بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

جۇڭحۋا ۇلتىنىڭ ۇلى گۇلدەنۋىنىڭ كوركەم بولاشاعىن بىرگە اشايىق

2017.11.10 13:47     كەلۋ قاينارى : شينجياڭ گازەتى

  − پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە (10)

  جاڭا داۋىردەگى تىڭ ساپارعا قادام تاستادىق، ۇلى ارمان ءبىزدى كۇرەسكە شاقىرادى؛ جاڭا تاريحي بەلەسكە كوتەرىلدىك، گۇلدەنۋ بولاشاعى ءبىزدى العا باسۋعا ىنتالاندىرادى.

  «جۇڭگو كوممۋنيستەرىنىڭ اۋەلگى ماقساتى مەن بورىشى − جۇڭگو حالقىنىڭ باقىتىن كوزدەۋ، جۇڭحۋا ۇلتىنىڭ گۇلدەنۋىن كوكسەۋ بولدى»؛ جاڭا ءداۋىر − «بارلىق جۇڭحۋا ۇلاندارى ءبىر جاعادان باس، ءبىر جەڭنەن قول شىعارىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن قۇلشىنا جۇزەگە اسىراتىن ءداۋىر»، «ىنتىماقتاسۋعا بولاتىن بارلىق كۇشتەرمەن ىنتىماقتاسىپ، جۇدىرىقتاي جۇمىلىپ، جۇڭحۋا ۇلتىنىڭ ۇلى گۇلدەنۋىنىڭ جارقىن بولاشاعىنا جول تارتايىق»... پارتيانىڭ 19 - قۇرىلتايىنىڭ بايانداماسىندا جۇڭحۋا ۇلتىنىڭ ۇلى گۇلدەنۋىن ىسكە اسىرۋ سانسىز ارداگەردىڭ اسىل تىلەگى، جۇڭگو حالقىنىڭ ۇلى ارمانى، پارتيامىزدىڭ تاريحي بورىشى، جۇڭگوشا سوتسياليزمگە تاباندى بولۋ مەن ونى دامىتۋدىڭ باس مىندەتى رەتىندە دۇركىن - دۇركىن تىلگە الىنىپ، العا باسۋعا ىنتالاندىرۋمەن بىرگە، جۇڭگو كوممۋنيستەرىنىڭ اۋەلگى ماقساتى مەن بورىشى رەتىندە بۇكىل پارتياعا جىگەر بەرىپ، جۇرت كوڭىلىن شابىتتاندىردى. پارتيا 19 - قۇرىلتايىنىڭ رۋحىن ۇيرەنگەندە، دايەكتىلەندىرگەندە، جۇڭحۋا ۇلتىنىڭ ۇلى گۇلدەنۋىن ىسكە اسىرۋ ايبىندى نىساناسىن تەرەڭ يگەرىپ، ميلليارد حالىقتى جۇڭگو ارمانىن جۇمىلا ىسكە اسىرۋعا ۇندەۋ قاجەت.

  جۇڭگوشا سوتسياليزم جاڭا داۋىرگە ءوتتى، ءبىز ۇلتتى گۇلدەندىرۋدىڭ جارقىن بولاشاعىنا ارشىندى قاداممەن تارتىپ بارامىز. ەلىمىز ەكونوميكاسىنىڭ جالپى مولشەرى الەم بويىنشا 2 - ورىنعا كوتەرىلىپ، دۇنيە ءجۇزى ەكونوميكاسىنىڭ وسۋىنە قوسقان ۇلەسى %30تەن، عالامدىق كەدەيلىكپەن كۇرەس ىستەرىنە قوسقان ۇلەسى %70تەن استى... جۇڭحۋا ۇلتىنىڭ ۇلى گۇلدەنۋى «جەلكەنى كورىنگەن» كەمە، شار تاراپقا اق شۋاعىن شاشىپ كەلە جاتقان تاڭعى اراي ىسپەتتى. ءبىز جۇڭحۋا ۇلتىنىڭ ۇلى گۇلدەنۋىن ىسكە اسىرۋ نىساناسىنا تاريحتاعى ءارقانداي كەزەڭدەگىدەن دە جاقىنداي تۇستىك جانە وعان سەنىمىمىز مەن قابىلەتىمىز قاپتال جەتەدى. الايدا بۇل نىسانانىڭ وپ - وڭاي، قۇر ايعايمەن ىسكە اسا قويمايتىنى انىق، بۇكىل پارتيا، ءسوز جوق، اناعۇرلىم اۋىر، اناعۇرلىم جاپالى قۇلشىنىستار جاساۋعا ساقاداي سايلانىپ، ءبىزدىڭ بۋىنعا جۇكتەلگەن جاۋاپكەرشىلىك پەن بورىشتى ورىنداۋى كەرەك.

  نازاريا ارمانعا باعدار سىلتەيدى. جۇڭحۋا ۇلتىنىڭ ۇلى گۇلدەنۋىن ىسكە اسىرۋ ءۇشىن، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتۋ قاجەت. جۇڭگوشا سوتسياليزم نازاريا جۇيەسىنىڭ پارتيا مەن حالىقتىڭ جۇڭحۋا ۇلتىنىڭ ۇلى گۇلدەنۋى ارمانىن ىسكە اسىرۋىنا جەتەكشىلىك ەتەتىن دۇرىس نازاريا ەكەنىن تاريح دالەلدەدى جانە ۇزدىكسىز دالەلدەي بەرەدى. وسى نازاريالىق جۇيەنىڭ ماڭىزدى قۇرامداس بولىگى رەتىندە، شي جينپيڭنىڭ جاڭا داۋىردەگى جۇڭگوشا سوتسياليزم يدەياسى − ماركسيزمنىڭ جۇڭگوشالانۋىنىڭ ەڭ جاڭا جەتىستىگى، پارتيا 19 - قۇرىلتايىنىڭ جان جۇيەسى، بۇكىل پارتيانىڭ، بۇكىل ەل حالقىنىڭ جۇڭحۋا ۇلتىنىڭ ۇلى گۇلدەنۋىن ىسكە اسىرۋ جولىندا كۇرەس جۇرگىزۋىندەگى ارەكەت قىبلاناماسى. پارتيانىڭ جاسامپاز نازارياسىمەن وي - سانامىزدى قارۋلاندىرساق، ءبىز جاڭا داۋىردەگى پارتيانىڭ تاريحي بورىشىن ىسكە اسىرۋ جولىندا اناعۇرلىم سانالى تۇردە ايانباي كۇرەس جۇرگىزەتىن بولامىز.

  «جۇڭگو كوممۋنيستىك پارتياسىنىڭ باسشىلىعى بولماسا، ۇلتتى گۇلدەندىرۋ بوس قيالعا اينالاتىندىعى تابيعي». 96 جىلدان بەرى ارقالاعان تاريحي بورىشتى ورىنداۋ ءۇشىن، پارتيامىز حالىقتى باستاپ جانە ىنتىماقتاستىرىپ، تار جول، تايعاق كەشۋدەن ءوتىپ، وراسان زور قۇرباندىق بەرىپ، تاريحقا التىن ارىپپەن ادىپتەلەتىن سانسىزداعان كەرەمەتتەر جاراتتى. 100 شاقىرىم جولدىڭ 90 شاقىرىمىن باسساڭ دا ءالى جولدامىن دەپ ءبىل دەگەن ءسوز بار، الداعى ساپار مۇنان دا اۋىر بولماق. تاريحتىڭ نازارى تەك تاباندىلارعا، كۇرەسكەرلەرگە، ورشىلدەرگە عانا تۇسەدى، ال ەكى ۇدايىلاردى، سالعىرتتاردى، قورقاقتاردى تاريح كۇتىپ تۇرمايدى. بۇكىل پارتياداعى جولداستار، ءسوز جوق، اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيانىڭ ىنتىماعى مەن بىرلىگىن سانالى تۇردە قورعاپ، پارتيانىڭ مىزعىماس باسشىلىعىمەن جانە تاباندى كۇرەسكەرلىگىمەن جۇڭگو ارمانىن ىسكە اسىرۋعا تەلەگەي - تەڭىز كۇش توپتاۋ كەرەك. بۇكىل پارتياداعى جولداستار، ءسوز جوق، قاجىرلىلىقپەن كۇرەس جۇرگىزۋ، داندايسۋدان، ۇشقالاقتىقتان اۋلاق بولۋ ستيلىن ساقتاپ، ۋاقىت كۇتىپ تۇرمايدى، ۋاقىتتى ۇتايىق دەگەن رۋحپەن جاڭا داۋىردەگى ۇزاق جورىقتى ويداعىداي باسۋعا بار كۇشىن سالۋى كەرەك.

  «جۇڭحۋا ۇلتىنىڭ ۇلى گۇلدەنۋىن ىسكە اسىرۋ − بۇكىل جۇڭگولىقتاردىڭ ورتاق ارمانى». جۇڭگو ارمانى، تۇپتەپ كەلگەندە، حالىقتىڭ ارمانى، ءسوز جوق، حالىققا بەرىك ارقا سۇيەي وتىرىپ ىسكە اسىرۋ كەرەك. پارتيامىز قاشاندا حالىق بۇقاراسىمەن ەتەنە بايلانىستى ساقتاپ، بۇكىل ەلدەگى ءار ۇلت حالقىنىڭ ۇلى ىنتىماعىن بەكەمدەپ، ەل ءىشى - سىرتىنداعى جۇڭحۋا ۇلاندارىنىڭ ۇلى ىنتىماعىن كۇشەيتىپ، ىنتىماقتاسۋعا بولاتىن بارلىق كۇشپەن ىنتىماقتاسسا؛ شياڭگاڭدىق، اۋمىندىق، تايۋاندىق باۋىرلاستاردى قامتىعان بارلىق جۇڭحۋا ۇلانى تاريحتىڭ ۇلى اۋقىمىنا بەيىمدەلىپ، ۇلتتىڭ ۇلى مۇراتىن تەڭ ارقالاپ، «ءبىر ەل، ەكى تۇزىمگە» تاباندى بولىپ، وتاننىڭ بىرلىككە كەلۋىن ىلگەرىلەتىپ، ۇلت تاعدىرىن ءوز قولىنا مىقتاپ ۇستايتىن بولسا؛ قالىڭ جاستار جۇرەكتىلىكپەن ءداۋىر كوشىنىڭ الدىڭعى لەگىندە ءجۇرىپ، جۇڭگو ارمانىن جۇزەگە اسىرۋدىڭ جاندى امالياتىندا جاستىق ارمانىنا قانات جالعاپ، حالىق مۇددەسى جولىندا تىنباي كۇرەس جۇرگىزۋ بارىسىندا ءومىردىڭ اسقاق جىرىن جازاتىن بولسا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى نەشە بۋىننىڭ ۇتىلاي كۇرەس جۇرگىزۋى ارقاسىندا ىسكە اساتىن بولادى.

  ۇلى مۇرات ىسكە اسقاندا، الەم اياسى بارشا حالىققا ورتاق بولادى. جۇڭحۋا ۇلتى − مىڭ ءبىر ازاپتى باستان كەشكەن مويىماس - قاجىماس ۇلى ۇلت، جۇڭگو كوممۋنيستىك پارتياسى − كۇرەس جۇرگىزۋگە، جەڭىسكە جەتۋگە باتىل ۇلى ساياسي پارتيا. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، پارتيا 19 - قۇرىلتايىنىڭ رۋحىن جەتەكشى ەتىپ، ميلليارد حالىقتىڭ تەلەگەي - تەڭىز كۇشىن ءبىر ارناعا توعىستىرىپ، ەرلىكپەن العا ۇمتىلىپ، قاجىرلىلىقپەن ەڭبەك ەتسەك، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى ەرتەرەك ىسكە اساتىن بولادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

مادەنيەت