ماڭىزدى ۋاقىت كەزەڭدەرى − قىزمەتىمىزدىڭ كوورديناتاسى
2017.11.10 13:47 كەلۋ قاينارى : شينجياڭ گازەتى
− باس شۋجي شي جينپيڭنىڭ جۇڭگولىق، شەتەلدىك تىلشىلەرمەن كەزدەسكەندەگى ءسوزى جونىندە تولعانىس (1)
تاريحتىڭ جاڭا باستاماسىندا ۋاقىت كەرۋەنى تاعى جول الدى.
پارتيانىڭ 19 - قۇرىلتايى جەڭىسپەن جابىلىپ، جاڭا كەزەكتى «ارمان كومانداسى» ارماندى ورىنداۋ جورىعىنا اتتانىپ، جاڭا ءداۋىردىڭ ايبىندى كارتيناسىن الدىمىزعا جايىپ سالدى.
«جۇڭحۋا ۇلتىنىڭ ۇلى گۇلدەنۋى رەفورما جاساۋ، ەسىك اشۋ بارىسىندا، ءسوز جوق، جۇزەگە اسادى»، «جۇڭگو كوممۋنيستىك پارتياسى جۇڭحۋا ۇلتىنىڭ بولاشاقتىق ۇلى ءىسىن مۇرات تۇتقان، 100 جىل ءدال كەمەلىنە كەلگەن كەزى»، «تاريحتى حالىق جازادى»، «ىرىلىكتىڭ ىرىلىككە ءتان بەينەسى بولۋى كەرەك»، «بىرەۋ مەنىڭ اجارىمدى ماقتاسىن دەپ كۇتپەيمىن، حوش ءيىسىمنىڭ ماڭىما تارالۋىن دىتتەيمىن»... جاڭا كەزەكتى ورتالىق كوميتەت ساياسي بيۋروسىنىڭ تۇراقتى مۇشەلەرى 25 - قازاندا جۇڭگولىق، شەتەلدىك تىلشىلەرمەن كەزدەسكەندە، باس شۋجي شي جينپيڭ پاراساتقا، سۇيىسپەنشىلىككە، سەنىمگە تولى ءسوز سويلەدى. اسقاق تا ايبىندى سوزدەر كۇشتى ۇندەستىك تاۋىپ، كۇرەس جىگەرىن جالىنداتتى.
2018 - جىلى رەفورما جاسالىپ، ەسىك اشىلعاندىعىنىڭ 40 جىلدىعى؛ 2019 - جىلى جاڭا جۇڭگو قۇرىلعاندىعىنىڭ 70 جىلدىعى؛ 2020 - جىلى جاپپاي دوڭگەلەك داۋلەتتى قوعام قۇرىپ شىعامىز، 2021 - جىلى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى... باس شۋجي شي جينپيڭ بىلاي دەپ باسا دارىپتەدى: وسى ماڭىزدى ۋاقىت كەزەڭدەرى ءبىزدىڭ قىزمەتىمىزدىڭ كوورديناتاسى سانالادى. «قوس 100 جىلدىق» كۇرەس نىساناسىنىڭ تاريحي توعىسۋ مەزگىلىندە وسى ۋاقىت كەزەڭدەرى بۇرىنعىعا مۇراگەر، كەيىنگىگە بۇيداگەر بولىپ، بۇرىنعىنىڭ ىزىمەن بولاشاققا جول اشىپ، ءبىزدىڭ 19 - قۇرىلتايدا جوبالاعان جاڭا جورىقتاعى العا باسۋ ريتىمىمىزدى، قىزمەتىمىزدىڭ دەڭگەيىن تۇراقتاندىردى.
تاريح ءورىسىن اشىپ، ۋاقىت كەزەڭدەرىن يگەرىپ، قىزمەت كوورديناتاسىن ورناتتى، باس شۋجي شي جينپيڭنىڭ كورەگەندىگى، سىندارلى شەشىمى، ىسكەرلىگى مەن ۇمتىلعىشتىعى بىزگە تەرەڭ وي سالدى. ۋاقىت كەزەڭدەرىن كوورديناتا ەتىپ، ءار كەزەڭدى قاپىسىز ءتۇيىستىرىپ، ءار كەزەڭدە جەڭىسكە جەتىپ، كەمەنىڭ جەلكەنىن كەڭ جايىپ ورنىقتى تۇردە العا ىلگەرىلەتۋ كەرەك؛ تاريح بەلەسى ارقىلى ۇلى ءىستى جوبالاپ، ءبارىن انىق باعامداپ، العان بەتتەن قايتپاي، بۇلتتاردىڭ بۇركەمەلەۋىنەن قورىقپاي ۇزاققا كوز سالۋ كەرەك. كەزەڭدەردەن وتكەنگە كوز جىبەرسەك، قۇردىمعا كەتۋگە شاق قالعان قاتەرلى جاعدايدا ورنىنان تۇرىپ، «بىرىنشىدەن كەدەي، ەكىنشىدەن اق» سىندى كۇيدەن بايىپ، «جەر بەتىنەن جويىلىپ كەتۋ» حاۋپىندە قالعان جاعدايدا كۇشەيىپ قۇدىرەتتەنۋدى «دۇنيە جولى - كوك تەڭىزدەر ەگىنجايعا وزگەرمەك» دەپ بەينەلەۋگە بولادى. ۋاقىت كەزەڭدەرىنەن بولاشاققا نازار سالساق، جاپپاي دوڭگەلەك داۋلەتتى قوعام قۇرۋ سىندى مىڭ جىلدىق ارمان ورىندالادى، وسىزامانداندىرۋدىڭ 100 جىلدىق نىساناسى الدىن الا جۇزەگە اسىرىلادى، سوتسياليستىك وسىزاماندانعان قۇدىرەتتى ەل قۇرۋ بىزگە قول بۇلعاۋدا، مۇنى ءتىپتى «كۇندەردىڭ ءبىر كۇنىندە داۋىل تۇرىپ، تولقىندى بۇقتىرامىن سوعان ءمىنىپ» دەپ بەينەلەۋگە ابدەن بولادى. وسىلاردىڭ تاريحتىڭ ۋاقىت كەزەڭدەرىنە جازىلىپ، جۇرت جۇرەگىن تەبىرەنتەرىندە، اسىرەسە، جۇرت جىگەرىن جالىنداتا تۇسەتىندىگىندە داۋ جوق.
بولاشاقتىق ۇلى ءىس بىرتىندەپ ىسكە اسادى. 40 جىلدىق تاجىريبەنى قورىتىندىلار بولساق، رەفورمانىڭ تەرەڭ قويناۋىندا كوكتەم لەبى ەسىپ، رەفورما، ەسىك اشۋ ۇدەرىسىندە ۇلتتىڭ گۇلدەنۋىنىڭ نۇرلى بولاشاعى كەستەلەندى؛ 70 جىلدىق كۇرەس ارقىلى بولاشاقتاعى دامۋ جونىندە جاڭا جوبا جاسالدى، ءبىز حالىق رەسپۋبليكاسىن ونان ارى گۇلدەنگەن، باي، قۇدىرەتتى ەل ەتىپ قۇرىپ شىعامىز؛ جاپپاي دوڭگەلەك داۋلەتتى قوعام قۇرىپ شىعۋدا بىردە - ءبىر ادامدى قاعىس قالدىرمايمىز؛ بىرگە اۋقاتتانۋ جولىندا بىردە - ءبىر ادامدى قاتاردان قالدىرمايمىز. ءبىز جۇڭگو حالقىنىڭ تۇرمىسىنىڭ جىلدان - جىلعا اناعۇرلىم جاقسارا بەرۋىنە، ءسوز جوق، مۇمكىندىك جاسايمىز؛ پارتيا قۇرىلعانىنا 100 جىل تولعاندا، كەمەلىنە كەلگەن ۇلى پارتيامىز، ءسوز جوق، جۇڭگونىڭ دامۋىن، العا باسۋىن ىلگەرىلەتەتىن جويقىن كۇش ۇيىستىرىپ، جۇڭگونىڭ وسىزاماندانۋ ۇلى ءىسىن جۇزەگە اسىرادى. ماڭىزدى ۋاقىت تۇيىندەرىن قىزمەتتەردى ىلگەرىلەتۋدىڭ كوورديناتاسى ەتكەندە عانا، ۇساق تابىستاردى كەسەك تابىستارعا اينالدىرىپ، ۇلكەن اۋقىم بارىسىندا ءىرى ىستەر تىندىرۋعا تالپىنا الامىز.
ادام − ۋاقىتتىڭ رولشىسى، ۋاقىتقا ءمان - ماعىنا بەرۋشى دە ادام. ۋاقىت قايدا كەتتى؟ وتكەن 5 جىل قازىرگى تاڭداعى جۇڭگوداعى ۇلى دا تەرەڭ تاريحي وزگەرىستەر مەن جەتىستىكتەرگە جۇمسالدى؛ ۋاقىت جاۋھارى شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن تۇلعالادى. بۇلار بىزگە كەلەسى 5 جىلداعى ىستەردى جاقسى ىستەۋ سەنىمىن، تاعى دا 40 جىل ىستەۋ ارىنىن، تاعى دا 70 جىلدى باسۋ اسقاق سەزىمىن سيلادى. 19 - قۇرىلتايدان 20 - قۇرىلتايعا دەيىنگى 5 جىل دا ماڭىزدى ۋاقىت كەزەڭى، ءبىرىنشى 100 جىلدىق نىسانا جۇزەگە اسىرىلادى، ەكىنشى 100 جىلدىق نىسانا باستالادى. كەزەڭدىك نىساناعا قاراي اتويلاپ، كەلەسى كومبەگە جەتۋگە كۇش جيناپ، داڭق پەن ارماندى تاريحتىڭ تەرەڭ قاتپارىنا جازامىز.
الدىڭعى عاسىردىڭ 20 - جىلدارىندا لۋ شۇن: «ۋاقىتتىڭ ءوتۋى تەك جۇڭگومەن عانا قاتىسسىز بولعانى - اي» دەپ اھ ۇرسا، الدىڭعى عاسىردىڭ 80 - جىلدارىنداعى جازۋشىلار «10 جاس جاسارىپ، زايا كەتكەن ۋاقىتىمىزدى قايتارىپ الساق» دەپ ارمانداپتى. ەندىگارى ءۇنسىز قالۋعا بولمايدى، ەندىگارى قوبالجۋعا بولمايدى، بۇگىنگى جۇڭگو ۋاقىت الدىندا بايسالدى دا سەنىمدى. ۋاقىت كەزەڭدەرىن يگەرىپ، ءبىر ءىس تىندىرىلسا، ەندى ءبىر ىسكە كوشىپ، جىلدان - جىلعا جالعاپ ىستەسەك، ءسوز جوق، ۇلى ارماندى ىسكە اسىرىپ، جۇڭگونىڭ اناعۇرلىم نۇرلى بولاشاعىنا جەتە الامىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
