ءۇرىمجى اۋەجايىن كەڭەيتىپ سالۋ قۇرىلىسى بەكىتۋدەن ءوتتى
2017.09.21 14:56 كەلۋ قاينارى : شينجياڭ گازەتى
اۆتونوميالى رايوندىق دامۋ، رەفورما كوميتەتىنەن ۇعىسۋىمىزشا، ءۇرىمجى حالىقارالىق اۋەجايىن كەڭەيتىپ سالۋ قۇرىلىسى مەملەكەتتىك دامۋ، رەفورما كوميتەتىنىڭ بەكىتۋىنەن ءوتىپ، ۇشۋ اۋماعىنىڭ دارەجەسى 4Fكە كوتەرىلەدى، 450 مىڭ شارشى مەتر كەلەتىن سولتۇستىك اۋماق اۋەجاي تەرمينالى جانە 2 - ، 3 - سىرعىما جول تىڭنان سالىنادى ەكەن.
بەكىتپە نەگىزىندە، وسى مەرزىمدىك قۇرىلىس بويىنشا 2030 - جىلعا دەيىنگى نىسانا جوبالانعان، 2030 - جىلى ۇشۋ اۋماعى قۇرىلعىسى ارقىلى 63 ميلليون ادام - رەت قاتىناۋ، 750 مىڭ توننا زات جونەلتۋ نىساناسى ورىندالادى. اۋەجاي تەرمينال اۋماعى 2025 - جىلى 48 ميلليون ادام - رەت قاتىناتۋ، 550 مىڭ توننا زات جونەلتۋ نىساناسى بويىنشا سالىنادى.
نەگىزگى قۇرىلىس مازمۇنىنداعى ۇشۋ اۋماعىنىڭ دارەجە كورسەتكىشى 4Fكە كوتەرىلەدى، قازىرگى بار سىرعىما جولدىڭ (1 - سىرعىما جول) سولتۇستىك تۇسىنان 1830 مەتر ارالىقتا ۇزىندىعى 3600 مەتر، كەڭدىگى 60 مەتر كەلەتىن 2 - سىرعىما جول سالىنادى،Ⅰتۇردەگى ءدال جاقىنداۋ جۇيەسى قوس باعىتتا ورناتىلادى.
2 - سىرعىما جولدىڭ سولتۇستىك تۇسىنان 380 مەتر ارالىقتا ۇزىندىعى 3200 مەتر، كەڭدىگى 60 مەتر كەلەتىن 3 - سىرعىما جول سالىنادى، باستى قونۋ باعىتىندا Ⅲ تۇردەگى ءدال جاقىنداۋ جۇيەسى، ەكىنشى قونۋ باعىتىنداⅠتۇردەگى ءدال جاقىنداۋ جۇيەسى ورناتىلادى.
مۇنان سىرت، 450 مىڭ شارشى مەتر كەلەتىن سولتۇستىك اۋماق اۋەجاي تەرمينالى، 180 ۇشاق ورنى تىڭنان سالىنادى، سونداي - اق ۇشاق رەمونتتاۋ، ءورت ءوشىرۋ، ورتتەن ساقتانۋ، قۇتقارۋ سياقتى وندىرىسكە، تۇرمىسقا قاتىستى قوسىمشا قۇرىلعىلار ورناتىلادى، ەلەكترمەن قامداۋ، سۋ جەتكىزۋ، سۋ ىعىستىرۋ، جىلۋمەن قامداۋ، سالقىنداتۋ، گازبەن قامداۋ، سونداي - اق باسقارۋ، جانارمايمەن قامداۋ سياقتى قۇرىلعىلار سايكەستىرىلەدى، ۋنيۆەرسال قاتىناس ورتالىعى، اۆتوكولىك توقتاتۋ عيماراتى وسى قۇرىلىسپەن قاتار سالىنادى.
ءۇرىمجى حالىقارالىق اۋەجايىن كەڭەيتىپ سالۋ قۇرىلىسى − مەملەكەتتىك دامۋ، رەفورما كوميتەتىنىڭ، ازاماتتىق اۆياتسيا مەكەمەسىنىڭ، اۆتونوميالى رايوننىڭ «13 - بەسجىلدىق» جوبا كەزىندەگى ءتۇيىندى اۋەجاي قۇرىلىس نىسانى. قۇرىلىسقا جالپى 41 ميلليارد 50 ميلليون يۋان قارجى قوسىلادى، مۇندا اۋەجاي قۇرىلىسىنا 38 ميلليارد 390 ميلليون يۋان، اۋە قاتىناسىن باسقارۋ قۇرىلىسىنا ءبىر ميلليارد 830 ميلليون يۋان، جانارمايمەن قامداۋ قۇرىلىسىنا 830 ميلليون يۋان قارجى قوسىلادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
