باتىل ءۇن قاتىپ، ايقىن پوزيتسيا ءبىلدىرۋدىڭ شەشۋشى ءتۇيىنى ارەكەتتە، نەگىزى جاۋاپكەرلىكتە
2017.09.21 14:59 كەلۋ قاينارى : شينجياڭ گازەتى
قۇمىل قالالىق پارتكومنىڭ ورىنباسار شۋجيى، قالا باستىعى
زۇمرات وبۇل
تاياۋ مەزگىلدەن بەرى باتىل ءۇن قاتىپ، ايقىن پوزيتسيا ءبىلدىرۋ قيمىلى تاعى دا تىڭ ورلەۋگە كوتەرىلدى، بۇكىل شينجياڭداعى ءار ۇلت كادرلارى مەن جۇرتشىلىعىنىڭ جۇڭگو كوممۋنيستىك پارتياسىنا، ۇلى وتانىمىزعا العىس ايتۋ ءۇنى، مەملەكەت پەن حالىققا ادالدىق ءۇنى، «ءۇش ءتۇرلى كۇشپەن» باتىل كۇرەسەتىن ادىلەت ءۇنى كوكتەمگى ناجاعايداي جارقىلداپ، ءبىر نيەت، ءبىر تىلەكتە ىنتىماقتاساتىن، جاماندىقتى ادا - كۇدە شايىپ كەتەتىن جويقىن تاسقىنعا اينالدى.
«ءبىلۋ − ىستەۋدىڭ باستاماسى، ىستەۋ − ءبىلۋدىڭ ناتيجەسى». باس شۋجي شي جينپيڭ «ءبىلۋ − نەگىز، العى شارت، ىستەۋ − ماڭىزدى ءتۇيىن، تەتىك، ءبىلۋ ارقىلى ىستەۋدى جەبەۋ، ىستەۋ ارقىلى ءبىلۋدى جەبەۋ، ءبىلۋ مەن ىستەۋدى بىرلەستىرۋ كەرەك» دەپ تالاي رەت باسا دارىپتەگەن بولاتىن. پارتيا باۋلىعان، تاربيەلەگەن ۇيعۇر باسشى كادر رەتىندە، مەن باس نىساناعا نازاردى شوعىرلاندىرىپ، باتىل ءۇن قاتىپ، ايقىن پوزيتسيا ءبىلدىرۋدى ءىس جۇزىندىك ارەكەتىمە اينالدىرىپ، پارتيالى كادرلار مەن بۇقارانى جەتەكتەپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنان جازباي، شينجياڭنىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى جەتەكشى، ەكونوميكانى دامىتۋ مەن حالىق تۇرمىسىن جاقسارتۋدى نەگىز، وتاننىڭ تۇتاستىعىن قورعاۋدى، ۇلتتار ىنتىماعىن جەبەۋدى ماڭىزدى ءتۇيىن ەتىپ، ورنىقتىلىقتىڭ، دامۋدىڭ ءتۇرلى قىزمەتتەرىن ءبىر تۇتاس جوسپارلاپ ىلگەرىلەتەمىن.
ءبىرىنشى، بورىش پەن جاۋاپكەرلىگىمدى ادا ەتىپ، پارتياعا، مەملەكەتكە ءوزىمدى ارنايمىن.
باس شۋجي شي جينپيڭ «شينجياڭدا كادرلارعا باعا بەرۋدە الدىمەن وتاننىڭ تۇتاستىعىن قورعاۋداعى، ۇلتتىق بولشەكتەۋشىلىككە قارسى تۇرۋداعى يدەيالىق تانىمى مەن ءىس جۇزىندىك بەينەسىنە قاراۋ كەرەك» دەپ باسا دارىپتەگەن ەدى. پارتيالى باسشى كادر رەتىندە، مەن پارتياعا، مەملەكەتكە ءوزىمدى ارناپ، «باس كلاپاندى» مىقتاپ يگەرىپ، مۇرات - سەنىمدى بەكەمدەپ، پارتيالىلىق شىنىعۋدى كۇشەيتىپ، ساياسي ءتارتىپ پەن ساياسي قاعيدانى قاتايتىپ، بولشەكتەۋشىلىككە قارسى تۇرۋ كۇرەس ءتارتىبىن قاتاڭداستىرىپ، ساياسي جاۋاپكەرلىكتى قاشاندا ەستە بەرىك ساقتاپ، ساياسي تۇرعىنى بەكەمدەپ، ساياسي باعداردى دۇرىس يگەرىپ، ءتارتىپتى شارتسىز اتقارامىن، قاعيداعا بۇكىلدەي بويسۇنامىن، تومەنگى شەكتى ساقتايمىن. ساياسي تاباندىلىقتى ءبىرىنشى ولشەم ەتۋدەن قاشاندا جازباي، «4 تانىمدى» كۇشەيتىپ، پارتياعا ابسوليۋتتى ادال بولىپ، تۇرعىمدى ايرىقشا بەكەمدەپ، قوعام ورنىقتىلىعى مەن باياندى تىنىشتىق بورىشىن تاباندىلىقپەن ارقالاپ، پارتيا ورتالىق كوميتەتىنىڭ بەدەلىن سانالى قورعاپ، تاباندىلىقپەن باتىل تۇردە پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ۇلكەن دۇرىس، ۇلكەن بۇرىس ماسەلەلەرىن ايقىن پارىقتاۋ، ۇلتتار ىنتىماعىن قورعاۋ ارەكەتىندە ەرەكشە باتىل بولىپ، ءار ۇلت جۇرتشىلىعىنا شىنايى ادال بولامىن. «ءۇش ءتۇرلى كۇش»، «ەكىبەتكەيلەرگە» دەگەن تانىمىم ايقىن، پوزيتسيام انىق، ارەكەتىم باتىل. پارتيا ورتالىق كوميتەتىنىڭ شينجياڭ قىزمەتى جونىندەگى ءىرى باعىت - ساياساتتارىن جانە شينجياڭدى جونگە سالۋ جالپى جوباسىن تاباندىلىقپەن باتىل دايەكتىلەندىرىپ، اۆتونوميالى رايوندىق پارتكومنىڭ نازاردى باس نىساناعا شوعىرلاندىرۋداعى ءتۇرلى شەشىمدەرى مەن ورنالاستىرۋلارىن تاباندىلىقپەن باتىل تياناقتاندىرىپ، شەشۋشى ساتتە كەۋدە كەرىپ العا شىعامىن، قيان - كەسكى ارپالىستا باسىمدى ءباي تىگە الامىن، جاۋاپكەرلىگىمدى تانيمىن، جاۋاپكەرلىگىمدى ارقالايمىن، جاۋاپكەرلىگىمدى ادا ەتەمىن. ۇيعۇر باسشى كادر بولۋداي ەرەكشە باسىمدىعىمدى جانە باستاماشىلدىقپەن ونەگە كورسەتەتىن رولىمدى ساۋلەلەندىرىپ، تۋىم ايقىن تۇردە ىرىقتىلىقپەن باتىل ءۇن قاتىپ، ايقىن پوزيتسيا ءبىلدىرىپ، توڭىرەگىمدەگىلەردى اسەرلەندىرىپ، ولارعا ىقپال جاساپ، جەتەكتەپ، زاڭسىز ءدىني قيمىلدىڭ، ءدىني ۇشقارى يدەيانىڭ جانە «ءۇش ءتۇرلى كۇشتىڭ»، «ەكىبەتكەيلەردىڭ» شىنايى كەسپىرىن اشكەرەلەيمىن؛ زورلىقتى كۇش، لاڭكەستەرىنىڭ مەملەكەتپەن جاۋلاساتىن، قوعامعا قاتەر توندىرەتىن، حالىققا زالال جەتكىزەتىن قانقۇيلى كەسپىرىن اشكەرەلەپ، رەفورما، دامۋ، ورنىقتىلىقتىڭ شۇعىلالى جەتىستىكتەرىن دابىرالى، تەرەڭدەي، باياندى ۇگىتتەپ، پارتيانىڭ حالىققا تيىمدىلىك جەتكىزۋ ساياساتتارىن ۇگىتتەپ، پارتيانىڭ ۇلت، ءدىن ساياساتىنىڭ شينجياڭداعى تابىستى امالياتىن ۇگىتتەپ، ءار ۇلت حالقىنىڭ جاپپاي دوڭگەلەك داۋلەتتى قوعام قۇرۋ ءۇشىن بىرگە ۇمتىلاتىن كوركەم بولاشاعىن ۇگىتتەپ، ءوزىمنىڭ ونەگەلى ارەكەتىممەن ءار ۇلت جۇرتشىلىعىنا ىقپال جاساپ جانە جەتەكتەپ، پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، جۇدىرىقتاي جۇمىلىپ، باس نىسانانى ىسكە اسىرۋدىڭ مىعىم بىرىككەن كۇشىن اناعۇرلىم ۇيىستىرامىن.
ەكىنشى، بورىش پەن جاۋاپكەرلىگىمدى ادا ەتىپ، ۇلتتار ىنتىماعىن جەبەۋدىڭ ونەگەسى بولامىن.
باس شۋجي شي جينپيڭ مىنانى باسا دارىپتەگەن بولاتىن: «ۇلتتار ىنتىماعى − دامۋدىڭ، العا باسۋدىڭ ىرگە تاسى». «شينجياڭ ماسەلەسىندەگى ەڭ قيىن، ەڭ ۇزاق ۋاقىتتىق ماسەلە − ۇلتتار ىنتىماعى ماسەلەسى». ۇلتتار ىنتىماعى − شينجياڭنىڭ ورنىقتىلىعىنىڭ ىرگە تاسى، شينجياڭداعى ءار ۇلت حالقىنىڭ جان تامىرى. شينجياڭنىڭ ورنىقتىلىعى مەن دامۋىن بەكەمدەۋ ءبىر ءۇيلى جانداي بەرەكەلى ۇلتتىق جاراسىمدىلىقتان، بولاتتاي بەرىك ۇلتتار ىنتىماعىنان ايرىلا المايدى. از ۇلت پارتيالى باسشى كادرى رەتىندە، مەن جاۋاپكەرلىكتى شىنايى ارقالاپ، ۇلتتار ىنتىماعى مەن قوعام ورنىقتىلىعىن قورعاۋدىڭ دارىپتەۋشىسى جانە امالياتتا ايگىلەۋشىسى بولامىن، ۇلتتار ىنتىماعىن قاشاندا كوز قاراشىعىمداي قورعاپ، ءومىرىمدى قاستەرلەگەندەي قاستەرلەيمىن، ۇلتتار ىنتىماعىن قورعاۋ جانە جەبەۋ قىزمەتىندە اتويشى، اۆانگارد بولىپ، ءوزىمنىڭ ەرەكشە ىقپالىمدى، جەتەكشىلىك ەتۋ قابىلەتىمدى تولىق ساۋلەلەندىرىپ، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن باستاماشىلدىقپەن ىشكەرىلەي ورىستەتىپ، شىنايى سۇيىسپەنشىلىكپەن وتباسىلارىن ءجيى ارالاپ، فورماشىلدىقتى جوعالتىپ، كوپ ارەكەتتەنىپ، ناقتاپ تياناقتاندىرىپ، قيىن ماسەلەلەردى شىن نيەتىممەن شەشەمىن، استە ەلەۋسىز قالدىرمايمىن، ءوزارا سەنىمدى كۇشەيتىپ، بەرەكەنى نىعايتىپ، ءتۇسىنىسۋدى تەرەڭدەتىپ، دوستىقتى قويۋلاتامىن. ءار ۇلت حالقىنىڭ جاراسىمدى دا تاتۋ - ءتاتتى بولۋىن، ءبىر جاعادان باس، ءبىر جەڭنەن قول شىعارىپ، جاراسىمدى دامۋىن ۇزدىكسىز ىلگەرىلەتەمىن. وتانشىلدىق تاربيەسىن، ۇلتتار ىنتىماعى تاربيەسىن كۇشەيتىپ، ءار ۇلت جۇرتشىلىعىنىڭ مەملەكەت تانىمىن، ازاماتتىق تانىمىن، زاڭ تانىمىن كۇشەيتىپ، «5 ورتاق تانىمدى» نىعايتىپ، دۇرىس مەملەكەت كوزقاراسىن، ۇلت كوزقاراسىن، ءدىن كوزقاراسىن، تاريح كوزقاراسىن، مادەنيەت كوزقاراسىن جانە «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتامىن. ءار ۇلت جۇرتشىلىعىن شىن نيەتىممەن ءسۇيىپ، ءار ۇلت جۇرتشىلىعىنا شىن نيەتىممەن قىزمەت ەتىپ، جۇرت قالاۋىنان شىعاتىن، جۇرت رازى بولاتىن ىستەردى كوبىرەك ىستەپ، حالىقتىڭ قولداۋىنا مۇمكىندىكتىڭ بارىنشا كوپ يە بولىپ، جۇرت تىلەگىن توعىستىرىپ، ءار ۇلت جۇرتشىلىعىن اناردىڭ دانىندەي تىعىز ۇيىسۋعا تاربيەلەپ جانە جەتەكتەپ، جۇرەكتەردى اناعۇرلىم توعىستىرىپ، ادامداردى اناعۇرلىم تاتۋلاستىرىپ، ءار ۇلت جۇرتشىلىعىنىڭ تىنىستاس، تاعدىرلاس، جۇرەكتەس تەرەڭ سۇيىسپەنشىلىگىن ۇزدىكسىز كۇشەيتىپ، ءار ۇلت جۇرتشىلىعى وتاننىڭ تۇتاستىعىن، ۇلتتار ىنتىماعىن، قوعام ورنىقتىلىعىن بىرگە قورعايتىن بەرىك يدەيالىق نەگىزدى بەكەمدەيمىن.
ءۇشىنشى، بورىش پەن جاۋاپكەرلىگىمدى ادا ەتىپ، ءدىننىڭ تاتۋلىعى مەن جاراسىمدىلىعىن جەبەيمىن.
ءدىن قىزمەتىن دەن قويا ويداعىداي ىستەپ، جۇڭگوشالاندىرۋ باعىتىنان قاشاندا جازباي، پارتيانىڭ ءدىني سەنىم ەركىندىگى ساياساتىن جاپپاي دايەكتىلەندىرەمىن. پارتيانىڭ ءدىن قىزمەتىنىڭ نەگىزگى باعىتىنان جازباي، «زاڭدىنى قورعاۋ، زاڭسىزدى شەكتەۋ، ۇشقارىلىقتى تەجەۋ، كەۋلەپ كىرۋدەن ساقتانۋ، قىلمىسقا سوققى بەرۋدەي» نەگىزگى پرينسيپكە تاباندى بولىپ، مەشىتتەرگە جانە ءدىني قايراتكەرلەرگە، ءدىني قيمىلدارعا ساياتىن تاربيەلەۋ، باسقارۋ، قىزمەت كورسەتۋدى كۇشەيتىپ، مەشىتتەردىڭ الەۋمەتتىك قىزمەت كورسەتۋىن كەمەلدەندىرىپ، مەشىتتەرگە «جەتىنى كىرگىزۋ، ەكى بار بولۋىن» بەلسەنە ىلگەرىلەتەمىن. ءدىن قىزمەتىن زاڭمەن جونگە سالۋ ورەسىن جوعارىلاتىپ، زاڭسىز ءدىني قيمىلداردى زاڭ بويىنشا جونگە سالىپ، «شينجياڭ ۇيعۇر اۆتونوميالى رايونىنىڭ ۇشقارىلىقتى الاستاۋ قىزمەت ەرەجەسىن» ويداعىداي پايدالانىپ، «ۇشقارىلىقتى الاستاۋدى» ۇزدىكسىز ىلگەرىلەتىپ، جۇيەلى جونگە سالۋدى، قاينارىنان جونگە سالۋدى مىقتاپ يگەرىپ، ءدىني ۇشقارى يدەيانىڭ كەۋلەپ كىرۋىن باتىل تەجەيمىن. دىنگە سەنەتىن بۇقارانىڭ قالىپتى ءدىني سۇرانىسىن زاڭ بويىنشا قامتاماسىز ەتىپ، دىنگە سەنەتىن بۇقارانى دۇرىس سەنىم ورناتۋعا، ۇشقارىلىقتان اۋلاق بولۋعا بەلسەنە جەتەكتەپ، بولشەكتەۋگە، كەۋلەپ كىرۋگە، بۇلدىرۋگە جانە زورلىقتى كۇش، لاڭكەستىك قيمىلدارىمەن شۇعىلدانعاندارعا زاڭ بويىنشا باتىل سوققى بەرەمىن. ءدىن سالاسىنداعى وتانشىل قايراتكەرلەردى تىعىز ىنتىماقتاستىرىپ، ولارعا كوڭىل ءبولىپ، قامقورلىق جاساپ، ءدىني سالاداعى قايراتكەرلەر مەن دىنگە سەنەتىن بۇقارانىڭ ءدىني ۇشقارىلىققا قارسى تۇرۋ، ۇلتتار ىنتىماعىن قورعاۋداعى بەلسەندى رولىن ساۋلەلەندىرەمىن.
ءتورتىنشى، بورىش پەن جاۋاپكەرلىگىمدى ادا ەتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ «كەشەندى شارالارىن» ويداعىداي اتقارامىن.
شينجياڭنىڭ قوعام ورنىقتىلىعى مەن باياندى تىنىشتىعى ەلىمىزدىڭ رەفورما، دامۋ، ورنىقتىلىق جالپى جاعدايىنا، وتاننىڭ تۇتاستىعىنا، ۇلتتار ىنتىماعىنا، جۇڭحۋا ۇلتىنىڭ ۇلى گۇلدەنۋىنە سايادى. مەن شينجياڭداعى ورنىقتىلىقتى قورعاۋ قىزمەتىن جاقسى ىستەۋدىڭ ەرەكشە ماڭىزىن جەتە تانىپ، شينجياڭداعى لاڭكەستىككە قارسى تۇرىپ، ورنىقتىلىقتى قورعاۋدىڭ «3 مەزگىل قاباتتاسقان» قيىن جاعدايىن تەرەڭ تانىپ، ورنىقتىلىقتى قورعاۋدى مىقتاپ يگەرىپ، لاڭكەستىككە قارسى تۇرىپ، ورنىقتىلىقتى قورعاۋ جاۋاپكەرلىگىن كوكەيدە ساقتاۋدان، ارقالاۋدان، مىقتاپ يگەرۋدەن قاشاندا جازبايمىن. باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحىن جانە بيلىك جۇرگىزۋدەگى جاڭا ۇستانىمدارىن، جاڭا يدەيالارىن، جاڭا ستراتەگيالارىن، اسىرەسە، شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن دەن قويا دايەكتىلەندىرىپ، تياناقتاندىرىپ، باس نىسانانى مىقتاپ ارقاۋ ەتىپ، لاڭكەستىككە قارسى تۇرىپ، ورنىقتىلىقتى قورعاۋ كۇرەسىن ورىستەتۋدى ماڭداي الدى ءىرى ءىس، زورلىقتى كۇش، لاڭكەستىك قيمىلدارىنا قاتاڭ سوققى بەرۋدى كەزەكتەگى كۇرەستىڭ ماڭىزدى ءتۇيىنى ەتۋدەن اۋىتقىمايمىن. اۆتونوميالى رايوندىق پارتكومنىڭ باس نىسانانى ارقاۋ ەتىپ جاساعان قىزمەت پرينسيپتەرىن، قىزمەت وي جەلىسىن، ساياساتتارى مەن شارالارىن جانە قىزمەت ورنالاستىرۋلارىن تيتتەي دە اۋىتقىماي تياناقتاندىرىپ، ورنىقتىلىقتى قورعاۋدىڭ «كەشەندى شارالارىن» جاپپاي تياناقتاندىرىپ، ەرتە، كىشكەنەسىنەن باستاپ، تەز، ويداعىداي يگەرۋدى تياناق ەتەمىن. «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىن ءۇرتىس ورىستەتىپ، ءار دارەجەلى كادرلاردىڭ نەگىزگى ساتىعا بارۋىن ىلگەرىلەتىپ، بۇقارانى تاربيەلەپ، بۇقارانى ۇگىتتەپ، بۇقاراعا قىزمەت ەتىپ، بۇقارانى اتتانىسقا كەلتىرىپ، ورنىقتىلىقتى قورعاۋدىڭ بەرىك شەبىن بەكەمدەيمىن. قاتاڭ سوققى بەرىپ، جونگە سالۋدىڭ تەگەۋرىندى كۇيىن ساقتاپ، قاعىس قالاتىن رايون، ساڭلاۋ، بوستىق قالدىرماۋعا كۇش سالىپ، زورلىقتى كۇش، لاڭكەستىك قىلمىستارىن ءتۇپ قاينارىنان تازالاپ، لاڭكەستەرگە تيتتەي دە تىنىستايتىن وراي، پايدالاناتىن وراي، قايتا باس كوتەرەتىن وراي بەرمەي، لاڭكەستىككە قارسى تۇرىپ، ورنىقتىلىقتى قورعاۋ كۇرەسىنىڭ ىرىقتىلىعىن مىقتاپ يگەرەمىن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
