جۇڭگو حالقىنىڭ تۇرمىسى، ءسوز جوق، جىلدان - جىلعا جاقسارادى
− باس شۋجي شي جينپيڭنىڭ جۇڭگولىق، شەتەلدىك تىلشىلەرمەن كەزدەسكەندەگى ءسوزى جونىندە تولعانىس (4)
حالىق گازەتىنىڭ شولۋشىسى
2017.11.13 13:59 كەلۋ قاينارى : شينجياڭ گازەتى
حالىق − پارتيامىزدىڭ ءتۇپ نەگىزى جانە قان تامىرى، جۇڭگو كوممۋنيستەرىنىڭ ماڭگى ويلايتىن قاۋىمى.
5 جىلدىڭ الدىندا، ەندى عانا پارتيانىڭ باس شۋجيى بولعان شي جينپيڭ ىقىلاستى تۇردە: «حالىقتىڭ تاماشا ومىرگە تالپىنىسى ءبىزدىڭ كۇرەس نىسانامىز»، - دەگەن بولاتىن، كەزەكتە جۇرت جۇرەگىن جىلىتقان وسى تۇجىرىم پارتيا 19 - قۇرىلتايىنىڭ بايانداماسىنا ەنگىزىلدى. 25 - قاراشادا جۇڭگولىق، شەتەلدىك تىلشىلەرمەن كەزدەسكەندە، باس شۋجي شي جينپيڭ 2020 - جىلى جاپپاي دوڭگەلەك داۋلەتتى قوعام قۇرىپ شىعۋدى كوورديناتتا ەتىپ: «مەن جۇڭگو حالقىنىڭ تۇرمىسى، ءسوز جوق، جىلدان - جىلعا جاقسارا بەرەتىندىگىنە كامىل سەنەمىن»، - دەگەندى قايتالاي دارىپتەدى. 5 جىل ۇدەرە العا باسقان جۇڭگو دامۋدا جاڭا تاريحى بەلەسكە جەتتى، بيلىك باسىنداعى پارتيا جونىنەن العاندا، «حالىقتى وزەك ەتۋ ءالى دە ەڭ ءتۇبىرلى يدەيا»، «حالىقتىڭ تاماشا تۇرمىسى − قاي - قاشان دا ەڭ ماڭداي الدى نىسانا» بولىپ تابىلادى.
وزگەرمەس اۋەلگى ماقسات جۇڭگونىڭ بايتاق دالاسىنا جازىلدى. باس شۋجي شي جينپيڭ ءوزىنىڭ زيالى جاس بولىپ تومەنگە تۇسكەن كەزدە تۇرعان شانشي لياڭجياحى قىستاعىنىڭ وزگەرىسىن تەرەڭ سەزىممەن: سول كەزدە بىرنەشە اي بويى ءتۇيىر ەت جەي المايتىن ەدىك، قازىر اۋىلداستار كەرپىش ۇيدە تۇراتىن، ينتەرنەتتەن پايدالانا الاتىن بولدى، - دەپ بەينەلەدى. باتىس بولىكتەگى وسى كىشكەنە قىستاقتىڭ وزگەرىسى قازىرگى زامانعى جۇڭگونىڭ الەمدى جالت قاراتقان تاريحي تابىستارىنىڭ شاعىن كورىنىسى ىسپەتتى. كوكتەم مەرەكەسى قارساڭىندا ۇيلەرىنە قايتقاندا دا «دۇنيە جۇزىندەگى ەڭ كولەمدى حالىق كوشىن» قالىپتاستىرا الاتىن وسىنداي دامۋ ۇستىندەگى ءىرى ەلدە، جۇڭگو كوممۋنيستىك پارتياسى ءبىر ميلليارد 300 ميلليوننان استام حالىقتى «بىردە - ءبىرىن قاعىس قالدىرماي» تۇگەلدەي جاپپاي دوڭگەلەك داۋلەتتىلىككە جەتكىزىپ، مىڭ جىلدىق ارماندى شۇعىلالى رەالدىققا اينالدىرۋ جونىندە ۋادە بەردى، بۇل ادامزات تاريحىندا ەجەلدەن كورىلمەگەن ۇلى ءىس. وسى بۇلجىماس اۋەلگى ماقسات پەن بورىش پارتيامىزدى باستان - اياق «جۇڭگو حالقىنىڭ باقىتىن كوزدەۋگە، جۇڭحۋا ۇلتىنىڭ گۇلدەنۋىن كوزدەۋگە» شابىتتاندىردى؛ حالىققا دەگەن وسى تەرەڭ سۇيىسپەنشىلىك كوممۋنيستىك پارتيا بيلىك جۇرگىزگەن جۇڭگودا حالىق تۇرمىسىنىڭ «بارعان سايىن جاقساراتىندىعىنا» ءبىزدى كامىل سەندىردى.
رەالدىق ەڭ تاماشا ۇستاز. پارتيا 19 - قۇرىلتايىنىڭ اشىلۋ قارساڭىندا، ا ق ش پەن ۇلى بريتانيا بىرلەسىپ جاساعان «جۇڭگو: شي جينپيڭ ءداۋىرى» اتتى حۇجاتتى فيلمى قويىلا سالىسىمەن كۇشتى اڭىس قوزعادى. 37 مەملەكەت پەن وڭىردە جيى قويىلعان بۇل حۇجاتتى فيلم شي جينپيڭ باسشىلىعىنداعى 5 جىلدا قاراپايىم بۇقارانىڭ تاعدىرىندا تۋىلعان وزگەرىستەرگە تۇسىنىك جاسادى، ءبىرىنشى سەرياسىنىڭ اتى «حالىققا سۇيىسپەنشىلىك». 5 جىلدىق مەملەكەتتى كوركەيتۋ جولىنداعى قۇلشىنىس لياڭجياحىدان شىققان الىپ ەلدىڭ كوسەمىنىڭ نەگىزگى ساتىدا 50 رەت، 151 كۇن قىزمەت تەكسەرىپ، تەكسەرۋ - زەرتتەۋ جۇرگىزىپ، قيىنشىلىقتاردى سۇراپ، حالىق ۇنىنە تىڭداپ، ناعىز كەدەيلەرمەن سۇحباتتاسىپ، ءادىس - امال قاراستىرىپ، «حالىق ءۇشىن قىزمەت ىستەۋ، ارقالاۋعا ءتيىستى جاۋاپكەرشىلىكتى باتىلدىقپەن ارقالاۋداي» بيلىك جۇرگىزۋ ۇستانىمىن جاندى ايگىلەدى. «ءبىر مينۋتتا 20 نەشە ادامدى كەدەيلىكتەن قۇتىلدىرۋداي» تاريحي مۇعجيزا، تىڭنان ارتقان جۇمىستانعاندار سانىنىڭ ۇلى بريتانيانىڭ جان سانىمەن تەڭ بولۋى، دۇنيە جۇزىندەگى ەڭ ۇلكەن قوعامدىق قامتاماسىزداندىرۋ جۇيەسى، قالا، اۋىل تۇرعىندار كىرىسىنىڭ ەكونوميكالىق ارتۋ قارقىنىن باسىپ وزۋى... 5 جىلدىق دامۋداعى ەڭ تەرەڭ وزگەرىس حالىقتا بەينەلەندى، ەڭ ناقتى جەتىستىكتەردەن حالىق يگىلىكتەندى، قازىرگى زامانعى جۇڭگو كوممۋنيستەرى بۇكىل ەل حالقىنا بەرگەن ۋادەسىن ورىندادى.
بۇگىنگى جۇڭگو جاڭا ءداۋىردىڭ قاقپاسىن اشتى. «بۇل بۇكىل ەلدەگى ءار ۇلت حالقى ىنتىماقتاستا كۇرەس جۇرگىزەتىن، ۇزدىكسىز تاماشا تۇرمىس جاراتاتىن، جالپى حالىقتىڭ بىرگە اۋقاتتانۋىن بىرتىندەپ جۇزەگە اسىراتىن ءداۋىر». بۇل پارتيا 19 - قۇرىلتايىنىڭ بايانداماسىندا جاڭا داۋىرگە بەرىلگەن انىقتامانىڭ ءبىرى ەدى. ول ادامدارعا جاڭا ءداۋىردىڭ قۇندىق تالپىنىسىن كورسەتتى، ونان دا ماڭىزدىسى، ادامدارعا جاڭا ساپاردىڭ مىندەتىنىڭ اۋىر، جولىنىڭ ۇزاق ەكەندىگىن سەزىندىردى. بۇگىنگى جۇڭگو «دامۋدىڭ بىركەلكى، تولىق بولماۋى» ارقىلى «حالىقتىڭ كۇن سايىن ارتىپ وتىرعان تاماشا تۇرمىس قاجەتىن» قاناعاتتاندىرماق، مۇنداعى پارىق كوممۋنيستەردىڭ تاقىرىپتىڭ ءتۇيىنىن اشقاندىعى بولدى. قوعامداعى باستى قايشىلىقتىڭ وزگەرىسى جالپى جاعدايعا قاتىستى تاريحي وزگەرىس، ويتكەنى وندا سان مىڭداعان حالىقتىڭ ەكونوميكا، ساياسي، مادەنيەت، قوعام، ەكولوگيا سىندى جاقتارداعى تىلەگى قامتىلعان، ءتىپتى، كوممۋنيستەردىڭ ادامداردىڭ جاپپاي دامۋىن جانە قوعامنىڭ جاپپاي العا باسۋىن ىلگەرىلەتەتىن ۇلى ماقساتى قامتىلعان. حالىقتىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيۋ بارىسىندا جالپى حالىقتىڭ بىرگە اۋقاتتانۋىن ۇزدىكسىز ىلگەرىلەتۋ بارىسىندا، جۇڭگو حالقىنىڭ تۇرمىسى، ءسوز جوق، جىلدان - جىلعا جاقسارا بەرەدى.
100 جىلدىڭ الدىندا 8 ەلدىڭ بىرلەسكەن ارمياسىنداعى ءبىر گەرمانيالىق وفيتسەر ەستەلىگىنە «19 - عاسىرداعى جۇڭگولىقتاردىڭ تاعدىرى وتە ايانىشتى بولدى» دەپ جازادى. ورنىنان تۇرۋدان، اۋقاتتانۋدان قۇدىرەتتەنۋگە دەيىن، بۇگىنگى جۇڭگو ۇلتتىڭ ۇلى گۇلدەنۋىنە تاريحتاعى ءارقانداي كەزدەگىدەن دە اناعۇرلىم جاقىنداي ءتۇستى؛ بۇگىنگى جۇڭگولىقتار وسى ۇلى ءىستى ورىنداۋعا تاريحتاعى ءارقانداي كەزدەگىدەن دە اناعۇرلىم سەنىمدى جانە قۋاتتى بولۋعا ءتيىس. حالىقپەن ماڭگى تىنىستاس، تاعدىرلاس، تىلەكتەس بولساق، ءبىز، ءسوز جوق، جۇڭگو حالقىنىڭ ۇلى ارمانى تيەلگەن الىپ كەمە تولقىن جارا العا تارتىپ، شۇعىلالى جاعاعا جەڭىسپەن جول الۋىنا جەتەكشىلىك ەتە الاتىن بولامىز.
(شينحۋا اگەنتتىگىنىڭ 10 - قاراشادا بەيجيڭنەن بەرگەن حابارى)
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
