ەگىن شارۋاشىلىعىنان مول ءونىم الىندى
2017.11.10 16:13
جۋىقتان بەرى تارباعاتاي ايماعىنىڭ جەر-جەرى ءتۇرلى ەگىن شارۋاشىلىق ونىمدەرىن جيناپ الۋ قاربالاستىعىنا ءتۇستى. شاۋەشەك قالاسى قىزاناق پەن جۇگەرىدەن مول ءونىم الدى.
ءتىلشىنىڭ شاۋەشەك قالالىق اۋىل شارۋاشىلىق مەكەمەسىنەن ۇعىسۋىنا قاراعاندا، بيىل اۋىل شارۋاشىلىعى تاراۋلارى ۇتىمدى شارالار ارقىلى شارۋالاردىڭ كۇزگى جيىن-تەرىن قىزمەتىنە كومەكتەسىپ، كۇزگى جيىن-تەرىن قىزمەتىنىڭ حاۋىپسىز ءتارتىپتى ورىستەتىلۋىنە كەپىلدىك ەتكەن. شاۋەشەك قالاسىنىڭ بوزداق ەگىس الاڭى جۇگەرىدەن مول ءونىم الۋمەن بىرگە، اسقاباق، جەر جاڭعاعى سياقتى ەگىس داقىلدارىن ەگىپ، ودان دا مول ءونىم الدى. شاۋەشەك قالاسى بوزداق ەگىس الاڭىنىڭ ەگىنشىسى ۋاڭ دان-ىر: «بيىل 60 مۋ جەرگە جۇگەرى ەگىپ، مۋىنان 1.1 توننا مولشەرىندە ءونىم الىپ، مۋىنان 300 يۋان مولشەرىندە كىرىس ەنگىزدىم، مۋىنا جۇمسالعان 800 يۋان شىعىندى شىعارىپ تاستاعاندا جيىنى 20 مىڭ يۋان كىرىس ەنگىزدىم»، - دەدى. ءبىر ءبولىم ەگىنشىلەر اۋىل شارۋاشىلىعى ماشينالارىنا بەرىلەتىن قوسىمشا قاراجاتتىڭ جەبەۋىندە اۋىل شارۋاشىلىعى ماشينالارىن ساتىپ الىپ، وتباسى كىرىستەرىن ارتتىرىپ اۋقاتتانۋ جولىنا ءتۇستى. شاۋەشەك قالاسى بوزداق ەگىس الاڭىنىڭ ەگىنشىسى حۋ شۋەپيڭ بيىل كوكتەمدە جاڭا تۇرپاتتى ەگىس داقىلىن جينايتىن ۋنيۆەرسالدى اۋىل شارۋاشىلىق ماشيناسىن ساتىپ الىپ، كۇز ماۋسىمى كىرگەننەن بەرى ەگىس داقىلىن جيۋ قاربالاستىعىنا ءتۇستى. ول تىلشىگە: «كۇنىنە 150 مۋ جەردەگى داقىلدى جينايمىن. كەزەكتە جۇگەرى پىسىپ، ءونىم جيۋدىڭ قاۋىرت كەزەڭىنە وتكەندىكتەن، كۇنىنە مولشەرمەن 300 مۋ جەردىڭ جۇگەرىسىن جيناۋدامىن»، - دەدى.
شاۋەشەك قالالىق اۋىل شارۋاشىلىعى مەكەمەسىنىڭ باستىعى شيە جينجۋ: «بيىل قالامىزداعى جۇگەرى ەگىلگەن اۋماق 867 مىڭ 500 مۋعا جەتتى، قازىر 300 مىڭ مۋ جەردىڭ ءونىمى جيىلىپ بولدى. شەكىلدەۋىكتى قاربىز ەگىلگەن جەر اۋماعى 32 مىڭ 100 مۋ بولىپ، % 20 ى جيىلىپ بولدى. قىزاناق ەگىلگەن جەر اۋماعى 12 مىڭ 100 مۋ بولىپ، كەزەكتە % 90 تەن استامى جينالىپ بولدى. ءبىز بيىل جانە اۋىل شارۋاشىلىعى تاراۋلارىمەن سايكەسە وتىرىپ جۇڭگوشا ءدارى ءشوپ ەگۋدى العا قويىپ، 12 مىڭ 100 مۋ جەرگە ءدارى ءشوپ ەگىپ، قازىر 3 مىڭ مۋدان استام جەردىڭ ءدارى ءشوبى جينالىپ بولدى»، - دەدى.
تولى اۋدانىنىڭ اقبەلدەۋ اۋىلىندا جۇگەرى ەگىلگەن جەر كولەمى كەڭەيتىلىپ، مۋ باسىندىق ءونىمى ءبىر مىڭ 200 كيلوگرامنان اينالىپ، وتكەن جىلداعىدان 50 كيلوگرام جوعارىلاپ، تۇگەلدەي ماشينامەن جيۋ العا قويىلعان. اقبەلدەۋ اۋىلى جاڭا ورمان قىستاعىنىڭ ەگىنشىسى چي لياڭ: «بيىل 2 مىڭ مۋ جەرگە جۇگەرى ەكتىم، بۇرىن ۇكىمەت مۋ باسىنا 8 يۋان قوسىمشا قاراجات بەرەتىن ەدى، بيىل مۋىنا 18 يۋان قوسىمشا قاراجات بەرىپ، ەگىمشىلىك كاسىبىمەن شۇعىلدانۋ بەلسەندىلىگىم ارتتى، كەلەسى جىلى ەگىمشىلىك اۋماعىن كەڭەيتپەكشىمىن»، - دەدى.
شيحۋ قالاسى شىچياۋ اۋىلىنىڭ سەكسەۋىلدى قىستاعىنداعى شارۋالار ماقتا تەرۋ جۇمىسىمەن شۇعىلدانىپ، ايتارلىقتاي كىرىس تاپقان. وسى قىستاقتىڭ ەگىنشىسى ياڭ لەي تىلشىگە ماقتا تەرۋ ماشيناسى ارقىلى ءار مۋ جەردەگى ماقتادان 180 يۋان كىرىس تاباتىنىن، كۇنىنە 30 مۋ جەردەگى ماقتانى تەرىپ، 5 مىڭ 400 يۋان كىرىس تاپقانىن، ماقتا تەرۋ ماشيناسىنىڭ باعاسى ءبىر ميلليون 980 مىڭ يۋان بولىپ، مەملەكەت 600 مىڭ يۋان قوسىمشا قاراجات بەرگەنىن، بۇل اقشا ماقتا تەرۋ ماشيناسىنا جۇمسالعان اقشانىڭ 3 تەن ءبىرىن يەلەيتىنىن، مەملەكەتتىڭ اۋىل شارۋاشىلىعى ماشينالارىن ساتىپ الۋعا باعىتتاعان ءتيىمدى ساياساتىنان شىنايى يگىلىكتەنگەنىن ايتتى.
ۇعىسۋعا قاراعاندا، تارباعاتاي ايماعىندا بيىل قاڭتاردان شىلدەگە دەيىن تياناقتانعان ءتۇرلى اۋىل شارۋاشىلىعىنا قاتىستى قارجى ءبىر ميلليارد 100 ميلليون يۋانعا جەتىپ، وسىزاماندانعان اۋىل شارۋاشىلىعىن دامىتۋ، ەكولوگيالىق ورتا مەن جاراتىلىستىق ورماندى قورعاۋ، جوعارى ولشەمدى ەگىس اتىزى قۇرىلىسى، وسى زاماندانعان اۋىل شارۋاشىلىعى قۇرىلعى قۇرىلىسى سياقتىلاردى ءتۇيىندى سۇيەمەلدەگەن. قاڭتاردان شىلدەگە دەيىن استىق، اۋىل شارۋاشىلىعى ماشينالارىن ساتىپ الۋ، جايىلىم ەكولوگياسىن وڭاۋ سياقتى جاقتارعا جيىنى 392 ميلليون يۋان قوسىمشا قارجى تياناقتانعان. وسى ارقىلى الدىنعى جارىم جىلدا تارباعاتاي ايماعىنىڭ ەگىن، ورمان، بالىق شارۋاشىلىعى كاسىپتەرىنىڭ جالپى ءوندىرىس قۇنى 5 ميلليارد 830 ميلليون يۋانعا جەتىپ، % 1 ارتقان. ريزا كامالبەك قىزى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
