ءۇرىمجى، وركەنيەتتىڭ ورەسىنە ۇمتىلعان جەر
2017.09.21 14:58 كەلۋ قاينارى : شينجياڭ گازەتى
عيماراتتىڭ بيىكتىگى، GDPدىڭ جوعارىلىعى قالانىڭ دەڭگەيىنىڭ جوعارىلىعىنا ۋاكىلدىك ەتپەيدى، وركەنيەتتىڭ بيىكتىگى عانا قالا دەڭگەيىنىڭ ناعىز بيىكتىگىن كورسەتەدى
شين ۋىنميڭ
ءۇرىمجى − وركەنيەتكە باي تاريحي، مادەنيەتتى ايتۋلى قالا؛ شىعىس پەن باتىس ساۋدا مادەنيەتىنىڭ اۋىس - كۇيىس جاسايتىن ماڭىزدى تورابى، توپ جارىپ، توپتان وزىپ، جەدەل كوركەيگەن قالا. 5 ميلليون ءار ۇلت تۇرعىنى تىرشىلىك لەبى ەسكەن، ومىرشەڭدىككە تولى وسىناۋ بايابان ولكەدە وركەنيەتتىڭ جىرىن جازىپ، سىرتقا وسى جەردىڭ ءمورالدىق نەگىزىن، رۋحاني ءورىسىن جانە وركەنيەت دەڭگەيىن ۇزبەي ايگىلەۋدە.
ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ كوكتەم سامالى شينجياڭنىڭ بايتاق دالاسىن وپكەندە، قوعام ورنىقتىلىعى مەن باياندى تىنىشتىق باس نىساناسىن قايراتتانا ىلگەرىلەتۋ ۇرانى كوتەرىلگەندە، ءۇرىمجى جۇڭگونىڭ باتىسقا ەسىك اشقان الدىڭعى شەبىندەگى جانە جىبەك جولى ەكونوميكالىق بەلدەۋىندەگى ماڭىزدى قالا رەتىندە وركەنيەتكە ۇمتىلۋدىڭ ەڭ كۇشتى ءداۋىر ءۇنىن تاعى ءبىر رەت اسقاقتاتتى.
كىم ءۇشىن وركەنيەتتى قالا قۇرامىز؟ حالىق ءۇشىن وركەنيەتتى قالا قۇرىپ، حالىققا تيىمدىلىك جاسايمىز
ادامداردىڭ نازارىندا ءۇرىمجىنىڭ ەڭسەسى كۇننەن - كۇنگە بيىكتەپ، ءورىسى كۇننەن - كۇنگە كەڭەيىپ، كۇننەن - كۇنگە كورىكتەنىپ كەلەدى. ءۇرىمجىنى ارالاساڭىز، تاپ - تازا، جاسىل جەلەك جامىلعان، كورىنىسى كوركەم كوشەلەردى كورىپ، وسى ءبىر قالانىڭ وركەنيەتى مەن جانعا جايلىلىعىن سەزىنە الاسىز.
وركەنيەتتى قالا قۇرۋدا 7 جىلدان استام ۋاقىت اتويلاپ الدا ءجۇرۋ ۇرىمجىلىكتەرگە مەملەكەتتىك وركەنيەتتى قالا قۇرۋ اتاق - ابىروي ءۇشىن عانا ەمەس، قايتا جان - جاقتى قۋاتىن، وبرازدىق باۋراعىشتىعىن، دامۋ ومىرشەڭدىگىن، جونگە سالۋ قۋاتىن ارتتىرۋ بارىسى، حالىق بۇقاراسىنىڭ يگىلىككە كەنەلۋ سەزىمى مەن باقىت سەزىمىنە بولەنۋ بارىسى ەكەنىن تەرەڭ سەزىندىردى.
7 جىلدان استام ۋاقىتتان بەرى، ءۇرىمجى قالا اۋماعىن جاسىلداندىرۋ مولشەرى بىرتىندەپ %40.9كە جەتىپ، كوپتەگەن قوقىر - قوقسىق ۇيىندىلەرى شاعىن باقشاعا اينالىپ، قالا تۇرعىندارىنىڭ دەنە شىنىقتىرىپ، سەيىل - سەرۋەن قۇرىپ، كوڭىل اشاتىن تاماشا ورنىنا اينالدى.
ءۇرىمجى قالاسى حالىق تۇرمىسىنىڭ تىلەگىنە سايكەسىپ، تاريحتا سەرپىنى ەڭ جوعارى، كولەمى بۇرىن بولىپ كورمەگەن، قۇرىلىس قارقىنى ەڭ تەز كوك اسپان ينجەنەرياسىن اتقارىپ، 52 ميلليارد يۋان قارجى قوسىپ، «كومىر ورنىنا تابيعي گاز پايدالانۋ» ينجەنەرياسىن ءتۇيىن ەتكەن اتموسفەرانىڭ بىلعانۋىن جونگە سالۋ بويىنشا 160تان استام نىسان جۇرگىزىپ، ەلىمىز بويىنشا تابيعي گازدەندىرىلگەن تۇڭعىش قالاعا اينالىپ، ءۇرىمجىنىڭ قىسقى اتموسفەراسىنىڭ بىلعانۋ جاعدايىن تۇبىرىنەن وزگەرتتى.
ءۇرىمجى جىبەك جولى ەكونوميكالىق بەلدەۋى وزەكتى رايونىنىڭ قاتىناس تورابى ورتالىعىن قۇرۋ ورايىن مىقتى يگەرىپ، قالا قاتىناسىندا «شار تاراپقا تۇتاسقان» جاڭا جاعداي قالىپتاستى، ياعني جەر استى جۇرگىنشىلەر جولى، جول وتكەرمەلى كوپىرى، BRT ارناۋلى جولى، تەز قارقىندى جول، ايقاسپالى كوپىر، قابات - قابات وتىسپەلى جول، قالانى شىعىستان وراعىتا وتەتىن جوعارى قارقىندى جول، لانجوۋ - شينجياڭ جوعارى قارقىندى تەمىر جولى، مەترو، قالا ارالىق تەمىر جول، حالىقارالىق اۋەجاي، ت. ب لاردى وزگەرتىپ، كەڭەيتىپ سالۋ سياقتى كەلەلى نىساندار جەدەل اتقارىلىپ، ءۇرىمجى اۋەجايىنان حالىقاراعا، ەل ىشىنە قاتىنايتىن اۋە لەنياسى شار تاراپقا تۇتاسىپ، كۇنىنە 10 مىڭ شاقىرىم جول باسۋ رەالدىققا اينالدى.
وركەنيەتتى قالا قۇرۋدا ءۇرىمجى مادەنيەت بيىگىنە جەتۋگە كۇش سالدى، تەاترحانا، مۋزيكا زالى، مادەنيەت سارايى، مۇراجاي، كىتاپحانا قالا حالقىنىڭ ءشولىن باسىپ، قارنىن تويدىرعاننان كەيىنگى باراتىن ورنىنا اينالدى. ساناققا قاراعاندا، 2012 - جىلدان بەرى، ءۇرىمجى الەۋمەتتىك يگىلىكتى كينونى 40 نەشە مىڭ رەت قويعان، مادەنيەتتە حالىققا تيىمدىلىك جەتكىزۋ كونسەرتىنەن 1200 نەشە رەت ۇيىمداستىرعان.
2017 - جىلى مامىر ايىندا ءۇرىمجى قالالىق پارتكوم، قالالىق ۇكىمەت جاڭا تاريحي باستامادا مەملەكەتتىك وركەنيەتتى قالا، مەملەكەتتىك ەكولوگيالىق باۋ - باقشالى قالا، مەملەكەتتىك ۇلتتار ىنتىماعى، العاباسارلىعىنداعى ۇلگىلى قالا، مەملەكەتتىك جاسامپاز قالا، مەملەكەتتىك ازىق - تۇلىك حاۋىپسىزدىگىندەگى ۇلگىلى قالا قۇرۋ كۇرەس نىساناسىن اسقاق تۇردە العا قويدى، جاپپاي جوبا جاساۋدىڭ، قارجى تەبىنىن ارتتىرۋدىڭ، ءىرى نىساندار جەتەكشىلىگىنىڭ ارقاسىندا، «حالىققا تيىمدىلىك جاسايتىن 9 ءىرى ينجەنەريا» جاپپاي ىلگەرىلەپ، ءار ۇلت بۇقاراسى حالىق تۇرمىسى الا كەلگەن جىلۋدى شىنايى سەزىندى؛ «تاۋعا اعاش ەگۋ، قالاعا سۋ باستاۋ، كومىردى گازعا اينالدىرۋ، جەرى جاسىل، اسپانى اشىق، قالاسى كورىكتى بولۋ» سىندى 6 ءتۇرلى قالا دەڭگەيىن كوتەرۋ ينجەنەرياسى ىشكەرىلەي اتقارىلىپ، قالانىڭ كورىكتەنۋ، جارىقتانۋ، تازارۋ دەڭگەيى اناعۇرلىم جوعارىلاپ، ورتالىق قالانىڭ ءبىر ميلليون ءار ۇلت بۇقاراسىن شارپيتىن تاريحتان بەرگى كولەمى ەڭ ۇلكەن، قيىندىعى ەڭ جوعارى كونە قالا رايونىن جاڭالاۋ ينجەنەرياسى جەدەل ىلگەرىلەتىلدى...
وركەنيەتتى قالا قۇرۋ مەن بۇقارانىڭ باقىتتى تۇرمىسىن تەرەڭ توعىستىرۋعا، بىرگە قۇرىپ، ودان ورتاق يگىلىكتەنۋگە تاباندى بولۋ ءار ۇلت بۇقاراسىنىڭ تابىس سەزىمى مەن باقىت سەزىمىن ۇزدىكسىز جوعارىلاتتى، ءۇرىمجىنىڭ تابىسى قالا حالقىنىڭ ساپاسى مەن قوعامدىق وركەنيەت دەڭگەيىنىڭ جوعارىلاۋى عانا ەمەس، ونان دا ماڭىزدىسى، بۇقارانىڭ مويىنداۋى، قولداۋى، ات سالىسۋى جانە يگىلىككە كەنەلۋى بولىپ تابىلادى. وركەنيەتتى قالا قۇرۋدا كىمگە سۇيەنۋ كەرەك؟ ۇندەس، تىلەكتەس بولۋ كەرەك
مەملەكەتتىك وركەنيەتتى قالا قۇرۋ ءبىر قالانىڭ مادەنيەت دەڭگەيىنىڭ، دامۋ ورتاسىنىڭ، جالپىلىق قۋاتىنىڭ جانە دامۋ ساپاسىنىڭ ۋنيۆەرسال ولشەمى، مەملەكەتتىك وركەنيەتتى قالا قۇرۋ ۇرىمجىدە قىزمەت ىستەپ، تۇرمىس كەشىرىپ جاتقان ءاربىر اداممەن تىعىز قاتىستى.
2017 - جىلى 2 - ماۋسىمدا اۆتونوميالى رايوندىق رۋحاني وركەنيەت قۇرىلىسىنا جەتەكشىلىك ەتۋ كوميتەتى ءۇرىمجى قالاسىنىڭ مەملەكەتتىك وركەنيەتتى قالا قۇرۋ جونىنەن قايتالاي اتتانىسقا كەلتىرۋ ءماجىلىسىن باسقارىپ اشىپ، ورتالىق كوميتەتتىڭ، اۆتونوميالى رايوننىڭ ۇرىمجىدە تۇراتىن ءار دارەجەلى مادەنيەت ورىندارىن ءۇرىمجى قالاسىنىڭ مەملەكەتتىك وركەنيەتتى قالا قۇرۋ قىزمەتىنە جاپپاي قولداۋ كورسەتۋگە، جاپپاي سايكەسۋگە جانە جاپپاي ات سالىسۋعا اتتانىسقا كەلتىردى. ءۇرىمجىنى وركەنيەتتى قالا ەتىپ قۇرۋ ءۇشىن، اۆتونوميالى رايوندىق رۋحاني وركەنيەت قۇرىلىسىنا جەتەكشىلىك ەتۋ كوميتەتى ىلگەرىندى - كەيىندى 6 رەت ارناۋلى ءماجىلىس اشىپ، تۇتاس قوعامعا ورتالىق قالانى وركەنيەتتى قالا ەتىپ قۇرۋدا تەك ات سالىسۋشىلار عانا بار، قاراپ تۇرۋشىلار جوق، وعان ادامداردىڭ ءبارى ات سالىسادى، ودان ادامداردىڭ ءبارى يگىلىككە كەنەلەدى دەگەن اتتانىسقا كەلتىرۋ بۇيرىعىن تاراتتى.
وركەنيەتتى قالا قۇرۋ بارىسىندا ءۇرىمجى مەملەكەتتىك وركەنيەتتى قالا قۇرۋدى ءار دارەجەلى پارتكوم مەن ۇكىمەتتىڭ «1 - باسشى» ينجەنەرياسى ەتىپ، قىسىمدى ساتى - ساتى بويىنشا جەتكىزىپ، مىندەتتى دارەجە بويىنشا اشالاپ، جاۋاپكەرشىلىكتى ءار ادامعا دەيىن تياناقتاندىرىپ، وركەنيەتتى قالا قۇرۋ قىزمەتىنىڭ جوعارى دەڭگەيدەگى جوبالانۋى مەن تۇزىمدىك كەپىلىن كۇشەيتتى. وركەنيەتتى قالا قۇرۋ قىزمەتىنىڭ قالا، رايون پارتكومىنىڭ نەگىزگى باسشىسى باس قولباسشى بولاتىن قولباسشىلىق شتابىن قۇرىپ، قالالىق پارتكومنىڭ، قالالىق ۇكىمەتتىڭ نەگىزگى جاۋاپتى جولداستارى قىزمەتتەردى اقىلداسۋعا، ورنالاستىرۋعا جانە قىزمەتتەرگە جەتەكشىلىك ەتۋگە، باقىلاۋ جۇرگىزۋگە ارالاسىپ، ءتۇيىندى مىندەتتەردىڭ تياناقتاندىرىلۋىن سايكەستىردى، قاداعالادى، جەبەدى. ءار جىلى «مەملەكەتتىك وركەنيەتتى قالا قۇرۋ قىزمەتىن ىلگەرىلەتۋ جونىندەگى پىكىردى» جانە «مەملەكەتتىك وركەنيەتتى قالا قۇرۋ قىزمەتىنىڭ نىساناسىن، باسقارۋىن، مىندەتىن جىكتەۋ كەستەسىن» جاساپ تاراتىپ، جاۋاپكەرلىك حاتىنا دارەجە بويىنشا قول قويعىزىپ، وركەنيەتتى قالا قۇرۋ مىندەتىن مەكەمە - ورىندارعا، ناقتى جاۋاپتى ادامعا دەيىن تياناقتاندىردى.
كادرلار مەن بۇقارا جابال ات سالىسىپ، تىزە قوسا وتىرىپ مەملەكەتتىك وركەنيەتتى قالا قۇرۋعا قۇلشىنۋ شايقاسى ۇرىمجىدە باستالدى.
وركەنيەت ساپاسىن جوعارىلاتۋ، قالا كەلبەتىن، قورشاعان ورتانى تازالاۋ، قاتىناس ءتارتىبىن ىركىلىسسىزدەندىرۋ، تەرەزەلىك قىزمەت كورسەتۋلەردى ولشەمگە جەتكىزۋ، قوعامدىق مادەنيەت ورتاسىن تازارتۋ سياقتى كوپ شارالار مەن قيمىلدار ارقىلى ءۇرىمجى قالاسى قالا تۇرعىندارىنىڭ وركەنيەت ۇستانىمدارىن ىشكى ساناعا، سىرتقى ارەكەتكە اينالدىرۋىن، اركىم وزىنەن، جانىنداعى ۇساق ىستەردەن باستاپ ىسكە كىرىسۋىن ىلگەرىلەتىپ، قالا تۇرعىندارىنىڭ وركەنيەتتى قالا قۇرۋدىڭ نەگىزگى تۇلعاسىنا اينالۋىنا مۇمكىندىك جاسادى.
ۇكىمەت ىستەرىنە، مادەنيەتكە قىزمەت كورسەتۋ جۇيەسى قۇرىلىسى ارقىلى ۇكىمەت ىستەرىنە، ءىس بىتىرۋگە ءبىر ورىندا قىزمەت كورسەتۋ زالىن قۇرىپ، تۇرعىنداردىڭ كۇندەلىكتى جۇمىستارىن ءبىتىردى؛ الەۋمەتتىك اۋماقتىڭ كەشەندى مادەنيەتتىك قىزمەت كورسەتۋ ورتالىعىن جانە الەۋمەتتىك اۋماق دەنساۋلىق ساقتاۋعا قىزمەت كورسەتۋ پۋنكتىن جاڭادان قۇرىپ نەمەسە كەمەلدەندىرىپ، 10 مينۋتتىق نەمەسە 15 مينۋتتىق «تۇرمىستىق قىزمەت كورسەتۋ شەڭبەرىن» قالىپتاستىرىپ، ءار ۇلت بۇقاراسىنىڭ قالا تۇرمىسىنىڭ قولايلىلىعى مەن جايلىلىعىن سەزىنۋىنە مۇمكىندىك جاسادى.
قوعام ورنىقتىلىعىن بار كۇشپەن قورعاۋ، ۇلتتار ىنتىماعى تاربيەسى مەن ۇشقارىلىقتى الاستاۋ تاربيەسىن كۇشەيتۋ، نەگىزگى ساتى نەگىزىن بەكەمدەۋ، حالىققا قولايلى ساقشى پۋنكتىن سالۋ ارقىلى ءۇرىمجى وركەنيەتتى قالا قۇرۋدى باس نىسانانى كوزدەۋدىڭ، باس نىسانانى تياناقتاندىرۋدىڭ ماڭىزدى مازمۇنى ەتىپ، ءار ۇلت قالا تۇرعىندارىنا قالانىڭ وركەنيەتتى جاراسىمدىلىعىن جانە تىنىشتىعىن سەزىندىردى.
«وركەنيەت» اۋىزدا ايتىلا سالعان ۇران عانا ەمەس، ول ادامداردىڭ ءار ءىس - ارەكەتى، قالانىڭ ءاربىر تال ءشوبى مەن تەرەگى، قالا تۇرعىندارىنىڭ ءار كۇنگى داعدىسى. مەملەكەتتىك وركەنيەتتى قالا قۇرۋ قالا تۇرعىندارىنىڭ ىشكى جان دۇنيەسىنىڭ تەرەڭ تۇكپىرىنەن تۋىنداعان «توڭكەرىسكە» ۇقسايدى، ول قالا ساپاسىن جوعارىلاتۋدىڭ تۇپكى قوزعاۋشى كۇشى بولىپ تابىلادى.
وركەنيەتتى قالا قۇرۋدا مەن كىممىن؟ وركەنيەت شەشەك اتىپ، ىزگى ءىس - ارەكەت تاسقىندادى
وركەنيەتتى قالانى وركەنيەتتى ادامدار قۇرايدى. ءبىر قالانىڭ وركەنيەت دەڭگەيىن كوتەرۋدىڭ تەتىگى ادامدا؛ مەملەكەتتىك وركەنيەتتى قالا قۇرۋدىڭ تەتىگى دە ادامدا.
مەملەكەتتىك وركەنيەتتى قالا قۇرۋ بارىسىندا ءۇرىمجى قالاسى ءمورال ۇلگىلەرىن، «جانىمىزداعى جاقسى ادامداردى» باعالاۋ جانە لەي فىڭنان ۇيرەنىپ، ەرىكتى قىزمەت كورسەتۋ سياقتى قيمىلداردى كەڭىنەن ورىستەتىپ، سوتسياليستىك وزەكتى قۇن كوزقاراسى تاربيە بازاسى مەن ءمورال ساباقحاناسىن، مادەنيەت اۋلاسى قۇرىلىسىن ۇزدىكسىز ىلگەرىلەتىپ، جۇڭگو ارمانى، وزەكتى قۇن كوزقاراسى سياقتى تاقىرىپتىق الەۋمەتتىك يگىلىك جارناما - ۇگىتتەرىن بارىنشا كۇشەيتىپ، ادامداردىڭ «سەنترلەس شەڭبەر» سىزۋىنا اسەر ەتتى. «وركەنيەت» ىشكى جاقتا قالا دامۋىنىڭ گەنىنە، سىرتقى جاقتا سوتسياليستىك وزەكتى قۇن كوزقاراسىن باۋليتىن جانە ىسكە اسىراتىن ناقتى ارەكەتكە اينالا باستادى. قازىر ىزگى ءىس، ادامگەرشىلىك ارەكەت ءۇرىمجىنىڭ كەز كەلگەن جەرىندە كورىنىس بەرۋدە.
45 جاستاعى ما جيانچىڭ ميدۋڭ رايونى چاڭشانزى قالاشىعى شيالياڭتۋ قىستاعىنىڭ تۇرعىنى. 2006 - جىلى ءۇيىنىڭ الدىنداعى 500 مەتر ارالىقتاعى بەل توعانعا سۋ جىبەرىلگەننەن باستاپ، ءار جىلى جازدىڭ شىلىڭگىر ىستىعىندا باسىم كوپ ساندى ادام ۇيلەرىنەن شىقپاي ىستىقتان قاشقان كەزدە، ما جيانچىڭ مي قايناعان ىستىققا قاراماي توعاندى جاعالاي ءجۇرىپ كورىپ شىعاتىن. 11 جىلدان بەرى، ما جيانچىڭ سۋعا كەتكەن 10 نەشە ادامدى قۇتقارىپ قالدى، قۇتقارعاندارىنىڭ ەڭ كىشكەنەسى 8 جاستا، ەڭ ۇلكەنى 19 جاستا. ونىڭ ىقپالىمەن، وتباسىنداعىلار دا ونىمەن بىرگە توعاندى جاعالاي ءجۇرىپ كورىپ شىعاتىن بولدى ءارى بىرنەشە رەتكى قۇتقارۋعا دا قاتىناسقان.
85 جاستاعى لي شيۋچين تيانشان رايونى شينحۋا وڭتۇستىك جولى سانچياۋ الەۋمەتتىك اۋماعىنىڭ قاراپايىم تۇرعىنى، ونىڭ ۇيىنە ۇنەمى ەرەكشە ءبىر ادامدار امانداسا كەلىپ تۇرادى. ولاردىڭ ىشىندە جازدىق كانيكولدا دەمالىپ جۇرگەن باستاۋىش مەكتەپ وقۋشىلارى، قاراستى اۋماقتاعى شاشتارازحانادا ىستەيتىن قىزمەتكەرلەر، وزىنەن جاس پەنسيونەرلەر بار. ولاردىڭ كەيبىرەۋى كاريامەن ارنايى اڭگىمەلەسۋ ءۇشىن، كەيبىرەۋى ءۇيىن تازالاپ بەرۋ ءۇشىن، ەندى بىرەۋلەرى شاشىن الىپ، تازالىق ىستەۋ ءۇشىن كەلەدى. سانچياۋ الەۋمەتتىك اۋماعىنان قۇرالعان وسى ەرىكتى قىزمەت كورسەتۋ اترەتىندەگىلەر لي شيۋچيننىڭ وتباسىنا ۇنەمى كەلىپ، ودان حال - جاي ۇعىسىپ تۇرادى.
تاماشا ءمورال اسا قۇندى، وركەنيەتتىلىك قادىر - قۇرمەتكە بولەيدى.
2007 - جىلدان قازىرگە دەيىن، ءۇرىمجى قالاسىنان 5 ادام مەملەكەتتىك ءمورال ۇلگىسى بولىپ باعالاندى، 5 ادام مەملەكەتتىك ءمورال ۇلگىسىنە كورسەتىلدى، 16 ادام جۇڭگوداعى جاقسى ادامدار قاتارىنان ورىن الدى؛ 7 ادام اۆتونوميالى رايوندىق ءمورال ۇلگىسى بولىپ باعالاندى، 4 ادام اۆتونوميالى رايوندىق ءمورال ۇلگىسىنە كورسەتىلدى؛ 3000نان استام جاي بۇقارا ەڭ ارداقتى ادامدار قاتارىندا باعالاندى؛ ولار قۇن كوزقاراسىنىڭ جاندى بەينەسى، كوزبەن كورىپ، قولمەن ۇستاۋعا بولاتىن وڭ ەنەرگيا. ەرىكتى قىزمەت كورسەتۋ − ءمورالدىلىقتى امالياتتا ايگىلەۋ جونىندەگى كولەمدى قيمىل، قازىر ءۇرىمجى قالاسىندا 800 مىڭنان استام ەرىكتى، 5300 ەرىكتى قىزمەت كورسەتۋ ۇيىمى، 200دەن استام ەرىكتى قىزمەت كورسەتۋ نىسانى، 875 ەرىكتى قىزمەت كورسەتۋ الەۋمەتتىك اۋماعى بار. وركەنيەتتى، يبالى بولۋ، قيىنشىلىعى بارلارعا كومەكتەسۋ، مەيىر باعىشتاۋ − وسى قالانىڭ ءمورال گەنىنە، ارەكەت قىبلاناماسىنا، ىنتىماقتى، جاراسىمدى، كوركەيىپ - گۇلدەنگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن وسى زامانعى وركەنيەتتى ورتالىق قالا بولۋىنىڭ قۇدىرەتتى رۋحاني قوزعاۋشى كۇشىنە اينالدى.
تۇرمىس قالامەن كورىكتى، قالا وركەنيەتپەن كورىكتى. بۇگىنگى ءۇرىمجى قالاسىنىڭ ەكونوميكالىق ناقتى قۋاتى نىعايىپ، قوعامدىق ىستەرى تىڭعىلىقتى ىلگەرىلەپ، قالا بەينەسى جاڭارىپ، حالىق تۇرمىسىنا قاتىستى ىستەر قارىشتاپ دامىپ، قوعامى ونان ارى جاراسىمدى، ورنىقتى بولىپ، حالىقتىڭ تۇرمىسى ءتىپتى دە جاقسارا ءتۇستى، قالا، اۋىل بەينەسىندە زور وزگەرىستەر تۋىلدى ...
عيماراتتىڭ بيىكتىگى، GDPنىڭ جوعارىلىعى قالانىڭ دەڭگەيىنىڭ جوعارىلىعىنا ۋاكىلدىك ەتپەيدى، وركەنيەتتىڭ بيىكتىگى عانا قالا دەڭگەيىنىڭ ناعىز بيىكتىگىن كورسەتەدى. ءۇرىمجى مىنە ءدال وسىنداي وركەنيەتتىڭ تىڭ بيىگىنە تىنباي تالپىنىپ كەلە جاتقان قالا.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
