەدەن بەلگىلى.

  تاريح مىنانى دالەلدەدى: جۇڭحۋا ۇلتىنىڭ بەرەكە - بىرلىگى ۇزاق دامۋ بارىسىندا مەيلىنشە نىعايعان، ۇلتتار ىنتىماعىن ءبۇلدىرىپ، وتاندى بولشەكتەۋگە سۇقتانعان ءارقانداي قاسكويلىكتىڭ ىسكە اسۋى مۇمكىن ەمەس. ءبىزدىڭ «ءۇش ءتۇرلى كۇشپەن» كۇرەسىمىز − وتاننىڭ بىرلىگىن قورعاۋ مەن وتاندى بولشەكتەۋگە سۇقتانۋ، ۇلتتار ىنتىماعىن قورعاۋ مەن ۇلت ارالىق وشپەندىلىك تۋدىرۋدى قيالداۋ، قوعام ورنىقتىلىعىن قورعاۋ مەن بۇلىك - بۇلعاق تۋدىرۋدى كوزدەۋ اراسىنداعى ولىسپەي - بەرىسپەيتىن ساياسي كۇرەس. «ءۇش ءتۇرلى كۇش» − ءبىزدىڭ ورتاق دۇسپانىمىز. شينجياڭنىڭ كەڭ - بايتاق جەرى بولعانمەن، «ءۇش ءتۇرلى كۇشكە» بەرىلەتىن ءبىر سۇيەم جەر جوق، وتاننىڭ تۇتاستىعىن بولشەكتەپ، ۇلتتار ىنتىماعىن ءبۇلدىرىپ، قوعام ورنىقتىلىعى مەن باياندى تىنىشتىققا كەسە - كولدەنەڭ بولعىسى كەلەتىن كەز كەلگەن زاڭ بۇزۋشىنىڭ تامىرىنا بالتا شاۋىپ، ولاردى كوشەدەن وتكەن تىشقاندى ۇر - ۇردىڭ استىنا العانداي كۇيگە ءتۇسىرىپ، ولارعا بارار جەر، باسار تاۋ قالدىرماۋىمىز قاجەت.

  جاڭجال شىعارۋشى زورلىقتى كۇش لاڭكەستەرىمەن سالىستىرعاندا، پارتيالى كادرلار قوسىنىنداعى «ەكىبەتكەيلەردىڭ» تۋدىرعان زاردابى ءتىپتى تەرەڭ، ءتىپتى اۋىر. شىندىق مىنانى دالەلدەدى: پارتيالى باسشى كادرلار ەگەر ساياسي جاقتا جازا باسسا، ونىڭ قاتەرى جەمقورلىقتان دا اۋىر بولادى. ءبىز، ءسوز جوق، قىراعى بولىپ، مۇقيات ايىرىپ، دۇرىس - بۇرىسقا كوز جەتكىزىپ، ولاردىڭ سۇرقيا كەيىپ - كەسپىرىن جازباي تانىپ، ولاردى باتىل پارىقتاپ، ارامىزدان الاستاپ تاستاۋىمىز كەرەك.

  پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭنىڭ رەفورما، دامۋ، ورنىقتىلىق ىستەرى ءدوپ كەلگەن جاڭا جاعداي، جاڭا مىندەت، جاڭا سايىستاردى تياناق ەتىپ، زامان اۋقىمىن بارلاپ، كۇن ىلگەرى قامدانىپ، شينجياڭدى باسقارۋدىڭ جالپى جوباسىن ورتاعا قويىپ، شينجياڭنىڭ دامۋىنا كوركەم بولاشاقتىڭ باعىتىن كورسەتتى. سوڭعى جىلدارى اۆتونوميالى رايوندىق پارتكومنىڭ جەتەكشىلىگىمەن لاڭكەستىككە قارسى تۇرىپ، ورنىقتىلىقتى قورعاۋدىڭ ءبىر قىدىرۋ «كەشەندى شارالارى» «ءۇش ءتۇرلى كۇشتىڭ» بەيباستاق ەسەرسوقتىعىنا اۋىر سوققى بولىپ ءتيىپ، ايبارىمىزدى اسىرىپ، ايبىنىمىزدى كوتەرىپ، ادىلەتكە جار بولىپ، تىنىشتىققا ىرگە قالادى. اۆتونوميالى رايونىمىز بويىنشا ورىستەتىلگەن قاتاڭ سوققى بەرۋ ارناۋلى كۇرەسىنىڭ كىلتەڭ شاعىندا، وبۇلقاسىم ءماتتۇرسىن جولداستىڭ «ۇيعۇر باۋىرلاستارعا جولدانعان ويانۋ حاتى» تۋى ايقىن، تۇرعىسى بەرىك تۇردە پارتيا مەن وتانعا دەگەن العىس ءۇنىن، مەملەكەت پەن حالىققا دەگەن ادالدىق ءۇنىن، «ءۇش ءتۇرلى كۇشپەن» كۇرەسۋگە بەل بۋعان ادىلەت ءۇنىن جاڭعىرتىپ، بۇكىل شينجياڭداعى ءار ۇلت كادر - جۇرتشىلىعىمەن مەيلىنشە ۇندەستىك تاپتى. ولار ىركەس - تىركەس العا شىعىپ، ازاماتتىعىن ايقىنداپ، كوزقاراسىن انىقتاپ، بايلامىن اشىق ايتىپ، «ءۇش ءتۇرلى كۇشتى» جازعىرىپ، «ءۇش ءتۇرلى كۇشپەن» ەڭ باتىل شايقاس جۇرگىزۋگە انت ەتكەن ۇران مەن ۇندەۋ كوتەرىپ، يدەولوگيا سالاسىندا لاڭكەستىككە قارسى تۇرىپ، ورنىقتىلىقتى قورعاۋدىڭ حالىقتىق شايقاسىن جەڭىستى جۇرگىزۋگە كۇش - جىگەردى جۇمىلدىردى.

  ەل - جۇرتتىڭ گۇلدەنۋىنە ءار ازامات جاۋاپتى. «ءۇش ءتۇرلى كۇشپەن» جۇرگىزىلگەن كۇرەستە ءبىز قول قۋسىرىپ قاراپ تۇرا المايمىز. «ءۇش ءتۇرلى كۇش» پەن «ەكىبەتكەيلەردىڭ» ارانداتۋىنا مەڭزەس، ءبىز ۇلتتار ىنتىماعىن قورعاۋدىڭ ءبىرىنشى شەبىنەن، بولشەكتەۋشىلىككە قارسى كۇرەستىڭ ءبىرىنشى شەبىنەن، جۇرت تىلەگىن جۇمىلدىرىپ، كۇش - قۋات توپتاۋدىڭ ءبىرىنشى شەبىنەن تابان اۋدارماي، «ءۇش ءتۇرلى كۇشكە»، «ەكىبەتكەيلەرگە» قارسى باتىل سوعىس جاريالاۋىمىز؛ جۇرەكتىلىكپەن باتىل ءۇن قاتىپ، ايقىن پوزيتسيا ءبىلدىرىپ، ءتۇرلى اعات وي - پىكىرلەردىڭ شىرماۋىنا تۇسپەي، تار ءورىستى ۇلتتىق سانانىڭ ازعىرۋىنان بوي تارتۋىمىز؛ بولشەكتەۋشىلەردىڭ ادامزاتقا، قوعامعا، وركەنيەتكە قارسى قانقۇيلى ارەكەتتەرى جونىندە پوزيتسيانى، كوزقاراستى ايقىنداپ، قاتاڭ جازعىرىپ، باتىل سوققى بەرۋىمىز؛ «ەكىبەتكەيلەردى» جۇرەكتىلىكپەن پاش ەتىپ، «كوز جۇما قارايتىن» كەرەناۋ ستيلدى باتىل جويىپ، كۇڭگىرت تانىمداردىڭ اق - قاراسىن ايقىنداۋعا باتىل بولىپ، اعات وي - پىكىرلەرمەن جۇرەكتىلىكپەن كۇرەسۋىمىز؛ بولشەكتەۋشىلىككە قارسى كۇرەستە تۇرعىسى تۇرلاۋسىز، تانىمى ءدۇدامال، مونتانى، ءتىپتى، زورلىقشىل لاڭكەستەرمەن ىمى - جىمى ءبىر ادامداردى دەر كەزىندە اشكەرەلەپ، باتىلدىقپەن پاش ەتىپ، ولاردى زاڭنىڭ قاتاڭ جازاسىنا تارتۋىمىز؛ قوعام ورنىقتىلىعىن بۇلدىرۋگە باعىتتالعان كەز كەلگەن ارەكەتپەن باتىل كۇرەس جۇرگىزىپ، شەشۋشى ساتتە باسىمىزدى ءباي تىگىپ، حاۋىپ - قاتەردەن جاسقانباي، قارسى كەلگەن جاۋدى جەرمەن جەكسەن تالقانداۋىمىز؛ «ءۇش ءتۇرلى كۇشتىڭ» تاريحتى بۇرمالاپ، وتىرىكتى سۋشا ساپىرعان ساندىراقتارىنىڭ ۋلى مەرەزىن ءۇزىلدى - كەسىلدى تازالاپ، «ءپانىسلاميزم»، «پانتۇركيزم» يدەيالارىنىڭ تارالۋ، دەندەپ كىرۋ ارنالارىن ادا - كۇدە توسىپ جانە ءۇزىپ تاستاپ، ولاردىڭ كەرتارتپا ءمانىن پاش ەتىپ، سانالى تۇردە بولشەكتەۋشىلىككە قارسى كۇرەستىڭ جەتەكشىلەرى بولۋىمىز كەرەك.

  پارتيا ورتالىق كوميتەتىنىڭ شينجياڭنىڭ ورنىقتىلىعى مەن دامۋى جونىندەگى ءبىر قاتار ماڭىزدى شەشىم - ورنالاستىرۋى، اۆتونوميالى رايوندىق پارتكومنىڭ پارمەندى باسشىلىعى، بۇكىل شينجياڭداعى ءار ۇلت حالىق بۇقاراسىنىڭ جاۋعا جۇمىلا نالەت ايتىپ، ەرلىك كۇرەسكە بەل بۋعان ەرىك - جىگەرى تۇرعاندا، ءبىز لاڭكەستىككە قارسى تۇرىپ، ورنىقتىلىقتى قورعاۋدىڭ قيان - كەسكى شايقاسىندا، ءسوز جوق، جەڭىسكە جەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، ءسوز جوق، ويداعىداي تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن، ءسوز جوق، ويداعىداي ىسكە اسىرىپ، بۇكىل شينجياڭداعى ءار ۇلت حالقىنا جەتەكشىلىك ەتىپ، گۇلدەنگەن، باقىتتى كوركەم مەكەن قۇراتىندىعىمىزعا كامىل سەنەمىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار