شي جينپيڭ رەسەيدىڭ زۇڭتۇڭى پۋتينمەن كەزدەستى
2017.11.13 14:08 كەلۋ قاينارى : شينجياڭ گازەتى
شينحۋا اگەنتتىگىنىڭ 10 - قاراشادا ۆيەتنامنىڭ داناڭ قالاسىنان بەرگەن حابارى. مەملەكەت ءتوراعاسى شي جينپيڭ 10 - قاراشادا ۆيەتنامنىڭ داناڭ قالاسىندا رەسەيدىڭ زۇڭتۇڭى پۋتينمەن كەزدەستى.
شي جينپيڭ مىنالاردى اتاپ كورسەتتى: زۇڭتۇڭ مىرزامەن تالاي رەت كەڭەس وتكىزىپ، جۇڭگو - رەسەي قاتىناسىنىڭ جوعارى دەڭگەيدە بولاشاققا نىق قادام تاستاۋىنا جەتەكشىلىك ەتىپ، قۋانارلىق ناتيجەلەرگە قول جەتكىزدىك. تاراپتار ءبىر - ءبىرىنىڭ ءوز ەلىنىڭ وزەكتى مۇددەسىن قورعاۋىن باتىل قولداپ، ءوزارا ساياسي سەنىمدى ونان ارى بەكەمدەدى، ءبىر - بىرىنە سەنىم ارتاتىن ناعىز ستراتەگيالىق سەرىكتەرگە اينالدى. جۇڭگو مەن رەسەيدىڭ ناقتى ىنتىماقتاستىعىندا تاعى دا سۇبەلى ناتيجەگە قول جەتىپ، گۋمانيتارلىق اۋىس - كۇيىسى قارىشتاپ دامىپ، حالىقارالىق ىستەردە ءونىمدى سەلبەستىكتى كۇشەيتتى. جۇڭگو مەن رەسەيدىڭ ورناتقان جانە دامىتقان جاپپاي ستراتەگيالىق سەلبەستىك سەرىكتەستىك قاتىناسى ءوزارا قۇرمەت ەتەتىن، ءادىل، تۋراشىل، ىنتىماقتاسىپ تەڭ يگىلىككە كەنەلەتىن جاڭاشا حالىقارالىق قاتىناستىڭ ۇلگىسى بولدى. جۇڭگو رەسەيمەن بىرگە ەكى ەل قاتىناسىنىڭ جوعارى دەڭگەيدە دامۋىن بۇلجىماي ىلگەرىلەتىپ، ءوز ەلدەرىنىڭ مەملەكەت حاۋىپسىزدىگى مەن دامۋىن ويداعىداي جەبەپ، ءوڭىردىڭ، سونداي - اق دۇنيە ءجۇزىنىڭ بەيبىتشىلىگى مەن ورنىقتىلىعىن اناعۇرلىم ويداعىداي قورعاۋعا تىزە قوسا قۇلشىنۋدى قالايدى.
شي جينپيڭ مىنالاردى باسا دارىپتەدى: قازىر جۇڭگوشا سوتسياليزم جاڭا داۋىرگە ءوتتى. رەسەي مەملەكەتتى قۇدىرەتتەندىرۋ، حالىقتى اۋقاتتاندىرۋ سىندى دامۋ جولىمەن ورنىقتى ىلگەرىلەۋدە. ەكى ەلدىڭ دامۋى شەشۋشى مەزگىلگە وتكەن تۇستا، جۇڭگو - رەسەي قاتىناسى دا دامۋدىڭ جاڭا ورايىنا يە بولدى. تاراپتار ءبىرىن - ءبىرى قولداۋ سەرپىنىن ۇزبەي ارتتىرىپ، جان - جاقتى ىنتىماقتاستىقتى كۇشەيتۋى كەرەك. ەكى جاقتى ساۋدانىڭ كولەمى مەن ساپاسىن تەڭ ءوسىرىپ، ەنەرگيا، قارجى قوسۋ، جوعارى تەحنيكا، اۆياتسيا، عارىش، نەگىزدىك قۇرىلعىلار سياقتى سالالارداعى ءىرى نىسانداردى ويداعىداي تياناقتاندىرىپ، «ءبىر بەلدەۋ، ءبىر جول» قۇرىلىسى مەن ەۆرو - ازيا ەكونوميكالىق وداعىن توعىستىرۋدا ماندىك ناتيجەلەرگە قول جەتكىزۋدى ىلگەرىلەتىپ، جاڭا مەملەكەت تاقىرىپتىق جىلى قيمىلىن ويداعىداي جوبالاۋ جانە اتقارۋ قاجەت. حالىقارالىق جانە وڭىرلىك قولامتالى ماسەلەلەردە كەڭەسۋدى كۇشەيتىپ، ب م ۇ، شاڭحاي ىنتىماقتاستىق ۇيىمى، بريكس ەلدەرى قاتارلى كوپ جاقتى جۇلگە اياسىندا سايكەسۋ مەن سەلبەسۋدى كۇشەيتۋ ءتيىس.
شي جينپيڭ مىنالاردى اتاپ كورسەتتى: ازيا - تىنىق مۇحيت ەكونوميكالىق ىنتىماقتاستىق ۇيىمى ازيا - تىنىق مۇحيت وڭىرىندەگى ەڭ ماڭىزدى ەكونوميكالىق ىنتىماقتاستىق مەحانيزمى. جۇڭگو رەسەيمەن بىرگە ازيا - تىنىق مۇحيت ەكونوميكالىق ىنتىماقتاستىق ۇيىمى اياسىندا كەڭەسۋ مەن سەلبەسۋدى كۇشەيتىپ، ازيا - تىنىق مۇحيت ەركىن ساۋدا رايونى قۇرىلىسىن ىلگەرىلەتۋدە ،ءوزارا توعىسۋدا، ءوزارا بايلانىس جاساۋدا، رەفورما جاساپ، جاڭالىق اشۋدا تىڭ ىلگەرىلەۋشىلىككە قول جەتكىزىپ، اشىق ەكونوميكانى جەدەل تۇلعالاۋدى قالايدى.
شي جينپيڭ پۋتينگە ج ك پ 19 - قۇرىلتايىنىڭ قاتىستى جاعدايلارىن تانىستىرا كەلىپ، جۇڭگو ديپلوماتياسىنىڭ نىساناسى − ءوزارا قۇرمەت ەتەتىن، ءادىل، تۋراشىل، سەلبەسىپ تەڭ يگىلىككە كەنەلەتىن حالىقارالىق جاڭاشا قاتىناس ورناتۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋ ەكەنىن باسا دارىپتەدى.
پۋتين ج ك پ 19 - قۇرىلتايىنىڭ جەڭىسپەن جابىلعانىن، شي جينپيڭنىڭ ج ك پ ورتالىق كوميتەتىنىڭ باس شۋجيى بولىپ قايتا سايلانعانىن قۇتتىقتاي كەلىپ بىلاي دەدى: پارتيا 19 - قۇرىلتايىنىڭ كەلەلى تابىسى ءتوراعا شي جينپيڭ باسشىلىق ەتكەن جۇڭگونىڭ ىشكى - سىرتقى ساياساتىنىڭ جۇڭگو حالقىنىڭ كەڭ كولەمدە قولداۋىنا يە بولعانىن دالەلدەدى. رەسەي جاق رەسەي مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قاتىناسىن دامىتۋدى قاشاندا سىرتقى ساياساتتىڭ باسىم باعىتى ەتەدى. ءتوراعا شي جينپيڭنىڭ بيىل جازدا رەسەيدەگى ءساتتى ساپارىنىڭ ەكى ەلدىڭ ءتۇرلى سالاداعى قاتىناسىندا بەلسەندى ىلگەرىلەۋشىلىككە قول جەتۋىن ىلگەرىلەتكەنىنە توتەنشە قۋانامىن. تاراپتار ءتوراعا شي جينپيڭمەن بىرگە كەلىسكەن ماڭىزدى تانىمدارىمىزدى ويداعىداي تياناقتاندىرىپ، جوعارى جىكتەگىلەردىڭ بارىس - كەلىسىن جيىلەتىپ، ەكونوميكا - ساۋدا، ەنەرگيا، اۋىل شارۋاشىلىعى، نەگىزدىك قۇرىلعىلار، اۆياتسيا، جاساۋ كاسىبى، عارىش سياقتى سالالاردا ىنتىماقتاستىقتى تەرەڭدەتىپ، گۋمانيتارلىق اۋىس - كۇيىستى كەڭەيتۋ كەرەك. رەسەي جۇڭگومەن بىرگە حالىقارالىق، وڭىرلىك ىستەردەگى ىنتىماقتاستىقتى كۇشەيتىپ، ازيا - تىنىق مۇحيت ەكونوميكالىق ىنتىماقتاستىق ۇيىمى سياقتى كوپ جاقتى قۇرىلىم اياسىندا كەڭەسۋ مەن سايكەسۋدى كۇشەيتىپ، ازيا - تىنىق مۇحيت ەركىن ساۋدا رايونى قۇرىلىسىن ىلگەرىلەتۋدى قالايدى.
شي جينپيڭ مەن پۋتين كورەي تۇبەگىنىڭ جاعدايى سياقتى ورتاق كوڭىل ءبولىپ وتىرعان ماسەلەلەر جونىندە دە ىشكەرىلەي پىكىرلەستى.
ديڭ شۋەشياڭ، ليۋ حى، ياڭ جيەچى قاتارلىلار كەزدەسۋدە بىرگە بولدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
