بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

ىشكى ولكەلەردەگى 15 جوعارى مەكتەپتىڭ شينجياڭ مەديتسينا ۋنيۆەرسيتەتىنە باعىتتامالى كومەك بەرۋ قىزمەتى جونىندەگى ءماجىلىس اشىلدى

2017.09.21 14:58     كەلۋ قاينارى : شينجياڭ گازەتى

  ىشكى ولكەلەردەگى 15 جوعارى مەكتەپتىڭ شينجياڭ مەديتسينا ۋنيۆەرسيتەتىنە باعىتتامالى كومەك بەرۋ قىزمەتى جونىندەگى ءماجىلىس 20 - قىركۇيەك تۇستەن بۇرىن اشىلدى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين ماجىلىسكە قاتىناستى جانە ءسوز سويلەدى.

  لي پىڭشين شينجياڭ مەديتسينا ۋنيۆەرسيتەتىنە باعىتتامالى كومەك بەرەتىن ىشكى ولكەلەردەگى 15 جوعارى مەكتەپتىڭ جاۋاپتى جولداستارىنا شينجياڭنىڭ رايون جاعدايى مەن ەكونوميكالىق، قوعامدىق دامۋ جاعدايىن تانىستىردى. ول بىلاي دەدى: اۆتونوميالى رايوندىق پارتكوم بۇكىل رايونداعى ءار ۇلت كادر - جۇرتشىلىعىن ىنتىماقتاستىرىپ، باستاپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جانە باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس نىسانانى ارقاۋ ەتىپ، «كەشەندى شارالاردى» ويداعىداي اتقارىپ، ورنىقتىلىق، دامۋ ىستەرىن بار كۇشپەن ىلگەرىلەتىپ، قوعامدىق جالپى جاعدايدىڭ جالپىلىق ورنىقتىلىعىن ساقتادى، ەكونوميكا، قوعام اقاۋسىز دامىپ، ءار ۇلت بۇقاراسىنىڭ تۇرمىسى ۇزدىكسىز جاقسارىپ، ۇلتتار ىنتىماعى ۇزدىكسىز بەكەمدەلدى. بۇل ناتيجەلەر شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ جەمىسى، بۇكىل شينجياڭداعى ءار ۇلت حالقىنىڭ ءبىر نيەتپەن كۇش قوسىپ، ىنتىماقتاسا كۇرەس جۇرگىزۋىنىڭ جەمىسى، بۇل ناتيجە ىشكەرىدەگى ولكە - قالالاردىڭ، ىشكى ولكەلەردەگى جوعارى مەكتەپتەردىڭ قالتقىسىز كومەگىنەن جانە قۋاتتى قولداۋىنان ايرىلا المايدى. ۇزاق ۋاقىتتان بەرى، باعىتتامالى كومەك بەرەتىن 15 جوعارى مەكتەپتىڭ ماماندارى، وقىمىستىلارى جوعارى ساياسي سانالىلىقپەن، شينجياڭعا كومەك بەرۋ قىزمەتىنە سۇيىسپەنشىلىكپەن، جاۋاپكەرلىكپەن، بورىشتىلىقپەن دەن قويا ات سالىسىپ، شينجياڭ جوعارى مەكتەپ وقۋ - اعارتۋىنىڭ دامۋىن، اسىرەسە، شينجياڭ مەديتسينا ۋنيۆەرسيتەتىنىڭ دامۋىن ىلگەرىلەتۋ ءۇشىن بەلسەندى ۇلەس قوستى. لي پىڭشين اۆتونوميالى رايوندىق پارتكوم، ۇكىمەت اتىنان باعىتتامالى كومەك بەرەتىن 15 جوعارى مەكتەپتىڭ قۋاتتى قولداۋى مەن قالتقىسىز كومەگىنە شىن جۇرەكتەن العىس ايتتى.

  لي پىڭشين مىنالاردى باسا دارىپتەدى: شينجياڭعا كومەكتەسۋ قىزمەتى بۇرىنعىعا مۇراگەر، كەيىنگىگە بۇيداگەر بولاتىن شەشۋشى ساتتە تۇر. شينجياڭعا كومەكتەسۋ قىزمەتىن ويداعىداي ىستەۋدە، وقۋ - اعارتۋدى الدىمەن ويلاستىرۋعا، دارىندىلاردى نەگىز ەتۋگە تاباندى بولىپ، شينجياڭنىڭ قوعام ورنىقتىلىعى مەن باياندى تىنىشتىعىنا ساياتىن ءتۇبىرلى، نەگىزدىك، ۇزاق بولاشاقتىق ماسەلەلەرگە دالمە - ءدال كۇش جۇمساۋ كەرەك. ىشكى ولكەلەردەگى جوعارى مەكتەپتەردىڭ شينجياڭنىڭ جوعارى مەكتەپ وقۋ - اعارتۋىنىڭ دامۋىنا بۇرىنعىداي قامقورلىق جاساۋىن، ءمان بەرۋىن جانە قولداۋ كورسەتۋىن، شينجياڭنىڭ جوعارى مەكتەپ وقۋ - اعارتۋىنىڭ دامۋى ءۇشىن بەلسەنە ۇلەس قوسىپ، كۇش جۇمساۋىن ءۇمىت ەتەمىن. شينجياڭ مەديتسينا ۋنيۆەرسيتەتى باعىتتامالى كومەك بەرۋ سىندى تاپتىرماس ورايدى مىقتى يگەرىپ، باعىتتامالى كومەك بەرەتىن جوعارى مەكتەپتەردىڭ بار كۇشپەن قولداۋىندا، دارىندى باۋلۋ، ءپان قۇرىلىسى، عىلمي زەرتتەۋ، ەمدەۋدەن قىزمەت كورسەتۋ دەڭگەيىن ۇزدىكسىز جوعارىلاتىپ، شينجياڭ مەديتسينا ۋنيۆەرسيتەتىن ەل ءىشى مەن حالىقارادا بىرەگەي ۋنيۆەرسيتەت ەتىپ قۇرىپ شىعۋعا قۇلشىنۋ كەرەك.

  ماجىلىستە جۇڭنان ۋنيۆەرسيتەتى پارتكومىنىڭ شۋجيى گاۋ ۋىنبيڭ باعىتتامالى كومەك بەرەتىن جوعارى مەكتەپتەر اتىنان 2016 - جىلدان 2017 - جىلعى باعىتتامالى كومەك بەرۋ قىزمەتىن قورىتىندىلادى جانە كەلەسى قادامداعى قۇرىلىسقا كومەكتەسۋ وي جەلىسىن تانىستىردى. جيلين ۋنيۆەرسيتەتى پارتكومىنىڭ شۋجيى ياڭ جىنبين باعىتتامالى كومەك بەرۋ قىزمەتىنىڭ امالياتى مەن تولعامدارىن تانىستىردى، باعىتتامالى كومەك بەرەتىن قاتىستى جوعارى مەكتەپتەردىڭ ۋاكىلدەرى پىكىر اۋىستىرىپ، لەبىز ءبىلدىردى.

  باعىتتامالى كومەك بەرەتىن قاتىستى جوعارى مەكتەپتەر شينجياڭ مەديتسينا ۋنيۆەرسيتەتىمەن 8 نىسان جونىندە سەلبەستىك كەلىسىمىن جاساسىپ، زات الماسۋ اۋرۋلارىنىڭ كلينيكالىق بولىمشەسىنە ۋيۆەسكا بەرۋ ءراسىمىن وتكىزدى.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز «تيانشان وقىمىستىلارىنا»، «ەكى مەكتەپكە قاتار پروفەسسور بولعاندارعا» تاعايىنداۋ كۋالىگىن تاراتتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار