اۆتونوميالى رايون كەدەن باس مەكەمەسىمەن اڭگىمە ءماجىلىس وتكىزدى
2017.11.10 13:49 كەلۋ قاينارى : شينجياڭ گازەتى
جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىن تىزە قوسا ىلگەرىلەتەيىك
6 - قاراشا تۇستەن كەيىن اۆتونوميالى رايون كەدەن باس مەكەمەسىمەن ۇرىمجىدە جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىن ىلگەرىلەتۋ جونىندە اڭگىمە ءماجىلىس وتكىزدى. كەدەن باس مەكەمەسى پارتيا باسشىلىق گرۋپپاسىنىڭ شۋجي ني يۋەفىڭ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماجىلىسكە قاتىناستى ءارى ءسوز سويلەدى.
شوكىرات زاكىر بىلاي دەدى: مەملەكەتتىك كەدەن باس مەكەمەسى ۇزاق ۋاقىتتان بەرى شينجياڭنىڭ ورنىقتىلىعىن، دامۋىن، شينجياڭنىڭ جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىن قاي - قاشان دا ەستەرىنەن شىعارماي، ءتۇيىندى كورنەكتىلەندىرىپ، دالمە - ءدال كۇش سالىپ، شەكارا ءوڭىردى باسقارۋ - مەڭگەرۋدى كۇشەيتۋ، ۇتىمدى باقىلاۋ - باسقارۋدى نىعايتۋ، شينجياڭنىڭ سىرتقى ساۋداسىنىڭ دامۋىن جەبەۋ سياقتى جاقتاردا پارمەندى ساياساتتىق دەمەۋ كورسەتتى جانە ادام، قازىنا، ماتەريال جاعىنان قولدادى. اسىرەسە، تاياۋ جىلداردان بەرى، كەدەن باس مەكەمەسى شينجياڭنىڭ دامۋى مەن ورنىقتىلىعىن جەبەيتىن 8 ءتۇرلى شارا، شينجياڭنىڭ اشىق ۇلگىدەگى ەكونوميكالىق دامۋىن قولدايتىن 25 ءتۇرلى شارا، جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىن جەبەيتىن 19 ءتۇرلى شارا سياقتى شينجياڭعا پايدالى، شينجياڭعا ءتيىمدى ساياساتتاردى ىركەس - تىركەس شىعاردى. بيىل قىركۇيەكتە كەدەن باس مەكەمەسى اۆتونوميالى رايونمەن جاڭا كەزەكتى سەلبەستىك ەسكەرتپە حاتىنا قول قويىپ، شينجياڭنىڭ جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىن اناعۇرلىم قولدادى جانە ىلگەرىلەتتى. وسى ءبىر قىدىرۋ ناقتى شارالار شينجياڭنىڭ اشىق ۇلگىدەگى ەكونوميكالىق دامۋ دەڭگەيىن جاپپاي كوتەرۋىنە، قوعام ورنىقتىلىعى مەن باياندى تىنىشتىق نەگىزىن بەكەمدەۋىنە ماڭىزدى ۇلەس قوستى.
شوكىرات زاكىر مىنالاردى اتاپ كورسەتتى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ورنىقتىلىق، دامۋ قىزمەتتەرىن ءبىر تۇتاس جوسپارلاپ ىلگەرىلەتتىك، شينجياڭنىڭ قوعامدىق جالپى جاعدايى ءۇرتىس ورنىقتى بولدى، ەكونوميكاسى اقاۋسىز، ورنىقتى ارتتى، حالىق تۇرمىسى ۇزدىكسىز جاقساردى، ءتۇرلى ىستەرى جاڭا ىلگەرىلەۋشىلىكتەرگە قول جەتكىزدى. ءبىز پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، كەلەلى تاريحي ورايدى مىقتى يگەرىپ، جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىن تىڭعىلىقتى ىلگەرىلەتىپ، «ساياساتتى سايكەستىرۋ، قۇرىلعىلاردى تۇتاستىرۋ، ساۋدانى ىركىلىسسىزدەندىرۋ، قارجىنى اينالدىرۋ، حالىق تىلەگىن توعىستىرۋ» تالابى بويىنشا، «ءبىر بەلدەۋ، ءبىر جول» قۇرىلىسىنا شينجياڭنىڭ ۇلەسىن قوسۋعا قۇلشىنىپ، جىبەك جولى بويىنداعى ەلدەردىڭ، وڭىرلەردىڭ جىبەك جولى ەكونوميكالىق بەلدەۋىن بىرگە اقىلداسۋىنا، بىرگە كوركەيتۋىنە، ودان بىرگە يگىلىكتەنۋىنە ماڭىزدى ارنا ازىرلەپ، ماڭىزدى تۇعىر دايىنداپ، شينجياڭنىڭ سىرتقا ەسىك اشۋ ىستەرىندە تىڭ قادام تاستايمىز. كەدەن باس مەكەمەسىنەن جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىن بۇرىنعىداي بارىنشا قولداپ، ءۇرىمجى كەدەنىنىڭ قابىلەت قۇرىلىسىن نازارعا الىپ، شينجياڭنىڭ ورنىقتىلىق قىزمەتىنە دەم بەرۋىن؛ شينجياڭنىڭ اشىق ۇلگىدەگى ەكونوميكالىق دامۋىن نازارعا الىپ، شينجياڭنىڭ ەسىك اشۋ دەڭگەيىن جوعارىلاتۋىنا دەم بەرۋىن؛ اقىل - پاراساتتىق قولداۋدى نازارعا الىپ، شينجياڭنىڭ رەفورماسىنا، جاڭالىق اشۋىنا دەم بەرۋىن ءۇمىت ەتەمىز.
ني يۋەفىڭ اۆتونوميالى رايوندىق پارتكومنىڭ، ۇكىمەتتىڭ كەدەن قىزمەتىنە ۇزاق ۋاقىتتان بەرى وسكەلەڭ ءمان بەرگەندىگىنە جانە بارىنشا قولداۋ كورسەتكەندىگىنە العىس ايتىپ، شينجياڭنىڭ دامۋدا، ورنىقتىلىقتا قول جەتكىزگەن ناتيجەلەرىن تۇراقتاندىراتىندىعىن ءبىلدىردى. ول بىلاي دەدى: شينجياڭنىڭ مەملەكەتتىڭ «ءبىر بەلدەۋ، ءبىر جول» قۇرىلىسىنداعى ورنى مەن رولى اسا ماڭىزدى، كەدەن باس مەكەمەسى شينجياڭنىڭ جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىن ىلگەرىلەتۋىن قولداپ، جالپىلىق مەملەكەت حاۋىپسىزدىگى كوزقاراسىن تياناقتاندىرىپ، كەدەندىك قىزمەت كورسەتۋدى جاپپاي جاقسارتىپ، ساۋدانىڭ ەركىن، قولايلى بولۋ دەڭگەيىن جوعارىلاتىپ، كەدەن باس مەكەمەسى مەن اۆتونومالى رايوننىڭ جاڭا كەزەكتى سەلبەستىك ەسكەرتپە حاتىنداعى ءتۇرلى شارالاردى تياناقتاندىرۋ قىزمەتىن ءتۇيىندى تۇردە ويداعىداي يگەرىپ، شينجياڭنىڭ جاپپاي ەسىك اشۋ جاڭا جۇلگەسىنىڭ قالىپتاسۋىن ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋىنا دەم بەرىپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العاباسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋعا اناعۇرلىم زور ۇلەس قوسۋعا كۇش سالادى.
اۆتونوميالى رايونداعى قاتىستى مەڭگەرمەلەردىڭ، مەكەمەلەردىڭ، تاراۋلاردىڭ جاۋاپتىلارى جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىن ىلگەرىلەتۋدى ارقاۋ ەتىپ، پىكىر اۋىستىردى. كەدەن باس مەكەمەسىنىڭ قاتىستى مەڭگەرمەلەرىنىڭ، مەكەمەلەرىنىڭ، ءۇرىمجى كەدەنىنىڭ جانە اۆتونوميالى رايوننىڭ ءتۇيىندى سىرتقى ساۋدا كاسىپورىندارىنىڭ جاۋاپتىلارى اڭگىمە ماجىلىسكە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
