پارتيا 19 - قۇرىلتايىنىڭ رۋحىن جەتەكشى ەتىپ، رايونىمىزدىڭ قوعام ورنىقتىلىعى مەن باياندى تىنىشتىعىنىڭ جاڭا جاعدايىن اشامىز
2017.11.09 14:54 كەلۋ قاينارى : شينجياڭ گازەتى
− ورتالىقتىڭ ۇگىت - لەكسيا ۇيىرمەسىنىڭ رايونىمىزداعى ۇگىت - لەكسياسى كۇشتى اڭىس قوزعادى
ورتالىقتىڭ ۇگىت - لەكسيا ۇيىرمەسىنىڭ پارتيا 19 - قۇرىلتايىنىڭ رۋحى جونىندەگى بايانداما جينالىسى 6 - قاراشا تۇستەن بۇرىن شينجياڭ حالىق سارايىندا وتكىزىلدى. بايانداما جينالىسى ءبىر نەگىزگى الاڭعا، 121 بولمشە الاڭعا ورنالاستىرىلىپ، تۇتاس شينجياڭدا 30 مىڭنان استام پارتيالى كادر ۇگىت - لەكسيا بايانداماسىن تىڭدادى. ۇگىت - لەكسيا ۇيىرمەسىنىڭ مۇشەسى، مەملەكەتتىك ساياسي كەڭەستىڭ قوعام جانە زاڭ - ءتۇزىم كوميتەتىنىڭ ورىنباسار مەڭگەرۋشىسى شى جىحۇڭ پارتيا 19 - قۇرىلتايىنىڭ رۋحىن جان - جاقتىلى، ەگجەي - تەگجەيلى ءتۇسىندىردى جانە باياندادى، بۇل رايونىمىزداعى ءار ۇلت كادرلارى مەن بۇقاراسى اراسىندا كۇشتى اڭىس قوزعادى. كوپشىلىك بىلاي دەدى: يدەيا مەن ارەكەتتى پارتيا 19 - قۇرىلتايىنىڭ رۋحىمەن بىرلىككە كەلتىرىپ، پارتيا 19 - قۇرىلتايىنىڭ رۋحىن شينجياڭ قىزمەتىنىڭ بارلىق جاعىندا بۇلجىماي دايەكتىلەندىرىپ، تياناقتاندىرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا اناعۇرلىم زور ۇلەس قوسامىز.
وڭ ەنەرگياعا تولى ءبىر رەتكى تارتىمدى پىسىقتاۋ ساباعى بولدى
اۆتونوميالى رايوندىق قوعامدىق عىلىم اكادەمياسى پارتكومىنىڭ شۋجيى ابىلەت مامەت باياندامانى تىڭداعاننان كەيىن بىلاي دەدى: «ۇگىت - لەكسيا جاندى، باي مازمۇندى، تاقىرىبى ايقىن بولدى، قالىڭ پارتيالى كادرلاردىڭ پارتيا 19 - قۇرىلتايىنىڭ رۋحىن ىشكەرىلەي ۇيرەنۋى، ءتۇسىنۋى جونىنەن وتە تاماشا پىسىقتاۋ بولدى». «قوعامدىق عىلىم قىزمەتكەرى بولعان بىزدەر پارتيا 19 - قۇرىلتايىنىڭ رۋحىن زەرتتەۋ جانە ۇگىتتەۋ مىندەتىن ارقالاپ وتىرمىز، ورتالىقتىڭ ۇگىت - لەكسيا ۇيىرمەسى بىزگە تاماشا باستاما كورسەتتى، سونداي - اق ءبىزدىڭ كەلەسى قادامدا قوعامدىق عىلىم سالاسىندا ىشكەرىلەي زەرتتەۋىمىزگە ءتيىستى كوپتەگەن تىڭ ماسەلەلەردى، تىڭ كوزقاراستاردى ورتاعا قويدى، بۇل ءبىزدىڭ ىشكەرىلەي زەرتتەۋىمىزگە وتە تاماشا ءجون سىلتەۋ رولىن اتقاردى. پارتيا 19 - قۇرىلتايى رۋحىنىڭ تيانشاننىڭ تۇستىگى مەن تەرىستىگىندە، ءسوز جوق، تياناقتانىپ، تەرەڭ تامىر تارتاتىندىعىنا سەنەمىن».
اۆتونوميالى رايوندىق پارتكوم پارتيا مەكتەبى ەكونوميكا وقىتۋ - زەرتتەۋ ءبولىمىنىڭ مەڭگەرۋشىسى جوۋ بين بىلاي دەدى: باياندامانىڭ ءتىلى جاتىق، تۇسىنۋگە وڭاي،ءمانى تەرەڭ، تىڭداعاننان كەيىن قاتتى شابىتتاندىم، بويىمدى وڭ ەنەرگيا كەرنەدى. ءبىز جۇڭحۋا ۇلتى بۇرىن - سوڭدى بولىپ كورمەگەن دارەجەدە ۇلى گۇلدەنۋ نىساناسىنا جاقىندادىق، ءبىز وسى نىسانانىڭ جەتەكشىلىگىندە ءتۇرلى قىزمەتتەردى ورنالاستىرىپ، شينجياڭنىڭ قوعام ورنىقتىلعى مەن باياندى تىنىشتىعىن كۇش سالا قورعاپ، جۇڭحۋا ۇلتىنىڭ ۇلى گۇلدەنۋىنە شينجياڭدىقتاردىڭ ۇلەسىن قوسۋىمىز كەرەك.
اقسۋ ايماقتىق اكىمشىلىك مەكەمەسى زاڭ - ءتوزىم كەڭسەسىنىڭ كادرى ابدۇقادىر وسمانجان اقسۋ بولىمشە جيىن ورنىندا لەكسيانى تىڭداعاننان كەيىن بىلاي دەدى: مەن پارتيا 19 - قۇرىلتايىنىڭ بايانداماسىن ۇيرەنىپ جاتىرمىن، بۇگىنگى لەكسيادان تىڭ بىلىمدەر جانە مول تۇسىنىك الدىم. پارتيا 19 - قۇرىلتايىنىڭ بايانداماسى مەملەكەتتى جاپپاي جونگە سالۋ جۇڭگوشا سوتسياليزمنىڭ ماندىك تالابى جانە ماڭىزدى كەپىلى ەكەنىن ايقىن ورتاعا قويدى. ءبىز پارتيا 19 - قۇرىلتايى ورتاعا قويعان كەلەلى شەشىمدەر مەن ورنالاستىرۋلاردى باتىل دايەكتىلەندىرىپ، تياناقتاندىرىپ، تىڭعىلىقتى قىزمەت ىستەپ، پارتيانىڭ زاڭ - ەرەجەلەرىن، حالىققا ءتيىمدى ساياساتتارىن دالمە - ءدال تياناقتاندىرۋىمىز كەرەك.
19 - قۇرىلتايدىڭ رۋحىن ناقتى قىزمەت بارىسىندا تياناقتاندىرامىز
مەملەكەتتىك ساياسي كەڭەستىڭ مۇشەسى، شينجياڭ اۋىل شارۋاشىلىق ۋنيۆەرسيتەتى ەكونوميكا - ساۋدا ينستيتۋتىنىڭ پروفەسسورى ءبۇۋاجار ءابۇلا باياندامانى تىڭداعاننان كەيىن ەرەكشە تەبىرەنىپ: باس شۋجي شي جينپيڭ قالىڭ جاستارعا زور ءۇمىت ارتتى، پارتيا 19 - قۇرىلتايىنا جاساعان بايانداماسىندا جاستار كوركەيسە، مەملەكەتتىڭ كوركەيەتىنىن، جاستار قۇدىرەتتەنسە، مەملەكەتتىڭ قۇدىرەتتەنەتىنىن ايتتى. قوعامنىڭ ءار سالاسى جاستاردىڭ دامۋىنا تاماشا جاعداي جاراتىپ، پارتيا 19 - قۇرىلتايىنىڭ رۋحىن جەتەكشى ەتىپ، ءار جاقتان ىسىلعان جاڭا ءداۋىردىڭ تولىمدى ءىزباسارلارىن باۋلۋ كەرەك، - دەدى.
اۆتونوميالى رايوندىق ادەبيەت - كوركەمونەرشىلەر بىرلەستىگىنىڭ ورىنباسار ءتوراعاسى قادىلبەك قاقان ۇلى بىلاي دەدى: ۇگىت - لەكسيانى تىڭداعان سوڭ، پارتيا 19 - قۇرىلتايىنىڭ بايانداماسىن ءتىپتى تەرەڭ ءتۇسىندىم، وتە - موتە، مادەنيەت سەنىمى جونىندەگى تاراۋ تۋرالى تۇسىنىگىم ونان ارى ارتتى. ءبىز ۇلى كۇرەستى، ۇلى ينجەنەريانى جۇرگىزۋدە، ۇلى ءىستى ىلگەرىلەتۋدە، ۇلى ارماندى ورىنداۋدا مادەنيەتتەن قاۋلاعان رۋحاني كۇشتەن ايرىلا المايمىز، ءبىز جۇڭحۋانىڭ تاڭداۋلى ءداستۇرلى مادەنيەتىنىڭ جاسامپازدىقپەن تۇرلەنۋىن، جاسامپازدىقپەن دامۋىن ىلگەرىلەتىپ، سوتسياليستىك وزىق مادەنيەتتى دامىتىپ، جۇڭحۋا ۇلتىنىڭ ۇلى گۇلدەنۋىنە قۇدىرەتتى قوزعاۋشى كۇش قوسۋىمىز كەرەك.
تارباعاتايداعى بولىمشە جينالىس الاڭىندا تارباعاتاي ايماقتىق ساياحات مەكەمەسىنىڭ ورىنباسار باستىعى سۇڭ فاگو باياندامانى مۇقيات تىڭداعان سوڭ بىلاي دەدى: بايانداما جينالىسىنىڭ دەڭگەيى جوعارى، جانعا شابىت بەرەدى، ەرەكشە اسەر الدىم، بۇدان بىلاي ءبىز «تۇنىق سۋ، جاسىل تاۋدىڭ ءوزى باعا جەتپەس بايلىق» ۇستانىمىن مىقتاپ ورناتىپ، تارباعاتايدىڭ تاماشا ەكولوگيالىق بايلىعىنا سۇيەنە وتىرىپ ساياحات ماركاسىن قالىپتاستىرىپ، ساياحات كاسىبىنىڭ زور دامۋى ارقىلى ءتىپتى كوپ ەگىنشى - مالشىنى كىرىستى ارتتىرىپ اۋقاتتانۋعا جەتەكتەيمىز.
19 - قۇرىلتايدىڭ رۋحىن بارشا قاۋىمعا جەتكىزەمىز
اۆتونوميالى رايوندىق ايەلدەر بىرلەستىگى پارتيا باسشىلىق گرۋپپاسىنىڭ شۋجيى حوۋ حانمين بىلاي دەدى: «بايانداما جينالىسىنىڭ نازاريالىق دەڭگەيى جوعارى ءارى جالپى جاعداي كوز اياسى بار؛ تاريحقا تەرەڭ بويلاعان ءارى رەالدىق باعىتتامالىعى كۇشتى، بۇكىل رايونىمىزدىڭ پارتيا 19 - قۇرىلتايىنىڭ رۋحىن ىشكەرىلەي ۇيرەنۋىندە، تۇسىنۋىندە، ۇگىتتەۋىندە، دايەكتىلەندىرۋىندە، تياناقتاندىرۋىندا ماڭىزدى جەتەكشى مانگە يە. الداعى ۋاقىتتا، ءبىز پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، بۇقارالىق ۇيىمداردىڭ بۇقارامەن بايلانىس جاساۋ باسىمدىعىن ساۋلەلەندىرىپ، پارتيا 19 - قۇرىلتايىنىڭ رۋحىن بارلىق قىزمەتىمىزگە ارقاۋ ەتىپ، قالىڭ ايەلدەردى پارتيا 19 - قۇرىلتايىنىڭ رۋحىن ۇيرەنۋگە، ۇگىتتەۋگە، دايەكتىلەندىرۋگە جەتەكتەپ، بارشا قاۋىمعا جەتكىزىپ، شينجياڭنىڭ قوعام ورنىقتىلىعى مەن باياندى تىنىشتىعىنا جەلەكتىلەردىڭ ۇلەسىن قوسامىز».
قۇمىل قالالىق ساياسي كەڭەس كەڭسەسىنىڭ كادرى ۋان جيڭ قۇمىلداعى بولىمشە جينالىس الاڭىندا ۇگىت - لەكسيا بايانداماسىن مۇقيات تىڭداعان سوڭ بىلاي دەدى: شينجياڭدا قىزمەت ىستەپ، تۇرمىس كەشىرگەنىمە 7 جىل بولدى، پارتيا 18 - قۇرىلتايىنان بەرى قۇمىلدا جارىققا شىققان عالامات وزگەرىستەردى ءوز كوزىممەن كوردىم ءارى حالىققا تيىمدىلىك جاساۋ ينجەنەريالارىنىڭ جەتكىزگەن يگىلىگىن جەتە سەزىندىم. مەن اينالامداعى ادامدارعا ىقپال ەتىپ جانە ولاردى جەتەكتەپ، اۋەلگى ماقساتتى ۇمىتپاي، ۇزدىكسىز كۇرەس جاساپ، باي، قۇدىرەتتى، دەموكراتيالى، وركەنيەتتى، جاراسىمدى، كورىكتى شينجياڭ قۇرۋعا ءتيىستى ۇلەسىمدى قوسامىن!
بۇراتالا موڭعۇل اۆتونوميالى وبلىسىنداعى بولىمشە جينالىس الاڭىندا بۇراتالا وبلىستىق پارتكوم پارتيا مەكتەبىنىڭ ۇنەمىلىك ىستەرگە جاۋاپتى ورىنباسار باستىعى، اكىمشىلىك ينستيتۋتتىڭ ورىنباسار باستىعى چىڭ مو بىلاي دەدى: ورتالىق ۇگىت - لەكسيا ۇيىرمەسىنىڭ تەرەڭ دە جۇيەلى ۇگىت - لەكسياسى ءبىزدىڭ پارتيا 19 - قۇرىلتايىنىڭ رۋحىن جەتە ۇيرەنۋىمىزگە، جەتە يگەرۋىمىزگە پايدالى بولدى، مەن ەرەكشە جەلپىنىپ، سەنىمىم ارتتى. ءبىز وقىتۋشىلاردى ورتالىق پارتيا مەكتەبىنە، اۆتونوميالى رايوندىق پارتيا مەكتەبىنە، جۇڭگو حالىق ۋنيۆەرسيتەتىنە بارىپ، پارتيا 19 - قۇرىلتايىنىڭ رۋحىن ارنايى ۇيرەنۋگە ورنالاستىردىق، ارناۋلى تاقىرىپتار بويىنشا ءتۇرلى تىلدەردە ساباق دايىنداپ، الدا ورىستەتىلەتىن ارناۋلى تاربيەگە دايىندىق جاسادىق؛ سونىمەن قاتار وقىتۋشىلاردى نەگىزگى ساتىنىڭ ءبىرىنشى شەبىنە بارىپ لەكسيا جاساۋعا ۇيىمداستىرىپ، پارتيا 19 - قۇرىلتايى رۋحىنىڭ بارشا جۇرتقا جەتۋىنە، ادامداردىڭ ءبارى بىلۋىنە مۇمكىندىك جاسايمىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
