بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

210 مىڭ جەر اتى ينفورماتسياسى شينجياڭنىڭ وزگەرىسىن باياندايدى

2017.09.21 14:57     كەلۋ قاينارى : شينجياڭ گازەتى

  شينجياڭ جەر اتتارى ينفورماتسياسى سانى 30 جىلدا 3 ەسە ارتتى

  «210 مىڭ جەر اتى شينجياڭنىڭ ەڭ نەگىزگى وڭىرلىك جاعراپياسىن قالىپتاستىردى»، - دەدى 18 - قىركۇيەكتە اۆتونوميالى رايوننىڭ جەر اتتارىن جاپپاي تەكسەرۋ كەڭسەسىنىڭ ورىنباسار مەڭگەرۋشىسى جاڭ يۇينيان.

  جەر اتتارىن مەملەكەت بويىنشا 2 - رەتكى جاپپاي تەكسەرۋ قىزمەتى 2014 - جىلى ماۋسىمدا باستالعان بولاتىن، 2018 - جىلى ماۋسىم ايىندا اياقتايدى. قازىر، رايونىمىزدا جاپپاي تەكسەرۋ قىزمەتى كەزەڭدىك تابىسقا قول جەتكىزدى، حالىق ىستەرى مينيسترلىگى رايونىمىزدىڭ 3 - رەتكى باقىلاۋ - تەكسەرۋ قىزمەتىنە «بۇكىل ەلدىڭ الدىڭعى لەگىنەن كورىندى» دەگەن القاۋ ايتتى.

  قارامايلى قالاسى قارامايلى رايونى شياۋگۋاي (ءمۇيىس) اۋىلى ماناس وزەنىنىڭ وسى ارادان ءمۇيىس جاساۋىمەن اتى اتالعان، بۇل ارانىڭ تۇرعىندارى قازاق ۇلتىن نەگىز ەتكەن. قىستاقتاعى ءىشىنارا جول اتتارى ۇرپاقتار بويى قولدانىلىپ كەلەدى، قىستاق تۇرعىندارى وسىلاي اتاپ داعدىلانىپ كەتكەنىمەن، كەلۋ تاريحىن بىلە بەرمەيدى. نەلىكتەن وسىلاي اتالعان؟ وسى قازاقشا جول اتىنىڭ شىعۋ تاريحىن انىقتاۋ ءۇشىن، جاپپاي تەكسەرۋ قىزمەتكەرلەرى قىستاقتاعى قارتتارعا جانە ءتىل - جازۋ ماماندارىنا احۋال ۇعىسا بارادى، 3 ساعات ۋاقىت جۇمساپ، اقىرى 6 نەگىزگى جول اتىن تۇراقتاندىرادى. «جەر اتتارىن جاپپاي تەكسەرۋ قىزمەتى قيىن شارۋا»، - دەدى اۆتونوميالى رايوندىق حالىق ىستەرى مەڭگەرمەسىنىڭ جەر اتتارىن ايىرۋ باسقارماسىنىڭ باستىعى ۋان شۇنفۋ. ول 1987 - جىلى جەر اتتارىن مەملەكەت بويىنشا 1 - رەتكى جاپپاي تەكسەرۋدىڭ سوڭعى قىزمەتىنە قاتىناسقان؛ 30 جىل ۋاقىتتان كەيىن، جەر اتتارىن 2 - رەتكى جاپپاي تەكسەرۋگە تاعى قاتىناستى. ول: جەر اتتارىن جاپپاي تەكسەرۋ قىزمەتى جەڭىل - جەلپى جۇمىس ەمەس، قىزمەت سالماعى اۋىر ءارى ەرەكشە كۇردەلى، جەر اتتارىنىڭ قالىپتاسۋ ماعىناسى مەن مادەنيەتىن ىشكەرىلەي، دەن قويا ىزدەستىرۋگە تۋرا كەلەدى، تاعى ولاردىڭ تارتىمدى قولدانىلعان اتاۋىن ارحيۆكە جانە جۇيەگە ەنگىزۋ كەرەك، - دەدى.

  جەر اتتارىن مەملەكەت بويىنشا 2 - رەتكى جاپپاي تەكسەرۋدە شينجياڭنىڭ جەر اتتارى ينفورماتسياسى سانى 210 مىڭعا جەتتى. بۇل ساناق 1986 - جىلى اياقتاعان مەملەكەت بويىنشا 1 - رەتكى جاپپاي تەكسەرۋدە 70 مىڭنىڭ ۇستىندە عانا بولاتىن. 30 جىلدا جەر اتتارى ينفورماتسياسى سانىنىڭ 3 ەسە ارتۋى شينجياڭ جونىنەن تەرەڭ ءمان الادى. شينجياڭ جەر اتتارى وتكەن كۇندەردەگى شىعىس پەن باتىستىڭ ەكونوميكا، مادەنيەت جانە وركەنيەت اۋىس - كۇيىس ەستەمەسى بولۋمەن بىرگە، تاعى قازىرگى زامانعى قوعامدىق، ەكونوميكالىق دامۋدىڭ كۋاسى −− 1986 - جىلى شينجياڭنىڭ تۇتاس جىلدىق وڭىرلىك ءوندىرىس جالپى ءونىم قۇنى 12 ميلليارد 904 ميلليون يۋان عانا بولاتىن؛ ال 2016 - جىلى شينجياڭنىڭ تۇتاس جىلدىق وڭىرلىك ءوندىرىس جالپى ءونىم قۇنى 961 ميلليارد 723 ميلليون يۋانعا جەتتى.

  «بۇكىل ەلدىڭ الدىڭعى لەگىنەن كورىندى» دەگەن ناتيجەگە قول جەتكىزۋدى شينجياڭنىڭ حالىق ىستەرى تاراۋلارىنداعى 9000نان استام قىزمەتكەردىڭ جان قيارلىقپەن ات سالىسۋىنان بولە قاراۋعا كەلمەيدى. 2014 - جىلدان بەرى، ولار الەۋمەتتىك اۋماقتارعا بارىپ، اتىزداردى، ءۇستىرت، جايلىم، شولدەردى ارالاپ، قارلى جەرلەردى باسىپ، دەن قويا جوبا جاساپ، تەكسەرۋ جۇرگىزىپ، 3 ميلليون كيلومەتردەن استام جول باسىپ، قان - تەرى مەن زەيىن - زەردەسىن ارناپ، وسى ناتيجەگە قول جەتكىزدى.

  «اۆتونوميالى رايوننىڭ جەر اتتارىن ولشەمدەندىرۋ ورتالىعى 5 تەحنيكالىق قىزمەت كورسەتۋ گرۋپپاسىن ۇيىمداستىرىپ، تۇتاس شينجياڭنىڭ جەر - جەرىندە ۇزاق ۋاقىت شارلاۋ جۇرگىزىپ، جەتەكشىلىك ەتىپ، جەر - جەردىڭ كاسىپتىك - تەحنيكالىق جاقتا جولىققان ماسەلەلەرىن شەشتى»، - دەگەن جاڭ يۇينيان بىلاي دەپ ءسوزىن جالعادى: اۆتونوميالى رايوندىق حالىق ىستەرى مەڭگەرمەسى قوعامدىق عىلىم، مادەنيەت، تاريح، جاعراپيا، ءتىل جاقتارىنداعى مامانداردى، پروفەسسورلاردى ۇسىنىس ەتىپ، دالەلدەۋ گرۋپپاسىن، تەكسەرىپ وتكىزىپ الۋ گرۋپپاسىن، قادالاۋ گرۋپپاسىن قۇرىپ، جەر اتتارىن وسى رەتكى جاپپاي تەكسەرۋ قىزمەتىنە جان - جاقتى قولداۋ كورسەتتى.

  ۇعىسۋعا قاراعاندا، جەر اتتارىن مەملەكەت بويىنشا 2 - رەتكى جاپپاي تەكسەرۋ قىزمەتى بارىسىندا تۇتاس رايونىمىزداعى 96 اۋدان، قالا، رايون (بيڭتۋاننىڭ 9 قالاسىن قامتىمايدى) اراسىندا 64 اۋدان، قالا، رايون جاپپاي تەكسەرۋ مىندەتىن ورىنداعان، سىناق ءتۇيىنى ەتىلگەن 32 اۋدان، قالا، رايون تولىقتاپ تەكسەرۋ مىندەتىن ورىنداعان. رايونىمىز 2015 - جىلى 29 اۋدان، قالا، رايوندى جاپپاي تەكسەرۋ قىزمەتىن ورىندادى، 2016 - جىلى 35 اۋدان، قالا، رايوندى جاپپاي تەكسەرۋ جانە سىناق ءتۇيىنى بولعان 32 اۋدان، قالا، رايوندى تولىقتاپ تەكسەرۋ قىزمەتىن ورىندادى. بيىل ءساۋىر ايىندا العاشقى انىقتاۋدان وتكەن جاپپاي تەكسەرۋ ينفورماتسياسى تۇگەلدەي مەملەكەتتىك كەڭەستىڭ جاپپاي تەكسەرۋ كەڭسەسىنىڭ تەكسەرىپ بەكىتۋىنە جولدانعان.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار